الجزء لاخير
زياد كان يسوق وهو سرحان والاشاره كانت حمراء لكنه مانتبه وتجاوزها
وصدم في شاحنه قاطعه الشارع
زياد في العنايه لان الضربه جت على راسه وسببت نزيف في الدماغ
الكل قدام باب العنايه ينتظرون خبر يفرحهم
طلع خالد ومعه سيف
ابوزياد:بشر
خالد بهدوء:ادعو له الله يشفيه
ابوزياد جلس على ركبه في الارض
خالد يمسكه:يبه زياد محتاج دوعائك
ابوزياد يرفع يدينه للسماء صار يدعي لزياد يقوم بالسلامه
ام زياد حالتها حالها ادموعها على خدها من يوم دخل زياد العنايه
++++
ريم درت بالخبر من معاذ الي دق على جوال زياد ورد عليه خالد وخبره
ريم وهو تبكي:ودوني بروح اشوفه
ام ريم:وشلون تروحين وانتي طالبه الطلاق
ريم بترجي:خلوني اشوفه لو من بعيد
رنيم ارحمت حالها وقالت:هذا زوجها كيف تنعونها عنه
ام فارس:خليها تروح مع معاذ ورنيم
ام ريم:بشرط
ريم:امري اهم شي اروح
ام ريم:تشوفينه من بعيد محد يشوفك زين
ريم تهز راسها يعني موافقه
دخلو المستشفى وتوجهو لغرفة العنايه وكان خالد وسيف توهم طالعين من عنده
معاذ:السلام عليكم
خالد وسيف:وعليكم السلام
معاذ وعينه على الباب:كيفه الحين انشاءالله تحسن
سيف بحزن:على حاله
خالد يطالع في الثنتين الي معه:ريم معك
معاذ:ايه بتزور زياد اذا مافيه مانع
سيف بأسف:الزياره ممنوعه عنه لان حالته صعبه
معاذ:خلها تشوفه لو من بعيد
خالد:خلها تجي
اشر معاذ لريم وتوجهت يمهم ورنيم بقت مكانها
خالد:تعالي بلبسك لبس معقم وخليك تدخلين
راحت ريم مع خالد الي طلب من الممرضه تعطيها ملابس معقمه ودخلها غرفة زياد
دخلت ريم الغرفه وكان زياد ملفوف راسه وجسمه كله اجهزه
قربت منه ومسكت يده البارده وقربت من اذنه وقالت بهمس:احبك
زياد كان يسمعها بس مايقدر يرد عليها
ريم بنفس الهمس:رغم جفاك احبك
زياد ضغط على يدها بقوه
ريم انزلت ادموعها على خدها واذت يده وباستها وقالت:استودعتك الله الذي لا تضيع ودائعه
سحبت ريم يدها من يده وطلعت
طلعت ريم ورمت نفسها في صدر رنيم وبكت بصوت مسموع
خالد قرب منها وقال:ريم زياد محتاج لك
ريم ماقدرت ترد عليه من البكي
معاذ:يالله نمشي
ريم من بين شهقاتها:روحو انتم انا ماني رايحه
معاذ توهق لان خالته محرصه عليه يجيبها معه
معاذ:ريم ماله داعي تجلسين زياد مايحس بحد
ريم بعصبيه:قلت ماني رايحه يعني ماني رايحه
معاذ عاذرها وعارف من البدايه انها بتقول هالكلام بس خالته من يقنعها
رنيم:معاذ خلها على رحتها واذا على خالتي انا اكلمها
معاذ ابتسم وقال:على راحتكم
طلعو رنيم ومعاذ من المستشفى
اما ريم راحت للمصلى النسائي وجلست تقراء قراّن وتدعي لزياد يقوم بالسلامه
اخذ زياد في العنايه اسبوعين وريم مافارقته ولا لحظه
زياد فتح عيونه
خالد ببتسامه:حمدلله على السلامه
زياد بتعب:الله يسلمك
خالد بنفس الابتسامه:خوفتنا عليك
زياد رجع سكر عيونه وقال بتعب:كم صارلي
خالد:لاتتكلم لانك تعبان
تحسنت حالة زياد ونقلوه لغرفه خاصه وبدو معارفه وربعه يزورونه ويتحمدون له بالسلامه
ريم بعد ماقام زياد بالسلامه قررت ترد للشرقيه بس امها رفضت وقالت هذا لعب بزران وهي اختارت تبقى معه وعليها تتحمل نتيجة قرارها
عبير:منتي نازله
ريم بهدوء:لا ماني نازله مرده بيطلع واشوفه
