راح عبدالوهاب يكلم إبراهيم
عند الساعة 4 العصر كان عمر في بيت عمه يوسف
أحمد : عمر خلنا نطلع زهقت
عمر : وين نروح
أحمد : وين أعبيد أخوك
عمر : عبدالله هذا بدنيا ثانية مع الكلية الأمنية تغير كل شيء نظام بالوقت يمشي
أحمد : حلو وهالشي أكويس
عمر : أدري بس أن زاد عن حده أنقلب ضده
أحمد : كلمه وخلنا نروح للبيت عمتي ليلى نشوف حمدان
عمر : من جدك انت حمدان لا
أحمد : ليه وش فيه حمدان
عمر : كل شي فيه
أحمد : عمر ترانا داخلين على رمضان ولازم أنصفي النفوس ولا
عمر : كلا ممكن تصفى نفسه الا هو
أحمد : كلم أخوك ومالك دخل
عمر : خير
تجمعوا الشباب بعد ربع ساعة وانطلقوا لبيت عمتهم ليلى
عمر يضرب جرس بيت عمته
منال : مين على الباب
عمر : انا عمر هنا عمتي
منال : هلا عمر حياك الصالة
عمر : خير
أدخلوا الشباب للصالة
عبدالله : البيت هادي
عمر : والله ما أدري أحنا الملاقيف الي جايين وبهذا الوقت بعد قوموا نرجع
أحمد : إذا تبي تمشي أمش أنا بجلس
في الناحية الثانية عند الدرج
ريم : منال وش عندهم
منا ل: الله أعلم أول مرة يسونها
ريم بخاطرها : أخيرا جييت
عبدالله :شباب جلسوا ولا نعزمكم
أنزلت ليلى وشافت بناتها على الدرج
ليلى : وش فيكم ليه واقفين هنا
ريم تبي تنحاش لكن منال أمسكتها
منال : يمه هنا أعيال عمي
ليلى : وانتوا وش جلسكم هنا
ريم : لا تونا راقين
ليلى : انزين طلعوا ونادوا أخوكم خلوه ينزل
ريم : إن شاء الله
ليلى : حي الله من جانا
الكل ": الله يحييك
كل واحد راح يسلم على عمته
ليلى : أنا في حلم ولا علم
أحمد : لا في علم قلنا انتوا قطاعة وأحنا واصلين لذا جينا
ليلى : الله يالواصلين أحس أول مرة تدخلون بيتي والدليل جلستكم خذوا راحتكم وانت يا عمر وينك من زمان ما شفتك أنت الي أعاتبك مو أحد ثاني
عمر : ............... تعيجز تدرين كبرنا
عمر بخاطره : وليه أجي وانا مو مرحب فيني
ليلى : وكيفك عبدالله
عبدالله : الحمدلله عايشين مع هالكلية
ليلى : الله يعينطك نت الي تبيها
عبدالله : أيه أبيها بس ماظنيت أنها كذا كل شي نظام
اثناء كلامهم نزل حمدان ويوم شافوه الشباب قاموا
حمدان : السلام عليكم
الكل : وعليكم السلام
أستقبلهم حمدان بوجه مبتسم أما الشباب ما توقعوا هالشي لذا كانوا أمعبسين وجيهم
سلموا على بعض والشباب مستغربين حمدان كذا
عمر : انت من جدك
حمدان : أدري مستغرب لا الحمدلله تغيرت والحين أنا أحسن والسموحة منكم ان كنت غلطت على حد هذاك ماضي وانا نسيته
عمر : أيه الحين أخذ راحتي عمتي قولي لخدامتك تسوي عصير ما أبي شاي لا تصيرون أبخله
ليلى : ليه عطيته راحته الحين بيتأمر
حمدان : لا أجل بعبس وجهي
الكل : هههههههههههه...
