الشاب توه بيمشي الا شيماء تناديه : وانت ما تخاف من ربك ما عندك خوات ما عندك زوجة ليه ما تخاف عليهم ما تخاف يجي واحد مثلك يغازلهم
الشاب : ........................
شيماء : هذا الي تقدر عليه تسكت الليلة ليلة رمضان الناس تستغفر ربهم تبي بس تلتجئ لله وانت أدور البنات
الشاب : لو سمحتي خفي علي كلامك ثقيل أنتي ما تعرفيني انا طقيت الثلاثين وإلى الحين ما تزوجت ودي أتزوج وأكون عيلة ويصير عندي أولاد وبنات لكن الفلوس هي السبب هي الي تخليني اتعرف على البنات ما عندي فلوس كيف اتزوج قولي لي مالي غير هالشغلة ما أقدر اتحمل عيشتي من دون حس انثوي
شيما ء بعد ما أسمعت كلا م الشاب تأثرت وبخاطرها : لهذي الدرجة حالته الله يعينه ويصبره لكن وش بيدي أسوي له
الشاب : أسف أختي أدري انك خفتي على البنت لكن حتى أنا أبي من يخاف علي وما قصرتي خليتين أقول الي بخاطري كان محبوس من زمن لكنك فرجتيها علي
مشى الشاب لكن شيماء نادته لف وجهه
شيماء : انت متأكد سبب عدم زواجك هي الفلوس
الشاب : أيه والله
شيماء : خلا ص الفلوس راح تجيك وانت أسعى لزوجتك بس مو واجد لكنها تكي لزواج
الشاب ما صدق وفرح كثير : الله يسهلها عليك ربي يفرحك يوم ورا يوم وتشوفين أعيالك فرحانين يا أنك بتفرجين كرب علي الله بجزاك خير بس كيف بتكلميني
شيماء : عندي رقمك ومتى جمعت الفلوس بكلمك تاخذهم
مشا الشاب ومشت شيماء
شيماء : الله يقدرني وأجمع له فلوس من الجيران ومن أهلي
عبدالرحمن جالس لحاله ما يبي يكلم أحد في نفسه هم من اخته ومن نورة
ومالقى غير هذي الأبيات تروي ضيمه :
ايه جرحتك... باقتناعي وقد ماطالت ايديني
وبرضى قلبي وعقلي ولا تظن الجرح عابر
لا تناظرني حبيبي وانت تسئل عن حنيني
اصرخ بهمك وعاتب لي متى وانت تكابر
هذا بس الي تقوله ليه رضيتي تجرحيني
ايه جرحتك ليت تدري وش ورى جرح المشاعر
ايه احبك ... مانسيتك والهوى بينك وبيني
وادري انك لو تغاضى عن هموم الوقت قادر
لاظمى شوقك حبيبي ارتوي من شوق عيني
ماهو ذنبي لا جرحتك جيتني باحساس شاعر
مضى يومين من أيام رمضان وجاء الأربعاء
عبدالوهاب كان في مكتبه الا وجواله يرن
عبدالوهاب : السلام عليكم
الجانب الأخر: وعليكم السلام أخوي عبدالوهاب معك مدير المستشفى
عبدالوهاب : وش بغيت
المدير : ودي لو تجي عندي بالمستشفى فيه سالفة مهما لك
عبدالوهاب : خير بجيك الحين
طلع عبدالوهاب من الشغل واتجه للمستشفى
وصل المستشفى ودخل على المدير
المدير حياك الله أخ عبدالوهاب
عبدالوهاب : الله يحييك
المدير : أخوي عرفت ان الي صار لولدك بسبب دكتور عندنا وانت لك الخيار الحين ترفع قضية وتشوه سمعة المستشفى
او أنك تاخذ هالشيك وتتنازل
مد المدير لعبدالوهاب الشيك
عبدالوهاب : 200000ريال
عبدالوهاب بخاطره : يا رب وش أسوي أعالج ولدي ولا أتبهدل بالمحاكم وأخر شي ما يجيني تعويض مثل هذا
المدير : اظن كافيه أتعالج ولدك برا
عبدالوهاب :صدق كافيه المهم ما قصرت وراح اتنازل عن القضية بس بغيت منك شي أرواح الناس مو لعبة وأدب دكاترتك
المدير :هذا اول شي سويته سفرت الدكتور الي سوى العملية لولدك
عبدالوهاب قام من كرسيه وشكر المدير وطلع