عبير:ليه كل هالتحول امس دموعك ماجفت واليوم ماهمك
ريم:انا منكر اني احبه لكن زياد جرحني وماقدر هالحب
عبير:زياد يحبك فلاتضيعينه من يدك
ريم بقهر:يحبني بدليل معاملته والا كلامه الجارح والا طلاقه لي وعذابه على فراق اميره
عبير:انا منكر انه يحب اميره بس بعد يحبك
ريم:وانا مستحيل ارضى بكذا لو اميره لسا على ذمته كان ماعليش لكن تكون مطلقه وتشاركني في قلبه لا
عبير قايمه:والله احترت معك ومعه
++++
طلع زياد من المستشفى ورد البيت مع خالد
الكل كان في استقبال زياد وفرحان بردته
ابو فهد:بكره العشاء عندي
زياد:ماله داعي
فواز ببتسامه:وشلون ماله داعي قالولك انك رخيص عندنا
خالد:لا تكبرراسه علينا
فهد:وش يكبر هي كبيره خلقه
زياد:ابوك يالغيره
فهد:خالد انت غرت ترى انا ماغرت
خالد:ولا انا
فواز ضحك وقال:ماعليك منهم
ابو زياد:روح يابوك داخل امك مشتاقه لشوفتك
زياد وهو قايم:يالله استأذن
دخل زياد وشاف الكل مجتمع عشانه
زياد ببتسامه:تصدقون توني ادري اني غالي
ام زياد وادموعها على خدها:حمدلله على السلامه
زياد يحبها على راسها:الله يسلمك
زياد بعد ماخلص من السلام قال:تعبت وانا اسلم
ام زياد:اجلس يمه
جلس زياد وقال ببتسامه:اشوف ماجد نفذ وعده وخلاك تنسينا
غلا ببتسامه:ماعاش من ينساك
زياد:ايه واضح من تزوجتي ماشفناك
غلا:لاني كنت مسافره ماردينا الا من كم يوم
دانه:زياداحرجت البنت
زياد ببتسامه:لا تخافين غلا ماتنحرج
عبيروهي قايمه:عموه وش تشرب
زياد:لاتقولين عموه احس اني كبر ابوي
حنين:لا انت زين الشباب
زياد ابرود:زين الشباب مره
هنادي طول الوقت ساكته
زياد يأشر لنهادي:هنو تعالي عندي
قامت هنادي بتعب وجلست بقرب زياد
هنادي ببتسامه:امر
زياد يحط يده على كتوفها:مايامر عليك ظالم ابي اسولف معك بس
عبير بزعل:وانا ماتبي تسولف معي
زياد ببتسامه:الحين انا افتك من رجلك تطلعين لي انتي
عبيرببتسامه:فديت رجلي
زياد:استحي يابنت عيب هالكلام
عبير وهي طالعه:ماقلت شي عيب
ضحك زياد على عبير
زياد يصد لهنادي:واخبار الحلوه
هنادي ببتسامه:اخبارها زينه
ام زياد:الحين انت تطلعها كأنها بزر وبطنها قدامها
زياد ببتسامه:لو تجيب عشرين بزر بدلعها وش حاركم
هنادي ببتسامه:ام زياد تغار والا انا غلطانه
ام زياد:هذا الي ناقص اغار منك
هنادي بخبث:قصدك ماتغارين على زياد انتي تغارين على ابو زياد
زياد ضحك وقال:هنو احرجتي امي
ام زياد:واحد يكذب والثاني يصدقله
بعد ساعه استأذن زياد وطلع للشباب برى
حنين:يمه ماكلمتي اميره


ام زياد:الا كلمتها ليه
حنين:ماقالتلك زورينا
ام زياد:وانتي شافتني فاضيه للزيارات
حنين انقهرت من رد امها واسكتت
خالد منع زياد يطلع لفوق لمدة اسبوع وقال انصحته ماتسمح له بطلوع الدرج والحقيقه ان خالد مايبيه يواجه ريم الا اذا استرجع صحته لان العصبيه ماهي زينه له
ريم طول الاسبوع في ماطلعت من دارها ماتبي تواجه ودها انه يبقى بعيد عنها على طول
خالد ببتسامه:لا اليوم صحتك تمام التمام
زياد:يعني اقدر انام في داري مليت من النومه في الملحق
خالد:كل شي مسموح الا العصبيه الزايده لا
زياد ببتسامه:مافيه شي يخليني اعصب
خالد:انت تدري ان ريم هناء
زياد بصدمه:هناء
خالد:ايه هناء وانا الي طلبت محد يقولك لاني ماكنت ابيك تعصب وتتعب لانك كنت في فترة نقاهه
