منتديات قصايد ليل - عرض مشاركة واحدة

03-12-2011

هدى:ههه اقول عزام اسكت اذا تكلموا الكبار يسكتون الصغار،،

حصه: وش جاك خليه يسولف،،

اميره:هاهاهاهاهاهاها

هدى:عزام قم لغرفك،،

عزام:ااوووه الواحد مايسولف في هل بيت هواش في هواش،،

خلصوا من الغدا والكل راح لغرفته يأخذ قيلوله،،،

هدى جلست جلد في عزام علشانه تكلم وفضحها،،

ام خالد وابوخالد خذو قيلوله

حصه واميره نامن لانهن تعبانات من قامن وهن يعاونن امهن،،

في بيت سالم اهل هدى
سالم:اليوم الغدا متغير طعمه شكله موب طبخ بيت
ناديه:شكلك شبعان وماتدري وش تقول

سالم:حاس قلبي والطعم موب طعم اكل بيت والله العالم انكم جايبينه من برا،،

ناديه انا ماادري عن شي اسأل ليلى عليها الغدا اليوم،،

ليلى:كذابه اصلآ جالسه هي وهدى يسولفون قالت ناديه بنجيب غدا من المطعم بدون مايدري سالم،،

ناديه:انا قايلته ياكذابه

ليلى:ايه حتى ماخذه ٥٠٠ من هدى علشان تطلب من المطعم

ناديه:صدقني ياسالم انها تكذب يوم فضحتها ورطتني وانا اختها الكبيره وكذبت،عقلها عشان ماتكذب عليك مره ثانيه،،

وجاب سالم الخيزرانه وقعد يجلد في ليلى وتصيح وتقول والله انها تكذب صدقني وهو يجلد فيها ويمعط شعرها ويرجفها،،

ناديه نحاشت لغرفتها وقفلت عليها الباب علشان مايجيها شي

في بيت ابوخالد
بعدصلاة العصر الكل جالس يتقهو
قالت ام خالد:هدى عشينا اليوم ودي اذوق طبخك يابنيتي
هدى وهي مايله بخشتها:ان شاء الله ياخاله،،

اميره وحصه يناظرن بعضهن ووجيهم فيها علأمة!

نزل عزام:تبون شي قبل مااطلع

حصه:ياعيني ع الكبير
عزام:انا ماسألتك

اميره:لاتتأخر لأن اليوم ست الحسن والجمال امك المدام هدى بتصلح العشاء،،

هدى:افهم هذا يااميره انه تطنيز
اميره:ان مدحناك زعلتي وان سبيناك زعلتي،،

عزام:اليوم وشو
حصه:الخميس
عزام:متأكدين
ام خالد:اكيد وراه وش عندك
عزام:لابس خفت يكون الجمعه وتقيم القيامه،،

اميره:وش ذا الكلام
حصه:اكيد محلم

عزام:لابس امي بتصلح العشاء لااكيد فيها شي يمكن ماتدل المطبخ دلوها يابنات،،

حصه:اكيد حرارتها مرتفعه خل نقوسها،،

هدى:اوه وخري عني
خالد:سبحان الله هل بيت ماينعرف افعل خير تلقى شر،،

ابوخالد:نوره وين فهد

ام خالد:راح يقول عنده شغل

ابوخالد:الله يحفظه هل ولد كأنه موب ساكن معنا،،
رن جوال هدى اخذته وقامت
العنود:هلاوالله وغلا بالقاطعه هدى،،
هدى:من معي
العنود:وش دعوه ماعرفتيني
هدى:الصوت موب غريب
العنود:اانا
هدى:ايه عرفتك العنود
العنود:ايه توك تذكريني ولاالزواج خلأك تنسين صديقاتك
هدى:لاوش دعوه امحق زواج،،
عزمتها العنود على العشاء ولزمت عليها
قالت هدى:يصيرخير كأني ابجي دزيت لك رساله،،
خلصت المكالمه قالت مابقى الا انا اروح لناس موب من مقامي
بس فكرت قالت لاابروح عشان مااصلح العشاء ولااقابل وجه خالتي والبنات،دزت لها مسج،ولاقالت لخالتها ولالحد انها بتروح،رجعت وقعدت معهم ماتدري وش تقول
قالت:تدرون اني مدعوه لحظور حفل افتتحاح مركز الأميره البندري،
حصه بزغت الشاهي واميره شرقت وجلسن يضحكن لايكون مهمه لهل درجه هيه انتي ترانا منحب اخواتك تكذبين علينا تفهمين،،
هدى:وش فيهن اخواتي موب انقص منكم،،

حصه:واضح والدليل انها مااخذه٥٠٠ريال عشان الغدا هاهاها،،
في هل حال هدى سكتت مانطقت ولابكلمه،،

ام خالد:تدرون بنات وش تذكروني به
اميره وحصه:وش به يمه

ام خالد:بريما وساره بنات العم اللي بقصة"دنيا غريبه"للكاتبه نجديه اصيله،ذوليك البنات الملسونات نفسكم مره،،

اميره:ايه عرفناهن
حصه:وفيه احد مايعرف قصص الكاتبه نجديه اصيله الصراحه قصتها هذي حلوه مره،،
هدى:اووو تفحيطه يالعن ابو الخشه،،

