لينة : هايييييييييييييييييييي
عبدالرحمن : أسف غلطة صغيرة
العنود :كل هذا من الخوف أجل خلاص عرفنا أدواك
عبدالرحمن : طالبك يالعنود لا تقولين للربع شي ترانا مانقدر على زعلهم
أما الجازي المعذرة يالجازي أنا ما واطنها ولا أحبها ولا أشتهيها ولا أجلس
بالمكان الي تجلس فيه ولا أحد أموصيني عليها ولا شي بس كل الي
قلته بالعكس
لينة : هههههههههههه الخواف هذا أنت لسا ما خذتها كيف لو خذتها وش
بتصير أنت الدجاجة وهي الديك يالدجاجة
عبدالرحمن : أنا الدجاجة ها أوريك ما فيه خبر بنرد للحسا
الجازي : خلاص سامحها هالمرة توبة
لينة : أي والله توبة بس خلنا نرجع للديار أن ماوريتك بذلك على هالذل
الي أمسويه لنا
كملوا البنات طريقهم مع عبدالرحمن وصلوا خلال ساعة وربع عند المغرب
نتركهم الحين ونروح لعبدالوهاب ومها
مها : عبدالوهاب وخر عني تراك أتعورني
عبدالوهاب : أبي أسمع هالولد ذا ليش دايم يذيك
مها : والله مو هو الا أبوه مذيني
عبدالوهاب : مها أرجوك لا تطلعين بكرة قدام المعازيم كذا بدبتك بتفشلينه
مها : بسم الله عليك أنا أحلى ألف مرة كذا ولا
عبدالوهاب : الشهادة لله أنتي من همرك أحلى وحدة تشوفها عيني
مها : أدري
عبدالوهاب(بخاطره): لأنك صاكة علي أبي أشوف هالتلفزيون زين موقادر
ما أشوف إلا أنتي
مها : شتفكر فيه
عبدالوهاب : أفكر بالولد الجاي
مها : وأن كانت بنت
عبدالوهاب : الي يجي من الله حياه الله بس أن كانت بنت بسميها حواري
مها : ماشاء الله عليك الأسامي الي تجيبها دوم حلوة , أما أن جاء ولد
بسميه أنا
عبدالوهاب : لا حبيبتي أمسمي روحه هو قبل لا يجي
مها : وش أمسمي روحه ياحياتي
عبدالوهاب: ولدي هو بو سعود عبدالعزيز بن عبدالوهاب بن
عبدالعزيزالحمد
مها: ترا كنت بسميه نفس الأسم على أبوي وأبوك عشان نكون متعادلين
عبدالوهاب:انزين حبيبتي روحي المستشفى وعرفي هو ولد ولا بنت
مها : أساسا هم قالوا لي
عبدالوهاب: قالوا لك هو ولد ولا بنت
مها : لا قالوا تبين تعرفين ولا لا , قلت لهم الي يجي من الله حياه الله ,
ورفضت طبعا
عبدالوهاب: شسوي فيك أنتي غير أني بهجرك ساعة بالكثير وبرجع لك
كأني مطاط أنشد مليان شوق
مها : خذ معاك أسيل ترا أمتعبتني كثير
اسيل: صدق بابا
عبد الوهاب : لا
عبدالوهاب : أنزين وين تبين تروحين
أسيل : أبي بطاطس
عبدالوهاب: أخيرا نطقتيها صح
أسيل : بابا بابا علي يجي ويانا
عبدالوهاب: خلاص علي يجي ويانا من الحين تحجزين حق روحك
مها : بسم الله على بنتي بتشوف أن طول الله بأعمارنا المعاريس يتمنون
تراب رجلها بس هي الحين متواضعه
عبدالوهاب : ول خذيتيني شراع بلا مجداف خلاص عيب لا تحجزين حق
روحك أسيل عيب
أسيل تنزل راسها وترفعه موافق على كلام أبوها
عبدالوهاب: يله أسيل أنروح حق علي
الكل تجمع في بيت الجوهرة بعد العشاء
خالد : إبراهيم كيف خليل الحين
إبراهيم : نسيت أخبرك , خليل يسلم عليك ويتأسف
