01-21-2011
|
#38
|
البارت الرابع والثلاثين
غياث وهي تمشي مع احمد طلعو من الجامعه وراحوا على مقهى قريب من الجامعه
.......: غيــــاث غيااااااااااث
غياث لفت تطالع وراها شافت ياهله صغيره شعرها طويل لونه اسود وعيونها سوده ورموشها كثيييييفة وبيضا كانت لابسه فستان وردي ناعم وياه جاكيت طويل باللون الابيض وامها تلاحقها
........: غيوث انتظري
يات الياهل وركضت ورا احمد وانخشت وراه
....:تعالي ماما
الياهل: سوري ماما
الام بابتسامه: انزين اوكي عمري تعالي
الياهل تباعدت من ورا احمد وراحت لامها وحضنتها
احمد يطالع غياث وهو مبتسم
غياث نزلت بمستوى الام وبنتها
غياث: انتي شسمج؟
الياهل وهي تميل راسها على امها: غياث
غياث وهي مبتسمه: انا بعد اسمي غياث
ام غيوث: صج اسمج غياث
غياث وقفت وصافحتها: اي وياج غياث الــ
ام غيوث بصدمه: هلا وانا ولاء الـ
غياث وهي تمسح على راس الياهل
يه واحد من ورا: ولاء وينكم انتو صار لي ساعه ادوركم
ولاء: غياث هربت مني وانا لحقتها لا تضيع
احمد: يلا غياث امشي لا نتاخر عليه
ونزل بمستوى الياهل وباسها على خدها
....... كان واقف بصدمه من اللي يشوف قدامه: غياث؟
غياث وغيوث الصغيره رفعو راسهم مع بعض
غياث انصدمت من الواقف قدامه حاولت انها تتماسك
غيوث: نعم بابا
....: يلا حبيبي تعالي
احمد: تشرفنا بمعرفتكم عن اذنكم
ولاء: احنا لنا الشرف
احمد مسك يد غياث ومشوا
احمد: تعرفينهم
غياث: احمد هذا مشعل تذكره قلت لك عنه قبل
احمد: هذا اللي كان وياج بالمعهد
غياث هزت راسها
احمد وهو يطالع فيه شلون واقف للحين وكانه مو مصدق عيونه: شكله ما نساج
غياث: توقعت اشوفه بس ما توقعت اشوفه هني بالمكان اللي ما كان يبيني اكون فيه
عند صادق وزينه وهم ماشين راحين على مثل المقهى
زينه شهقت : مشعـــــــــل
صادق : منو مشعل؟
زينه : تعال وياي
زينه وصلت: مشعل
مشعل ببحه حزن: زيووون
وسلموا على بعض
زينه: ما توقعت اشوفك هني في تورونتو
مشعل: شغلي جبرني
زينه صافحت ولاء وعرفوا بعض على بعض
زينه وهي تاشر على صادق: هذا زوجي صادق
مشعل وهو يسلم على صادق: مبروك
صادق :الله يبارك فيك
زينه نزلت بمستوى الياهل: وانتي سنيورته شسمج؟
غيوث بدلع طفولي رباني: غيااث
زينه بصدمة : صج اسمج غياث
غيوث بدت تعصب من الكل مستغرب من اسمها: والله اسمي غياث تبون تشوفون جوازي ماما راويها
زينه بابتسامه: حبيبتي مصدقتج بس استغرب لان رفيجتي اسمها غياث بعد
غيوث بابسامه: اييي غياث رفيجتي انا بعد
زينه رفعت راسها لمشعل: شفتها ؟
مشعل هز راسها بمعنى اي
صادق: بدل وقفتنا هني تعالو انا عازمكم على حسابي على المقهى
مشعل: لا ماله داعي
صادق: تردني ما يصير ؟
مشعل: لا بس
صادق يقاطعه : يلا لا تتحجج علي
زينه [ بييه صدوق ما تدري شسويت بحركتك هذي ]
غياث من شافت مشعل داخل نزل راسها
احمد مسك يدها: عمري بيني له انج نسيته
غيوث من شافتها ركض لهم: مرحبا