ابوخالد:انا ابطلع برا اشم هوا شوي تعالي ياام خالدمعي،،

ام خالد:ان شاءالله

حصه:ياعيني ياعيني على الجو الرومانسي ابجي معكم،،
اميره تدحج حصه،

حصه:اي ليه تدحجين
اميره:انثبري واقعدي بمحلك

هدى:اقول اميره زوجك مامل كل يوم تجين لمنا ليه ماتتعالجين وتروح حالتك النفسيه،،
اميره جلست تصيح،،

حصه:الله يأخذك ياحيوانه يازقه انقلعي،،

هدى:اصلآ انا قايمه قايمه اقول اميره انتبهي يتزوج عليك ترا الزمان ماله امان،،
حصه:ضفي وجهك احسلك قبل مااقوم واجلدك واذا كانت تأكل من حلألك زي مااهلك يأكلون من حلألنا تكلمي،،

هدى تمشي وهي تفوح من القهر وكأن ماهمها شي،،

حصه:قومي غسلي ولايهمك كلأمها طنشي كأنك ماتسمعين ولاتصيرين ضعيفه قدامها وتقعد تضايقك كل مابقت وكلأمها هذا ماراح ينسكت عليه،،
اميره:انا وش ذنبي طيب هذا مرض من ربي،،
حصه:ولايهمك يااختي انا ابأخذ حقك منها،

راحت حصه تركض فوق لغرفة هدى طقت الباب
هدى:مييييييييييييييييييييين
حصه:افتحي انا حصه

فتحت هدى الباب
هدى:نعم وش تبين
حصه:ممكن اعرف ليه قلتي هل كلام لااميره
هدى:اناحره اتكلم واسب اللي ابي واحقرك يايابزره
حصه حطت ايديها على كتوف هدى: والله انتي البزره وماعرفتي تتربين وانا اللي ابربيك من جيد

هدى:وخري ايديك لااكسرها لك،،
حصه وهي ترجف هدى وتمعط شعرها وهدى تزاعق ويتهاوشن وكل وحده لسانها اطول من الثانيه
جت اميره بتفكهم ماقدرت،

بينما كان ابوخالد وام خالد جالسين بجو رومانسي لايحسد عليه ويسولفون والعصافير تغرد عندهم والشلال يصب سمعو الصراخ
وراحو يركضون دخلوا البيت

ام خالد تفك فيهم هي واميره كأنن كل وحده ناشبه في شوشة الثانيه
وابوخالد يهوش عليهن اعقلو ا يابنات انتن ماتسمعن الكلام

يالله فكن بعضهن بعض بعد عدة محاولأت،،
وكل وحده ماسكه بيدها كومة شعر والوجه ماينبان من كثرالشعر عليه،،،

ابوخالد:انتن ماتستحن على وجيهكن تتهاوشن وش خليتو للبزران،،

حصه:وهو على كيفها ترفع صوتها وماتسوي احترام لأاحد،،

هدى:ومابقى الاانتي اسوي لها احترام،،
حصه:دامك في بيتنا غصبن عنك تحترميني،،

ام خالد:شب ولاكلمه كأننا منحب فيه مالنا احترام،،

ابوخالد:ليه تهاوشتو بسرعه قولولي ليه صراخكم واصل لااخرالشارع،،

حصه:انا ابقول لك يبه وش السالفه،،
اميره راحت تركض لغرفتها،،

بعدين قالت حصه السالفه لأبوها،،

ابوخالد:اياخسيسه طرق
هدى،آآآآآآآآآآآآآآآآآآآآآه

ام خالد:ابوخالد وش سويت
ابوخالد:سويت اللي كنت لأزم اسويه من١٣سنه وانا ساكت ومتحمل،،

هدى:مالك حق تصفقني،وماراح اخليها تمر لك ياشايب ياالمخذرف،،

ام خالد:اسكتي صدق انك ماتربيتي،،
حصه:ولك وجه تقعدين عقب الكلام اللي سمعتيه صدق مالك كرامه،،

هدى:انا ماراح اقعد وكرامتي ابأخذها غصبن عنكم،،

حصه:روحه بلى رده ان شاء الله،،
ام خالد:ابوخالد تعال للغرفه ريح شوي،حصه روحي لااختك اميره شوفيها قبل ماتسوي في روحها شي،،
حصه:ان شاء الله
ابوخالد:اناماراح ارتاح الافي قبري،،

ام خالد وحصه:بعد عمر طويل ان شاء الله،،

حصه:طق طق اميره افتحي الباب،،

اميره وبصوت يقطع تصيح:مابي خليني لحالي،،

حصه:افتحي ابوي تعبان

اميره فتحت الباب:ابوي وش فيه

حصه دخلت ودزت اميره: مافيه الاالعافيه،،

اميره:اجل ليش تفاولين عليه،،
حصه:علشان تفتحين الباب،
اميره:هدى وينها
حصه:عطاها ابوي كف وراحت لبيت اهلها،
اميره:حرام مسكينه
حصه:هذي اللي بتجنني الحين عقب كل اللي سوته وتقولين ترحم روحه بلى رده ان شاءالله،،

..في بيت اهل هدى..
ناديه:هاهاها لوتشوفين شكلك وسالم يجلدك تضحكين،،
ليلى:مسويه انك تضحكين انامارجعت بكلأمي زيك،،
؟¿§&%€£¥
ناديه:من ذا اللي معلق على الجرس،،
ليلى:عساه خير ان شاءالله
ناديه:قومي شوفي
ليلى:لاوالله تبيني اروح لحالي لويكون حرامي
ناديه:وش ذا التطور حرامي يرن الجرس لاوالعصر ياعيني،
ليلى:طيب خلأص
..راحت ليلى تفتح الباب..