على الي صار منه ولا يدري كيف يعتذر
لكن وصاني أني أخبرك أنه غلط عليك
وعلى وليد وعشان كذا يعتذر منكم ويطلب
منكم أمسامحته لأنه سافر لأمريكا اليوم العصر
خالد : من جد تتكلم سافر
إبراهيم : أيه وصلته أنا للمطار راح يكمل دراسته هناك وقبل لا أنسى ,
وليد
وليد : سم عمي
إبراهيم : تسلم , خليل يبارك لك الخطبة من الجازي ويتمنى لكم الخير
من خالص أعماقه
وليد والغيض بقلبه على الي سواه خليل : الله يبارك فيه ويوصله سالم
يوسف: أنزين الحمدلله على كل شي وش صار على بكرة أغراض وعشا
والزي منوه
خالد : عبدالوهاب هو الي متكفل بالأكل
وكل شي هو الي قال , الا وينه هو
يعقوب : طلع مع أسيل وعلي أخوي
دخل سامي على الجماعة المجلس مع أعياله حمدان وسلطان
سامي : السلام عليكم
الكل : وعليكم السلام
سلم الكل على سامي وعياله ثم أجلسوا
خالد: عمر : قوم صب القهوة
عمر: إنشاء الله يبه
خذ عمر الدلة وصب فنجال لعمه سامي
عمر : سم عمي
سامي : تسلم , وش أخبارك يا عمر من زمان عنك أول تطل علينا
عمر : مشاغل الدنيا وأنت عارف
خالد : ههه الي يسمعك يقول متزوج وتصرف على عيلتك
عمر : لا عاد ما وصلت لهذي الدرجة وأنتوا يا يبه في وقتكم الي كان
بعمري ماعنده أي شغل أما جيلنا أنواع الأشياء
تقدر تسويها عشان كذا أنا مشغول
خالد: أيه أيه كمل صبك للقهوة
سامي: كيف الأستعدادات حق بكرة
خالد : تونا كنا نتكلم عن هالموضوع
سامي : تراني جاهز لأي شي أنتوا أمروا بس
خالد : ما يامر عليك عدو نبيك تجي بس وكل شي بيقوم فيه عبدالوهاب
والشباب هذاهم وياه ولا ياشباب
حمدان : والله هذي الغالية خالتي لينة أخر العنقود نخدمه لو على نفسنا
يوسف : والنعم فيك
حمدان : عمر وين عبدالرحمن
عمر: راح للخبر مع البنات يقضون أغراض حق بكرة
عمر : نذل ما قال لي كان رحت وياه
وليد : منوراح وياه
عمر: لينة والعنود والجازي
يعقوب : أختي راحت وياهم
عمر : أيه راحت وينك أنت
يعقوب : رحت للمزرعة مع أحمد وعبدالله
نركب الخيل ولا أدري عن أي شي
وليد جاه أتصال وغادر المجلس
وليد : هلا وغلا كيف حالك
حنين : خذني على قد عقلي ونسيني الي سويته
وليد : أسف والله حبيبتي أنشغلت مع الأهل
حنين : لا مو راضية عليك لين تجيني بالخبر
وليد : لو أدري كان جيت اليوم ولد عمي رايح بس راح الحين
حنين : مالي دخل تعال مشتاقة لك حيل
وليد بخاطره : راح أخليك تشتاقين للنسيان وتكفرين باليوم الي عرفتيني
فيه أنا تخونيني ماعليه أذكرك
وليد : حنين أمحضر لك مفاجئة مرة حلوة بس مو الحين راح تعرفين
ولا أنا الي بقول لك
حنين : والله شوقتني كثير قولها
وليد : ماتصير مفاجئة أجل
حنين : يالله أجل وليد عن أذنك جايتني مكالمة ضرورية لازم أكلم سلام
وليد : هين ياحنين أن ما وريتك أتكلمينه بعد لازلتي
عبدالوهاب : وليد أشفيك جالس بره
وليد : لا كنت أكلم جوال , أهلين حبيبتي أسيل عطيني من البطاطس
الي عندك