01-21-2011
|
#10
|
البارت السادس والعشرين
عند غاده في السعوديه
غاده: شسوي نور ماابي اتزوج
نور: مجبوره
غاده: ابوي يقول غصبا عنك توافقين
نور: ليه شفيه اخوي
غاده: مافيه شئ بس انا مابي اتزوج
نور: اقول لك حاجه؟
غاده: شفيك؟
نور: صادق بعد مجبور ان يتزوجك اصلا خطبوك و هو ما يعرف شئ
غاده: يعني ما يبيني
نور: تعرفين زينه؟
غاده: اي زينه؟
نور: الي جو عندنا ربعه اللي معه هناك
غاده: اي شفيها
نور: يحبها
غاده: اجل ليه وافق
نور: ابوي قاله تبي تحرجني قدام اعمامك
غاده: نور قولي له اني مو موافقه بعد قولي له اني رافضه الفكره ماابي اتزوج
نور:بس ابوك وابوي ما بيرضون
غاده: آآآآآه
في الامارات
سام: يلا لا نتاخر على الطياره
يزوي: شعايلك؟
سام: الحين متى يمدي نروح بيت عمتي متى يمدي نروح المطار
ام سام: قول تبي تشوف شوق لا تلف وتدور كلها اسبوعين وبتكون عندك
سام: متى يمرون هالاسبوعين بسرعه
ابو سام: اعقل يا ولد
سيف: ههههه متى انا بعد اتزوج
عند شوق
ام شوق: يلا يمه شوق شتسوين الحين يون بيت خالج
شوق: كملت يمه
في البحرين
غياث: مااتخيل زيون كلها يومين ويكون عرسي
زينه: ههههههههه كانج احمد عرسي وعرسي
غياث: عن الغلط ريلي ما ارضى
زينه: عدال
غياث: متى يمرون هاليومين
زينه: اتصلي عزمتي الشباب
غياث: عزمت الكل
زينه: وناسه يعني
غياث: ما قلت لج
زينه: شنو
غياث: سموي بيتزوج بعد
زينه: بياخذ شوق
غياث: اي
زينه: حلا ومتى العرس
غياث: نهايه هالشهر
زينه: امممم زين
فترة صمت
[ كانوا قاعدين فوق السرير كل وحده سانده روحها على ظهر الثانيه]
غياث: زينه
زينه: همممم
غياث: صادق بيتزوج بعد
زينه صدمه تحطيم انكسار شعور انها منبوذه شعور بالــ... الخ
غياث حست عليها لفت بتشوفها: زيون
زينه دمعتها متحجره بعينها و مركزه عينها بزاويه بالغرفه
غياث: زيووون
زينه عينها بدت تنزل الدموع وشهقاتها ارتفعت: كل مني انا حسسني اني انا السبب في موت ساره والحين يحسسني اني السبب في الاربع السنين الزعل اللي مروا
غياث: حبيبتي زيون ترى اهو مجبور
زينه وهي تبجي: هو ريال محد يقدر يجبره بس هو زعلان ويبي ينتقم مني
غياث: بس هذا مو انتقام
زينه: انتي ما تعرفين صادق زين يبي يرد اعتباره ويقول زينه ما همتني
غياث: زيون سوي مثله بيني له انه ما همج لا تنزلين دموعج ترى تصيرين شينه
بعد ثلاث ساعات
غياث وزينه زو تركي ومرام واحمد في المطار
سام كان ياي البحرين عشان يحضر عرس رفيجته مع امه ويزوي و سيف وابوه وعمته ام شوق وشوق
زينه: سمووي يالدب
سام: انتي الدبه وحشتيني
وسلم عليها
يزوي: مبرووك ****
غياث: الله يبارك فيج عقبالج
يزوي: ووه اسمالله علي بعدني ياهل
الكل: ههههههه
سام: وهذي شوق
زينه: شلونج شوق
شوق: بخير
غياث: ترى سموي غربلنا فيج شوقي وشوقي
شوق استحت
سام: فشلتي مرتي
سيف: للحين ما صارت مرتك
سام: جب انت
سيف: مبروك ريل
احمد: الله يبارك فيك حماي
مروم: ويييه غلط انت معرس وانت اخو معرس
الكل: هههههههه
تركي: يلا امشوا واقفين كنكم نواطير
