كان خليل توه واصل
واول ما وصل حب الأرض وحمد ربه انه وصل
الكل مستغرب من تصرفه
لكن من ذاق الغربة وهوايلها من يقرب للوطن حس بالأمان
اجر له تكي الي بدوره التاكسي وصله لبيتهم
كان بيت ابراهيم هادي كل واحد بغرفته جالس
شيماء كانت بالمطبخ اتعدل كيكة
والعنود فوق بالغرفة وعبدالرحمن بغرفته
وابراهيم جالس بالصالة عند التلفزيون
شيماء: بو خليل ما قلت لي متى بننزل اليوم ولا بكرة
ابراهيم : والله كيفكم متى بغيتوا يالله نمشي
شيماء : حاسة بشعور غريب ما ادري وش فيه خليل ما كلمكم ما قال لكم متى بيجي
ابراهيم : والله ما ادري بس هو قال ان جاء يوم المغادرة من امريكا بيكلمنا والا الحين ما كلم
خليل يفتح باب الصالة باشوي اشوي
ابراهيم حس بولده واول ما شافه قام من مكانه عاد خليل يأشر له انه يسكت ما يتكلم
ابرايهم يقرب لولده ويحضنه : أخيرا جيت أخيرا الحمدلله على سلامتك يا وليدي نورت ديرتك الا ديرتك هي الي تباركت بقدومك ياه احس بهم راح من على اكتوفي
خليل: الحمدلله يبه على كل شي ابشرك هذي شهادتي انت اول واحد المفروض تشوفه بارك لولدك صرت دكتور اسمي خليل ابراهيم قصدي الدكتور خليل ابراهيم
شيماء : ابراهيم وش فيك مين اتكلم
خليل : اه يمه احس بجسمي ينتفض لسماع صوتك نادها يبه خلها تجي ما اقدر اتحرك
ابراهيم : شيماء : لي عندك ابشارة كم لي فيها
شيماء من المطبخ تتكلم : على حسب البشارة
ابراهيم : لا اول شي قولي كم لي
شيماء : اممممممممم لك كيكة مني
ابراهيم :قبلت ببشارتك ...تعالي هنا بسرعة
شيماء تمشي اشوي اشوي للصالة حاط ايدها على قلبها تحس فيه شي غريب تحس بأن نبضات قلبها تزيد كل مالها تزيد إلى ان شافت رجال ملتحي ببدلته وسيم شعره طويل لحد كتفه
شيماء والفرحة مو سايعتها اجلست اتنطط : ولدي ولدي ولدي خلي ل يمه خلي لجا نورة عبدالرحمن خليل جا
خليل يفتح اذراعاته لأمه يبي يضمها شيماء تنطلق لولدها مسرعة تلمه وتحضنه تصيح وتبكي موع الفرح : يمه انت جيت لي خلاص مافيه روحة صح جبت الشهادة جبت لي خليل ولدي صح
خليل والدموع تحدر منه : يمه كيف حالش اشتقت لك واييد اشتقت للهوا الي تتنسمينه اشتقت لللدفا بحضنك اشتقت لصوتك اشتقت لبيتنا ولأخواني ولأبوي وين اخواني
شيماء ك يمه انا ماني امصدقة انك هنا ليه ما قلت لنا انك جيت ليه ما قلت كان استقبلناك كلنا بالمطار
خليل : كيف اسوي مفاجئة لكم لازم اسوي كذا
عبدالرحمن والعنود على الدرج ينتظرون اي التفاتة من خليل
ابراهيم : خليل شوف مين يناظرك
التفت خليل لقى عبدالرحمن ينتظر بس اخوه يلف وجهه
رمى عبدالرحمن نفسه على خليل الي ما قدر يتوازن وطاح مع اخوه على الأرض لم عبدالرحمن اخوه : السلام يالجاحد
خليل : ادري انكم زعلانين علي بس عذروني وهذا انا جيتكم لا مو بس انا جيت لكم وبالشهادة الكبيرة انا دكتور صرت واشرفكم
العنود : انت من دون الشهادة اتشرفنا فما بالك بالشهادة وش بتصير
خليل : هلا بالطش والرش هلا بالي ازعلت مني اخر مرة
العنود : لازلت تذكر
خليل : افا عليك انا مارديت الا عشان اثبت لك اني ابي ارد مو ابي اجلس هناك جنب الي خبري خبرك
العنود : لا لالالالالالالالالا توبة ما اقولها كنت امزح معك يا اخوي
خليل : انزين لمتى بتمين واقفة هناك ما تبين تلميني ولا ما وحشتكيش على قولة اخوانا المصريين
العنود تنزل وتطيح على اخوانها تلمهم اثنينهم
