مر أسبوع وجا اليوم المرتقب اليوم تطير العصافير وتغرد فوق كل بيت تخبر العالم أن أحلى عروسين راح يجمع بينهم عش جميل فيه راح يتحابون ويعشقون والكل يبارك لهم ويقول ربي يجمع بينكم بخير
لينة : العنود لا تهدوني والله خايفة
العنود : يا بنات سمعوا الي كانت متلهفا على الزواج خايفة الحين
لينة: العنود والله أني فرحانة بس خايفة لا تتركوني خليكم معاي ولا تنسون كل الي رتبناه خلوا هالليلة ماتنسي
الجازي جالس بطرف أخر : الو
خليل : الو
الجازي : السلام عليكم كيف حالك خليل
خليل : وعليكم السلام بخي
انصدم خليل
خليل : أنتي الجازي
الجازي : لا أنا الي تركت حبيبا على قلبي يتركني لجل أسعده ويرجع رافعا راسه والكل مبهورا به يقول شوفوا هذا خليل هذا قدوتنا وانا أناظرهم واقول هذا حبيبي الي عفته لغيري وحبيت يكون سيد زمانه هذا خليل الجازي ما تغيره البلدان ولا الأشواق ما يضعف بسب فتاة ولا تاخذه في الله لومة لائم يغار على دينه ولا يرضى الدنيه هذا حبيبي أما الي أكلمه إنسان ثاني تغير لا قالوا لي تغير لكني قلت مستحيل المعدن الأصيل ما يحلا يمكن يصيبه أغبار لكنه في وقت ينفظ الغبار ويرجع براق يذهل العالم ويعمي الضاين مو صحيح خليل لا تغلطني أنا صبرت عشان ترجع لنا خليل نفسه إلا أحسن منه أرجوك لا تخيب ظن المحبين
خليل دمعة سالت من عينه كانت حارة لكنه حس أنها دموع الندمان وهالدمعة أغسلت كل الذنوب الي عليه
خليل : من زمان أنتظر هالصوت وما توقت يكون في موقفي هذا لكن يا أغلى أنسان عندي بالوجود أعاهدك أني أرجع زي ماكنت وراح توصلك أعلومي الزينة ومشكور على أتصالك لكن بغيت أسألك كيف حالك
الجازي : من دون خليل الروح أنا بليا روح أنا هي نفسها لكن مو بروحي روحي مع خليلها تهوم بالسما وترفرف بالعالي ولا أنا غلطانة
خليل : إنشاء كل شي خير وش أخبار الأهل
الجاز ي : ما أنت أمصدق الليلة زواج لينة وهذه تتزين
خليل : عطيني أياها
لينة : منوا
الجازي : حبيبك
خليل : الو
لينة : ما تقدر تصبر ما بقى شي واتشوفني
خليل : يا حظ فيصل فيك اميرة زمانك
لينة : قول والله قول والله أنت خليل
خليل : عشيون عيل أنا تتزوجين وتهديني
لينة بدت الدمعة تسيل منها : أنتي الي تركتنا ورحت من دون احم ولا دستور بعد هذا تبينا نستشيرك خلاص أحنا أمزاعلينك
خليل : بالله تقدرين على الخصام
لينة : خلني مرة أخاصمك بس في الأخير تفوز والله أني زعلانة ليه ما جيت
خليل : تعرفين يا حياتي البنات هنا وش كثرهم ولا أقدر أهدهم
لينة : لا خليل يقول كذا
خليل : والله الدراسة ماخذه كل الوقت لكن هانت راح الكثير وما بقى الا القليل وش أخبار معرسنا هالله هالله فيه وهالله هالله في قومنا
لينة : أيهم
خليل : تبيلهي ما كبرتي على هالحركات
العنود : منوا يكلم
الجازي : أخوك
العنود : خليل هاوشها وخلها تصير مرة سنعه
خليل : سمعتي العنود وش تقول
لينة : أيه خليل والله بيخترب المكياج سكر ترا دموعي حارة والمكياج مايصدق تجيه حرارة
خليل : أنتي الي تحبيني وتصيحين علي
لينة : هذا جزاتي أج
خليل : يشهد ربي أني أحبك أكثر منك والدليل أني بسكر الحين لا تنسين سلمي على الكل
خليل : سبحان الله هالمكالمة كانها دواء من رب العالمين ريحتني كثير جد ظلمت ناس كثير واولهم معاذ ولروز لكن برد لهم حقهم بطريقتي
نترك خليل ونروح للعرس الي كان في غاية الروعة الكل فرحان وأولهم المعرس الي أمرسم وصاير أكشخ واحد لكن المنافسين وش كثر واولهم وليد وعبدالرحمن ويعقوب
كان الفرح على وجوه الكل وخاصة الجوهرة الي أرتاحت من حمل كبير البنات ما قصروا جلسوا يرقصون والكل يناظرهم وكل وحدة من الحريم جالس تنقي لعيالها منهم وهذا هو طبع الحريم هالأيام وش نقو لغير الله المستعان
المهم جات أم نواف تناظر في البنات وطاحت عينها على وحدة تبي تعرف أسمها
أم نواف : منيرة منوا هذي البنت
