منتديات قصايد ليل - عرض مشاركة واحدة

01-21-2011

البارت الثالث والثلاثين
ام صادق: طمنوني عليكم اول ما توصلون

ام احمد وهي في حضن بنتها مرام: والله البيت بيفضى بدونكم يما ثلاثه من عيالي مره وحده

احمد: شدعوه يمه جدي جدي زيون بتروح عنج وانا وغياث بنقابلج لين ما تملين منا

غياث: وييه خالتي شفيج كل يوم بندق عليج واذا تبين بنخلي مرام او فصول يشغل لج الكام ونشوفج وتشوفينا

زينه: اي يما اصلا انا كل يوم ابي اكلمج

صادق: يلا تاخرنا

سام: من زماااان وانا انطر هاللحظه

الكل: هههههه

ودعو بعض وطلعو من البيت الى المطار

وركبوا الطياره وتموا كل اثنين مع بعض

احمد: حبي؟

غياث: همممم

احمد: ما تبين تقولين لي شفيج

غياث نزلت راسها

احمد: ما تعودنا نخبي على بعض صح

غياث ودموعها تجمعت في عينها: بس هالمره غير

احمد وهو يحضنها على جنب : ليش شفيها هالمره غير عن كل مره

غياث : اسفه حبيبي مااقدر اقول لك

احمد: براحتج بس اي وقت تبين تتكلمين انا موجود

غياث بتعب وبالم رمت راسها على كتف احمد : احبك

احمد: انا بعد احبج

سام وشوق

شوق: ابي اروح كل مكان انت كنت تروحه

سام: اصلا انا وانتي بنقعد في الشقه اللي كنت انا وصادق فيها وقبالنا بيقعدون غياث واحمد في شقه البنات وصادق وزينه اخذ لهم شقة في نفس البنايه بس بعيد عن شوي

شوق: وابي اروح جامعتكم

سام: بوديج المكان اللي تبينه انتي بس اشري وسحب يدها وباس اصابعها

صادق وزينه

صادق: هههه

زينه: وووه اسم الله عليك ينيت؟

صادق: تذكرت شئ

زينه : شنو

صادق : تذكرين لما كنا بالطياره وانتي كنتي يمي و مرينا بمطب هوائي ولميتيني من خوفج

زينه وخدودها حمرو:ههههه اكيد اذكر كان اول مره تقول لي احبج

صادق: هههههه امممم احبج

زينه: امممم ( حطت يدها ويهها) استحي

صادق: ما يطيح عليج

زينه: اووووه صدوق لا تسوي لي جذي

مرت 15 ساعه تقريبا على ابطالنا في الطياره بين الضحك والفرح والالم المخفي

اعلن الكابتن عن الوصول لمطار مدينة تورونتو المدينة اللي اجتمعو فيها ابطالنا شتتوقعون يصير في المدينة مره ثانيه؟

نزلو ابطالنا من الطيارة متكسرين من القعده الطويلة

غياث وهي تاخذ نفس طوووووووويل: وحشتني ريحة تورونتو

زينه: اي والله احلى ايام حياتي واتعسها عشتها هني

سام: تورونتو اللي كانت تسمع ماسينا وتحل لنا مشكلنا

صادق: حبينا فيها وكرهنا فيها وعرفنا اسرارها

احمد: الحمد الله والشكر

شوق: هههه عايشين الجو

ركبوا كل اثنين في تاكسي وراحوا البناية

اول ناس وصلوا سام وشوق

سام وهو يضحك : والله وناسه

شوق: هههههه شفيك احس عقلك فيه شئ

سام: يننتني تورونتو

شوق: يلا تعبت ابي ارقد

سام وهو يفتح الباب : حياااج احلى شوق بالدنيا

شوق: ميرسي

وصلوا بعدهم غياث واحمد

احمد: هني كنتوا ساكنين

غياث وهي تدور في الشقه: ههههههه ما تغير فيها شئ

دخلت حجرتها وحجرة زينه لفت نظرها طبعة يد صادق الدم شافها وابتسمت : الله يهنيهم

دورت احمد لقته دخل الحمام

اخر شئ وصلوا زينه وصادق

صادق: شقتنا اليديده

زينة: ليش يديده؟

صادق: عشان ننسى الماضي اللي مرينا فيه بتورونتو ونبدا صفحه يديده

زينه وهي تحضن صادق: احبك

صادق من زمان يتمنى يسمع هالكلمة: عيديها حبيبتي عيديها

زينه بخجل: احبك

صادق رفعها فوق وصار يدور فيها: وانا اموت فيج

زينه: هههههههه نزلني لا اطيح

بعد نووووم طويل قعدوا وصبااااح خير في تورونتو الكل قاعد فرحان بحياته اليديده

غياث وهي تناطر نفسها بالمنظره ابتسمت: ليش احاتي اللي شفته ليش احاتي نفسي والدم اللي طلع مني , اللي كاتبه ربي لي بيصير , لازم استانس واضحك ولا ابين لاحد شئ بحتفظ بهذا الشئ لنفسي ..