خليل : ليتني ما قلت لكم تعالوا لي يمه اعيالك اذبحوني
شيماء : انت الي قلت لهم عبدارحمن العنود قوموا عن اوليدي تعبتو توه جاي من السفر
عبدالرحمن : لا انا اغار
العنود : حتى انا اغار
شيماء : عاد كيفكم غيروا لبكرة انا من زمان ما شفت اوليدي وانتوا شفتكم وشبعت منكم اكثر منه
عبدالرحمن : ل اوالله حلفي بس يمه خليل ارجع لأمريكا ولا اقول انا بروح لأمريكا
خليل : يمه باق يالأمورة جمانة وينها أكييد بيت الجيران ولا نايمة العنود ناديها ابي اسلم على هالشقية من زمان عنها وكل ما ابي اكلمها تكون مو فيه
شيماء : يمه خليل تعال بقول لك وين جمانة
امسكت شيماء يد خليل وقومته بالي فيها من قوة
عبدالرحمن ذبحت امي قوم بسرعة
خليل : ههههههه هي الي تبي
قام خليل وجلس جنب امه
والكل حوله ينتظر وش بتقول شيماء عن جمانة
شيماء تتنفس تنفس الصعداء: خليل جمانة الحين احسن مني ومنك
جمانة ما تبي منا شيء لكن تبي لنا اشياء خليل اختك عصفورة تطير في الجنة انا اشوفها كل يوم تجيني واتسلم علي واتسلم عليكم
يمه خليل لا تخاف اختك حية بقلوبنا لكنها ميتة كجسد
خليل : يمه وش تقولين انتي جمانة وينها مو فاهم شي انا
عبدالرحمن : خليل : جمانة ماتت سمعت ماتت
خليل : لا انتوا تقصون علي وراح اثبت لكم
طلع خليل فوق لغرفة جمانة يدورها
خليل : جمانة جمانة وينك حبيبتي قولي انهم يكذبون علي قولي لي انك هنا
خليل يدخل غرفة ويطلع من غرفة ماهو امصدق ان اخته مو هنا
خليل: وش رجعني انا هنا ليه رجعت لكم كان كنت بأمركيا اريح اقلها تمشي علي كذبتكم يمه يمه جمانة وينها يمه
جلس خليل عند سرير جمانة يصيح
التموا عليه امه وابوه واخوانه
لكنهم ما اقدروا الا انهم يبكون مثله
خليل : يمه ليه كذبتوا علي كان قلتوا لي انها مو هنا كان قلتوا انها ميتة يمه كيف ماتت اختي قولوا لي هذي بس قولوا وش صار في غيابي جمانة رحتي وخليتيني لمين لمين تركتيني هنا
شيماء وهي تصيح : يبه بس الي فينا امكفينا انت ما شفت اختك مثلنا اختك ماتت وهي فرحانة لنا لا تضايقها ببكائك
خليل : وش تتوقعين مني واحد جاي لأهله فرحان فيهم اخر شي اتفاجئ انهم فاقدين حد منهم وانا اخر من يعلم الكل يدري وانا لا الصغير والكبير يدري الكل عزاكم وانا لا
انا بشر من لحم ودم واحاسيس يعني احس فيكم كم مرة سألتك قلت لك فيه شي تقولين لي لا تقولين لا واخر شي اختي حبيبتي ميتة ليه كذا ليه خبيتوا علي ليه طز فيها دراسة الي تمنعني عن عزا اختي طز فيه مستقبل يمنعني عن عزا اختي يا رب ان اوش سويت اطلع من بلوة اطيح ببلوة ثانية
العنود تلم اخوها وتصيح معه : بس يا اخوي قطعت قلبي بس كافي احنا هنا نشوف روحها وطيبها في كل ركن نحس فيها بيننا تطير جمانة حبيبتي وينك وينك حبيبتي خليتيني لوحدي من دون اخت
اجلسوا يصيحون حتى قام ك لواحد وراح لغرفته وبقى خليل في غرفة جمانة حتى نام فيها
الكل درا عن وصول خليل للديرة والكل فرح لهذا الخبر الا اثنين منيرة وليد
منيرة : وليد جا خصمك اللدود
وليد : ايه ادري يمه وش تنصحيني اسوي
منيرة : ولا اتسوي شي كأنك ما عرفت انه جا خلك طبيعي
وليد : يمه هم اعزمونا الليلة كلنا كل الي في الأحساء وهنا بيجون للعزيمة وش اقول
منيرة : عادي رح وشوف الأخبار لي وخذ مرتك بعد عشان يعرفون ان حنا بخير وهي بخير بس قبل كذا ادبها بكم كف وهددها ان تكلمت راح تفضحها وتسود عيشتها