احمد: يلا
وطلعوا على 3 سيارات
تركي
واحمد
ومرام
في السعوديه
نور: صادق
صادق: شتبين
نور: امممم بقول لك شئ
صادق: شتبين
نور: امممم ترى غاده مجبور انها تزوجك
صادق مو مصدق كان لقى طرف لحبل الامل اللي فقده: من صجج تتكلمين
نور: امس الصبح كنت معاها كانت تبكي
صادق: ليش ما تبي تتزوجني؟
نور: ماادري
صادق: من صجج ما تبي
نور: قالت لي بلسانها هذا الحكي
صادق: والله يا نور حتى لو غاده رافضه ابوها بيجبرها
نور: بس تقدر تتزوجها وبعدها تنفصلو
صادق: انا فعلا ابي جدي بس مهما يكون غاده بنت عمي وماابي الناس تقول عنها مطلقه
نور: انزين وزينه
صادق: انا وجعي اصلا زينه
نور: حاول يمكن ابوي يرضى
صادق: بكلمه بشوف رايه, جهزتي نفسج باجر بنطلع البحرين
نور: انا جاهزه اصلا
في بيت زينه
سام: زيون خلي شوق تيي هني
زينه: ليش؟؟
سام: وحشتني حارميني منها من زمان ما شفتها يقولون عشان تشاق لها
زينه: هههههههه اكا غياث ما تشوف احمد
سام: اليوم كانوا مع بعض بالمطار
زينه: هههههههههه بس اليوم لان غياث الا تبي تيي واحمد يبيها من الله
سام: ههههههههه شلوونج انتي بعد, قدمتوا اوراقكم مكان
زينه: لا ما سوينا شئ ينا وقعدنا
سام: موب ناوين تسون شئ؟
زينه: اكيد بقدم اوراقي بيني وبينك انا وغياث نبي نفتح مكتب خاص فينا بس للحين ما سوينا شئ
سام: والله فكرتكم اوكي
يزوي: احم احم احنا هني
زينه: حياج
يزوي: شتقوولون؟
زينه: وين شوق ؟
ام شوق: نايمه
سام: حشى عمتي ديايه نايمه هالوقت؟
ام سام: شفيها تبي ترتاح تعبانه
سام: افففففف
الكل: ههههههههه
يوم العرس الصبح
عند غياث في بيت عمها
غياث: عمو
[ غياث كانت على ريل عمها ]
ابو هادي: شفيج يما
غياث وهي تتنهد: خايفه باجر زواجي
ابو هادي: يبا غياث انتي كبرتي وخلاص لازم تودعين حياة العذارى وتدشين حياة الكبار , حبيبتي الليله بتروحين بيت ثاني يجمعج مع ناس ثانيين يجمعج مع ريال , الليله بدش غرفتج ادورج ما بلقاج ما بتكونين فيها باجر ادش البيت ادورج يقولون لي في بيت ريلها, حبيبتي اليوم بس حسيت بشعور يدج ويدتج وخالاتج يوم اخذ خالتج , كانوا يبجون وانا ماادري ليش حسبالي من فرحهم يبجون, الحين بس فهمت انهم خايفين عليها مثل مانا خايف عليج من احمد يضرج او يضايقج , بنيتي غياث بقول لج كلام حطيه فبالج زين ما زين , الريال يا يما يحب انه يتظاهر بالفخر والنجاح يحب يمجد روحه لا تفشليه وتحرجيه وتقولين له لاا موب زين موب حلو لكن قول ليه لو تسوي فيه جذي يصير احلى لا تحطمينه , الريال يا يمه يتفاخر عند اهله انه مرته تحبه فلا تفشلينه قدام اهله وبين لهم انج تحبينها , الريال يا روحي يحب يبين لناس ان اختار المره السنعه اللي تحب اهله فبيين لاهله انج تحبينهم واكرميهم واستقبليهم احسن استقبال , يا بنتي اذا عصب عليج خلج هاديه واذا غلطت خلج صابره ,خلج ارض مطيعه بيصير لج مثل السماء , احفظي سره ولا تطلعينه لاحد يا بعد جبدي بيدج تقدرين تخلينه يتمسك فيج او يخليج , الله يوفقج حبيبتي ويحفطج من كل عين.
