منتديات قصايد ليل - عرض مشاركة واحدة

01-21-2011

البارت الاربعييييييييين والاخير
هادي: عطه هيثم قلب ولده عطاه اياه بشرط
غياث: اي شرط؟
محمد: ان انا وهادي نتزوج
ام هادي: شلوووووون شللللللووووووون
هادي: وانا اخذ مرت ولده اللي توفى وعنده ولد ومحمد ياخذ بنته الصغيره
غياث: نعععععععععععععم اي ابو يرضى يصير في عياله جدي
احمد: ليش الزواج لعبه
الهيثم: ورضيتوو
محمد وهادي نزلوا راسهم بالارض: ايي
هيثم حس ان هو السبب باللي اولاد اخوه فييه:بررررررررررررررررررررررره كلللللللللللللللللكم بررررررررره
غياث خافت من صرااخ هيثم
الكل طلع من الغرفة الا غياث قربت من عمها وشافت شكله شلون معصب باسته على راسه وطلعت بسرعه
بره الغرفه
حسن: انهبلتووو اثنينكم واحد ياخذ ياهل وواحد ياخذ له وحده متزوجه وعندها ياهل
ام هادي وهي تصفع على راسها: آآآآآآه شسوويتووو برووحكم حرااام عليكم
هادي: ان شفت البنت وابيها
غياث: هه قصدك المراه
محمد: وان شفتها وعجبتني اسمها آيه
حسن: الله يهديكم
زينه و صادق في السوق
زينه : انزين الحين احنا ايي لون ناخذ
صادق: ماادري خل ناخذ بيج
زينه: اييي ناخذ كله بيج وابيض ووحده زرقا ووحده ورديه
صادق: اووكي عيييل
زينه: ثياااااااااااااب البنات احلى ابيي بنت
صادق: قلت لج نبي بنت
عند سام وشوق كانوا مجهزين نفسهم بييون البحرين
غياث واحمد رااحوا بيت اهلل غياث
تركي: كلمهاا
يوسف: لاا شنو اقوول لها
تركي: غياااث
غياث اللي قاعده مع ليال وليان: هلا
تركي: بقووول لج شئ
غياث: هلا
يوسف: غياااث ابوي رد البحرين
غياث عيونها شووي وبتتطلع: هاا
تركي: ويبي يشوووفج
غياث: شفتووه انتو؟
يوسف: ايي كسر خاطري
غياث: ههه كسر خاطرك!!
تركي: غياث انتي كلميه اول انا عزمته اليوم وهو بيي
منى: غياث ترى شكله حبوب و وبعدين انتي ما تبين يكون عن عيالج يد؟
مرام: خليه يشوفج وكلميه وساليه ليش خلاج؟
احمد: وانا بكون وياج ما بخليج
عند شوق وسام
سام: خلاص حبيبي بااجر بنرووح البحرين
شوق وهي تلعب بشعره: بس بنرد هني صح
سام: اكيد بنرد هذي ديرتنا وربينا هي وتزوجونا هني
شوق: ههههه واذا يبنا يهال نبيهم ينولدون هني
سام: اكيد بينولدون هني
صادق وزينه
زينه وهي حاطه راسها على صدر صادق: باجر بيكتمل شملنا وبنرد مثل اول
صادق: ههههههه بنعيش في تورونتو البحرين
زينه: شفيها البحرين شحلوها
صادق: وشفيها تورونتو شحلوها
زينه: ويييه ماقلت شئ
صادق: ههههه ولا انا قلت شئ
في بيت غياث
ياات الساعه عشر ونص ولا يه
غياث قاعده على اعصابها
احمد راح لها وحضنها
غياث قعدت تصيح: مااابي اشووفه خلنا نروح بيتنا حبيبي
احمد: بس حبيبتي هذا ابووج ما يصير ما تكلمينه
غياث: بس مااحبه عمره ما حسسني انه ابوي وانه عندي ابو يخاف علي ويهتم فيني ابو لين اقول له بابا محتاجه شئ يقول لي من عيوني بابا اللي اذا شافني سويت شئ غلط يقوول بابا هذا غلط
احمد: اششششش غياث حبيي شفيج عيب هالحجي
تركي وقف مصدوم من اللي شافه
يوسف شاف اخوه ووقف وياه منصدم اهو الثاني
احمد وغياث انتبهو لهم غياث لفت نفسها للباب شاف الريال اللي يه لها المحكمه يكلمها
كان جلال واقف على الباب ودموعه سيل في خده من الكلام اللي سمعه من بنته : انا اسف عن اذنكم
يوسف: اووقف لحظه وين بتروح
تركي: بــ ـا ...... ( حس لسانه ثقيل مو قادر ينطقها )
جلال: اساس انتو مو قادرين تنادوني بابا , على فكره انا طلقت امكم اللي حرمتني منكم عشان ايي اشوفكم واشو عيالكم وحريمكم
غياث من خوفها تمسكت بيد احمد بخوووف
جلال: انا ابي منكم شئ واحد بس تسامحوني يمكن اموت وانتون زعلانين مني