وليد : امرك يمه ما طلبتي غالي
طلع وليد من غرفة امه ونفذ كل شي قالته امه طق الجازي حتى انها صارت تطيعه فيه بكل شي من دون أي كلام بالنظر خلاص تعرف وش يبي
في الليل الكل تجمع في بيت ابراهيم الكل تحمد السلامة لخليل مع انه ما تعرف الفرحة لقلبه مكان بعد الي صار لأخته
ولما شاف عمته ليلى كمل بكاه تذكر عمه وصديقه سامي تذكره من شاف حمدان
يوسف : خليل عيب عليك انت رجال كيف تصيح
خالد : خلوه خلوه يعبر بالي فيه ال يشافه اليوم كان امجمع له من سنتين والحين مو راضين له يصيح خلوه وانت حمدان شفت كيف الناس تعز ابوك وتتخيله فيك حافظ على هالأمانة امانة ابوك في اخلاقك وشكلك وتعاملك
حمدان : ان شاء الله خالي خليل خلاص لا تخلينا نبكي ترانا بكينا كثير واليوم جايين نفرح فيك
خليل بخاطره : وش ذنبهم اعذبهم معي خل البكاء في الليل بيني وبين نفسي
يعقوب : لا اله الا الله محمد رسول الله
الكل : لا اله الا الله محمد رسول الله
خليل يمسح دموعه ويجلس يسولف لهم عن امريكا والي شافه فيها
عند النساء
شيماء : يا حي الله من جانا اشرقت وانورت الظهران بقدومكم ما طرا تجونا
الجوهرة : والله حنا الي مشتاقين لك يا بنيتي بس زعلانة عليك اسبوع ما اتكلميني
شيماء : هذا العنود عندك سأليه من سالفة لسالفة ورجعت خليل وترتيب البيت والأختبارات وجوها يعني ربي لك الحمد ان حنا لازلنا بعافيتنا
الجوهرة : الحمدلله
الجازي جالسة بين النساء كجسد لكن روحها هناك في المجلس امعلقة
نورة : هلاحبيبتي الجازي وش اخبارك
الجازي : ...... ها نورة كيف حالك
نورة : اها الي ماخذ عقلك يتهنا به
الجازي :لا انا هنا بينكم
نورة : ادري انك بيننا بس وينك عنا الجازي من زمان ما شفتك ولا كلمتك ولا نسيتينا
لينة : خليها لا تكلمينها لو تبي حد يكلمها كان افتحت جوالها ولا وليد امعارض اكلمه لك ان كان امعارض
الجازي: لا بس انا ما ابي ازعاج من حد
لين ة : شفتي ردها كيف تقول ما تبي ازعاج من حد وانا كلنا حد
الجازي: فهموها مثل ما تبون لا احد يكلمني تراني مالي خلق حد
لينة : الشرها علي الي اكلمك انتيواجد تغيرتي وان تبين تعرفين شوفي المرايا عشان تعرفين اكثر
الجازي : ان شاء الله مشكورة على النصيحة
قامت الجازي من عند البنات وراحت برا تجلس بالتهوية
الجازي بخاطرها : احسن مكان اجلس فيه هنا في هالتهوية اقلها هواء طلق انحرمت منه من زمان لا في جهنم الشقة ولا في بيت عمي ابراهيم مين عنده الهواء الطلق هذا وش يبي شي ثاني
سبحان الله ما تحس بالنعمة الا لمن تفقدها
يارب دروفة
من زمان عن الألعاب بتمرجح عليها ليت عندي وحدة بالبيت
كان ما هديتها
اجلست الجازي تتمرجح في هالبرد لكن كان بالنسبة لها جنة هالبرد
في الملجس عند الرجال
خليل: ايه كنت في ولاية نيويورك فيها شي
وليد : لا مافيها شي بس انت عارف ان البنات هناك على قد من يشيل
خليل : تتوقع ان ارحت هناك عشان البنات
يا اخي خلوا تفكيركم عالي وفكروا ليه انا رحت انا رحت اجيب شهادة والحمدلله جبتها وصرت دكتور ولابنات الي تقول عنهم هذولا حتى ما فكرت فيهم
اقول انخنقت انا هنا ودي اطلع برا
يعقوب : اجي معك
خليل : لا ابي اجلس لحالي
طلع خليل للخارج وجلس يتمشى حلو بيتهم
خليل : الله مين يلعب بالدراريف الحين في هالوقت البارد احس انه يبي يبرد على قلبه
يقرب خليل من الدراريف ويشوف وحدة جالسة تلعب بالدراريف