غياث: اهليييين
ورفعتها وقعدتها بحضنها وباستها في خدها
ولاء: نزليها عنج لا تتعبج
غياث: عادي اصلا تذكرني بليون وليول
سام: ابي اشوف صورهم
شوق: انا بعد
غياث طلعت صوره من شنطتها وعطتهم
مشعل طول الوقت يحاول يتفادى يكلم احد وغياث تتعامل طبيعي مع الكل
احمد: اقول مشعل انت وين تشتغل؟
مشعل: بالسفاره
احمد: اها
مشعل : وانت؟
احمد: انا اشتغل مهندس ديكور
مشعل: صج احنا بننقل بيت يديد شرايك تي تشوفه لنا
احمد: ماعندي مانع بس احنا بنطول هني
زينه وهي تقاطعهم : اقول احمد شصار على مكتبنا
غياث وكانها تذكرت: ايي صج شصار عليها
احمد: اخر مره رحت كانوا يصبغونه
صادق بفضول: اي مكتب
زينه : وييييييييه ما قلت لك
صادق: شنو؟
زينه: انا وغياث احمد شاري لنا مكتب عشان نشتغل فيه
صادق: لا والله وليش توج تتكلمين مو على اساس نروح السعوديه
زينه: اي مافيها شئ اشتغل في البحرين وقت اللي نكون في البحرين ووقت اللي اكون في السعودية غياث تكفي
غياث: اي صح خلها وياي ليكون حضرتك ما ترضى زوجتك تشتغل
صادق: اصلا انا اخذتها وانا ادري انها تبي تصير محاميه فليش امنعها
ولاء: ههه سمعت مشعل
مشعل: بس زينه وضعها غير عنج انتي عندج بنت
غياث: ليش ما توديها حضانه او عند حماتج؟
ولاء: ما ترضى تقعد معاهم بدوني او بدون ابوها
غياث وهي تطالع غيوث اللي اللي نامت عليها باست جبينها بهدوء
مشعل: يبيها عنج لا تثقل عليج
غياث: لا عادي مرتاحه جذي
شوق: كنتو تيون هني بعد؟
الكل: هههههههه
سام: اي كل مكان بوديج اياه رحناه
شوق وهي تطالع قروب بنات لابسين فساتين لنص الفخد والصدر والظهر طالع ويميلووون بجسمهم على الشباب اللي وياهم: وهذول الاشكال تشوفونهم بعد؟
سام يطالع بصادق وضحكوا
شوق : شنو
صادق: عادي اصلا احنا متعودين على هذي الاشكال
زينه وهي تطالعه على صوب: نعم؟
صادق: يعني اقصد من كثر ما نشوف هالاشكال ما نتاثر فيها
وتموا على سوالفهم وضحكهم لين بدت الشمس تغيب
مشعل:يلا عن اذنكم غياث عطيني بنتي احسها ثقلت عليج وايد
غياث: والله مرتاحه جذي
مشعل وهو مبتسم: الله يرزقج ببنت مثلها واحلى منها بعد
غياث: ما اعتقد بتي بنت احلى منها
ولاء : ليش ماشالله عليج انتي وريلج تهبلون
احمد يرمش بعينه: ثانكيو
زينه: ههههههههههه لا يصدق عمره
غياث : يحق له يهبل
شوق: انا ريلي احلى
مشعل وقف وقرب من غياث بيشيل غيوث بنته
غياث ارتجفت واحمد حس فيها قام شال غيوث من عند غياث وباس جبينها وعطاها مشعل
مشعل ابتسم لهم: يلا عند اذنكم نشوفكم مره ثانيه انشالله
ولاء: يلا مع السلامه
زينه اول ما طلعوا: بيييي غياث شفتي للحين يحبج الدليل انه مسمي بنته على اسمج
غياث حست انها بتصيح يت زيون بتكحلها قامت عمتها مسكت يد احمد بقوه وكانها تقول له قوم خل نمشي احمد حس فيها
احمد: يلا احنا بنقوم نمشي
سام: تو الناس
احمد: ابي اقعد مع زوجتي بروحنا
شوق: خذ راحتك
