منتديات قصايد ليل - عرض مشاركة واحدة

01-21-2011

البارت الرابع والعشرين

خلونا نرووح لطياره اللي بتروح لسعوديه

ام صادق: يما صادق

صادق: خير يما

ام صادق: ماشاالله يا ولدي تخرجت وكبرت وما عاد ناقصك شئ شرايك نزوجك بنت عمك غاده

صادق يطالع امه[ لا يما,, انا ابي زينه , ما اتخيل نفسي مع غيرها]

ام صادق: شفيك يمه

صادق: انا ماابي اتزوج عندك ولدك محمد زوجه اللي تبينه

ام صادق: انا مااخذ اذنك بالموضوع ابوك خطب لك غاده وعمك وبنته وافقوا وانت طبعا ما راح تحرجنا مع
عمومك

صادق: شنو يعني خطبتوها لي وبدون ما ادري بعد انا مو موافق على هذا الزواج

ام صادق: تكسر كلمه ابووك

صادق: بس انــا ماابي غاده

ام صادق: ليه ايش فيها غاده تهبل وش حلوها

صادق: يماا اني ماابي ازوج الحين

ام صادق: اذا عندك اعتراض كلم ابوك

خلووونا نروح البحرين

بيت غياث

غياث: هيمووو

الهيثم: عيونه

غياث: وحشتني واايد

الهيثم: انتي اكثر

غياث: شخبارك بعد

الهيثم : احسن من كل مره

غياث: الحمد الله

بيت زينه

احمد: يماا اتصلي فيهم خطبي لي غياث

ام احمد: شفيك يمه اركد الحين بتصل لام هادي

احمد: بسرعه هادي

ام هادي: الو

ام احمد: هلا يام هادي شخبارج

ام هادي: الحمد الله انا بخير وانتي شعلومج

ام احمد: والله بخير

احمد مقرب من امه وحاط اذنه معاها يسمع

ام احمد: والله يام هادي انا اليوم متصل فيج طالبتج

ام هادي: اذا اقدر يالغاليه ما اقصر عليج

ام احمد: تدرين البنات اكبرو وصاروا على ويه زواج

ام هادي: هذي حال الدنيا

ام احمد: عشان جذي احنا طالبين القرب منكم

ام هادي: يشرفنا يالغاليه

ام احمد: واحنا طالبين يد بنتنا غياث لولدكم احمد

ام هادي: والله احمد خوش ولد وما ينعاب بس لازم نشاور ابوها وعمها واخوانها وهي

ام احمد: اخذي راحتج حبيبتي

ام هادي: عيل نسالهم ونرد عليج

ام احمد:واحنا بالانتظار مع السلامه

ام هادي: الله يسلمج

ام هادي: حسن حسن

ابو هادي: شفيج

ابو هادي: والله احمد خوش ولد ويا بخت من ناسبهم

ام هادي: يعني انت راضي

ابو هادي: انا راضي بس اهم شئ رايها وراي ابوها

ام هادي: شاورهم ورد علي

عند زينه

زينه ميوده الكام مالتها وقاعده تنزل الصور في جهازها

وقف عند صورها لها مع صادق من اربع سنين في ساحه الجامعه

زينه: آآآه يا صادق غلطت وياك بس جفاك لك صعب

ونزلت دموعها على خدها

انطق باب غرفتها

زينه: دش

فيصل: زيوون

زينه: عيون زيون

فيصل: كنتي تبجين

زينه: امممم اي

فيصل : ليش

زينه: لاني تعبانه شوي

فيصل: عيل انا بروح بره بعدين برد لج علميني انزين

زينه: اوكي حبيبي سكر الباب وراك

عند سام

سام: يما ردت عليج خالتي

ام سام: اي ردت بس البنت يبي لها وقت على ما تجهز نفسها

سام: يعني جم

ام سام : شهر بالكثير

سلم: اااااااااااه شهر جهز حالها

يزوي: شفيك مطير لاحق على رزقك

السعوديه عند صادق

ابو صادق: شغلك وموجود باقي لك مره

صادق: بس يبه ماابي اتزوج الحين

ابو صادق: ليه يوليدي انا خطبت البنت من عمك وعمك وافق

صادق: بس يبا انت ما اخذت رايي قبل

ابو صادق: يا وليدي انت لازم تاخذ غاده بنت عمك