غياث كانت تسمع كلام عمها وعيونها تنزل دموعها بدون وعي كان كلامه يدخل في قلبها تتحسسه : انت ابوي انت ابوي موب ذاك اللي راح وتركني هذا الكلام المفروض اسمعه منه لكن سمعته منك من ابوي الصجي اللي رباني وتعب علي وصيتك وكلام في قلبي ما انساها ابد
ابو هادي: دير بالج على روحج حبيبتي ويلا قومي خل تركي يوديج الصالون نبيج تصيرين احلى ****
في بيت زينه
زينه من الصبح قاعده
مرام: زيون
زينه: هلا
مرام: شفيج من الصبح قاعده؟
زينه: صليت الفير وماياني يوم
مرام: واخيرا احمدي بيتزوج
زينه وهي تبتسم: حلاها غياث وهي **** من قدها
مرام: هههههه
سام يتصل بزينه
زينه: هلا سام
سام: وينج زيون اكا صادق واهله بيون
زينه: اوكي ننطرهم
سام: باي
زينه من سمعت اسمع صادق ضايقت: بيون اهله صادق قومي نرتب المكان
مرام: يلا
محمد وهادي اهم اللي ودو غياث الصالون في الطريج
هادي : طول عمرنا ثلاثه بنصير اثنين
غياث: طول عمرنا ثلاثه وبنم ثلاثه مافي شئ بيغير علينا
محمد: انا وياج مافي شئ بيغير علينا او بيفرق بينا الا الموت
غياث: احبكم
محمد وهادي: ههههههههههه وفري هالكلام لريلج
غياث: سخيفين
عند زينه
زينه: هلا خاله حياج
ام صادق: شلونج يمه
زينه: الحمد الله بخير
نور: زيوووون
زينه بابتسامه: هلا نور
وبعد السلام والتحيه وتجميع الثلاث عوايل عايله سام و صادق وزينه
راحوا كل الحررررررررريم عشان يتعدلون وتموا الريال
صادق: اقول سموي قوم نروح اي مكان
سام: خل ناخذ لغياث هديه ما يصير جدي
صادق: يلا
المغرررررررررررب
منى وغياث في صالون
غياث كملت ولبست فسانها الابيض بمساعده منى
منى: طالعه تهبلين
غياث: صج
منى: اغشمر معاج صايره كنج هبله
غياث: عن جد شرايج كانها مصبغه ويهي وايد
منى : صايره قمر احلى ****
غياث كانت لابسه فستان ابيض ناعم في كرستالات موزعه بشكل مرتب و طرحتها كانت على لون الفستان بس شفافه و مسكتها ورد توليب وردي وفوشي ومسوين لها مك اب على لون مسكتها وطالعه تهبل
منى: يلا غياث الحين بيي احمد ياخذج
غياث: وانتي
منى: بياخذني يوسف
غياث: وانا اروح معاه بروحي
منى: اكيد بتروحون تصورون
غياث: لا ماابي اخاف
منى: يلا غياث لا تتاخرين عليه
لبستها عبايتها وباستها بخدها: دير بالج يا ****
غياث: تعالي شسوي الحين
منى : روحي لريلج باي
غياث: تعالي , طااع هاذي راحت
طالعت الباب
غياث: اروح
مالت الصالون : اي روحي ترى الريال ما يحب ينقع وااايد
غياث: امممم يعطيكم العافيه مع السلامه
اللي في الصالون: الله يعافيج
طلعت غياث من الصالون
احمد: مبروك عليج انا
غياث: الله يبارك عليك انا
احمد:هههههههههه
في السياره
احمد : هذا اهداء مني لج
شغل المسجله على اغنيه:
أحاول أخفي أحساسي لكن بالعشق مفضوح
تشوف الفرحه في عيني و أحبك في العقل و الروح
أحبك حب ما اقدر أعاند فيه أحساسي
لقيت الحب شي أكبر من أني آخذ أنفاسي
حياتي أمرها بيدك و حبك سيّدي و سيدي
وعمري ما أبتدا قبلك و عيدي بالهوا عيدك
حبيبي عمري لك و الروح وقلبي بالعشق هايم
فداك الروح و روح الروح يا ربي تبقى لي دايم
معاك الدنيا شي ثاني معاك الدنيا ذي أحلى
ومهما كانت الدنيا معاك أحلى أكيد أحلى
تخيل دنيا من غيرك أو لحظه من غيرك
أنا ما شوف في الدنيا و قلبي أحد غيرك
غياث كانت تطالع احمد [ معقوله ما نسى ]
احمد وكانه فهم نظراتها: تذكرين لما كنتي على الخيل بمزرعتكم تغنين كانت اول مره اقول لج احبج مع اني احبج من زمان
غياث: لكن وقتها صدمتني فيك
احمد سحب يد غياث وباسها
غياث كانت تبي تسحب يدها بس احمد ماسك يدها بقوه
احمد: شفيج
غياث: مافيني شئ بس انتبه لطريج لا تموتنا
احمد: اوكي بس خلي يدج بيدي
غياث: اوكي
احمد: امممممممممم صايره حلوه تهبلين
غياث: امممم طالع جدام لا تسوي فينا حادث
في الاستيديو
غياث شالت عباتها عشان تصور واحمد يى لها من وراها ولمها
غياث: احمد قووم لحد يدش
احمد: كيفي
وبدا يغني:
حلالي ابيك ۈافكر فيك
ۈ اعيش الدنيا دقيقه ۈثانيه عشاني ارضيك
حبيبي اباك ۈمن يسۈاك
احبك انت ۈعمري الباقي بعيشه معاك
المصوره دشت شافتهم: اووه سووري
غياث: شفت
احمد: هههههههه
^
^
^
توقعاكم العرس بيتم على خير؟
ان قلتوا قصير بذبحكم
|
|
|
|
|