خليل : السلام عليكم
الجازي وقفت الدريفة وتغطت : وعليكم السلام
خليل: معش خليل ولد عمك بس ما عرفت مين معي
الجازي: ما عرفتني خليل
خليل: دقيقة هذا صوت ....صوت الجازي ...انتي الجازي
الجازي: ايه انا الجازي ولا امريكا غيرتك
خليل : لا امريكا ولا عشرة مثلها يغيرون خليل لكن الجازي اكييد فيه حد غيرها مو انتي نفسك الي عرفت
الجازي: انت اهم شي كيفك بخير وكيف نفسيتك بعد كل خبر يهد الحيل
خليل : ما اكذب عليك فيه اشياء كثيرة ما هدتني لكن مثل اخبار اليوم لا ما شفت واخر شي انتي وش فيك الجازي ليه صرتي كذا
الجازي : وش فيك ليه اطالع فيني كذا
خليل يطالع في ايد الجازي
الجازي : خليل وش فيك ليه اطالع ايدي
خليل امعصب : قولي لي مين سوى فيك كذا قولي الحين لا تخليني ارتكب فيك مجزرة
الجازي خافت من خليل بخاطرها : تسألني مين الي سوا فيني كذا وانت اعلم واحد بالي سوا كذا
خليل: وش فيك تكلمي
الجازي : مالك خص
خليل : تسمعين وش قلت مين سوا فيك كذا
الجازي: قلت لك مالك خص فيني اناغلطانة اتكلم وياك
خليل يمسك ايد الجازي بقوة
الجازي: اي لا وليد خلاص اتوب اتوب لا تسوي كذا
خليل : وليد !!!! وليد الي سوا كذا هو الي يسوي في جسمك كذا ان اشفت الظاهر وما ادري عن الباطن تعالي معي الحين
يسحب خليل الجازي من يدها ويوديها للمطبخ
خليل يصارخ على العنود : العنود العنود
العنود تسمع اخوها مو عارفة وش صاير
راحت العنود للمطبخ تبي تشوف وش صاير
العنود : سم وش فيك
خليل : سمعيني عدل وقسم بالله لو تكذبين علي شوفي وش بيجيك
العنود : وش فيك وش دخل الجازي بالسالفة
خليل : تدخلين هنا وتشوفين وجها ان شفتي مكان فيه ضربة ولا مكياج زايد قويل لي سمعتي تراني بموت قهر هنا روحي بسرعة وياها
راحت العنود مع الجازي في الغرفة
الجازي: عفية العنود مالك دخل في اخوك هذا بيسوي مصيبة الليلة
العنود : مالك دخل انتي ....سكتي كثير لازم حد ياخذ حقك
الجازي : لا لا ما ابي أي حق خلوه لكم بطلع
وهي طالعه الجازي العنود تمسك ايدها وتشوف اذراعها كله
العنود : ايش هذا كيف تحملتي هذا كله بس تدرين قلت لك انتي طيبة كثير
تطلع العنود لأخوها خليل
العنود : خليل كل جسمها فيه جلد وضرب
خليل : اعيال الكلب تولوا البنت وين أبوها وين اخوانها ما فبه حد يحس مافيه حد يشعر وين امها عمتي سارة عمتي قمر جدتي يالي هنا ما فيه حد عنده قلب والله لوريك يا وليد والله لأخليك عبرة للكل
دخل خليل الصالة على الحريم ومن ثم دخل على المجلس
الحريم قاموا ما يدرون وش السالفة
العنود : يمه لحقي خليل بيتهاوش مع وليد
الجوهرة : وش دخله بوليد توه جاي وش صاير بينهم
العنود : ..............
شيماء : تكلمي وش صاير
دخل خليل المجلس وشاف الكل متجمعين حول التلفزيون راح طفا التلفزيون
ابراهيم : وش فيك يا ولدي
خليل يصارخ باعلى صوته : انتوا ما تحسون ببنيتكم انتوا جماد مو بشر انا في امريكا اجي اليوم واشوف البنت من اول مرة واعرف ان فيها شي من وين مخلوقين انتوا انت عمي يوسف وش اخر علمك ببنتك الجازي
وانت يعقوب وش اخر علمك بأختك يا اخي انتوا ازبالة ما تحسون
الوليد قام من الكنب: انت لا زلت بشرك ما كفاك الي جاك ذاك اليوم
خليل خوفي انت الي ما كفاك الي جاك ذاك اليوم
يوسف يجلس بينهم
يوسف : اسمع انت وياه مانبي اهواش خليل انت جاي من امريكا وتعبان اكييد اعصابك تعبانة ما تدري وش تقول
خليل يطلع من طوره : انت ما تفهم اقول لك بنتك تنهان من هالكلب
الوليد : الكلب انت واشكالك
يوسف : بنتي شاكية لك الحال
خليل : حسافة اقول بنت مثل الجازي تصير بنتك
ابراهيم : بس يا ولد انت ما تربيت صدق
خليل: اسمعنني انت وياه انا مستعد اطلع من حياتكم كلكم لأنها ما اتشرفني دام الظظلم موجود ولا واحد منكم متحرك بس لازم اخلص امر الجازي اول
تعال انت وياي وانت تعالوا كلكم عمامها
وليد : ماله احد خص بزوجتي سمعتوا هذي زوجتي انا مو لكم
