قمر : ما أكذب عليكم لها يومين ما تنزل إلا قليل ولا تاكل روحو شوفوها
لينة : أجل نترك مع هالقمر علي
علي : عميمة عميمة
لينة : يا قلب عمتك سم
علي : خلاص بتروحين عنا
لينة : مين قال لك
علي : فيصل بياخذك
لينة : أها لا حبيبي مو ما خذني عنك بتصير على طول وياي
علي : سمعتي ماما عمتي بتاخذني وياها
قمر : الله يقطع شرك
لينة : وش فيه
قمر : مو راضي أن فيصل ياخذك يبيك تجلسين هنا ولا تطلعين
لينة : خلاص حبيبي مو تاركتك
العنود : يالله لينة خلينا نطلع فوق
أصعدوا فوق
لينة تضرب الباب أشوي أشوي
الجازي : منو
لينة : أنا لينة عمتك
الجازي : وش فيك لينة
لينة : بقول لك لكن مو على الباب
الجازي : انتظري
جلست الجازي تمسح دموعها وبعدها أفتحت الباب
لينة : أخيرا فتحتي
سلموا على بعض لكن العنود مع الجازي خذو فترة يناظرون بعض في هذي اللحظة ممكن أكثر من ألف رسالة عبر العيون تنرسل والردود مالتها حزينة للغاية
لينة : هاو وش علامكم دخلو
العنود : السلام عليكم
الجازي : وعليكم السلام
العنود : كيف حالك الجازي
الجازي تنفست نفس عميق ثم : ربي لك الحمد
العنود : وش فيك ذبلانة كذا وليه ما تكلينا
الجازي تناظر العنود ( خاطرها ) : شقول لك وأنتي تعرفين الي بخاطري
تبيني أنهز قدامكم وأبكي ولا تبوني أجلس كذا حابسة الظيم الي بقلبي
لكن يكفيني سؤال واحد أسألك بعدها يا بتريحيني أو بتعذبيني بالجواب
لينة : الجازي ردي ليه ما تكلين
الجازي : ماني مشتهية
جلست العنود ولينة يتساسرون بين بعض
الجازي : أكيد يتكلمون عني وعن خليل أهه يا خليل وش حالك الحين
زعلان مني أكيد ولا براضي مني لك حق والله لكن وش أسوي والكل
ضدي وأنت الوحيد الي أتريحني لكن اههههه
العنود : الجازي ما أدري كيف أبدا بكلامي لكن لازم تسمعيني وأحنا لازم
نسمعك وأن ما سمعناك ترا ما فينا خير
الجازي : وش صاير
العنود : خليل
الجازي بردة فعل قوية : وش فيه خليل
العنود : أخوي سافر وتركنا
العنود توها الحين تفجر مشاعرها الي كانت كاتمتها ماتبي تخرب على
فرحة لينة لكن كل شي وله حد
الجازي بخاطرها: هذا الجواب الي كنت أبيه لكن مو زي الي كنت أرغب
فيه ليه يا خليل تركتني ليه, صحيح قلت لك لكن ليه طاوعتني ترا ما أبي
غير حبك أنت وقربك ما أبي أحد بهالدنيا كلها أرجع لي وخلنا نبني عشنا
بدت الجازي تكمل الدموع الي ما عرفت توقف غير لفترة وجيزة والحين
خذت مجراها من جديد
كل الي بالغرفة يبكون الي صابه مصيبة وحدة واي ثنتين كل هذا بسبب
فراق خليل
لينة تمسح الدموع وتجمع أشوي من شجاعتها
لينة : العنود الجازي خلاص ما ينفع البكاء بعد الفراق تراني مليانة دموع
وحزن على حبيبي خليل لكن لا تخربون فرحتي وهو هم ما حب يخرب
فرحتي وبارك لي على الخطبة يله بنات وهو خلاص راح والي باقي له
منا أن ندعي له بالتوفيقفي حياته هناك ودراسته ويوفقه ببنت
الحلال...........................
الجازي بخاطرها : أخر وحدة أظنها تخطي هالخطاء هو أنتي يا لينة
تظنين أحنا خلاص تفارقنا لا وألف لا صح أن الدين ولا العادات تسمح لكن
قبل لا يسافر كل منا أهدى للثاني قلبه كلن يحس بالثاني سواء حزين ولا
سعيد مو هذي نهاية خليل الجازي خليل بل هذي البداية
لينة : مو قصدي والله يالجازي
العنود : خلاص الحين خلونا نفرح وتركوا النكد بعيد وأن كنا غير فرحانين
من الداخل خلونا نتظاهر عشان تكمل الفرحة للكل ولا
لينة : يا حلات هالكلام ولش بوسة بعد أمواه
العنود : وع كذا بتحبين فيصل بيتركك من أول ليلة شكله يبيلك تدريب
الجازي أبتسمت قليل
لينة : أيه هذي الجازي الي نعرفها صح مو كلها لكن يكفي أن روحها ويانة
الجازي بخاطرها : روحي مو معي مع الغالي يحتفظ فيها وراح يردها لي
بردتها