العيون تلاقت من جديد
وكان في خاطر ليلى هالكلام :
الزعل الا الزعل يا قلبنا
خوفي بكرة يندفع في عقلنا
حنا ما صدقنا نرجع من جديد
نلتقي عقب القطع ما ردنا
ودارت الدنيا وردينا لبعض
وما يصح الا انصفي اقلوبنا
كم قسينا والليالي كم قست
وكم حرمنا بدرنا من وردنا
والمثل يردد للملئ
لا حياة لمن ينادي بيننا
ما وعينا للحسايف وللندم
وما حسبنا نلتوي بذي العناء
ودارت الدنيا وردينا لبعض
وما يصح الا انصفي اقلوبنا
كلنا اهل وقرابة يا بشر
واحفظوا ماي الحياة في وجهنا
يا جماعة بس يكفينا صدود
وافهموا معنى العفوفي ديننا
ارجعوا يا اهل العقل لعقولكم
وارحموا جيل يجي من بعدنا
ريم : يمه سامحيني يمه ما اقدر على صدك وهجرانك لي
ليلى تتفح يدينها لبنيتها عشان تلمها
ريم تلم امها باقوى قوة عندها
ريم : اخيرا يمه رضيتي عني يمه انا من دونك ما اسوى شي يمه قولي انك سامحتيني خليني ارتاح
ليلى تمسح ادموعها واطالع منال : يمه حبيبتي ان اما ازعل منك ابد وانا امسامحتك عن أي شي صار
حمدان وسلطان كانوا موجودين يشوفون المشهد
حمدان : لا يمه حتى انا من زمان ما لميتيني
راح حمدان يلم امه
ومن بعده راحت منال وسلطان التموا حول بعض من جديد كلهم عيلة وحدة
ليلى : حبايبي خلاص مافي زعل بيننا
وان جا يوم زعلنا اجلسوا كلكم كذا وصفوا اقلوبكم بين بعض
حمدان : يمه لي شكوى على ريم
ريم تلتفت على اخوها : ...............
حمدان : ايه انتي من متى وانتي هاجرتنا عشان كذا قررنا ان حنا نطلع اليوم كلنا للظهران ونروح بيت خالي ابراهيم ولا وش رايكم
منال : الله بنروح للظهران يله بروح اجهز ملابسي قبل لا تغيرون رايكم
ريم : سامحوني كلكم انا ما استاهل كل هذا
سلطان : لا تقولين كذا انتي زهرة هالبيت ونوره لازم تصيرين متفتحه يوميا لنا
ريم : ان كنت ان كذا خلاص بشروا بصير مثل ماتتوقعون مني
كملوا جلست التصافي بين بعض وبعدها كل واحد راح يجهز ملابسه للظهران
وليد كان تعبان نفسيا يبي يروح لمكان ينسيه سالفة انه عقيم وين يروح كل مكان يذكره بالأولاد يروح لحنين ولا الجازي الي خلاها في بيت عمه ولا وين يروح في هالوقت
وليد : وين اروح يا ناس زهقت كل مكان اروح له اتذكر العيال ليه ما اموت وارتاح ليه كذا صار لي ليه انا عقيم وليه ما كانت الجازي ولا حنين ليه انا يا ربي وش سويت عشان كل هذا ............ لازم كلهم يتعذبون مثلي ليه انا بس الي اتعذب لازم حتى هم يتعذبون واولهم حنين الي اذبحتني الف مرة ما في غيرها اروح لها واشوف وش اتسوي اكييد اتكلم حد بالتليفون تخوني انا انا وليد الي بعت الدنيا كلها عشانها
حنين تصيح في غرفتها ما تدري وش اتسوي الحين ومين راح اتكلم ويشوف لها حل
