منتديات قصايد ليل - عرض مشاركة واحدة

01-21-2011

في البحرين عند تركي ومرام

مرام تصاااارخ: تـــــــــــــركككككي آآآآآآآآآآآآه تـــــــــركي

تركي يدش عليها مزهوق: شفيج

مرام: آآآآآآآآآآآآآآه مااقدر ودني المستشفى آآآآآآآآآآآآآآآآآآآه

تركي وهو متدوده مو عارف شيسوي سحب عبايتها ولفاها فيها وشالها رايحين المستشفى

وصل عن الباب

تركي: مــــــــــــــــرتتتي ماادري شفيها

النيرسات والمسعفين تجمعوا عنده واخذو من عنده مرام وهو تم واقف ينتظرهم

عند سام وشوق قعدو من الصبح وراحو يتريقون في مطعم على البحر

سام وهو يتامل في البحر مر في باله طيف ندى
سام[ حبيبي ندوي انا الحين تزوجتج من شوق تذكرينها صح كنتوا ربع وتقعدون مع بعض ساعات , انا احبها وايد بس احبج انتي اكثر , وانا وعدت نفسي اذا ياتني بنت بسميها ندى وابيها تكون مثلك ابي اشوفه فيها كل شئ في ندى حبيبتي , انا فرحان وايد ]

شوق كانت تتامل في سام السرحان وشلون خصلات شعره الحرير تتطاير على ويه وهو يناظر البحر حطت يدها على يده

حس فيها وابتسم رفع يدها وباسها: كل يوم اشكر ربي اكثر واكثر انج زوجتي

شوق : هههه شفيك الحين حبيبي

سام قام ومسكها من يدها : يلا قومي وياي

شوق: هههههههههه وين

سام سحبها وياها وتم يركض ويخليها تركض وراه

عند صادق و زينه

صادق قعد من الصبح وشاف زينه نايمة باسها جينها بهدوء و راح الحمام

احمد وغياث

احمد كان تعبان من قعدته في المستشفى اخذ له دش سرييع ينعشه

وراح على السرير ونام

غياث دشت هي الثانيه وقعدت تحت الماي مده طوووويل تبي تطير كل الهموم اللي بقلبها والالم

