احسك بلسمي من جروحي

احيان احسك داخلي مثل روحي
واحيان احسك عني انت اغرب الناس


واحيان احسك بيرق لي يلوحي
واحيان احسك م الخطر دق الأجراس


واحيان احسك في السواليف بوحي
واحيان احسك فى السواليف فراس


واحيان احسك بلسمي من جروحي
واحيان احسك كل مابي من الباس


واحيان احسك بسمتي في فروحي
واحيان احسك جاعل الحال منحاس


واحيان احسك عندما انوح نوحي
واحيان احسك هرج فاضي وهوجاس


واحيان احسك بسطتي في مزوحي
واحيان احسك جد مثل الصخر قاس


واحيان احسك قلب يرغب فتوحي
واحيان احسك باب موصد بترباس


واحيان احسك عند موتي مسوحي
واحيان احسك مال عمري بك قياس


احيان عكس احيان وارفق بروحي
خلك معي في حال واحد كما الناس


لني تعبت وخوف روحي تروحي
وانا المس احجارك وانا احسبها الماس





ابيات راقت لي
اتمنى تعحبكم
وترتقي لمستوى ذوقكم
م / ن

ربي يحفظك لي ياأمي ولايحرمني اياك