عمر : وين العنود وين امي
جمانة: أدخل كلهم بالصالة يفطرون
عمر وبصوت يدل على ضعف رجل : لا نادي أي وحدة تجيني وخليها تجيب لي تمرة وماي أفطر عليهم
جمانة حست ان عمر متغير : إنشاء الله أدخل المجلس وبتجي لك العنود
راحت جمانة لعند العنود وهمست لها بأذنها ان عمر يبيها بالمجلس وتجيب له تمر وماي
قامت العنود على طول وراحت للمجلس معها تمر وماي
إبراهيم : منوا
جمانة : هذا عمر يبي العنود بيقول لها شي عن الملكة اليوم
إبراهيم : الله يهديه هذا وقت يكلمها فيه
العنود تدخل المجلس وتشوف عمر بنظارته في الظلام
أفتحت النور ولقت إنسان مكسور جناحه يحتاج من يداويه
العنود : وش فيك عمر ليه كذا انت وليه هالنظارة السوداء
عمر : العنود تعبان العنود هم بقلبي ثقيل العنود تعبت
العنود تمد ايدها وتشيل النظارة لكنها لقت عيون عمر تبكي ويسيل دمع من كل عين يخلي القوي يضعف
أخذ عمر النظارة ورجعها عليه وبعدها ارتمى على العنود يصيح ليته يطفي نار بجوفه ولا يمكن يروح همه
بعد العشاء وبعد صلاة التراويح كلن تجمع بيت يوسف لحضور ملكت عائشة
الي تزينت بأحلى زينة
عائشة : يمه والجازي
سارة : يمه الجازي مو هنا وتدري عن خطبتك وفرحت لك كثير وبعدين هي الي أصرت تصير الملكة بأقرب وقت وهالدليل يبين كم هي تحبك
عائشة : يمه كلميها أبي أسمع صوتها ابي أسمع اول تهنئة منها ما أبي أحد يبارك لي قبلها
قمر : خلاص حبيبتي اكلمها لك
قمر تدق على وليد
الوليد كان جالس بالصالة حزين بسبب حنين
لكن كسر الصمت صوت الجوال الي كان من قمر عمته
الوليد : السلام عليكم
قمر : وعليكم السلام وليد ليه كذا ليه كذا تنسونا ولا الجازي اتنسي أي حد عن اهله
الوليد يبتسم باصطناع والجازي تراقبه من بعيد : خوفتيني وصحيح ما قلتي الجازي تنسي الكل عن اهله
الجاززي بخاطرها : كذا بمنافق حسبي الله عليك
قمر : وليد وين الجازي عائشة تبي اتكلمها
الوليد : دقيقة
الوليد : تعالي كلمي أختك تبيك
الجازي افرحت من كل قلبها احد بيكلمها من اهلها راحت وخذت السماعة من وليد : الو الو
عائشة : جازي حبيبتي وينك
جازي ما هي قادرة تستحمل بكت على طول
عائشة : جازي أختي أمي وش فيك ليه تصيحين
جازي : لا حبيبتي ما أصيح فرحانة لك بتتزوجين اليوم وبتروحين بعد كم شهر لبيت زوجك الي بيستر عليك ويحبك ,,وش تبين فرحة تغمرني مثل هذي حبيبتي أمبارك عليكم وقلبي معاك لا تخافين يحرسك من كل شر
عائشة بدت تصيح
جازي : لا حبيتي خلي الصياح لي وانتي لا أستانسي
الوليد جالس يأشر للجازي بالتهديد ان تكلمت بشي
الجازي : ها قلنا لا تصيحين لا يخترب المكياج
عائشة : طز في المكياج أهم شي انتي مرتاحة
الجازي: الحمدلله انا بخير دام دعواتكم معاي وحبكم بقلبي ,,لامهم حبيبتي ما أبي أخسر عمتي سلمي عليهم كلهم وباركي لهم وسلمي سلام خاصة للعنود ونورة وريم ولينة وغادة مع السلامة
سكرت الجازي الخط ما أقدرت تستحمل الفراق البعيد حتى ان عائشة ما سلمت عليها
الجازي جلست تصيح وليد يشوفها ويضحك أحيانا ويندم أحيان أخرى
غادة : ها سمعتي صوتها خلاص خلينا انكمل المكياج الي خربتيه
كلن حظر الحفلة الا بيت ليلى ما أحد حظر غير منال أما ريم لا لأن كل شي انتهى بالنسبة لها دام عمر خلاص ما راح يكون بينها وبينه قصة حب
مرت الليلة والكل فرحان
بعد اسبوع
شيماء : السلام عليكم
الشاب : وعليكم السلام
شيماء: ما عرفتني صح
الشاب : لا والله ما عرفتك
شيماء : انا ذيك الحرمة الي قلت لي انك تبي تتزوج لكن ما عندك مال والحمدلله جبت لك الفلوس بس أبي رقم أحسابك أحطها لك
الشاب : من جدك تتكلمين وفرتي لي المبلغ الله يرحمك يارب ويسهل عليك دنيتك وتفرحين بعيالك
الشاب اعطى شيماء رقم الحساب وبعدها سكر الخط
الشاب : جد انها غبيه لكن وين بتروح مني راح أبهدلها وأخلي لياليها سوداء
وهذا رقمها أحطها حفظ في التليفون
والفولس خلونا نفرح فيها ونستانس ههههههههههههههههههههه
عبدالوهاب استلم فاكس في مكتبه يفيد بان علاج ولده ممكن عند الدكتور خيري صالح بأمريكا
عبدالوهاب : الحمدلله يارب اللهم لك الحمد ,,والحين أبي أسوي لي فيزا وللعيال عشان نمشي بكلم أخواني
كلم اخوانه وافقوا له وبعدها بداء بالأجرائات للفيزا