يعقوب : اسكت انت اختي جايها شي انا حاس من قبل لكن هي ما تقول .... الجازي ...الجازي خلي لشوف لي طريق وين اختي ابي اشوفها وليد يمسك الباب ما يبي حد يطلع
خليل : شفتوا ما قلت لكم اكييد امسوي لها شي يا اخي عيب عليك كلنا موجودين ولا خايف
خالد : خليل خله علي انا لا تجيسه اقلها هذا ولدي
خليل : شوف حل لك وياه
خالد : وليد وخر عن الطريق خلنا نشوف البنت وش فيها ...انت امسوي لها شي تكلم امسوي في بنت عمك شي
وليد : يبه مالكم دخل بيني وبين زوجتي
خالد : اجل وخر
وليد : لا
خليل : انا بجلس بسمع نقاشكم ما اقدر ما اتحمل
مسك خليل وليد ولاحه بعيد عن الباب وجلس يتعارك وياه
يعقوب : تعال يبه خلنا ندخل
دخل يعقوب مع يوسف
يوسف : الجازي الجازي وينك
العنود : عمي كاهي الجازي هنا تصيح
يوسف : يا بنيتي وش فيك فيه حد سوا لك شي
الجازي بخاطرها : وش اسوي بمخلوق مثلك ما فيه غيرك الي حس فيني ولا كلهم ما حسوا بالي فيني وش اسوي لمخلوق مثلك يا خليل
يوسف : جازي وليد ضاربك ولا سوا لك شي
الجازي بخاطرها : لازلتوا تسألون وهو كيف عرف كيف فهم اني انضربت وانهنت اكييد هو ساحر وانتوا بشر راح اخذلك يا خليل هلامرة لا مو بس هالمرة خذلتك انت ما تستاهل وحده مثلي ضعيفة وليد ربي يتولاه
الجازي: لا يبه ما فيني شي ما ادري وش فيه خليل اكييد هو تعبان من السفر وين زوجي نبي نروح للبيت
يعقوب : الجازي لا تكذبين علينا انتي فيك شي
الجازي: لو فيني شي كان حسيتوا من قبل بس انا ما فيني شي وين زوجي وليد
يوسف : خلوها تمشي هي تقول ما فيها شي وش انسوي لها بعد
قامت الجازي من مكانها والكل يطالعها وراحت للمجلس شافت خليل وليد يتضاربون والعالم حولهم اتفرقهم
الجازي بصوت عالي : خليل
يلتفت خليل للصاحبة الصوت
خليل : ................
الجازي : هد زوجي خله هو ما سوا لي شي
خليل يوخر عن الوليد
وليد يقوم ويمسك ايد الجازي ويطلع قبل لا يطلع
خليل : والله لأذبحك يا وليد والله لقتلك وتشوف وش بيصير لك
طلع وليد وطلع خليل
اما العوايل بقت جالسة ما تحركت
راح وليد لشقته ودخل غرفته اما الجازي بقت في الصالة تصيح
ومنيرة تتحسب على الجازي
منيرة : حسبي الله عليك من شفناك ما شفنا يوم خير وش سويتيوا في اوليدي تكلمي وش سويتوا
الجازي: .................
منيرة تمسك الجازي من شعرها وتمشعه : تكلمي وش سويتوا في اولدي
الجازي تصيح وترتجي في منيرة تهدها :اي اي وليد الحق علي يمه يمه وينك يا يمه
وليد مو قادر يستحمل وبخاطره : ليه سويتي كذا كنتي تقدرين تطلعين من عذابي بقولك اني اضربك ليه سويت يكذا يالجازي وين اروح انا من معروفكم وين اروح من فضايلكم انتي وحنين انا شر بينكم ان اشر في هالدنيا المفروض ما اعيش المفروض انا ميت من زمان وش هالصوت مين الي يصارخ.............. هذي الجازي مين يطقها
طلع وليد يبي يشوف مين الي يطق الجازي لقى امه ماسكة شعر الجازي تبي تقصه بالسكين وجالسه تجرها
وليد : خافي ربك خافي ربك وشو انتي حيوان جماد خليتيني مثلك ما احس ولا اشعر خلاص كافي البنية بتموت بيدنا
مسك وليد يد امه ولما تمكن منها رمى بأمه على الأرض وخذ الجازي غرفته
منيرة قامت تبي تروح اتكلم أي سوته بالجازي
منيرة : والله لوريك شغلك ....ش فيه الباب ما يفتح ليه كذا هو مقفول وليد افتح وليد انا امك لا تطيع حد غيري وليد افتح
وليد حاط ايده على راسه مو قادر يركز
الجازي متسندة على الجدار وحاطة راسها بين ارجولها والشعر امغطي كل شي فيها
وليد : جازي ليه ما قلتي لهم عني ليه سكتي وقلتي اني ما اسوي لك شي جازي انتي قتلتيني اليوم اشنع قتلة قتلتي الشر الي فيني جازي سامحيني على الي سويته لك سامحيني على كل شي ارجوك سامحيني
الجازي: .............
وليد : جازي انتي تسمعيني صح جازي جاوبي
نزل وليد عند الجازي يبيها اتسامحه لكن الجازي كانت في عالم ثاني
وليد : جازي تكلمي ضربيني خذي أي شي وضربيني هذي يدي الي اضربتك شوفي اضرب روحي ((جالس وليد يضرب روحه اكفوف((
الجازي :امممممممممم اممممممم
وليد : وش تبين قولي بس