في المستشفى
الدكتور: الحمد الله لقينا قلب يطابق على الهيثم بس في مشكله
هادي: شفيه بعد؟
الدكتور: لازم اهل المييت يسمحون لنا اذا نعطيه قلب ولدهم او لا
هادي: دكتور خذ قلبي واعطه اياه حرااام يمووت
الدكتور: حاولو في اهل الميت
محمد: بــنحاول بس اذا مارضوا
هادي: انا اعطيه قلبي انا ماابي اعيش اخذوا قلبي وعطوه اياه
الدكتور: هادي اهدا شووي موب زين لك
محمد وهو يسحب هادي: مشكور دكتور
الدكتور: العفو
عند غياث بمكتبها
هناء: غياث قدموا موعد المحاكمه وصار باجر
غياث شهقت: شنو باجر
هناء: الحين اتصلوا فيني وقالوا لي
غياث: بس ما كملت تجهيز
هناء: مو مشكله بقعد وياج بكمل شغلي
غياث: لا روحي لولدج
هناء: عادي بوديه عند امي
غياث: عيل نبتدي من الحين ونكمل ما نكمل على الله
هناء: انشالله نكمل
عند صادق وزينه
صادق: خلاص سموي وشوق بيوون هني
زينه:صجج
صادق: اجدب عليك يعني
زينه:هههههه وناسه
صادق: اييي عاد لازم ندور لهم مكان يسكنون
زينه: امممم صج والله وين يروحون؟
صادق ياااب من المطبخ مجلات الوسيط: يلا دوري وياي
زينه: يلا
صادق: اهم شئ قريب منا مانبي بعيد
زينه: اوكي
في المستشفى
محمد: صار لنا يومين هني وانت تعبان ومافي غيرنا يدري
هادي: مانبي احد يدري
محمد: عشان محد يدري لازم تريح اعصابك وتهدى عشان احنا بعد ما نتعب
هادي: اوكي
محمد: بروح اشوف اهل الميت
هادي: باايي وياك
محمد:هدووي شقلنا
هادي: انززين اففف
محمد تم يمشي في المستفى ويحس انه انحط في اصعب موقف ممكن الواحد ينحط فيه شلون يطلب من احد يعطيه قلب ضناه
محمد: السلام عليكم
الريال : عليكم السلام
محمد: انتو اهل امجد
المراه الواقفه ورا الريال: ههههههههه شفت عمي ياي يقوول لنا امجد ما مات صح كلامي موو
محمد شاف المراه شلون تصاارخ وتضحك عرف انها زوجته: عظم الله اجرك في ولدك
ابو امجد: اجرنا واجر ياوليدي من انت
محمد حس بربكه من السؤال: انا محمد موسى الـ..
ابو امجد: انتو اللي عندكم مريض بالقلب هني
محمد:ايي احنا عمنا مريض هني
ابو امجد: الله يشافيه
فتره صمت محمد انربط لسانه مو عارف شلون يقول لهم نبي قلب ولدكم
ابو امجد: شفيك يبه كانك تبي تقول شئ
محمد بربكه: هاا لا بس كنت بعزيك بولدك يلا عمي (نزل على راسه وحباه)البقى براسك
وتباعد عنهم استقبله هادي:هااا شقال
محمد: ما قدرت اكلمه
هادي: انا بروح انا بكلمه
محمد: تعال نكلم الدكتور انا وانت ما بنقدر
عند الدكتور
هادي: انت كلمه قول له
الدكتور : انشالله
مشى الدكتور ومشوا وراه محمد وهادي
الدكتور:شلونك عمي الحين
ابو امجد: مثل منت شايف احاول اكون قوي جدام هالحريم
الدكتور: عمي انا يايي لك مع هذول الشباب يبون يطلبون منك طلب
ابو امجد: لو اقدر من عيوني
الدكتور :بصراحه يعمي هذول الشباب عمهم تعبان وياه القلب ومحتاج قلب ينزرع في عمهم
ابو امجد: والمطلوب قلب ولدي يعني
الدكتور: ايي
ابو امجد : واذا مارضيت
هادي: دكتور قلت لك قلبي عطه هيثم انا مو مهم اعيش ما عندي احد بيفقدني خذ قلبي
محمد: وامك وابوك مافكرت فيهم مافكرت فيييني وفي غيااااااااث
الدكتور: هاادي لا تعصب موزين لك