قاموا وطلعوا من المقهى
سام: شالسالفه؟
زينه:هذا مشعل كان يحب غياث من قبل ما نيي هني كان ويانا بالمعهد
صادق: اها من جي يعني
غياث واحمد تموا ساكتين لين وصلوا الشقه غياث رمت نفسها على اقرب كرسي وتمت تبجي
احمد تضايق منها وتضايق عشانها بمثل الوقت
احمد: غياث عمري ليش تبجين الحين
غياث وهي مو قادره تتكلم: انتـــ زعــ لـــلآنــ علـــيــ ــي
احمد : انا مو زعلان خلاص لا تبجين راح لها وحضنها
غياث على نفس الوضع: احمد احس روححي بختنق
احمد: غياث والله مو زعلان حبي شفيج
غياث حس نفسها بتختنق صج دفت احمد بيدها وسحبت شيلتها تبي تتنفس مو قادره جبينها عرق و وويها صار ازرق وتحس الاوكسجين حولها مافي بدت تكح بقوووه : كــح احــــ كح كح ــمد كح كح
احمد شاف وضعها جذي تدوده مو عارف شيسوي
دور في شنطتها على البخاخ مالها ما لقى شئ : غيااااااااث وين بخاخج
غياث: كـح كــح كـــــح كح كـح
احمد طلع كل شئ بالشنطه عشان يلاقي البخاخ
وغياث زادت كحتها وبدت تتنازل شوي شوي نزل راسها على الارض من التعب ولقت الدم ينزل بين شفايفها قامت بسرعة ركضت تبي تدش الحمام عشان ما يشوفها احمد
احمد حس انه كحتها نزلت دار راسه لها شافها بتشرد قام لحق وراها ومسكها من كتوفها
احمد: غياث
غياث مو قادر ترد عليه عاطته ظهرها ودموعها اختلطت بدمها
احمد دارها لجهته و انصدم من شكلها: شنو هذا
غياث نزلت على الارض ونزلت راسها تخلي باقي الدم ينزل
احمد نزل وراها: غياث من متى هذا؟
غياث رمت روحها في حضنه وبدت شهقاتها ترتفع
احمد كان مثل التايه حاضنها ودموعه متجمعه وسط عينه
عند الباقين اللي انقسموا قسمين
صادق وزينه
راحوا الـ cn tower
زينه اول ما شافت المكان شهقت
صادق: ههههه اذا ما تبين اندش هني كيفج
زينه: لا بدش ههههه
صادق وهو يتامل المكان مر في باله موقفه مع زينه
~ ~ ~ ~ ~
صادق: شلي تغير اخر مره كلمتني عدل يوم قلت لج تتزوجيني ومن بعدها ما تطنشين اذا مو موافقه انج تزوجيني تعالي قولي لي من تلعبين باعصابي جدي
زينه بتحدي: أي ماابي اتزوج خصوصا انت
صادق منصدم من كلمه زينه بهدوء: ليش؟
زينه: لانك حثاله وقح حقير
صادق صدمه عصبيه مجروح يرفع يده ويعطي زينه كف
زينه حطت يدها مكان الكف
صادق يطالع يده مو مصدق ان يطق حبيبتها اللي حبها بجنون واللي مستعد يقطع يد أي احد يمد يده عليها
صادق: زينه انا
زينه ودموعها نزلت على خدها : انت شنو ههههههههههه عرفت على حقيقتك احنا انتهينا
~ ~ ~ ~ ~
دمعت عينه على هالذكرى ومسح عينه قبل لا تشوفه زينه
زينه لمحت صادق وحست فيه
وقفت على اطراف اصابعها وباسته بسرعة ونزلت: آسفه
صادق: هههه ( باسها هو بعد) انا هم اسف
عند سام و شوق
مرو عند محل يبيع افلام وشرو لهم فلم
ورجعوا شقتهم وتموا يابعون الفلم ويشربون كولا
مر مشهد يخوف
شوق من الرعبه بدت تصارخ ودفن راسها في حضن سام وهي تصارخ