حنين : مافي غيرك يعقوب يواسني الله يعينك علي وش ذنبه اكلمه هو وليه يتحمل هموم غيره وانا مين بيسمعني لازم اكلم حد ولا بستجن ارجع لأهلي ولا وش اسوي ان رجعت بعيش مثل ما كنت في عالم الضياع ... لا مو عالم الضياع اخر ايامي كانت اسعد ايام حياتي عرفت الله كثير وقربت له اكثر وكله بسبب يعقوب لازم اكلمه ايه لازم اكلمه
تتصل حنين على يعقوب الي طلع مع الجازي من بيت عمهم ابراهيم
يعقوب بخاطره هذا وقته تتصلين الحين وجنبي اختي
الجازي :كلم وش فيك
يعقوب : لا مو لازم
الجازي : يعقوبوه مين يكلمك
يعقوب : افا كذا تتصوريني اجل بكلمه الو
حنين : السلام عليكم ورحمة الله
يعقوب : وعليكم السلام ورحمة الله وبركاته وش فيك اتصلت مو ذاك اليوم سكرت بوجهي
حنين :يعقوب سامحني انت اخوي وانا ما عندي غيرك اخو اكييد تعذرني تدري ما بغيت اتصل لعيك اخاف ازعجك اخاف اثقل عليك اقول وش ذنبه ازعجه بألامي بس كل ما اتذكر الي سويته لي اخر ايام حياتي الحلوة قبل لا اتزوج اصر اني اتصل عليك يعقوب اخوي تعبت انا من هالحياة ابي حل فيه حل عطني اياه
يعقوب : راح اكلمك بعد اشوي جنب اهلي اوكييه
حنين : خلاص انتظرك مع السلامة وهالله هالله بأهلك
يعقوب : لا توصين حريص مع السلامة
الجازي يخاطرها : لات توصين حريص كيف لا توصين حريص منوا هذي الي يكلمها اخوي الله يستر احسن الظن فيه احسن
يعقوب : والحين يالجازي وين تبين تروحين
الجازي : قطني البيت احس اني متضايقة
يعقوب : وش فيك
الجازي :صحيح وليد وينه ليه طلع صار شي
يعقوب : لا والله جالسين وما ادري وش فيه قال جملة استغربت منها قال كل مكان اروح لها اتذكروني فيه
الجازي : الله يستر وانت كيف الجامعة معك
يعقوب : الحمدلله بخير بس انتظر اتخرج وان شاء الله ما هو بعيد تخرجي خلاص قضت
الجازي: يعقوب كلمت العنود
يعقوب طاير من الفرحة وخايف وقف السيارة على جنب: بشري ولا صبري لا تتكلمين خليني اشوف وجهك فتحب غطوتك ابي اعرف الجواب من عينك اخاف يكون عكس الي في خاطري
الجزاي افتحت غطوتها
يعقوب يدقق في وجه الجازي: صعبة ملامحك ما عرفت شي قولي لي وش صار
الجازي: نفس ملامحي صعبة قالت بتفكر وهنا يكفي مو قايلة شي بعد بس انت شوف روحك واسأل نفسك هل تستاهل العنود ولا لا
يعقوب بخاطره : اتمناها واحس اني لها بس فيه شي غريب يصير ما ادري عنه هو ضدي صاير الله يستر
يعقوب : ايه استاهلها ولا عندك راي ثاني
كمل يعقوب طريقه لشقة الجازي
الجازي : هذا رايك انت في نفسك بس غيرك ماهو ملزوم فيه
يعقوب : كلامك يخوف وش فيك
الجازي : ما فيني شي بس لا تتوقع الكل يفكر بالي اتفكر فيه وانا اختك
يعقوب : ان شاء الله وعرفي و ارفضتني ترا انا الخسران مو هي هي بتلقى احسن مني وراح افرح لها بس انا ابيها الجازي وراح اسوي أي شي عشان اوصل لها
الجازي : الله يعين
نزل يعقوب الجازي ولما اطمئن انها ادخلت شقتها مشى
وفي الطريق يعقوب يتصل على حنين
وحنين ترد عليه واول كلمة قالتها
حنين : اسفة ازعجتك
يعقوب : لا تقولين كذا