ابو امجد: انا مااقدر اعطيكم قلب ولدي
هادي: ولا احنا نبي ناخذه بعطيه قلبي يعمي قول لهم يرضون ياخذونه
عند غياث المغرب
في المكتب
قاعده مع هناء يكملون شغلهم
غياث: هناء تقدرين تروحين لولدج تاخرتي عليه
هناء: انا مرتاحه جدي
غياث : كيفج
احمد كان في بيت مشعل يشتغلون على تصميه اليديد خلص من الشغل وراح مكتب غياث: سلااام
غياث ابتسمت: هلاا
هناء: عليكم السلام
احمد: شلوونج هناء وشلوون ولدج
هناء: الحمدالله بخير
احمد: شلون جدي يقدمون الموعد ولا يقولون لكم
غياث: ماادري عنهم على العموم خلصنا يعني
احمد: مشعل عزمنا على العشا بس قلت له انج مشغوله
غياث: اووكي زين تسوي
عند زينه وصادق
زينه: الو السلام عليكم
....: عليكم السلام ياهلا
زينه:بس اخوي لقينا عرض بالوسيط عن بيت خمس غرف واربع حمامات وصالتين ومطبخ وياها كراجها يكفي سيارين وحديقة صغيره
.....: ايي وصح كلامج
زينه: يعني نقدر ناخذه نبيه
......: بس اجاره
زينه: قريت السعر واحنا موافقين
.....: عيل مبروك عليكم
زينه : متى نقدر نيي نشوف البيت
.....: باجر اذا تقدرون
زينه: انشالله
في المستشفى
محمد كان يمشي ويفكر بحل طر في باله فكره وحب يسويها
رفع فون الهيثم واتصل بشروق
شرووق: الووو هيمووو وينك ما تدق ولا تسال عني
محمد استحى: اممم هلا شروق وياج محمد ولد اخو هيثم
شروق تفشلت: هلا محمد هيمو فيه شئ؟
محمد: بصراحه شروق هيمو من يومين بالمستشفى
شروق شهقت بقوه
محمد:سمعيني زين احنا محتاجين قلب لهيمو والدكتور لقى قلب بس اهل الميت رافضين يعطون قلب ولدهم بلييز شروق نبيج تكلمينه احنا مارضو يسمعونا
شرووق وهي تصييح: الحين بااايي مسافه الطريج بس
محمد: ننتظرج
كلها ربع ساعه وشروق وصلت المستشفى صاارت تركض بودون ما تحس بشئ بس تبي توصل لهيمو لقت هادي قاعد وياه محمد
شروق: ويين هيموو
محمد وقف لها ومسكها من كتفها: شروووق لازم تقووين نفسج نبيج تكلمين اهل امجد
شروق : وينهم
محمد مشى ومشت وراه
لقت ريال كبير في السن واقف يهاوش الدكتور: بتعطوني جثة ولدي او لا
الدكتور: يمكن تغيير رايك كون سبب في حياة انسان
شروق راح لريال ورمت نفسها في الارض ودموعها مغرقه عيونها وشكلها يقطع القلب: الله يخليك عمي الله يخليك خل يعطون قلب ولدك هيموو
ابو امجد كان يطالعها ومنصدم منها: الله يخليك عمي خل هيمو يعيش بقلب ولدك لين اخذت جثة ولدك ودفنته جدي بيروح ولا بيبقى لك منه شئ لكن لين عطيت قلبه هيموو هيموو بيعيش بقلب ولدك يعني قلب ولدك بيبقى وما بيروح هيموو بيصير لك ولد بدل ولدك , عميييي والله هيثم ما يستاهل اللي يصير
هادي ودموعه ماقدر يمسكها من شكل شروق اللي ذلت نفسها لريال عشان هيثم راح لها ورفعها من الارض : دكتور عطه جثة ولده
شروق: لااا لاااا لا تعطيه عميييييييي
ابو امجد كان بس يراقب الوضع وعاجبه هادي اللي ما يبي قلب امجد لهيثم: انا عندي شرط
شروق: لو تبي عيووني اعطيك
ابو امجد وهو ياشر على هادي: هذا يتزوج مرت امجد
واشر على محمد: وهذا يتزوج بنتي
محمد حس ان الدنيا ضاقت بعينه وسكت
هادي بدون تردد :انا موافق
ابو امجد: بس ولدي عنده ولد