عند الساعة 7 مساء
حنين تتصل على يعقوب
يعقوب : كأنها حنين وش عندها
حنين : الو
يعقوب : السلام عليكم
حنين : وعليكم السلام
يعقوب : خير حنين فيه شي
حنين : لا مافيه شي بس قلنا نتصل على القاطعين
يعقوب : والله خرعتيني بس جزاك الله خير وش أخبارك
حنين :بخير وانت
يعقوب : أنا الحمدلله مرة خير ومرة شر
حنين : ليه تقو كذا
يعقوب : والله ما أدري بس بعد طلوعي من المستشفى واجهتني أكثر من مشكلة وكل وحدة تقول الزود عندي
حنين :أنت قدها وقدود ,,وش أخبار رجلك
يعقوب : الحمدلله من البداية وانتي تسأليني عن حالي أنتي كيف أحوالك
حنين : النيا ماشية بوجودي ولا بدوني
يعقوب : ليه تقولين كذا
حنين : زهقت ما فيه شي أسويه دراسة ودرست وما بقى غير
يعقوب : الزواج ها
حنين : أيه لكن ما أبي أتزوج بعد ذاك خلاص
يعقوب : صحيح تراني ما أعرف سالفتك بس قبل هذا ليه ما تشتركين باحد النوادي النسائية
حنين : تعرف نادي
يعقوب : أيه في نادي يمدحونه أسمه نادي الزهور والي قايمين عليه حريم فيهم خير كثير وفيه بنات وفيه كل شي ما تتخيلينه بنات انذوا نفسهم لربهم بدعوة ولا بينهم
حنين : حمستني أروح له بس وينه
يعقوب : مو بعيد وقت الي تبين تروحين أدليك أياه صرت دليل لك وبعدعندي لك هدية بعطيك أياها
حنين : جزالك الله خير لا تكلف على روحك المهم بغيت أروح
يعقوب : أنا أعرف كم واحد حريمهم مشتركين هناك بسالهم كيف الأشتراك وأخبرك والحين وش قصتك إذا ما كان يزعجك
حنين : لا إزعاج ولا شي كنت أدرس في الخارج وتعرفت على .............
جلست حنين تقول قصتها ليعقوب وكان يستمع لها من الأول للأخير
بعد التراويح في بيت خالد
نورة : يبه بغيتك بطلب لا تردني فيه
خالد: أنتي تامرين وش بغيتي
نورة : يبه نبي نروح الظهران
خالد : وش عندك هناك
عمر : بعد وش عندها هناك ناس يحبونا
نورة انحرجت : يبه شوفه
خالد : أسكت خلها أتخلص
نورة : عمي هناك ونبي نشوفه بعد ما طلع من المستشفى وبعدين تغيير جو زهقنا هنا
هيبة : وهي صادقة يبه نبي نروح
خالد : ما أدري وش أقول بس ما تعودت أرد طلب لكم بنروح يوم الأربعاء وبخبر عمامكم
نورة فرحانة حيل
في بيت يوسف سارة أتكلم أم نواف
سارة : خير يا وخيتي متى تبون تعالوا
أم نواف : نجيكم الأربعاء
سارة : خير حياكم الله
أم نواف : أجل فمان الله
سارة : في أمان الكريم
الجوهرة : من هي
سارة أطالع عائشة بنتها : هذي أم نواف تبي تجي تخطب بنتنا عائشة
غادة : عائشة سمعتي
عائشة الحمرة بينت بخدودها
غادة : وش عليها بيخطبونها
عائشة ما قدرت تستحمل واطلعت على طول لغرفتها
قمر : عائشة تعالي
سارة : لا مستحيل ترجع أستحت
الجوهرة : الله يتمم بخير
شيماء تطلع من المحل راعي الأقمشة ما عجبها شي
شيماء: متى بيجيبون بضاعة زينة قبل العيد بعشرة أيام
أدخلت محل ثاني لكنها لقت القطعة الي تبيها
وهي طالعة شافت شاب يعطي بنت أورقة
شيماء : حسبي الله ونعم الوكي لهذي الدرجة اوصلت الدنائة
راحت شيماء بأتجاه البنت والشاب
شيماء تسحب الورقة من يد البنت : انتي ما تستحين تاخذين منه الرقم ماله
البنت خافت وهربت