حزن و هموم . و جرح .. و دموع منديل !


...............و " باقة حزن " و الكرت في أسم " غاايب " ..!




مغلّفة من دمع ... و المحتوى ( ويل ) .!


..................فيها كلام ٍ يجعـل الدمع " ذايــب "




أشعلت بغيابك عيوني قـنـاديـل


..................و هبّت على صـدري جميع الهبايـب




و في غيبتك " شايب " أكل همّـه الليـل


..............و في غيبتك طفـل ٍ سكن فيـه " شايـب "





و في غيبتك أسهر مـع الجدي و سهيـل


................أسامر نجـوم السـماء .. و السحايـب




أزعلت مـن شانك رجـال ٍ حلاحـيـل !


..............و أزعلت مـن شانك جمـيـع القرايـب






كفرت بك ( حزن و مواجع و تذليل ) !


.................و رجعت لك مع " مورق الحب " تايـب




جيتك .. و حظّي خايب .. و حبّك يخيل ..!


...................لكن رجعت .. و يرجـع الحظّ خايـب





( الليل و البيداء و الثالث الخيـل )


.............حزني و همّي و السهر لي حباااااايـب





أشيل جرح .. و ترجع تحطّ .. و أشيل !


..........و أشيل .. و أنت تحطّ .. و الجرح .. عايب




قهويتني " بخلك " و قهويتـك الهيل !


............و هـذا أنا مازلت .. / مازلت ذاااايـب ..!





" كل عام و أنت بْخْيلْ " يا صاحبي حييييـل !


...................و كل عام و غيابك يجيـب المصايـب




و كل عام .. و دموعي تجي كنّها سيـل


..........و كل عام .. و عيوني تشوف العجايب ..!





هذي سنة .. عدّت .. و لكن ( غراااابيـل) !


...............وشلون تحلى ؟ وأنـت مازلـت غايب ؟

• جنون قصايدليل في التصاميـم
• لآ تسألونيے مـכּ أڪَوכּ •● هُنآ أنفَآسْ وξـشقـہآ כـتى الجنوכּ •●