منتديات قصايد ليل - عرض مشاركة واحدة

03-12-2011

ام خالد:الا قولي مساء الخير اي صباح،الحين الساعه11،،
اميره:وش نقوم نزين من صباح الله لدراسه ولاشي،،
هدى:السلام عليكم،،
اميره وام خالد:وعليكم السلام،،
هدى:راح عزام للمدرسه،،
ام خالد:ايه راح،،
اميره:ولدك وماتدرين عنه،امحق ام،
هدى:وش اسوي مانمت الا متأخره امس،،
ام خالد:وش مسهرك،
هدى:هه بس راسي يوجعني واحس بدوخه،،
ام خالد:يوه اكيد حامل يابنتي،،
اميره:قلللللللللللللللللللللللييي مبروك،،
هدى:وش حامل وش تزغردين لا انا ماحملت،،
ام خالد:لازم يابنتي تروحين للمستشفى تكشفين يمكن حامل،،
هدى:لا ياخاله ماحملت انا ادري،،
اميره:فيه احد مايبي الحمل،،
هدى:علمي نفسك،،
ام خالد:خلاص اسكتو اللي يجي من الله حياه الله،،

سالم:السلام عليكم،،
خالد:وعليكم السلام،سالم من اللي امرك انك تلغي العقد من الشركه،،
سالم:طيب ماتطلب لي قهوه،،
خالد:على امرك،،
سالم:انا ماارتحت من البدايه مع هل شركه علشان كذا الغيت العقد،،
خالد:وهو على كيفك،وقبل ماتسوي اي شي لأزم تأخذ رايي ياسالم،،
سالم:ان شاءالله ماراح يصير الا اللي يرضيك،،
خالد:قم رح لمكتبك،،
سالم:على امرك،،

ليلى:حصه شخبارك،،
حصه:هلاليلى الحمدلله بخير،شخبارك انتي،،
ليلى:طيبه،وش قاعده تزينين،،
حصه:خلصت المحاضرات جلست احتري السواق والأخ عزام،،
ليلى:خلاص الحين يجي سالم يأخذني تعالي معنا،،
حصه:لاان شاءالله والسواق وش حضرته،،
سهام:هااااااااااي صبايا،،
حصه:انا ابروح،،
ليلى:تو الناس ماجى السائق،،
سهام:اذا حضرت الملائكه ذهبت الشياطين،،
حصه:وانتي الصادقه بس اعكسيها،،
سهام:وش قصدك،،
حصه:اقول ليلى انصحك ماتقعدين معها تراها خربانه وبتخربك معها،،
سهام:والله انتي الخربانه،،
ليلى:اووووه خلاص حصه روحي،،

وليد:عزام وش قاعد تزين،،
عزام:زي العاده جالس احتري السائق،،وانت
وليد:جالس احتري ابوي يجي،وش كان يبي منك عبدالأله اليوم،،
عزام:بطنك يوجعك صح،،
وليد:انا صديقك عادي مجرد سواليف،،
عزام:كان يقول ليه ماترد ع مكالمات ورسائل ياسر،،
وليد:لايكون ياسر ذاك اللي يجي بالأستراحه،،
عزام:وفيه غيره ذاك النشبه،،
وليد:من اللي معطيه رقمك،
عزام:عبدالأله الحيوان،
وليد:طيب هو وش يبي منك،،
عزام:انا ادري ازعجني برسائله الحن في الأستراحه تعال ولا مشتاق لك،،
وليد:متى راسل لك يقول تعال الحن في الأستراحه،،
عزام:ذاك اليوم اول ماجى لمنا فيها يوم جاء بعد صلاة العشاء ارسل،،
وليد:غريبه،
عزام:وش الغريب،،
وليد:اصلآ ذاك اليوم يوم صلينا المغرب الكل راح لبيتهم حتى ياسر،
عزام:اجل ليه يقول تعال الحن فيها،،
وليد:يمكن يبي يلعب عليك،،
عزام:ياالله مع السلامه السواق جاء،
وليد:ابتجي للأستراحه،،
عزام:اذا كان ياسر موب فيه علمني اجي،،

،،في بيت ابوخالد،،
ام خالد:خل اقوم اجهز السفره،،
هدى:اصبري خاله لين تقضي المسلسل ونجهزها كلنا،،
ام خالد:لو ابقعد لين تقضي ابتجي بعدها مسلسل ثاني وبتناظرونها،،
اميره:لا يمه بس هل مسلسل والحين ابتقضي،،
ابوخالد:اقعدي يابنت الحلال الغدا موب طاير اصبري لين يجون العيلان،،
ام خالد:ان شاء الله،،

