في المستشفى
نورة تصيح مو قادرة تستحمل المصيبة امها مو معها ولا اختها ولا احد
خالد يطلع من غرفة الدكتور والألم باين على وجهه
نورة اتقرب من ابوها وخايفة من الي بتعرفه من ابوها
نورة : يبه وش فيها اختي قول انها بخير قول ما فيها شي يبه تكلم ليه ساكت
خالد يحضن نورة بصدره ويصيح : يا عمر ييا هيبة
نورة تصيح : يبه قول لي وش في اختي وش صار لها ماراح اسامحكم كلكم ان صار لأختي شي ماراح اسامحكم ما راح اسامحكم
خالد : وهو يمسك نورة بقوة : نورة اختك تعبانة كثير اختك قلبها ضعيف ........ والدكتور خايف ان قلبها يوقف نورة هيبة في الأنعاش خايفين انها تموت بسبب قلبها الصدمة موسهلة عليه انا السبب انا السبب
نورة : لالالالالالالالالالا اختي ما فيها شي انت تكذب علي ليه ذا يمه ليه يبه سويتوا في هيبة كذا ميبن بيقى لي هنا امي وراحت وهيبة بتروح
خالد يمسك نورة وتنهدر دموع : لا تقولين كذا هيبة بتقوم ما اقدر افقد حد منكم نورة جلسي مع اختك جلسي معها وبكلم انا عمامك
نورة : يبه لاتروح عني خلك جنبي اخاف تروح مثل امي
خالد يحب راس نورة : لا تخافين انا معكم
ادخلت نورة عند هيبة ولقت حلواه الجهزة والوايرات امغطية جسمها
نورة : لا يبه مو هيبة الي يصير لها كذا يمه وينك شوفي بنتك
قربت نورة لهيبة وسمت عليها
هيبة تفتح عيونها بخفيف : امممم اممممم
نورة : لا تعبين روحك حبيبتي
هيبة تنهدر دمعتها : امممم اممممم
نورة تمسح دموع اختها : امي تبين امي
اتقفل هيبة عينها بأشارة نعم
نورة : امي هنا بس مو قادرة تدخل تصيح برا
هيبة تأشر براسها بالنفي: امممم
نورة : هيبة عفية بس ارتاحي الكل بيكون هان عشانك بس سكتي
هيبة تنزل دموعها الي ما اتوقفت من ادخلت
نورة : ربي يشافيك ربي يشافيك
غفت هيبة بعد ربع ساعة ونورة راحت اتكلم تليفون
نورة : عمر وين امي
عمر : خذيها
منيرة : الو وش فيك
نورة : يمه هيبة تعبانة وينك تعالي شوفيها
منيرة : انتي شوفيها انا خلاص طلعت من البيت بروح لولدي وليد بعيش عنده وانتي اهتمي لأخوانك
نورة : يمه يمه لا لا تروحين هيبة تبي تشوفك رجعي يمه اختي قلبها يعورها اختي يمكن تموت يمه هيبة يمكن تموت وين قلبك تعالي شوفيها
منيرة : يمه بنتي عمر وقف وقف ...... لا انتي تكذبين علي تبيني ارجع عشن ابوك يطقني انتي معهم تحبينهم وتكرهيني كمل طريقك حبيبي ما عليك منهم ولا ترد عليهم
سكرت منيرة الخط
نورة : يمه يمه انتي مو امي انتي مخلوق ثاني
نورة وهي جالسة تصيح جاتها عمتها ليلى مع بناتها ريم ومنال
منال تركض لنورة وتلمها : نورة وين هيبة وين اختي وينها قولي لي
نورة تصيح : يمه يمه هيبة يمه بتموت وانتي تقولين اكذب عليك عمتي هيبة تعبانة حيل تبي اتشوف امي وامي اطلعت من البيت عفية رجعوا امي رجعوها عشان هيبة بعدها خلوها تروح أي مكان
ليلى : تصيح على حال نورة و تلمها : راح ترجع اوعدك بس انتي هدي سكتي حبيبتي منال روحي لبنت خالك شوفيها
ريم تحبس ادموعها لازم حد يصبر امسكت ريم يد اختها وراحوا لغرفة هيبة
منال اتقرب لهيبة اشوي اشوي
منال : هيبة .... هيبة قومي انا منال
ريم ودموعها على خدها : منال خليها نايمة لا تصحينها
منال : ريم قولي لي هيبة بتعيش صح ماهي رايحة قولي انها بتم معنا لا تروح مثل جمانة عفية لا تروح خليك هنا هيبة
يدخل خالد عليهم ولما شافهم صارخ عليهم ليه هم يصيحون جنب بنته
اطلعوا البنات وهم يصيحون
منال : يمه يمه هيبة ما ترد علي يمه هيبة بتعيش صح
ليلى تمسك بنتها وتواسيها : ايه بتعيش وبتكمولن دراستكم وبتتلاقون كل يوم بخليك تروحين لها كل يوم بس سكتي حبيبتي سكتي