زياد وهو يقوم:حصل خير
ريم طفشانه لان عبير ماجتها اليوم لان خالد موجود
ريم كان شكلها عادي يعني لاميك اب ولاشي وكانت لابسه برموده خصر مع بدي وشعرها رافعته على فوق ونازله على وجها بعض الخصل
ريم كانت في غرفتها تقراء كتاب
فتح زياد الباب ودخل ريم اعتدلت في جلستها
زياد طالعها بشوق وقال ببتسامه:ماودك تسلمين علي
ريم نزلت راسها في الارض ولاردت
زياد قرب منها ومد يده وقال:على الاقل سلمي بيدك
ريم مدت يدها وصافحته لكنه هو مسك يدها بقوه وقفها
زياد ببتسامه:ماوحشتك
ريم تهز راسها بلا
زياد يرفع راسها:ليه منزله راسك
ريم رفعت نظرها فيه وقالت بهمس:يكفيني معناه
زياد ببتسامه:يعني تعترفين انك تحبيني
ريم بهدوء:ماقلت كذا
زياد طالع في عيونها وقال:كلامك يفسر كذا
ريم بنفس الهدوء:فسره مثل ماتبي
زياد باسها بين عيونها وقال:انا تعبان وابي ارتاح
ريم بقهر:يعني انا مصدر تعب لك
زياد ببتسامه:اذا انتي تشوفين بقول ايه
ريم بعصبيه:يوم ماتحبني ليه ماتتركني اروح في حالي
زياد ببتسامه:اتوقع انك انتي الي جيتيني
ريم انزلت ادموعها وقالت:وحده تحب العناء
زياد مسح دموعها بيده وقال بهمس:مابي اشوف دموعك لانها غاليه عندي
ريم:احترت معك
زياد ضمها لصدره وقال:خلي كل شي فوقته حلو
ريم بألم:مليت من الانتظار
زياد يبعدها عن صدره وقال ببتسامه:لا تستعجلين الصبر مفتاح الفجر لكن مستحيل اتخلى عنك مهما صار ارتحتي
ريم بهدوء:اي
زياد باسها على خدها وقال ببتسامه:ابيك تنسين كل شي صار بينا ونبدى حياتنا مثل أي ثنين توهم متزوجين
ريم انزلعت دمعتها على خدها
زياد يمسح الدمعه بصبعه قال:ليه الدموع
ريم ابعدت عنه وعطته ظهرها خلاص ماتتحمل قربه يعذبها يثير مشاعرها يحرك كل احساس داخلها وهو جامد مثل الجليد
زياد قرب منها ولف جسمها ناحيته وقال بهدوء:وش فيك
ريم نزلت راسها للارض ماتبي تطالع في عيونه لان عيونه سبب معاناتها
زياد ببتسامه:وش افهم من تصرفك انك تراجعتي عن كلامك
ريم وهي منزله راسها قالت:لا ماغيرته
زياد قرب منها اكثروحط يده من ورى ظهرها وقربها منه اكثروقال بذوبان:اشتقتلك
ريم بألم قول اشتقت لجسمي اشتقت لأنوثتي
زياد يضربها بصبعه بخفيف على خدها:وين رحتي
ريم رفعت عيونها وحطتها في عيونه تبيه يحس بعذابها يحس بقربه كيف يحرك مشاعرها تبيه يشوف شوقها وحبها له
زياد وصلته الرساله وقال بهمس:ادري انك تبين مني اشياء كثيره بس قلتلك لاتستعجلين
ريم نزلت عيونها وقالت بحزن:يكفي اكون بحماك
زياد ببتسامة رضى:انتي في عيوني
ريم ردت له الابتسامه
زياد شالها بين يديه وحطها على السرير
++++
عبير:قلتله ان ريم هناء
خالد:ايه قلتله والله يستر لا يتهاوش هو وياها
عبير:لا انشاءالله
خالد بخبث:وحناء وش علينا منهم خلينا نشوف حالنا
عبير ببتسامه:من ماسكك شوف حالك
خالد مسكها مع خصرها وقربها منه وقال بذوبان:انتي ماعطيتيني فرصه
عبير بدلع:انا
خالد بذوبان:لا انا
++++++++++++
ريم قامت بنشاط حاسه بسعاده اكشخت على الاخر ونزلت تحت
ام زياد ببتسامه:صباح الخير
ريم ببتسامه:صباح النور
ام زياد:وين زياد
ريم ببتسامه:نايم
ام زياد ارتاحت لان وجه ريم يبشر بالخير
صحى زياد وبدل ملابسه ونزل
زياد ببتسامه:السلام عليكم