حصه:ليلى تبين شي انا رايحه،،
ليلى:سلأمتك،،

حصه:راجو ليه تأخرتا،،
راجو:ماما انا في شغل واجدكتير،،
حصه:لاتقول ماما شايفني عجوز،،
عزام:الله انتي امه والحن ماندري،،
حصه:اقول خلك ساكت احسلك.وانت ياراجو إذا في قول مره ثانيه ماما انا في اذبح انتا،،
راجو:ان شاء الله ماما،،
حصه:انا اشفي قول يبي من يرزحك بالكعب مع راسك،،
راجو:شنو قول،
حصه:قول خلك في طريق احسن لك،،

،،في البيت،،
خالد:السلام عليكم،،
الكل:وعليكم السلام،،
اميره:خل ادق على حصه اشوف وش اخرهم لهل حزه،،

حصه:الوو حصوص تتكلم،،
اميره:ليه تأخرتوا،،
حصه:زحمه الطريق نصف ساعه ونجي،،
اميره:مع السلامه،،
حصه:مع السلامه،،

ام خالد:وينهم فيه،،
اميره:تقول قريبين،،
هدى:قومي اميره نجهزالغدا،
اميره:ياالله،،

فهد:السلام عليكم،،
الكل:وعليكم السلام،،
فهد:يمه يبه ترا ابسافر بعدباكر،،
ابوخالد:بهل سرعه،،
فهد:وش اسوي شغل،
ام خالد:الله يحفظك،،
خالد:وش السالفه وين بتروح له،
فهد:الكويت عندي شغل،
خالد:تروح وترجع بالسلامه،
فهد:الله يسلمك،،

حصه وعزام:هااااي،
فهد:الناس يقولون السلام عليكم موب هاي،،
عزام:يوه شكلك فاضي خل اروح اغير ملابسي،،
حصه:وانا بعد،.
فهد:عزاموه استح تكلم عمك كذا،،
عزام مطنش ويغني:شخبط شخابيط لخب....
فهد يقلد صوته:شخبط في وجهك ان شاءالله،،

اميره:جو حصه وعزام،،
فهد:ايه ماتسمعين صجتهم،،
اميره:ياالله اجل تعالوا تغدو،،

،،،على الغداء،،،
ام خالد:ترانا معزومين اليوم على عرس يابنات تلحقوني،،
اميره:انا ابروح من زمان مارحت لعروس،،
حصه:وانا بعد ابروح،،
هدى:الله عرس ابروح معكم،،
حصه:انتي وش دخلك ماانعزمتي،،
ام خالد:الا معزومه مروحين لها بطاقه،
هدى:حررررررررره موتي قهر،،
حصه:اكيد غلطانين،،
هدى:كلن يشوف الناس بعين طبعه،،

،،في بيت اهل هدى،،
سالم:ليلى وش مسويه ويا الجامعه،،
ليلى:ان شاء الله زينه،،
ناديه:لاتخاف اختك دافوره تصم الكتاب صم،،
سالم:قولي ماشاء الله بعدين تصكينها بعين،،
ليلى:اليوم جلست مع حصه العالي بس جت وحده اسمها ابتسام وقامت حصه ماقعدت معها وكل وحده ذبت على الثانيه كلمه وعه،وقالت حصه قبل ماتروح لي انصحك ماتقعدين معها لأنها خربانه،،
ناديه:وانتي ماعليك من حصه اكيد ماتبيك تمشين معها الا عشانها متهاوشه وياها،،
ليلى:بس شكل حصه صادقه،،
سالم:الحمدلله،
ناديه:توك ماكلتا شي،،
سالم:لاوالله شبعت،تبون شي قبل مااروح انام،
ليلى:سلامتك،
سالم:اجل اذا اذن العصر قوموني،،
الكل:ان شاءالله،،

حصه:اقول اميره وش رايك نروح نتمشى شوي باالحديقه،،
اميره:يالله قومي،،
،،طلعو برا وجلسوا ع الكراسي،،
اميره:شفتي الحن عندنا حديقه كبيره ومانجلس فيها وفيه ناس يتمنونها،،
حصه:واما بنعمة ربك فحدث،
اميره:اول مره اسمع كلمه سنعه منك،،
حصه:وراه وش شايفتني خبله،،
اميره تتغطى بطرحتها:راجو مفروض اذا شفتنا ماتجي،،
راجو:انا اسف ماما مافي شوف انتي،،
حصه:هذا اللي مايفهم انا كم مره قلت لاتقول ماما،يالله روح لااعلم بابا عليك،،
راجو:خلاص ماما انا في روح،،