الا ياليل ياليل الوداع ونبرت الحنجور
والا يادمعتً غصت بعيني وانت سبتها

والا يالخاطر اللي كل ما تجبر تجيك كسور
تصبر وانت غانم والليالي ذيك مرتها

اكن الحزن في صدري وتعبير الوجه مسرور
واجامل بالكلام وعلتي بالجوف كابتها

الا ياوجد حال كل ما شع الصباح بنور
وجد من ثارت البندق غلط فامه وصابتها

وانا كني من الفرقا ولوعتها كسير جبور
حدوه القوم من ذوده وكبده زاد علتها

والا يابارقً خلته ورعاده ورآه يثور
عليه النفس شفقانه وشوفه زآد شفقتها

رسمت ألك القصيده من عنا وقتي وحزن شعور
عساها لا وصلتك تفتكر وتعرف غايتها

انا باقي على ذكرك ولو مرت سنه وشهور
ولو جاني لنسيانك فكر خربت فكرتها

اسوق العمر لك فدوه ولو مني تضيق صدور
وانا مهتم لو ضاقت علي او زآد ضيقتها

بنيت انت المدينه فالحشا يا حاكم الدستور
مدينة حب عاشت في ربيع القلب صورتها


م/ن