سام: هههههههه شفيج اذا موب قده ليش قاعده تطالعين؟
شوق: وانا شدراني انه جذي
سام: اطفيه
شوق رد قامت: لا خلنا نتابعه
سام: هههههههه
احمد وغياث
غياث للحين في حضن احمد حست بدوخة وبدت عينها تغفو
احمد وقفها ولبسها شيلها ونزلو تحت وقف له تاكسي على اقرب مستشفى
خلونا نروح البحرين عند الهيثم
الهيثم كان قاعد على سريره وبيده كتاب يقراه
قعد يقلب في الصفحات بملل شاف ظرف طاح بالارض
نزل من السرير ورفع الظرف لقى مكتوب عليه
" الــى من سكن قلـــــبي و روحـــي وكيــآني "
الهيثم مستغرب شنو هذا؟
فتح الظرف شاف فيه صور ورساله
الرساله:
" حبيبي هيمو , ظروفك خلتك تبتعد عني , وبعدتني عنك , حبيبي هيمو انا مستحيل انساك .صورتك مطبوعة كل ما اصك عيني اشوفك , هيمو طمني عليك , لا تنساني لا تنسى البنت اللي خليتها تتعلق فيك وتحبك , هيمو انا ابيك بكل عيوبك , انا اشوفك كامل ما ينقصك شئ , بليز هيمو فكر فيني , انا مستحيل اربط نفسي بانسان غيرك , ومستحيل اتم بعيده عنك هالكثر , انا اسبوع وتعبت , هذا وانت ما تبين اسال عنك ابدا , سوري حبيبي اعذرني , بس حبي لك ما بينتهي عند كلمه قلتها لي , بتم وياك على طول لو من بعيد اشوفك , بس اطمن قلبي , وارتااح ..
شروقـ [ سنوايت مثل ما سميتني..]"
رفع الصورة شافها صوره لهم اثنينهم على البحر
حضن الصورة وابتسم بالم وفرح بشوق وخوف بمشاعر مشتته
في المسشفى عند احمد وغياث
الدكتور كان فلسطيني: لا تخاف الحمدالله هي بس محتاجه شويه راحه
احمد: والدم اللي كان تكحه
الدكتور: حالات ما راح تضرها
احمد: بس
الدكتور: لا بس ولا شئ بدي الاوكسجين يكون معها عطول وكل ما احتاجتو تاخذ منو بس انتبه ما تاخذ منو كتير احسن ما تدمن عليها
احمد براحه: مشكور دك تعبناك معانا
الدكتور: ولو ما عملنا شئ
احمد دخل على غياث لقها نايمه بتعب مو حاسه بشئ
قرب منها وطبع بوسه طويله على جبينها [ الله يخليج لي ]
عند صادق و زينه اللي كانوا يمشون في شوراع تورونتو ناسين العالم والوقت وكل شئ عايشين في عالم مافيه الا زينه وصادق عالم ما يعرف الا الحب ....
سام و شوق خلصوا فلم ودخلو غرفتهم ونامموا وكل واحد مبسم بقرب حبيبه منه وعايشين في عالم ما عرف الكراهيه ابدا عالم انولد الحب فيه برئ وكبر فيه طاهر ...
غياث في الصبح بدت تقعد حركت راسها شافت احمد قاعد عالكرسي وراسه عالسرير نايم
ابتسم وهي تشوف شكله قامت بهدوء ودخلت الحمام غسلت ويهها ونظفت روحها وراحت قعدت يم احمد باسته في خده بهدوء: احمد حبيبي حمووود
احمد فتح عينه لها وقف: انتي بخير
غياث ابتسمت له: هههه اي انا بخير
احمد رد لها الابتسامه :خوفتيني عليج
ومال لها وحضنها
في البحرين عند تركي ومرام
مرام تصاااارخ: تـــــــــــــركككككي آآآآآآآآآآآآه تـــــــــركي
تركي يدش عليها مزهوق: شفيج
مرام: آآآآآآآآآآآآآآه مااقدر ودني المستشفى آآآآآآآآآآآآآآآآآآآه
توقعاتكم؟؟!
|
|
|
|
|