لجزء الرابع والعشرون:



(أهدي هذا الجزء لكل من تعني له الصداقة ويضع لها ألف أعتبار)
خديجة : لو أنا ياخذ مو أحسن هذا خمسمائة ريال أكثر من نص سالري (راتب) جد أنا غبي واجد بس بس أيش بس أنت غبي لا أنا مو غبي أنا أمينة يرجع فلوس انشاء الله ربي يوفقني امين الحين خلي أنا ينظف هذا بيت وبعدين نوم
الله يعين خديجة نظفت البيت ثم نامت
مرت أسبوعين فيها الكثير من الأحداث واولها ان المدارس بدت وكلن رجع لدياره بيت ابراهيم راحوا الظهران وعبدالوهاب هم رجع للظهران ويعقوب راح يكمل دراسته بجامعة البترول والبنات ريم وغادة وعائشة صاروا تلاميذ لنورة والجازي الي يعرفونهم على الكلية اما لينة فهي بادية بحماسة للجامعة أما خليل الي كان متأثر كثير بخطبة الجازي لكنه عرف أن هذا القدر والله هو الي كاتب له كل هذا أما عن الجازي ما أقول نست كل شي لكنها تحاول تتناسى بقدر الأستطاعة أما وليد عايش بحلم أسمه الجازي مو حلم الا حقيقة يعيشها كل يوم معاها , عرف من خلالها الجازي على بساطتها وروعتها أم ليلى حابس كل ألمها بصدرها وتظهر سعادة مزيفة والحقيقة أنها مدمرة بسبب مرض سامي خلونا نعرف الباقي عن الطريق التكملة
يوم السبت الساعة 4العصر في بيت حنين
حنين : من جدك تتكلمين
سلوى : هذا الي جاني وليد تزوج بنت عمه مو تزوجها ملك عليها
حنين بانفعال وعصبية : وليد يسوي كذا بعد بعد ما كان واعدني بالزواج إذا ردوا أهله
سلوى : أنتي الي كنتي عايشة بحلم مستحيل يتحقق لأنتي الي بعتي روحك له وهو ما يستاهل ظفرك
حنين : شب ولا كلمة أنتي كذابة كذابة
سكرت حنين السماعة واجلست تصيح بحسرة وندم
حنين :وهي تبكي : ليه يا وليد أنت حبي الأول الي أنولد واحنا برا بالخارج ندرس ليه تكذب علي وتحسسني بانك تحبني وين وعودك الي قطعتها على نفسك وين كلامك المعسول كل هذا خلاص راح وليه بسبب أيش أبي أعرف وش الذنب الي سويته أنا أمنتك على روحي وشرفي وفي الاخير تغدر فيني
كملت حنين بكاء بغرفتها وهذي هي نهاية كل أنسانة تثق برجل ما ينوثق فيه
في بيت ابراهيم بالظهران الساعة السابعة مساءا
شيماء : خديجة وينك
خديجة : كاني ماما
شيماء : تعالي أنظف غرفتي مليانة أغبار
خديجة : انشاء الله ماما
جلست خديجة تنظف وشيماء هم تنظف وياها لكنها كانت بعيدة عنها
خديجة : الله حلو هذا بس ..................... خذيه يا خديجة ولا أحد بيدري عنك خذي بس حلق واحد أو معضد واحد أي شي ينفعك و ينفع أمك وابوك وهالعايلة مسرفة تقط أغراضها في أي مكان الذهب الي هو ذهب شوفي وين محطوط لا حرام انا ما يقدر ياخذ هذا حرام على أنا يأكل ماما وبابا حرام لا أنا في وخر عن هنا
أطلعت خديجة من الغرفة بسرعة وشيماء شكت بالأمر راحت شيماء أتجاه الذهب وظلت مستغربة .................