ام زياد وريم:وعليكم السلام
زياد جلس على كنبه منفرده وقال:ريوم جيبي لي فطور
ريم ببتسامه:من عيوني
طلعت ريم تجيب الفطور
ام زياد ببتسامه:ماشاء الله وجهك منور اليوم
زياد ببتسامه:الراحه تنور بوجه صاحبها
ريم دخلت وحطت الفطور قدام زياد
زياد:ماودك تفطرين معي
ريم ببتسامه:وين افطر وانت جالس في الكنبه الصغيره
زياد يبعد لها:تعالي هناء
ريم استحت كيف تجلس هالقرب منه
ام زياد وهي قايمه:عن اذنكم بروح ارتاح
زياد ضحك وقال:يالله تعالي امي اطلعت
ريم بحياء:ماني مشتهيه
زياد بصرار:اذا ماجيتي ماكلت
ريم اجلست معه على نفس الكنبه
زياد حط يده ورى ظهرها وقال بهمس:عطرك حلو
عبير ببتسامه:ايبب والا الرقص والا وش اسوي
زياد ببتسامه:ضفي وجهك
عبير ببتسامه:اتوقع اني ماني في داركم والا انا غلطانه
ريم حاولت تقوم بس زياد مسكها وقال بصوت واطي:مستحيه
عبير:زياد فك البنت وجها صار احمر
زياد:وانتي وش دخلك
عبير وهي تطلع:خلني اطلع لا تقولون عني عذول
+++++
هنادي بتعب:حبيبي قوم
فهد يفتح عيونه:قلبي بنام شوي
هنادي ببتسامه:قلبو تأخر الوقت
فهد بكسل:بنام دقيقه
هنادي بدلع:مابي قوم الحين
فهد ببتسامه:بقوم لعيونك
هنادي ببتسامه:يالله قوم
فهد وهو يقوم:طلعي لي ملابس
هنادي:من عيوني
++++++++++
اميره سعيده بحياتها خصوصا مع بنت عادل الي تعودت عليها وصارت تقول لها مامه
عادل بزعل:انا مدري منهو زوجك
اميره تمشط شعر بنت عادل:انت حبيبي وحياتي
عادل:أي واضح كل اهتامك في هالبنوته
اميره ببتسامه:تغار من بنتك
عادل:مايبيلها كلام اكيد اغار
+++++++++
عبير لريم:مبسوطه
ريم بألم:مكتوب علي العناء
عبير ببتسامهاي عناء وانتي وزياد احباب
ريم بخوف:خايفه
عبير:من شنو خايفه
ريم:اخاف تظهر اميره في حياتي مره ثانيه وينهدم كل شي
زياد داخل قال ببتسامه:انتي زوجتي ومحد بيغير هالحقيقه
عبيرببتسامه:ارتحتي الحين
ريم انزلت ادموعها وقالت:ايه
قرب منها زياد ومسح دموعها بيده وقال:مابي اشوف هالدموع
عبير:ماعليك منها تدلع
زياد ببتسامه:اذا ماتدلعت ريم من يتدلع
حنين داخله:الله يرحم ايام زمان كان الدلع مايليق الا على اميره
زياد بعصبيه:حنين وش هالكلام
حنين بقهر:الحين وحده مثل هذي تنسيك حبك لميره
زياد بعصبيه:هذي زوجتي والي يهينها يهيني واميره صفحه ونطوت من حياتي
حنين بعصبيه:هذي الي ماتسوى تحل محل اميره
زياد بصوت عالي:حنين مااسمحلك تتكلمين عنها كذا
حنين بقهر:كفوك وحده مثلها
زياد فقد اعصابه وعطاها كف وقال:البيت هذا ماتدخلينه الا اذا عرفتي كيف تحترمين أهله
حنين طلعت وهي تبكي
ريم خافت لا يرد يعصب عليها فقررت لانسحاب
زياد مسكها مع يدها وقال:وين رايحه
ريم بخوف:هاه
زياد ببتسامه:خايفه
ريم هزت راسها بأيه
زياد ضمها لصدره وقال:عمرك لا تخافين وانا معك
عبير بخبث:تراي مااشوف
زياد وهو مازال ضام ريم:تشوفين ماتشوفين كله واحد
ريم حررت نفسها بصعوبه وقالت ببتسامه:مسكره عيونك صح
+++++++
حنين ردت بيتها وهي مقهوره من الي صار وطول اليوم تبكي وحالتها حاله
فواز بعد ماجاء من شغله
فواز:السلام عليكم
حنين وادموعها على خدها:وعليك السلام
فواز مااهتم بدموعها وقال:حطي الغداء ميت جوع
حنين بقهر:زياد طردني من بيت ابوي
فواز بهدوء:شي متوقع