غياث انا احبج وكنت اخذ اخبارج اول باول وكانت ابي احضنج وللحين ابي المج وامسح على راسج واشم ريحتج بس شكله هالشئ ما بيصير عن اذنكم مع السلامه
بعد ثلاث سنين من الاحداث
الكل في المسشفى
زينه: الحمد الله على السلامه
غياث: الله يسلمج
زينه راحت للياهل: يااا عمررري علليه ولد اخوووي يهببببببببببل
شروق: شسميته؟
غياث: نوار
صادق دخل وهو حامل بنته نور: سلاام
غياث: هلا
صادق: الحمد الله على السلامه
غياث: الله يسلمج
نور: ويين البيبي
غياث: عمررري تهببل الله يخليها
هيثم: ويرزق اللي ماعندهم عيال
الكل: هههههههههه
سام دخل هو وشوق
شوق حامل بشهورها الاولى
سام: هااااي مبروووووووووك
غياث: يبارك فيك
احمد: هيييي انتوو شوي شوي على ولدي
شروق: عداال كانه مافي الا هو عنده ولد
في سياره محمد
دخلت آية وشدخت الباب
محمد بعصبيه: شفييييييييج انتي كسرتي الباب لمتى بتكبرين يالياهل
آيه سكتت لانها تخاف من محمد خوف مو طبعي: آسفه
محمد [ شذنبها هالياهل ااذيها وياي من ابوها اللي بلاني وبلاها ]
آيه بدت تصيح
محمد وقف السياره على صوب
ونزل راح لها فتح الباب ونزلها
ومد يده لخدها ومسح دموعها: سووري آيه ماكان قصدي ازعلج بس انتي تعصبيني
آيه: انا ادري انك ما تحبني وتعاملني كاني ياهل بس انا كبرت عمري الحين 17 افهم اكثر من قبل اذا مجبور فيني طلقني رووح لحبيبتك تزوجها بس لا تسوي فيني جدي
محمد حن قلبه عليها وحضنها: خلااص سووري
"هاااي حاله محمد وآية كل يوم يهاوشها وكل يوم يصالحها "
عند هادي
هادي: بتقعد او لا
ماهر: خلا ص اسفه
هديل: ليش تصرخ على الولد ماله ذنب
هادي: وانا وانتي شذنبنا هاا لا انتي طايقتي ولا انا طايق العيشه جدي فكرت ان اذا تزوجنا بنصير عادي وكل شئ اوكي طلعتي مو طايقه فكره الزواج اصلا
هديل نزلت راسها: انا ما نسيت امجد
هادي بصراخ: ولا انا نسيت الايام اللي تناديني فيها باسمه ولا نسيت الكلام اللي تسمعيني اياه مثل السم ولا نسيت كلامج في الليل وانتي نايمه امجد وامجد بسسسسسس خلاص لاعت جبدي
هديل تفشل اكثر
" هادي طول السنتين اللي تزوجو فيها كان محترم معاها ولا زعلها ابد بس هديل كانت تعامله بجفا مو متقبله وجوده بحياتها و ماهر كان ضايع بين امه المشوشه وزوج امه الضايع"
في المستشفى غياث حامله نوار بين ايدينها واحمد قاعد يمها
احمد: لون شعره مثلج
غياث: صج
احمد: وابيض مثلج
غياث: بس ملامحه مثلك
احمد: ايي لان انا ابوه لا
غياث طالعت فيها بنظره هباله شنو اهو ابوه يشك في الموضوع يعني: ههههههههه اي لان انا امه لا
دخل عليهم جلال
جلال: السلام عليكم
غياث واحمد: عليكم السلام
جلال: الحمدالله على سلامتج بابا
غياث بجفا: الله يسلمك
جلال: يصير اشوف حفيدي
احمد اخذ الياهل وعطاه جلال: تفضل عمي سميناه نوار
جلال اخذه واذن في اذونه وحطاه في سريره : يلا الله يخليه لكم ويحفظ
احمد: ويخليك
جلال: عن اذنكم
غياث: الله وياك
" غياث للحين مو قادره تتاقلم مع ابوها اللي كان ايي يسال عنهم من فتره لفتره عشان ما يتضايقون منه وفرحان واااايد باول مولود لها نوار ...
احمد كان زعلان من غياث لانها ما تكلم ابوها عدل ولا تخيله يلمسها بس ولده نسااه كل شئ ...
حياتهم ابنت على الحب اللي عرفوه من البداية وعمرهم ما حسوا ان اختيارهم غلط يابوا ولدهم اللي قووه شعور الحب بينهم والله يدوم عليهم الفرح والسعـــادة والحـــــــب"
صادق: شووي شوووي
زينه: اففف حبيبي والله ما بيصير فيني شئ
صادق: بس انا اخاف شفتي ذيج المره شصاار فيج يو سقطتي الياهل
زينه خافت من فكره انها تخسر حملها للمره الثانيه راحت قعدت على الكرسي بهدوء
صادق: ههههههه ايي جدي