اتجهت شيماء لغرفة خديجة الي كانت خارج الفيلا
شيماء بقوة تضرب الباب: خديجة خديجة بطلي الباب
خديجة : نعم ماما ايش في
شيماء : ما تسمعين فتحي الباب
خديجة بخاطرها : ليه أنا يروح هناك ليه أنا ينظف هناك الحين ماما فيه يضرب ولا يسفر أنا
أفتحت خديجة الباب وشيماء أدخلت على طول وقفلت وراها الباب
خديجة : ماما والله انا ما في يسوي شي اسف ماما
شيماء من عظم الموقف سالت دموعها وحضنت خديجة , خديجة مو عارفة وش السالفة وليه كذا يصير لكنها شاركت شيماء بالبكاء ممكن على أهلها وحزنها عليهم او لأي شي ثاني
شيماء أجلست على السرير وقعدت خديجة جنبها
شيماء : خديجة تذكرين الخمسمائة ريال الي لقيتيها بجيب بابا ابراهيم
خديجة : أيه أتذكر
شيماء : تدرين أني أنا حطتها عمدا حتى الذهب حطته عمدا قدامك وتعمدت أبتعد عنك حبيت أشوف بتاخذين شي منه أو لا والحمدلله نجحتي في الأختبارين واثبتي أنك أمينة على أغراضنا عشان كذا حبيت أقول لك أنك بتتركين الغرفة هذي وبتنامين داخل البيت وخذي هذي
خديجة : ايش ماما هذا
شيماء : هذي ألف ريال مني لك هدية أعتبريها
خديجة ما تمالكت نفسها وجلست تبكي مو بكاء حزن لكن بكاء شكر لله أنه وفقها مع عايلة مثل عايلة شيماء وعرفت كيف الله يبتليها لكن الحمدلله أنها وفقت في هالشي
شيماء : يله قومي الحين وضمي أغراضك ودخليها داخل
خديجة : انشاء الله ماما
نترك الأم الحنون شيماء مع خديجة ونروح لخليل في أمريكا
معاذ : خليل وين بتروح
خليل : بعد وين بروح
معاذ : حظك والله ما عندك محاظرات وقت الصلاة
خليل بخاطره : الصلاة من زمان عنها والله لكن ليه كذا صار حالي
معاذ : أقول رح صل لأنه ما بقى شي على الأذان
خليل : ...................... ها إنشاء الله
معاذ : خليل ممكن أقول لك شي
خليل : خذ راحتك
معاذ: أنت تغيرت كثير مو أنت خليل الي أعرفه أعرفك شاب ملتزم يغار على دينه ويحافظ على فروضه ويحب الخير للناس حتى أنا غيرتني صرت أهتم بديني حتى روز أسلمت على يدك كل هذا أنت سويته مو أنت هذاك خليل مو أنت
خليل بخاطره: ليه يكلمني كذا بعد كل الي سويته له كذا يقول لي
خليل : مالك دخل
معاذ تلقى صفعة من دون يد تلقاها من أعز أنسان بالنسبة له ما قدر يتحمل وصحيح ما راح أزعل على أي أحد لكن مو مثل الي أعزهم لأن غلطهم ولو صغير بألف غلط
معاذ : خليل الله يجزاك خير فمان الله
خليل بتغطرس : فمان الكريم
معاذ حزن على كلام خليل لكن منوا راح يشيل همه مين
راح لمحاضرته لكنه كان مو مع الدكتور كان زعلان على خليل ويفكر كيف قدر خليل يقول كذا
لكن فيه من كان يطالعه ويفكر ليه هو صار كذا
انتهت المحاضرة ومعاذ لا زال بالفصل
اقتربت منه وكل مالها تقترب أكثر
روز : السلام عليكم
معاذ: وعليكم السلام
روز : كيف حالك
معاذ : أنتي شايفة حالي سيء
روز : بليييز معاذ
معاذ: أسف روز لكن خليل
روز : ماذا به
معاذ : خليل تغير مو خليل الأول الملتزم التقي تغير كثير
روز : ما أكذب عليك لا حظت الشي هذا لكن الجرح الي حصل له ما أندمل إلا الحين
معاذ : ولو خليل تغير يسمع أغاني ورافق ناس اول مرة أشوف أشكالهم صيع من صادقوه وهو حاله يدهور يوم ورا يوم
روز : هي السبب الجازي
معاذ : ولو يا روز ممكن الي صار لخليل ناتج عن زواج الجازي لكن مو هيب السبب خليل أستسلم لأول خطوة من الشيطان وأول إغواء
روز : صحيح كلامك خليل يجب أن يرجع خليل زمانه يجب ان يهتم بمذاكرته ونحن الذين سنرجعه مثل ما فعل لنا
معاذ : تعاهديني ياروز
روز : أعاهدك