منال تمسح دموعها وتحاول اتوقف تنهداتها : خلاص بسكت
تجمع الكل في المستشفى
ولا في الظهران
كان ابراهيم يستعد مع اهله عشان ينزلون
ولا في بيت وليد
كانت الجازي وليد في الصالة جالسين كل واحد ساكت غير ان وليد جالس يطالع التلفزيون
يدق جرس الباب
وليد : قومي ما تسمين ولا صمخة
الجازي : تقوم كأنها خلاص ما هي امخيرة هي جسد بلا روح
افتحت الجازي الباب
وعلى طول ادخلت منيرة وهي تصيح
الجازي : وش فيك عمتي وش صاير
منيرة تلم الجازي : عمك طلقني الي ما يستحي طلقني وهيبة بالمستشفى تعبانة ما دريت وين اروح مالقيت غير ولدي اروح له
وليد : جازي منوا على الباب
منيرة اتقرب لوليد ودموعها بعينها : وليد ولدي شوف امك وش صار لها ابوك طقني وطلقني ابوك طلقني ابوك طلقني
وليد تترد هالكلمة براسها الف مرة: وش طلقك مين قال
عمر : الجازي ممكن ادخل
الجازي : ايه ادخل بس بعد اشوي بدخل الغرفة اجيب شالي
دخل عمر بعد اشوي والجازي تغطت عنه واجلسوا كلهم في الصالة يبون يعرفون وش السالفة
منيرة : وهذي كل السلافة
الوليد :ابو ييطلع منه كل هذا ابوي يطلقك بسبب انك ما رضيتي على هيبة لما طقتها جدتي جد ابوي ما يفهم ولا يقدر الأمور ...يمه وهيبة اتعبت لما طلقك صح
منيرة فرحانة كأن السالفة عدت على وليد : أيه ما قدرت اروح لها بيمنعوني منها ابنيتي تعبانة قلبها روح لها وليد شوف وش فيها
الوليد قام من مكانه وراح يلبس ملابسه بينزل للأحساء
الجازي : وين بتروح
الوليد : بروح أشوف اختي
الجازي : دقيقة بجي معك
الوليد : لا خليك هنا مع امي
الجازي: بس
الوليد يصارخ على الجازي: سمعتي وش قلت لك خلك هنا مثل الحمارة
منيرة بخاطرها : وش صاير بينهم اكييد زهقت وليد وطينت عيشته حتى انتي يالجازي لازم تتدمرين وش صار لك وين جمالك وين كل هذا
عمر : اصبر بروح معك
وليد :قوم يله
منيرة : لا تبطون علموني وش صار لكم
وليد : ان شاء الله
طلع وليد وطلع عمر معه وبقت منيرة والجازي
في المستشفى وصل ابراهيم مع اهله وليد جاء بعدهم بعد نصف ساعة
كان عبدالوهاب مع فيصل في زاوية وكانت لينة مع الجوهرة يصيحون ويوسف يواسي اخوه خالد
ابراهيم : طمني يا اخوي كيف هبية الحين
خالد رجال شامخ كان لكن هالشموخ مخدوش انخدش من منيرة كثيرة لكن ما ظن هالخدش الأخير مثل كذا كبير
ابراهيم : قو لا اله الا الله يا اخوي لا تضايق على عمرك بنتك بخير وعافية بس عليك بالدعاء لها ان ربي يقوم عثرتها وترجع لنا زي ما هي حبوبة وقمر وبعد الثنائي يرجعون مع بعض هيبة وسلطان شوفه هناك وش صاير له كأن روحه بتطلع ترا بنتك يحبها الكل ويخافون عليها وان شاء الله بتقوم بس اصبر وادعي لها
خالد : بنتي ضاعت بسببي يا ابراهيم بسببي وبسبب امها حسبي الله عليها ما ارحمت بنتها ولا ارحمتني
ابراهيم : وش وينها منيرة صدق
خالد : خلاص منيرة ماضي ما احب اتذكره راحت الله لا يوفقها طلقتها
ابرهيم منصدم : طلقتها طلقت منيرة
الكل سمع كلمة طلقتها كأن صداها انتقل بسرعة وتلقتها الأذان بسرعة طلقها
شيماء : وين نورة وينها العنود وين نورة ابي اشوفها
العنود : يمه هناك جالسة لحالها مو راضية حد يكلمها
شيماء تتوجه لنورة الي كانت جالسة على الأرض ومتسندة على الجدار تصيح على حالهم الي صار لهم
شيماءقربت من نورة كثير: نورة انا عمتك شيماء
نورة ترفع وجهها لشيماء وكأنها تطلب منها انها تلمها
تنزل شيماء لنورة وتمسح على راسها : يمه قومي اختك محتاجتك الحين اكثر من أي مخلوق امك مو هنا وانتي بمقام امك لا تفكرين بحد ثاني لا تفكرين الا بهيبة بس حتى بنفسك لا تفكرين والله ما تسوى لحظة فرح او قطرة دمعة لما نشوف هيبة قامت وارجعت مثل قبل