ابو امجد وهو يطالع محمد يبيه يرد
محمد غص بكلمته بس عنده هيموو فوق كل شئ: موافق
الدكتور: وافقوا يا عمي اروح اشوف شغلي
ابو امجد: شوف شغلك
شروق سكتت تدري ان هادي قلبه مو متعلق باحد ولا عنده حبيبه باني احلامه وياها بس كسر خاطرها بيزوجه وحده متزوجه من قبل وعندها ولد
وتدري ان محمد هموم الدنيا كلها بتزل على راسه لان قلبه متعلق بيزوي اخت سام
الريال وهو ينادي ثنتين مو داخل غرفه: آيـــــه , هديل
طلع بنت صغيره بالعمر: نعم يبه
وطالع في محمد: محمد هذي بتكون زوجتك عقب عزا اخوها اسمها آيه عمرها 15 سنه
محمد رفع عينه عليها شاف بنت قصيره حنطيه ضعيفه رموشها كثييييفه وخشمها طويل وحاد وشفايفها ورديه
آيه: هاا
ابو امجد: هذا الولد بيكون ريلج يبه
آيه: بس اناا
ابو امجد: بلا بس وبلا شئ روحي نادي هديل
راحت ايه ونادت مرت اخوها هديل
هديل: خير عمي
طالع في هادي: وهذي بتكون مرتك
هادي رفع عينه عليها لقى مره طالعه و ويهها منفخ من البجي
هادي: بس ياعمي انا عمري 23 سنه
ابو امجد : وهي عمرها 22 واسمها هديل وولدها شهوور
هديل وهي تطالع عمها بنظرات: يعني شنو
ابو امجد: عقب عدتج بنزوجج
هديل: لالالا ماابي
ابو امجد: ابي ابو لولد ولدي
شروق مشت عنهم ومشت لغرفة العمليات اللي دخلوا هيثم فيها
صباح اليوووم الثاني
غياث: يلا احمد قوووم
احمد نايم ولاداري بشئ
غياث: احمممممممممد بليزززز قوووم لا ننتاخر
احمد: زين زين
غياث: يلاااا
في المستشفى
الدكتور: الحمد الله القلب انسجم مع الهيثم بس بعد نبي نتطمن عليه اكثر
هادي: يعني الحين ماعليه خوف
الدكتور: بنطمن اكثر
شروق : متى نقدر نشوفه؟
الدكتور: انتظرو شوي عشان نتطمن عليه اكثر
في المحكمه عند غياث
غياث: لا تخاف يونس كل شئ بيكون تمام
يونس: و روان؟
غياث: لا تخاف عليها
دخلت غياث مع يونس ومعاهم شرطي وانصدمت وارتبكت من عدد الناس اللي حاضرين المحاكمه
قعدت مكانها تتنتظر القاضي يدخل
عقب ربع ساعه دخل القاضي والكل وقف
عند زينه في البيت
صادق: زيووووووووون شفيج
زينه: افففف ابي انام خلني
صادق: زيون شفيج من امس راقده
زينه: بلييييييز حبيبي ابي انام
صادق: نوومه اهل الكهف اهييي قووومي قعدي وياي
زينه سحبت الغطا وحطت في راسها ونااامت
غياث في المحكمه
غياث: ماارح اوقف وادافع واحامي عن يونس وانا ادري ان روان هم مظلومه انا بدافع عن الاثنين وبقول ان مو ذنب العيال يتحملون اخطاء آبائهم
انا ابي الكل يسمع ان يونس برئي وروان برئية وعندي ادله على كلامي هذا من قبل شهرين من اللي صار كانوا الاستاذ شفيق والاستاذ محمود صاير بينهم خلاف كبير وهالخلاف خلى العوايل تتاثر
الاستاذ شفيق طلب من ولده يونس يعتدي على روان بنت شريكه محمود والا بيخلي بنته امل تكون مكان روان مع شخص ثاني طبعا المتهم يونس ما كان عنده خيار غير انه يرضى لانه خاف على اخته
طبعا العملية تمت بان الاستاذ شفيق يمر على روان المدرسة وياخذها بعذر ان ابوها ما قدر يروح ياخذها ويخدرها وياخذها على وحده من شقق عمارته طبعا ولده يونس يكون موجود هناك