تمت ساعتين تحت الماي وبعدين طلعت ولبست ثيابها وراحت يم حبيبها وناامت

فييييييي البحرين

تركي كان قالبها اشواط رايح ياي رايح ياي حتى ما صار يحس بريله

صار لهم ساعتين داخل وهو مو قادر يركز على شئ

بعد نص ساعه طلع الدكتور

تركي: شفيها مرام؟

الدكتور: مرام مافيها شئ الحمد الله بس

تركي خاف من البس: شنو؟

الدكتور: اجهضت الجنين اجر والعافية انشالله

تركي تم ساكت منصدم من الخبر

بعد 7 ساعات في تورونتو

غياث قعدت من النوم دورت احمد مالقته

احمد كان نازل في السوبر ماركت القريب منهم

يشتري لهم اكل

لمح غيوث واقفه عند ثلاجة الايسكريم

احمد: غياث

غيوث طالعت فيه تبي تذكر : احمممممممممد

احمد: ههههه

نزل لمستوها ومسح على شعرها: وين البابا

غيوث: البابا هني والماما بعد

احمد وهو يطالع الايسكريم: تبين واحد

غيوث هزت راسها بمعنى لا : ابي ثلاث

احمد: ليش؟

غيوث: واحد حقي واحد للبابا واحد لماما

احمد رفعها : اختاري لج

ولاء كانت دور بنتها ولما لمحتها واقف يم ريال خاف على بنتها: انت اترك بنتي

احمد لف لها راسها: شلونج ولاء

ولاء لما شافت احمد ارتاحت: سوري حسبالي واحد من هذول

احمد: هههه وين مشعل عيل؟

ولاء وهي تمسك يد بنتها: ماادري بس هني يعني

احمد: اوكي يلا غياثي باي

غياث: بيباي

مشعل كان واقف عند الباب ينظر ولاء كمل

احمد وهو طالع شافه: سلام

مشعل وهو يبتسم: هلا والله

احمد: شلونك؟

مشعل: الحمدالله وانت؟

احمد: انا اوكي يلا عاد خلونا نشوفكم قريب

مشعل: انشالله

عند سام و شوق كانوا توهم رادين وغياث كانت بتتطلع

شوق: هاااي

غياث: هاااايات

سام: شكلج توج قايمه من النوم

غياث: ههههه اي

شوق: ويي احنا تونا رادين من الصبح واحنا طالعين

سام: صج تعب بس استانسنا

غياث: اهم شئ استانستو

سام: اقول غياااثو وينج انتي وريلج امس هاا ما رديتو الشقه وين كنتوا اعترفي

غياث ابتسمت: كنا نتمشى حرام؟

شوق: هههه وين رايحه؟

غياث: بروح اشوف احمد مالقيته يوم قمت

سام: عيل روحي بس انتبهي لنفسج

غياث: يلا باي

شوق: باي

عند زينه كانت قاعده تكلم امها بالفون

زينه: شلونج الغالية

ام احمد: بخير دامني سمعت صوتج حبيبتي

زينه: لا يمه فيج شئ صوت متغير؟

ام احمد وهي تحاول تخبي اجهاض مرام: لا يمه مافيني شئ

زينه: من يمج ابي اكلم مروم وحشتني

ام احمد: والله مروم عند ريلها

زينه: انزين راكان وفصواي شخبارهم؟

لم احمد: كلنا بخير انتي طمني عن احمد وريلج ومرت اخوج

زينه: احنا بخير كلنا لا تحاتون

صادق كان واقف عند باب المطبخ وبيده كوب كوفي ويسمع كلام زينه وامها ولما قطعت الفون

راح لها وخل الكوب على الطوله وحط يده الدافية على عينها

زينه: هههه يدك دافية

صادق نزل لها وباسها

زينه استحت وسكتت

صادق: لين تصيرين جدي تحلوين اكثر واكثر

عند غياث نزلت بتشوف احمد وين لقته طالع من السوبر ماركت : احممممممممد احمممد

احمد انتبه لها وابتسم: صباح الخير

غياث ردت له الابتسامه: أي صباح الحين

مشعل من داخل السوبر ماركت كان يشوف احمد وغياث وشلون يضحكون مع بعض

مشعل [ هه قلت لج اذا سافرتي تورونتو بتزوج ويوم سافرتي وتزوج ييت المكان اللي عمري ما كنت ابيج تيينه , آآآه يا غياث تمنيت تكون لي وايد بس شكله هذا شئ من المستحيلات ,, شفيك مشعل ينيت الحين انت عندك زوجتك وبنتك وتفكر في مره ثانيه ,, اعقل مشعل وافهم ان غياث صارت لاحمد وانت وولاء وعندكم بنوته حلو سميتها غياث ]

قطع افكاره صوت ولاء وغيوث وهم مخلصين

غيوث: بابا

مشعل رفعها من الارض وهو مبتسم: عيون بابا

غيوث وهي تدلع عند ابوها: بابا احبك واييد

مشعل: وانا هم احبج حياتي

عند الهيثم

كان قاعد مع محمد وهادي اللي كل واحد منهم مشغول بالجهاز ماله ويسوي بحوث

رفع فونه وتم يقلب فيه ويقرا مسجات شروق ويبتسم عليها

محمد لاحظ هذا الشئ وكتب لهادي على المسن

" لا يفوتك شووف هيمو "

هادي رفع راسه وشاف عمه شلون مندمج ويبتسم " هههههه شكله فرحان "

محمد"يمكن حبيبته مطرشته مسج "

هادي "لالا ما اعتقد انا بتكلم وانت ساعدني اوكي"

محمد " يلا "

هادي: اقول هيمو

هيمو: شتبي

محمد: شتسوي؟

هيمو يطالعهم وفهم قصدهم : ههههههههه كل واحد يكمل شغله وهو ساكت لا خليت كل واحد منكم يرد بيتهم فاهمين

محمد : خلاص سكتنا كل شئ ولا زعل هيمو الغالي

هادي: مو بس نسكت نفسنا ماراح تسمع

عند تركي ومرام

تركي: لا تضايقين حبيبتي هذا نصيبا والله بيعوضنا يمكن لو يه على الدنيا بياذى او بيطلع مشوه او شئ

مرام وهي تبجي: بس كنت ابيه حبيته

تركي : عيوني مرامي خلاص هذا قدرنا وانتي مؤمنه بان كل شئ مكتوب

مرام سكتت شوي

تركي: يلا مرامي ترى الزعل مو لايق عليج

مرام ابتسمت

تركي: حلاتج وانتي جي

في ميلان

جلال: حسن بليز ابي اشوفهم لو من بعيد الله يخليك

حسن: بس عيالك ما يبون يشوفونك

جلال: حاول فيهم انت اكثر واحد تعرف انا ليش سويت جذي

حسن: بحاول بس ترى عيالك كل واحد اعند من الثاني

هيام دشت الصاله: من تكلم

جلال: يلا الغالي بقطعه الحين اشوفك على خير ولا تنسى اللي قلته لك

حسن : ولا يهمك دير بالك

جلال: وانت بعد ... بحفظ الله

هيام: شتبي منه

جلال: وانتي شلج خص انا واخوي

هيام: ماادري شبتقول له عاد

جلال : اللهم طولج يا روح هيام لا تخليني اعصب فاهمه

هيام: انزين بذلف عنك مع السلامه

جلال: روحي هذا اللي تقدرين تسوينه

هيام: انت شفيك علي؟

جلال: انتي نسيتي شسويتي؟

هيام: بتذلني على اللي صار محد جبرك

جلال: صج انج ناكره للجميل كل اللي سويته عشانج

هيام: ايام ما كنت اعجبك واثنى يتمنونها الريال بس الحين لا صرت ناقصه اشياء وايد

ومدت ايدينها لقميصها وشقته .............