حنين بعصبيه:الحين اقولك طردني وانت تقول شي متوقع
فوازبتهديد:لا ترفعين صوتك في وجهي
حنين بصوت باكي:هذي اخرتها يافواز تكلمني كذا
فواز:من افعالك
حنين بكت بصوت مسموع
فواز جلس جمبها ماهانت عليه
فواز:ليه تبكين وكل الي صارلك من فعلك
حنين من بين شهقاتها:انا ماسويت لك شي
فواز:صح ماسويتي لي شي بس سويت الكثير في حق اخوك زياد وهذا شي مايرضيني
حنين:زياد وش سويت فيه
فواز:قولي وش ماسويت هدمتي حياته ولولا ستر الله كان الحين هو مطلق زوجته
حنين:انا قصدي مصلحته ريم ماتناسبه
فوازببتسامه:وشلون ماتناسبه وهي ردته زياد الي نعرفه
حنين اعرفت غلطتها يمكن حبها لميره عمها عن التفكير بشكل صحيح
فواز يبوسها بين عيونها:قلبي خلي زياد يعيش حياته وخلينا نعيش حياتنا
حنين ببتسامه عذبه:انا اسفه غطت في حقق وحق نفسي وفي حق اخوي
فواز يرد لها ببتسامه:انسي الموضوع وزياد اخوك وبينسى الموضوع
++++++++++
سيف:خالد بخطب
خالد ببتسامه:وانا الخطابه الي تبيني ادورلك
سيف يضربه بالسماعه:ماهو قت خفت دمك
خالد يسوي نفسه مهتم:يالله قول الموصافت الي في نفسك وانا بدورها لك
سيف يقوم معصب:الشرهه علي انا الي مقابل وجهك
خالد وهو يضحك:خلاص بسكت كله ولا زعلك
سيف يرد يجلس:انا بخطب اخت معاذ
خالد بمكر:والله بنت ماهي هينه طيحتك في حبها
سيف ببتسامه:ماهو حب كثر ماهو اعجاب
خالد ببتسامه:اعجاب حب كلها نفس الشي
سيف بجد:ابيك تروح معي نخطبها لانكم تعرفهم اكثر مني
خالد ببتسامه:كم عندنا سيف ابشر من بكره نروح نخطبها
خطب سيف رنيم الي في البدايه رفضت وخافت لان صار لها موقف معه بس ريم كلمتها واغعتها انه رجال ونعم فيه وهي خسرانه اذا رفضته
وافقت رنيم على سيف وحددو الزواج في الاجازه
ريم كملت دراستها في الجماعه مع بدايت الترم الثاني
ريم تجلس بتعب وتحرك يدها قدام وجها:حرحر
عبيرببتسامه:تحملي كلنا جربنا هالشي ومرينا فيه
ريم بملل:والله مليت مالي خلق دراسه
عبير بخبث:اذا مليتي قولي عشان نزوج زياد لانه يحب الجامعيه والا تبين واحد مع ماجستير ياخذ وحده ثانوي
ريم بقهر:انتي ياعبير تقولين كذا
عبير تقوم وتجلس جمبها:ياخبله امزح معك
ريم انزلت ادموعها:مااحب هالمزح
عبير تبوسها على خدها:خلاص ياقلبي اخر مره
ريم ببتسامه:سماح هالمره بس ياويلك لو عتيه
عبير ترد تبوسها بقوه:ياحبي لك
زياد واقف عند الباب:اتوقع ان زوجك خالد ماهي ريم
عبير طاح وجها وقالت:كيفي
زياد يقرب منها وهو يقول:وخري عني
عبير تتمسك في يد ريم:مابي
زياد قرب منها ومسكها مع شعرها وقال:تقومين والا كيف
عبير ببتسامه:بقوم بقوم بس فك شعري
قامت عبير وقالت:بروح اكلم خلودي احسن من مقابلك
زياد ببتسامه:خلودي عند هالشقر ماهو مفكر فيك
عبير بقهر:خالد مايناظر في الحريم
زياد:على بالك بيقولك انه يطالعهن اكيد بيقول انه رجال محترم حاله ومايطالع
عبير بقهر:اروح احسن لاتسمم افكاري
طلعت عبير ولف زياد يطالع في ريم وقال بهدوء:ليه ساكته
ريم ببتسامه:مافيه شي اتكلم فيه
زياد مسك يدها وصار يلعب بصابعها وقال:وش رايك نطلع نتعشى في مطعم
ريم ببتسامه:ماينفع بكره عندي جامعه
زياد بعصبيه:وانتي ماعندك غير هالجامعه كل كلمه والثانيه عندي جامعه وكأني ماني زوجك ولي حقوق عليك واجب عليك تنفذينها