احمد وهو يطق باب الحمام: حبيبي طولي بالحمام

غياث: خلصت

طلعت من الحمام

احمد: يلا لا نتاخر لبسي بسرعه

غياث راحت وباست احمد بوووسة طويله على خدها ودخلت الغرفة تغيير ملابسها

احمد حاط يده مكان البوسه مبتسم: ههههه

سام: يلا شوقي اشكثر تتاخرون ياالبنات سنه تتعدلون وتتجهزون

شوق وهي طالعه من الغرفة: وانتو يا الريال كله تحنون وتزنون وما يعجبكم العجب ولا الصيام برجب

سام: شهالحلاه شهالزين؟

شوق وهي تغمز له: اعجبك

عند زينه وصادق

زينه جاهز وقاعده بالصاله وتهز ريلها بعصبية

زينه : حبيبي ما صارت

صادق مسينها ولا عليه من احد

زينه بعصبية راحت الغرفة شافته واقف يعدل شعره: والله تهبل ما يحتاج تسوي في عمرك شئ

صادق : مرتب شعري؟

زينه : مرررررررررررتب بس خلينا نمشي

الكل طلع ووقف تحت

ركبوا السياره الكبيره اللي تاجروها

صادق وزينه قدام

وغياث واحمد في الوسط

وشوق وسام ورا

سام: عاد لا تتعودون كل يوم تيون ويانا

غياث: يحصل لك تتطلع معانا اصلا

سام: عشتوو

شوق: ما عليج منه حلاه الطلعه وياكم حبيبتي

زينه: بعد جبدي والله

صادق: منو بعد جبدج؟

غياث: هههههه

زينه بهمس: انت بعد منو

شوق: سمعتج ههههههههه

ووصلوا المطعم كل زوجين منهم قعدوا مع بعض

زينه: ابي كوفي

صادق : انتي تامرين لو تبين ماي عيوني تشربينه اخليج

زينه: ههههه ابيه يلا عطني اياه

صادق: ما يغلى عليج

زينه وهي تطلع لسانها له

صادق: لا تسوين لي جذي ترى بعضج

زينه : خلاص خلاص دخلته

احمد: ما يصير عمري ما تاكلين شئ

غياث: ابي بيبسي بليييييييييز حمودي

احمد: بيبسي مافيه من الصبح

غياث بزعل: خلاص عيل ماابي شئ

احمد يبي يرضيها: ما يليق عليج الزعل

غياث: انزين انت شبتاكل باكل وياك

احمد: بس عيل اللي اخذه تاكلينه فهمتي؟

غياث: اوكي

سام وشوق اخذوا لهم اكل وتمو يتريقون وهو يضحكم ويسولفون

شوق: كنتو تاكلون هني؟

سام: ههه اي

شوق: وين كنتو تقعدون

سام: كنا وايد نقعد مع بعض على ذيج الطاولة الطويلة

شوق: ابي اشوف جامعتكم بللللليز

سام: اصلا الحين كلنا بنروح

شوق: صج

سام: اي صج

عقب القعده اللي حسوها احلى قعده قعدوها

قاموا متوجهين للجامعة

وصلوا والشباب ابتسامتهم شاقه الويه

غياث من بعيد: دك تووووم

الكل راح له

سام: Hi D.

دك توم: Hello my students

زينه: How are you?

دك توم: I'm fine and you

غياث: we also fine

صادق: How are you son?

دك توم: It’s okey

دك توم: I am now busy I have a row I see you another time

سام: okey bey

احمد: هذا دكتوركم؟

غياث: ههههه اي هذا دك توم درسنا اول سنه واخر سنه

زينه: اقول حمود لازم تدش له كلاس تحففففففففه

غياث: هههه

سام: بندور دك طلال او دك ريتا

صادق: وه حلاتها دك ريتا اي نبي نشوفها

زينه بغييييره: ووع هالعيوز اللي الكل ميت عليها

غياث: بصراحه: مافيها حلو اللي عيونها

شوق: من صج هذول يطالعونها

زينه: لو تشوفينها شوقو تلوع الجبد عيييييييييييوز

وتفرقوا وتمو كل اثنين يمشون مع بعض

غياث وهي تمشي مع احمد طلعو من الجامعه وراحوا على مقهى قريب من الجامعه

.......: غيــــاث غيااااااااااث

غياث لفت تطالع وراها شافت..........

يلا توقعاكم؟؟