.............. سـؤالك يابعد عمري قريته ( داخل عيونك ) !
رميته بس ( تتأكّد ) وأنا بيّ الغلا دفّاق ،،
.............. اجاوب نظرتك فيني حبيبي لا يهمّونك ،،
بـلاش أرجوك تسألني وأنا بعدك فضايه ضاق
.............. مـدامك عارف طبوعي بلاش تكثّر ظنونك
احبّك والغلا صادق وهبتك مبطي الخفّاق ،،
.............. رجف قلبي على شوفك وضاق الكون من دونك !
لـعلمك ، ما غفت عيني ولا بين الجفون عناق
.............. مـع إنّ النوم من بعدي لفاك وعانق جفونك !
بـكى حبري لجل عينك ( قصيد ) وبلّل الأوراق
.............. حـروف أشعاري الجزله بعد ماغبت ،، يبكونك !
يـهيم القلب في حبّك ويمّك خاطري ينساق
.............. مـسافاتي جفت كوني وسافر قلبي لكونك ..
تـكرّم بس واسمعني ترى شعري ( من الأعماق ) ،،
.............. دخيلك يابعد عمري تروف بحال مفتونك ..
مـشيت بنور ( حبّي لك ) بدرب يجمّع العشّاق ،،
.............. ادوس الليل بأنوار الحروف اللي يحبونك
جـحيم ظروفك الصعبه تكسّر بالوصال الساق
.............. لـهيبٍ يعمي عيوني ويحرمهم يشوفونك ،،
نـبي منّك ( تواصلنا ) حرام نعيش( يوم ) فراق !
.............. حـرام ألقاك ياعمري ( حزين ) و ( منخطف لونك ) !!
وأعيش العمر من بعدك ( حزين ) و ( خاطره ما فاق )
.............. ربى وافي على ( العزّه ) حلف يدنيك و يصونك ،،
نـهر حبّك وسط قلبي مشى بين العروق ( أشواق )
.............. بـدى ينبع ( غلا صادق ) ويرقب ( ماطر مزونك ) !
كـأنّ الشعر جاوب لك وبيّن ( كم أنا مشتاق )
بسمة ألــم