منتديات قصايد ليل - عرض مشاركة واحدة

01-21-2011

البآرت الثأأأأنـــــــــي والثلآلآثـــيـن

وصلوا للكوشة وصادق باس زينه في جبينها

عند مرام: وين غياث

رهام: ماادري عنها

منى: بروح اشوفها

طبعا الكل الحيــــــن يسال وين غياث

طبعا زينه كانت تدور على غياث بعينه

منى: شفيج زيون

زينه وشوي وتبجي لان ما شافت رفيجتها يمها: وين غياث

منى: راحت مرام تشوفها انا بعد بروح اشوفها

مرام تمت تدور غياث في كل مكان دورت دورت ما لقت احد

رهام كانت تدق على فون وشافت الفون يرن على طاولتهم

طبعا تسالون وين غياث

خلنا نروح نشوف وين غياث

غياث كانت واقفه جدام المنظره في الحمام بصدمه من الشئ اللي اللي شافت كانت عينها تتنقل بين يدها وبين ويها كانت يدها مليانه دم وعلى شفايفها هم دم حست ان توازنها اختل بس كانت تتماسك وتفكر ان اليوم زواج اغلى رفيجاتها ولازم ما تخرب عرسها ولا باي شكل غسلت يدها وغسلت شفايفها وحاولت توازن نفسها وطلعت من الحمام راحت الغرفه واخذت عبايتها وشيلتها وعدلت شكلها وسمت باسم الله وراحت بتشوف رفيجتها

زينه طول الوقت كانت حابسه دموعها لان غياث ما وقفت وياها شافت غياث تمشي لها وقفت بعيون عتبانه

غياث وصلت ورمت نفسها بحضن رفيجتها تحاول تساند نفسها وتلاقي قوه تكمل فيها يومها: سوري زيون

زينه حست ان رفيجتها فيها شئ ومن صوتها المبحوح باين انها تعبانه: غياث فيج شئ

غياث: لا بس شويه صداع مبروك

زينه ابتسمت على خفيف : الله يبارك فيج

غياث اتباعد عنها شوي وسلمت على صادق : مبروك صدوق

صادق : الله يبارك فيج ( بتسأول ) فيج شئ؟

غياث تبتسم بالم: لا

غياث وهي ترد لزينه بعد ما حست انها متضايقه: شفيج زيون؟

زينه: مافيني شئ

غياث: موب حلو وانتي مكشره ضحكي شوي

زينه ابتسمت

غياث تمت واقفه يم رفيجتها وبين الفتره والثانية تحس نفسها بتطيح لكن تتماسك وهي تشوف رفيجتها شلون فرحها

صادق: يلا خلينا نمشي

زينه: نمشي وين نروح

صادق: البيت تاخرنا وبعدين هني في حريم وايد

زينه: ههههه اوكـي

طلعوا زينه وصادق من الصاله وتوجهو للشقه اللي حاجزها صادق لهم

غياث اتصلت باحمد

احمد: هلا حياتي

غياث بصوت تعبان: هلا حبيبي

احمد بخوف : شفيج؟

غياث: مافيني شئ بس خلصت ابي ارد البيت

احمد وهو يشوف ساعته كانت وحده: الحين

غياث: اي بليييز

احمد: انزين الحين باييج

غياث: اوكي انطرك

رمت الفون على الطاوله وسندت راسها على الكرسي بالم

منى: شفيج؟

غياث: مافيني شئ

منى: شكلج تعبانه

غياث: اي وااايد

منى: عيل روحي المستشفى

غياث: اممم انشالله اذا ما صرت احسن بروح

منى سكت شوي ورد رفعت راسها: يمكن حامل

غياث وهي تطالعها بصدمه: ههههه لا مانيب حامل

منى: شدراج

غياث بخجل: ههه بعد

يت وحده من وراها شكلها يهبل ملامحها مثل اليهال وشعرها قاصته مثل سنوايت وحاطه لها شريطه حمره في شعرها: احم احم غياث

غياث: نعم

....: شخبارج؟

غياث: الحمد الله .. اممم من انتي ؟

.....: امممم انتي ما تعرفيني بس انا اعرفج عدل واحبج بعد من كثر ما سمعت عنج

غياث باستغراب: من انتي

......: شخبار الهيثم؟

غياث : انتي تعرفين هيمو؟

........ تبتسم: شخباره؟

غياث: والله حالته ما يعمل فيها غير رب العالمين وهو يكتم بقلبه الضعيف ومادري لمتى بيتم على هالحال محتاج تغير بحياته لازم يطلع ويغير جو صاير ملازم البيت ولا يقابل الناس مثل قبل ( غياث سؤال البنت خلاص تفتح كل اللي في قلبها على عمها)