ريم ببتسامه:ولا يهمك نروح لمطعم
زياد وهو قايم قال بعصبيه:خلاص مابي اوديك خلي الجامعه تنفعك
ريم انزلت دمعتها ومسحتها بسرعه ماتبي احد يشوفها على هالحال
عبير:ليه تقاومينها خليها تنزل يمكن ترتاحين
ريم بألم:تزيد من عذابي ماتريحني
عبير قربت منها وقالت:لمتى بتمنعينها مردها بتمرد عليك
ريم بحزن:وقتها بكون مجرد بقايا جروح
عبير ضمتها وقالت:حاربي لجل حبك مايموت
++++++++++++
هنادي بدلع:فوفو
فهد ببتسامه:ياعيون وقلب وروح فوفو انتي
هنادي بزعل:مدامي قلبك خلني اروح السوق
فهد مسك يدها وباسها وقال:لاني احبك مابيك تروحين اخاف عليك
هنادي بدلع:صدقني اذا تعبت بجلس بس ودي اوسع صدري
فهد ببتسامه:مشكلتي مقدر اقولك لا
هنادي تبوسه على خده:مشكور حياتي
فهد بمكر:الحين تبوسيني وتبين تروحين السوق
هنادي باسته مره ثانيه وقالت:عشان تفكر فيني لحد مرد
فهد بذوبان:ارحمي حالي
هنادي باسته مره ثالثه وقامت بسرعه
فهدببتسامه:مردك بتردين لحظاني
++++
دانه جابت ولد وفرح الكل لها ومابقي احد مازارها وبارك لها واقعدت عن امها فترة الاربعين
سيف كاشخ بالبشت وشكله رزه
خالد ببتسامه:الف مبروك منها العيال ومنك المال
سيف ببتسامه:الله يبارك فيك
زياد:الف ميروك
سيف بضحك:خالد اخذ اخوك لا يجيبلي عقده
خالد مات ضحك لا ن زياد عصب حيل
زياد بقهر:الشره علي انا الي جيت ابارك لك
سيف ببتسامه:يارجال نمزح والا انت من النوع الممنوع يمزح معه
زياد ابتسم بخفه وقال:الواحد يمزح زي الناس ماهو مثلك
سيف ضحك وقال:قلتلك انك بتجيب لي عقده الحين كيف بدخل وانا معنوياتي ضعيفه
خالد ببتسامه:زياد عيب عليك خربت على الرجال
زياد مل منهم وقال:الشرهه علي انا الي جالس معكم
سيف مسكه بيده وقال:صدق انك صاير كبريت
زيادابتسم وقال:بنشوفك بعد الزواج بتصير كبريت او لا
سيف ببتسامه:كبريت كبريت اهم شي اتزوج
خالد بضحك:الرجال رايح ملح
ريم كانت ايه في الجمال كل العيون معلقه عليها وهي تتمايل على اغنية اجيك يسلم راسك
ريم ابدعت في الرقص والكل يسمي عليها الا انسانها تحس انها اخذت مكانها وهي احق بالي هي فيه
اميره بحزن:هذي زوجة زياد
عهود:قولي والله
اميره بقهر:والله
عهود:بصراحه مافيه احلى منها هناء
اميره بعصبيه:خلك ساكته احسن
عهود بقهر:يعني للحين تغارين منها يعني زياد بقلبك وعادل وينه من هذا كله
اميره بحزن:احلى ايام عمري قضيتها بين احضان زياد
عهود بعصبيه:وللحين تحنين لذيك الايام
اميره ببتسامه حزينه:حياتي مع زياد مجرد ذكرى حلوه والا عادل هو الاصل
عهود بهدوء:انسيه يااميره
اميره ببتسامة حزينه:وانتي شايفتني ابي اتذكره انا كنت رافضه اجي الزواج بس اخوك جبرني اجي لانها اخت صديقه وهو عازمه
عهود ببتسامه:بكره يجيك بيبي ينسيك
انزفت رنيم على انغام اغنية اليوم طالع قمر وكانت رنيم بالفعل رنيم قمر
الكل انصدم من شاف رنيم لانها نسخه من ريم بس ريم ابيض شوي ورنيم فمها اصغر وريم اطول من رنيم اما الباقي كوبي من بعض
++
رنيم وصلت الكوشه وجلست بكل هدوء عكس الخوف الي داخلها
بارك لها الكل ورقصو البنات عندها شوي وبعدها قالو ان سيف بيدخل
دخل سيف وعلى يمينه فارس ويساره معاذ
وصلو للكوشه وقرب سيف من رنيم وباسها على جبينها وقال ببتسامه:الف مبروك
