توها بتفتح الباب الا أسمعت ولدها سلطان يصيح ويطالع صورة أبوه
سلطان : ليش يايبه ليه خليتنا , عاجبك الي صاير لنا عاجبك وش سوى فيني أخوي ما عمرك ضربتني ويجي هذا يضربني ليه لأني قلت له أنك أخوي الكبير خلاص أهو أخوي الصغير بتعجبه الكلمة شكلها يبه أبي ينصلح حالنا أبي نرجع مثل أول مع بعض
ليلى أدخلت غرفتها ويوم شافها سلطان مسح أدموعه
ليلى : ليه تمسحها خلها
سلطان : لا يا يمه ما أحب أحد يشوفني ضعيف
ليلى : يا ولدي لا تطلب من أبوك أطلب من ربك أبوك ما يقدر يسوي شي راح وإنشاء الله نجتمع معه بالجنة
سلطان : أمبن
ليلى : أنزين الحين كلم خالك عبدالوهاب وخله يجينا
سلطان : إنشاء الله (حب راس أمه ومشى (
كلم سلطان عمه عبدالوهاب وافق يجيهم لكن المصيبة أن عمر كان جنب عبدالوهاب ولما عرف ان عبدالوهاب هو الي بيجيبهم زعل
تجمعت العايلة في المزرعة وكلن فرحان بمناسبة الجازي وليد البنات أ/شغلين المسجل ويرقصون والشباب جالسين بالمجلس
يعقوب : ها بو داحم شكلك خفت
عبدالرحمن : أنا أخاف شكلك ما عرفتني
عبدالوهاب : ولعت هذا أحلى شي يله نقوم
خالد : تو على السباق
عمر : لا يبه خلها وهي مسعورة
إبراهيم : يله كلنا نقوم
أحمد روحوا أنتوا أما أنا خلوني مع هوايتي
يعقوب : الحمام هذي هواية
يوسف : أفا بو يوسف إذا الحمام مو هواية وش الهواية أجل تدري بكم ينباع الحمام أحيانا يوصل لعشرات الألف
يعقوب : يبه حمام
يوسف : ايه حمام أحد وسائل النقل في القديم ولا زال
يعقوب : أسف أحمد توني أدري أنه مهم وخاصة للحساويه
أحمد : قبلنا أعتذارك بس مو قابل هزيمتك
يعقوب :راح أوريك فيهم
أنطلقوا الشباب واركبوا خيلهم
جمانة شافت الشباب وراحت مسرعة للحريم تقول لهم
جمانة سكرت الأستريو وهم يرقصون
جمانة : لا تعصبون بس أعيالكم برا بالخيل راكبينها وبيسون سباق والمشاركين كثر وأولهم أبوي راكب الفهدة
شيماء : بو خليل راكب الخيل بروح أشوفه
الجوهرة : لا تروحون يتحمسون الحين خلكم جالسين
ليلى : يمه تخافين
الجوهرة : لا أنا ما أخاف بس أشوي
الكل يضحك
أطلعوا الحريم يشوفون السباق
الخيل تضرب الأرض وتحفرها من زمان عن السباقات
خالد ها مستعدين الفكرة بالي يوصل لخط النهاية في الميدان وأول واحد يوصل هو الفايز
عبدالوهاب صار
بدا السباق والكل أنطلق
كانت البداية تحمس كثير فالكل بخط واحد غير أن عبدالرحمن يتقدم عليهم أشوي ومن ثم يعقوب يتقدم تموا كذا حوالي 50 متر وبعدها تقدمت الشهلة الي ماسكها عمر الكل يحاول يقرب جنبه لكن ما فيه فايدة بقى على خط النهاية 20 متر وعمر متقدم مع الشهلة لكن فيه فارس يتقدم بسرعة
جمانة : أبوي أبوي شوفوه
تقدمت الفهدة على الشهلة وصارت المنافسة بينهم وفي الأخير فازت الفهدة والثانية هي الشهلة لكن لسه الشباب يتسابقون عبدالرحمن بجانبه عبدالوهاب وبجنبهم يعقوب ولما قربوا للنهاية فلت ألجام يعقوب منه أدى أنه يصطدم بعبدالرحمن وعبدالرحمن أصطدم بعم عبدالوهاب المها ما أقدرت تتوازن وطاحت وعالية هم طاحت لكن الشهباء سيطر عليها يعقوب صح لكن المهم عبدالرخمن وعبدالوهاب وش صار لهم
مها ونورة من شافوا ال صار أصرخوا صرخة وحدة
شيماء : ما أستو عبت الا أنها تدخل الميدان بأتجاه ولدها بسرعة
الكل فزع لهذا الشي وادخلوا يعقوب نزل من الشهاب ورح جنب عبدالرحمن وعبدالوهاب لقاهم على الأرض وكل واحد يلوي على روحه