........ وشوي وتصيح: سلمي عليه وايد وقولي ليه يتحمل بنفسه وايد

وقامت عنها

غياث: تعالي ما قلتي لي من انتي,,, افففففففف

شوي واتصل لها احمد رفعت فونها وشنطتها وسلمت عليهم وطلعت

في السياره: هاي

احمد: هايات

غياث تطالعه وتبتسم ماتبي تحسسه بشئ

احمد حاس ان فيها شئ بس سكت

غياث حست ان الدوخة ردت لها مره ثانيه فردت راسها على الكرسي تبي تريح راسها

احمد: غياث شفيج

غياث : راسي يعورني شوي ابي انام

احمد:خل نروح المستشفى اول

غياث:ماله داعي بس بندول يكفيني

احمد: اوكي بس اذا تعبتي اكثر بوديج المستشفى

غياث وهي تبتسم: اوكي

عند سام

في سيارته

سام: شلون العرس

يزوي: حلو

سام: استانستوا

يزوي: وايد

سام بعصبية: شكليتو

يزوي: اكل

سام: انتي من قال لج تكلمي انا ابي شوق ترد عليي

يزوي: ويه قول لها شوق استانستي مو شكليتوا استانستوا

شوق: هههه بس يزوي جاوبت على كل شئ

سام: شرايكم بزيون وهي **** اكيد طالعه قمر

شوق بغيره: لا تلوع الجبد

يزوي: ما عليك منها شحلوها تهبل

ام سام: يمه خلنا منهم تعبنا خلنا نروح انام

عند زينه وصادق

زينه قاعده بروحها وصادق في الحمام

زينه اخذت تلفونها ودقت على غياث

غياث:هلا زيون شفيج

زينه: غياثي خايفه وايد انتي شصار لج يوم عرسج

غياث : هههههه شنو شصار لي يوم عرسي استحي على ويهج

زينه: يعني في شئ يخوف

غياث: ههههه لا لا تخافين

زينه: من صجج مافي شئ يخوف

غياث : هههه لا

زينه حست بصادق بيطلع من الحمام : اوكي اكلمج باجر باي

غياث: باي

صادق طلع من الحمام وشاف زينه منزله الفون من اذنها: من كنتي تكلمين

زينه رفعت راسها وبسرعه نزلت من الخجل: غياث

صادق شاف حركتها وضحك راح لها ورفع راسها

زينه غمضت عينها من الفشله

صادق كان طالع ولاف فوطته على خصره

زينه [ بيييييه شهالفشله ]

عند غياث

اخذت لها شور ينعشها شوي ورمت نفسها على السرير وصارت تذكر بالتفصيل شصار لها

فجاه في العرس حست بالضيق فراحت الحمام عشان محد يحس عليها بدت تعرق و ويها يزرق وتحس الاوكسجين انقطع حولها فبدت تكح وتكح حتى حست ان روحها بتطلع من كثر ما كحت حاولت تتصل باحد اييب لها بخاخها لكن تلفونها موب عندها تمت جدي لي ما بدت كحاتها تخف وقفت بعدها تشوف شكلها شلون صاير بس حست ان نوبه الربو بترد لها مره ثانيه رفعت راسها تبي تاخذ هوا بس حست انها بتختنق نزلت راسها وشافت الدم ينزل من بين حلقها وهي منصدمه ومو عارف شنو هذا

احمد: غيااااث وينج صار لي ساعه اناديج

غياث انتبهت له بصوت مبحوح : هلا

احمد حاس ان فيها شئ: شفيج؟

غياث حست انها ضعيفه و محتاج ان تقوي روحها شوي رمت نفسها بحضن حبيبها وزوجها وتمت تبجي بصمت بس دموع وتفكر باللي فيها وبالبنت اللي تسالها عن هيمو

خلونا نروح مكان ثاني ( المانيا )

جلال بعصبيه: نعــــــــــم انتي ما تستحين مو كفايه كل اللي سويته والحين تبين بعد تاخذين كل شئ لا يا عمري اصحي على عمرج

هيام: بس حبيبي هذا حقي ما راح اخذ شئ مو لي

جلال : لا عيوني هذا حق عيالي ومحد بياخذه غيرهم

هيام بعيون دامعه: بس انا

جلال: لا تكلميني زياده مو كفايه بسبتج انا بعيد عن عيالي والحين كل واحد منهم صار شكبره ومتزوج واللي عنه عيال واللي فالطريج

هيام: بس انت سويت هالشئ براضك

جلال: سويته عشانج عشانج انتي بس انتي ما تستاهلي شئ

نرد البحرين عند الهيثم

الهيثم كان فرحان بالشباب اللي كانوا معاه بالمزرعه

( محمد وهادي و سام وسيف ومحمد واهل صادق و نايف وعماد وخالد)