رنيم بهمس:الله يبارك فيك
سيف همس في اذنها:وش رايك اعرف عربي اولا
رنيم احمر وجها من الخجل
فارس ببتسامه:وش قلت لختي خليت وجها انصبغ احمر
سيف يجلس جمبها:سر بيني وبينها
بارك الكل للمعاريس وبعدها طلعو عشان المصوره تصورهم
++
زياد يدق على ريم يبيها تطلع لانه صارله اسبوع ماشافها لانها راحت لخالتها
ريم:هلا
زياد:اطلعي انا برى وخلي عبير تطلع خالد بعد برى
ريم:انشاء الله
اميره شافت ريم تلبس عباتها وهذا معناته انها بتطلع فلبست عباتها وحطت لثمه عشان تتطلع معها وتشوف زياد مشتاقه له تبي تكحل عينها فيه
طلعت ريم ووصلت للباب وقبل لا تطلع شافت اميره تتبعه اوقفت وقالت بهدوء:بتطلعين
اميره انقهرت منها وقالت:شي مايخصك
ريم بهدوء:تفضلي اطلعي
اميره تقدمتها وقالت لما صارت موازيه لها:مرده لي
ريم انقهر من وقاحتها يعني متزوجه وتقول كذا مادرت ان اميره قالت كذا عشان تقهرها وتخلق مشكله بينهم
طلعت اميره وقفت عند الباب
زياد شافها مشى ناحيتها على باله ريم ولما قرب منها انصدم من الي يشوفه يعرف صاحبت هالعيون زين ياما سحرته وحرمته النوم
ريم طلعت بسرعه ومشت ناحيتهم شافت كل واحد يطالع في الثاني
ريم قربت من زياد وامسكت يده وقالت بدلع:مشينا حبيبي
زياد صد ناحيت ريم لانها اول مره تقوله حبيبي وتتدلع عليه ولا شعوري قال:أي ياقلبي
ريم حست الدنيا ماهي سايعتها من الفرحه زياد اول مره يقولها كلام حب وفي وجود اميره
اميره مات كل احساس داخلها تمنت انها ماطلعت وظلت عايشه في احلامها الورديه بأن زياد يحبها
اميره بألم:مافيه حتى كيفك والا خلاص ماتبيني
ريم بقهر:اتوقع انه مايحل لك توقفين قدامه كذا وتكلمينه
زياد مهما صار اميره كانت في يوم حبيبته فما حب انها تنجرح اكثر
زياد ببتسامه:اسف ماكان قصدي اتجاهلك مهما صار انتي اخت غاليه وعزيزه
اميره انزلت دمعه على خدها اخر شي توقعت تسمعه ان زياد يقولها اخت غاليه وعزيزه بعد ماكنت حبيبه اكون اخت
ريم اسحبته مع يده وهي تقول:يالله تأخرنا حبيبي
زياد صد عن اميره ومشى مع ريم ناحيت سيارته
اميره بحزن:صدق البعيد عن العين بعيد عن القلب
عهود بقهر:ارتحتي الحين والا بعد باقي
اميره سفهتها وطلعت جوالها تدق على عادل يجي ياخذها
+++++++++++
زياد طول الطريق يفكر كيف تغير حاله امس اميره كانت حبه وحياته وقلبه واليوم كل شعوره ناحيتها اخوه
وريم الي تزوجها غصب عنه صارت كل شي في حياته قطع حبل افكاره جواله يدق
زياد:هلا
خالد:بتمشي للرياض والا بتنام هناء
زياد:لا بنام هناء وانت
خالد:لا انا من زمان مقرر انام وباخذ يومين
زياد ببتسامه:منت هين
خالد:اقول ماني فاضي لك
++
سكر خالد من زياد وطالع في ريم ومسك يدها بيده ريم ماقاومت لانها تبي هالشي
وصل زياد للفندق ونزلو واخذ له جناح وطلب يطلعون الاغراض للجناح
ريم ادخلت وفصخت عباتها وحطتها على السرير ووقفت ماتدري وين تروح
دخل زياد وشاف ريم واقفه وبدت كل خليه في جسمه تنادي بأسمها
قرب زياد منها حتى صارت انفاسه تحرقها وقال بهمس: غلبتيني
ريم ذابت من قربه وماعرفت كيف ترد لان كل مافيها تخدر
زياد مسك يدها وحطا على قلبه وقال بهمس:هالقلب كان بيوم مايبيك واليوم ماينبض الا لك