ويستقبل البنت الاستاذ شفيق طلب من الشغاله انها تغيير ملابس روان حطها على السرير بغرفه النوم وطلع وهو معتمد على ولده يكمل الخطه
يونس تم قاعد في الصاله لما قعدت روان وطلعت بره انصدمت بيونس الموجود من خوفها راحت واندعست باقرب زاوية لقتها يونس لما شاف شكلها راح المطبخ وياب لها شئ تاكل واللي ما كان بالحسبان ان الاستاذ شفيق اتصلت بالشرطه بعد ما طلع من الشقة
طبعا يونس ما سوو في البنت شئ وممكن تتاكدون من هالشغله وبكلامي هذا اظن وضحت اللي صار كامل وان روان ويونس مالهم ذنب بكل اللي صار ولازم الاستاذ شفيق والاستاذ محمود هم اللي يتحاكمون
في المستفى بعد ما صحى الهيثم وانتشر الخبر عند الاهل وصار الغرفه مليانه
هادي: قووم خلنا نروح عزا امجد
محمد: من كل عقلك تتكلم ماابي اروح عيل يبيني اخذ بنته هالياهل
هادي: تاخذ بنته الياهل ولا مرت ولده اللي عندها ولد
محمد: اصلا مالت علينا حظنا طايح توهقنا مع هالعايله هذي
في المحكمه الكل قاعده على اعصابه يبي يسمع حكم القاضي
القاضي: حكمت المحكمة على برائه كل من المتهم يونس شفيق والمتهمه روان محمود وعلى الجاني شفيق
محمد بالحبس سنتان
غياث ابتسمت واحمد راح لها حضنها
احمد: قلت لج بتنجحين
غياث: هههه ما توقعت جيي عاد
روان راحت لغياث ورمت روحها في حضنها وتمت تبجي
غياث: روان شفيج
روان: انا ماعندي خوات يسمعوني تصيرين اختي
غياث: اكيد
يونس بضيق : مشكوره غياث تعبناااج ويانا
غياث: شعااد هذا شغلي ,, ادري متضايق عشان ابوك بس ولا يهمك بيطلع وانشالله يعقل والله يهديه
يونس: مو متضايق على هالشئ انا خايف على خواتي لا يسوي فيهم شئ لين يطلع, انتي ما تعرفينه مينون موب صاحي
ريال يه من وراهم
الريال: السلام عليكم
غياث: هلا وعليكم السلام
الريال تم ساعه يتامل في غياث
غياث من خوفها مسكت يد احمد بخوف
احمد: خير عمي في شئ؟
الريال: هااا لا بس حبيت ابارك لج
غياث: يبارك فييك
راح الرياالل
غياث: ابيييييييييي مابي شفته شلووون يطالع
احمد: شفيج تصروعتي مابيسووي فيج شي هذا كبر ابوي الله يرحمه
غياث: بعد يخوووف
احمد: يلا نروح المستشفى نشووف عمج
غياث: وعلياااا عمييي نسيته ومن زمان مارحت له يلا
في المستشفى
غياث: يااابعد جبدي يا عمي سامحني مادريت عنك
هيثم: مساامحج عميي ومقدر ظرووفج وظروف شغلج
محمد وهادي كانوا واقفين بزاوية بالغرفة مو عارفين شلون يقوولون لهم
هادي: محمد قوول لهم
محمد: شقووول من صجج انت
هادي: انا بقوول
محمد: يلا
هادي: احم احمم احمم
الكل انتبه له
هادي لما شافهم كلهم انتبهو له: محمد بيقوول لكم شئ
محمد خزر فيه: هادي يبي يقوول لكم بس حطها عليي
حسن ( بو هادي ): يلا واحد فيكم يتكلم وخلاص
هادي ومحمد: آآآ
محمد: بصرااحه الرياال اللي
هادي: عطه هيثم قلب ولده عطاه اياه بشرط
غياث: اي شرط؟
محمد: ان انا وهادي نتزوج
ام هادي: شلوووووون شللللللووووووون
هادي: وانا اخذ مرت ولده اللي توفى وعنده ولد ومحمد ياخذ بنته الصغيره
غياث: نعععععععععععععم اي ابو يرضى يصير في عياله جدي
احمد: ليش الزواج لعبه
الهيثم: ورضيتوو
محمد وهادي نزلوا راسهم بالارض:.............
|