والبنات طبعا كانوا في بيت اهل زيون

الهيثم: ههههههههه شصار عقب

خالد: ههههههههه تعرقلت بعبايتها وطاحت على الارض جدام الناس

سام: هههههههههه احترق ويها

محمد: من قلب كيف كان شكلها لمن قامت ههههه

خالد: تقط الوان الوان من الاحراج

يوم ثاني الساعه 11 الصبح

زينه قعدت من النوم شافت انها نايمه بنفس السرير اللي فيها صادق حست بالاحراج وقامت تركض الحمام صادق حس فيها وقعد يضحك:هههههه شوي شوي

غياث كانت قاعده بس تحس بالامان بحضن احمد وتفكر بكل اللي صار لها احمد هم كان قاعد ويحس بحركاتها ومتضايق منها لانها ما قالت له شفيها

سام كان قاعد من الصبح هو والشباب وكل ما يتذكر ان الليله سفرتهم يستانس ويبي الليل يصير بسرعه

شوق كانت نايمه وتحلم احلام سعيده بنتها في مخيلتها مع فارس احلامها المغوار سام

على الساعه 1 الكل كان متجمع في بيت ام احمد

زينه : ياسخفج كل هذا ومافي شئ يخوف

غياث: هههههه شفيج انتي تبين اقول لج اني خفت وييت بموت من كثر الصياح اللي سويته

زينه: حللللللفي

غياث: هههههه

زينه: ابييييييييه فشله

رهام: صج بتروحون تورونتو اليوم

غياث: بنروح نتذكر الايام الخوالي

زينه: تذكرون لماا كنا بالسنه الثالثه و يدش شقتنا جرو

رهام: هههههههه للحين تذكرينه والله يومها ما نمت من الخوف

غياث قامت عنهم راحت في الحوش واتصلت لعمها

غياث: مرحبا هيمو

الهيثم: هلا غياثي

غياث: ابي اشوفك الحين بليييييييز

الهيثم: وينج

غياث: في الحوش تعال

الهيثم : اوكي

كلها دقايق والهيثم يه

غياث من شافته راحت وحضنته : يااااااا حلوووووووك

هيثم: ههههه شفيج

غياث: بشتاق لك

الهيثم: احاول اصدقج

غياث: ههههههه هيمو بقول لك شئ

الهيثم: قولي

غياث : تعرف بنت اقصر مني بشوي تقريبا بيضا حلوه عيونها فاتحه خشمها طويل شفابفها حمر كانهم توت شعرها قصير مثل سنوايت ولونه اسود ؟

الهيثم كان يسمع كلامها وتذكر موقف مر عليه من قبل سنتين تقريبا على البحر
~ ~ ~ ~ ~
الهيثم: سنوايت

........: ليش الكل يقول لي سنوايت يعني قصتي اليديده موب حلوه

الهيثم: بل تهبل عليج خلج دايم جذي احلى عليج

..........: صج

الهيثم : هههههههه احبج يا احلى وحده بحياتي

..........: انا بعد

الهيثم : انتي بعد شنو

.........: مثلك

الهيثم: يلا شروق شنو

شروق: هههههههه احبك
~ ~ ~ ~ ~

غياث: وين رحت؟

الهيثم ويده على قلبه: شفيها؟

غياث: تعرف وحده جذي؟

الهيثم : كانه؟

غياث: عيل انا امس شفتها بزواج زيون وسالت عنك وقالت لي اسلم عليك واقول لك تحمل بروح وايد

الهيثم: عيل اهي اللي انا اعرفها

غياث: شكلها تحبك وايد لان كانت تبجي لما قامت

الهيثم وهو يرفع عينه يشوف الشمس متربعه بوسط السما: وصل كلام جانا بعد احبها وايد

حمل عمره ورد داخل

وغياث تمت واقفه وعلى راسها اكبر علامه استفهام: من هذي؟

في جانب ثاني من بيت ام احمد

نور ويزوي واقفين في المطبخ ويسولفون

سيف دخل من الباب الوراني ولا يدري ان في احد

سيف: وين دله الجاي؟

نور من رعبتها صرخت: آآآآآآآآآآآ وراحت انخشت ورا الثلاجه

يزوي: ههههههههه شفيك مدرعم جذي طق الباب قبل

سيف يطالع في الثلاجه ويطالع بالبنت اللي مرت جدام: هاا

يزوي: خذ دله الجاي واطلع

سيف حس على عمره : زين زين

شاله الدله وطلع بره

يزوي: ههههه راح

نور وهي مخترعه: من هذا

يزوي: هذا سيف اخوي

نور: رعبني الله يغربل بليسه

على الساعه ثمان في المغرب الكل واقف يودع احمد وغياث وسام وشوق وزينه وصادق

ام صادق: طمنوني عليكم اول ما توصلون

ام احمد وهي في حضن بنتها مرام: والله البيت بيفضى بدونكم يما ثلاثه من عيالي مره وحده

احمد: شدعوه يمه جدي جدي زيون بتروح عنج وانا وغياث بنقابلج لين ما تملين منا

توقعاتكم يا حلوين؟؟