ريم لاول مره تنزل دمعة فرح على خدها
زياد يمسح دمعتها بيده:انتي ماعندك غير هالدموع
ريم ببتسامه:نزلت من الفرح
زياد ببتسامه:ماينفع تفرحين من غير دموع
ريم تهز راسها يعني لا
زياد حط يده على خصرها وقال بذوبان:قولي حبيبي ابي اسمعها مره ثانيه
ريم ببتسامه:ومن قال انك حبيبي
زياد قربها منه اكثر وقال بهمس:قالتها عيونك ورعشة يدينك لاجت بين يدي ودقات قلبك لا احتضنتك
ريم بحب:انا مااحبك انا اعشقك اهواك اتنفس هواك
زياد شالها بين يديه وصار يدور فيها بالغرفه ووهو يقولها اجمل كلامات الحب والغزل
+++
هنادي بملل:فهد شوف بنتك ترى زهقتني
فهد يشيل بنته ويبوسها على خدودها:حبيبت بابه ليه مزعله مامه
ريمااضحكت لبوها وهي ماتدري هو وش يقول
هنادي ببتسامه:مامخربها علينا غيرك
فهد يجلس جمب هنادي ويحط ريما على رجوله:تغارين
هنادي ببتسامه:اغار من بنتي
فهد بخبث:يعني ماتحبيني
هنادي بحب:انا مااحبك اموت فيك
فهد حط ريما على الارض وقال وهو يقرب منها:وانااعشقك
هنادي بهمس:وانا اهواك
فهد باسها على خدها بذوبان وقال:احبك
ريما الي اختار اسمها فهد لانه نفس اسم ريم ولانه مايقدر يسمي ريم اختار ريما صح هو يحب هنادي ويموت فيها بس ريم تظل حب جميل بعذابه وحرمانه
+++
عبيرنازله ومعها ولدها وعمره سنه
خالد ببتسامه:حيالله الحامل والمحمول
عبير ردت عليه ببتسامه عذبه
زياد وهو يرفع يده:هاتي الدلوع
عبير ببتسامه:ولدي الدلوع والا بنتك
زياد ياخذ طلال ويبوسه على خدوده:بنتي من حقها تدلع بنت زياد والا ولدكم على ايش يتدلع
خالد يسحب ولده:بكره تشوف اذا بنتك ماماتت عليه
زياد وهو يضحك:بنت زياد تتزوج ولدك انت والهخبله
عبيربقهر:ماخبله الا زوجتك
زياد ببتسامه:الا ام جود مااحد يغلط عليها
ام زياد وهي تضحك:جالكم بزران وانتم للحين ماعقلتم
زياد:صادقه يومه مدري متى يعقلون
عبير:ياسلام تراك معنى في الكلام
زياد وهو طالع:لا انا برى الموضوع
+++
في نهاية الاسبوع طلعو للمزرعه لان الجو كان ربيعي ومافيه احلى من الطلعه ايام الربيع
غلا وبطنها قدامها لانها سقطت قبل كذا
غلا وهي تجلس:يوه مااتحمل امشي دقيقه
دانه ببتسامه:من كبر بطنك شكلك حامل بتوم
غلا بخوف:لاتخوفيني
ريم:ماعليك منها الصلن لو توم بين في الاشعه
دانه وهي تضحك:ليه تقولين لها خلنا نلعب عليها شوي
غلا بقهر:حرام عليك تخويفي تسليه
هنادي تضمها لها لانها جمبها:لاياقلبي
غلا ببتسامه:محد واقف معي غيرك انت وريم
حنين ردت علاقتها مع اخوها زياد نفس قبل و فواز رجع يعاملها بحب
حنين طلعت ومعها صينيه فيها قهوه والخادمه معها صينيه فيها حلى
دانه ببتسامه:حنين حبيبتي تعالي عندي
حنين ببتسامه:لاحبيبتي القهوه هذي لي انا مابي احد معي
عبير:الله كل هالترمس انتي بتشربينه والحلى بتاكلينه
حنين تجلس بعيد عنهم:اذكري ربك لايصير لي شي
هنادي تقوم وتجلس عندها:لا انا اختك اكيد بتعطيني
حنين ببتسامه:اقول ضفي وجهك
هنادي تحرك فمها:اضف وجهي
حنين:زين انك سمعتي
قامو الكل البنات وجلسو عندها الاريم الي علاقتها معها برسميه
عبير:ريم تعالي ليه بعيده
ريم ببتسامه:مالي نفس في القهوه
زياد ومعه بنته:وش تسوون
عبير ببتسامه:حماتك تحبك
زياد وهو يطالع في ريم:اكيد تحبني والا ماعطتني هالقمر