منيرة : أيهم
أم نواف : أم الوردي
منيرة : ليه وش فيها
أم نواف : والله أدخلت قلبي من شفتها وبغيتها لولدي نواف
منيرة : هذي بنتي
أم نواف: ماشاء الله
في المسرح كانت نورة ترقص مع عائشة نورة لا بسة فستان أصفر غاية في الروعة على البرنسيسة وعائشة لا بسة فستان وردي ( لاحظوا المعنى(
نورة : أقول شكلها تبيك لولدها
عائشة : منوا
نورة : الي أتلكم أمي وأتأشر عليك
عائشة : وان أفترضنا ممكن تبيك أنتي
نورة : كان ودي لكن حبيبي ما يرضى وان درى قلب هالعرس على راسه
عائشة : أدحيم يخوف
نورة وهي تضحك : أسمه عبدالرحمن بس أنا الي أدلعه
أم نواف: أجل بنجيكم عشان نخطبها
منيرة : هذه الساعة المباركة بقدومكم
أم نواف : فمان الله
كملت العائلة العرس وكلن فرحان وجا وقت مغادرة العروسين غادروا الصالة للفندق الي بيقضون فيه ليلة ثم بيروحون لماليزيا
فيصل : كان حلم وتحقق حلم ما توقعت يكون بهالحلاة ربي لك الحمد
لينة منحرجة والحيا ماخذ مكانه
فيصل : عارف أنك مستحيا لكني بروح عنك أشوي بصلي وبجيك عاد قولي السلام عليكم ولا أي شي يا هو يا عالم أروح أصلي أحسن
راح فيصل يصلي وهو في الصلاة أضحكت لينة
فيصل بخاطره : أحلا أضحكت لي خلني أروح أسلم عليها
قطع الصلاة وراح يسلم
فيصل : السلام عليكم
لينة /...........
فيصل : السلام عليكم
لينة : ................
رجع فيصل يكمل صلاته
لينة هم أرجعت تضحك
فيصل تشقق وقطع صلاته
فيصل : السلام على من سرقت قلبي وروحي
لينة : ....................
فيصل : قولي بس وعليكم السلام تكفي
لينة : .................
رجع فيصل يصلي لكنه هالمرة عصب لأن لينة أضحكت
فيصل : قسم بالله أن ما قلتي لي ليه تضحكين لتكونين أنتي بدرب وأنا بدرب مو عدل الي تسوينه فيني أسلم عليك ما تسلمين أصلي تضحكين علي
لينة تداركت الموقف
لينة :هههههه حبيبي طالع وراك شوف السهم يأشر على وين للصلاة القبلة العكس
فيصل انحرج وبعدها بداء يضحك على روحه صلا ومن ثم
فيصل : لينة قربي جنبي
قربت لينة وحط يصل أيده على راسها ثم دعا
فيصل : اللهم لك الحمد على كل شيء اللهم يا حي يا قيوم لك الحمد أن زوجتني ريحانة قلبي لينة اللهم أجعلني اسعدها واخضع لها بالقول والين لها اللهم وفق بيننا واستر عوراتنا اللهم احفظ سرنا وادم المحبة في قلوبنا ربي بارك لي فيها وارزقني منها ذرية صالحة اللهم أمين
لينة : أمين
فيصل : فيصل أمين ها من بعد ما ضحكتي علي المهم قومي بدلي وحسابك بعدين معي
راحت لينة تبدل ملابسها وتفك التسريحة وامسحت هالمكياج الي عليها بعد ماتعطرت لفيصل أطلعت من الحمام
فيصل صار أمسبه : أكيد أنتي زوجتي يا بنت الناس فيه وحدة أدخلت الحمام شفتيها ما كانت بجمالك ولا تصف جنبك حتى
هنا لينة أقفطت وعطت فيصل ظهرها
قرب فيصل للينة وبدا يفرد الجدايل من شعرها لدرجة أنه يدخل شعرها بفمه
فيصل : لينة والله لو علي ما خليت مخلوق يشوفك تدرين مو قادر أعبر بس أبي أقول لك شي واحد والله أني مغبون فيك حتي أغبن روحي أنتي زوجتي ما شاء الله تبارك لينة احبك وبظل طول عمري أحبك لينة تذكرين أول لقاء بينا
لينة : أذكره كنت جريء كثير
فيصل : وش تبيني أسوي أشوف حورية واسكت والله أني تخيلت فيك هذا وانا شفت عيونك بس كيف لو شفتك أشهد أي بموت
لينة : لا تقول كذا حرام عليك
فيصل : ياهو والله أني أسعد أنسان حبيبتي جنبي وش أبي زود ما أبي شي
لينة :هههههه ذكرتني بذاك اليوم يوم تناقز في الشليه
فيصل : يوم تدخلين علينا وانتي ماسكه الشاي كانك تسوقين سيارة
لينة هنا تذكرت الموقف ولا حبت فيصل يذكره لذا أستحى لدرجة انها بكت
فيصل : أنا غبي أنا حمار ليه أقول كذا ليه الواحد بزواجه يتغزل بحرمته وانا أذكر ليالي ماضية لينة سامحيني مو قصدي أرجوك فوتيها لي
لينة : أكيد تنساها
فيصل : أكيد
بعد كذا كل شي ممنوع قوله أو شرحه نام العروسين