الشوق طاغي والمشاعر رقيقه
والحب مره باعنـي واشترانـي

يافرحة القلب الحزين ورفيقه
فديت صوتك يوم صوتـك دعانـي

ياعمري لامنك بغيت الحقيقه
الواقع اللي جابنـي لك خذانـي

البعد لو اقدر اعيشه واطيقـه
ماشفتنـي قـدام وجهـك اعانـي

مالي طريقه وانت مالك طريقه
إلا القصايد والسهـر والامانـي

لو احسب ايامي معك بالدقيقه
ياصاحبي تزعـل علي الثواني

يوم القدر يرسم على الوجه ضيقه
انت البشاير بالفرح والتهانـي

ويوم المراكب والبحور الغريقه
انت الشراع وطاري اسمك مواني

ويوم الغلا يجمع عشيق بعشيقه
يكفي معك حضن الحنان احتواني

الورد ماينسى شذاه ورحيقه
قـل للغلا وش حجتـه لانسانـي ؟

قيدت نفسي والنوايا طليقه
عساني اسلم مـن عيونك عساني

ولازلت احبك والمشاعر رقيقه
والحب ليتـه باعنـي ماشرانـي

منقوووول..!!!

الشمس غابت وكل دور سراجه

واشوق جمر...مااحر الشوق لاجمر

دام تجاهك شمال مودعك حاجه

سلم على{حاااايل}وسلم على شمر