صادق: بس يبه انا

ابو صادق: خلاص كلمتي وحده زواجك قريب جهز نفسك

في البحرين بيت غياث

ابو هادي: يبا غياث اليوم دقو لنا اخطبوج

غياث: من؟

ابو هادي: ههههههههه اخو زينه احمد

غياث ومن داخلها بطير: انزين

ابو هادي: عاد اني ابي اخذ رايج عشان اخذ راي ابوج

غياث كشرت: وهو شكو تاخذ رايه

ابو هادي: لازم ناخذ رايه هذا ابوج

غياث: انت شرايك باحمد

ابو هادي: انا موافق

غياث: اذا انت واخواني موافقين انا بعد موافقه

ابو هادي: من هذي الناحيه امانه

وطلع موبايله من جيبه وحطه على اذنه

غياث: بتصل في منو

ابو هادي: الحين تعرفين

....: الو

ابو هادي: الو السلام عليكم

.........: عليكم السلام

ابو هادي : شلونج تهاني

تهاني: بخير الحمد الله

ابو هادي: جلال هني؟

تهاني :دقيقه اناديه

تهاني: جلآلآلآلآلآل جلآلآلآلآل

جلال: شفيج

تهاني : يبونك

جلال:الو

حسن: هلا جلال شخبارك

جلال:انا بخير شخبارك انت وشلون عيالي

حسن: عيالك بخير كبروا وصارو ريال يوسف ومرته صار عندهم عيال وتركي خطب بنت ناس وغياث اليوم

يوها ناس يخطبوها وانا قلت اخذ برايك

جلال:انت تعرف الولد زين

حسن:والله ياخوي الولد مافي عليه والكل يشهد انه خوش ولد

جلال: انا مو راضي بنتي بعدها صغيره

حسن: بنتك عمرها 21 سنه مو ياهل

جلال: انا مو راضي

حسن: بس انا وعمها الهيثم واخوانها راضين

جلال: عيل ليش ياي تقول لي؟

حسن: لانك ابوها من حقكك تعرف

غياث قاعده على اعصابها

ولما حست نفسها تعبت راحت وسحبت التلفون من يد عمها

غياث: اسمعني زين اخ بابا انت طول عمرك بعيد عنا ولا قط حسستنا انك ابونا والحين مستحيل تي تفرض
رايك علي طول عمري عايشه بروحي مع اخواني اهم اللي لهم الحق علي وعمي حسن وعمي الهيثم لكن انت
لا مو ابو الا على الورق ولو اقدر اشيل اسمك من اسمي شلته من زمان

وسكرت الخط من ابوها وارتمت بحضن عمها تبجي

حسن: خلاص حبيبي احنا بنزوجج باللي تبينه لا تبجين

غياث وصوت الصياح غالب عليها: هو ليش يسوي فينا فينا جذي احنا شسوينا له حى كلمه بابا باخل علينا
اناديه فيه حرمنا من كل شئ ويبي يحرمنا من انا نعيش حيانا مثل باقي الناس

حسن :خلاص بابا قومي غرفتج نامي وفي الصبح بتصل في احمد بقول له انا موافقين

بيت زينه

احمد: ما قالو لج

زينه: شنو

احمد: خطبت غياث رفيجتج

زينه: احلف

احمد: والله

زينه: ماقالت لي ولا حتى انت تكلمت شنو هالخيانه هذي؟

احمد: ههههههه

زينه: وحضرتك مستانس

احمد: اكيد مستانس يلا تصبحين على خير بروح انام

زينه: تلاقي خير

زينه [ آآآه يا زينه ... حتى غياث واحمد اللي كنتي تتوقعين انهم ما بيتزوجون كاهم بيتزوجون وانتي اللي الكل
متوقع انج بتزوجين اول ما تتخرجين شكلج بتمين جذي.... شمسوي صادق الحين يفكر فيني او ناسيني]

نروح السعوديه

نور: حمووود حموود سمعت الخبر

محمد: شنو

نور: بكره بيروحون بيت عمي يخطبون غاده لصادق

محمد مستغرب: وخويته؟

نور: اي خويه اي بطيخ اقول لك غاده بنت عمي

محمد: غاده غاده

نور تقلد عليه: غاده غاده,, اي غاده

صادق: سلام عليكم

نور ومحمد: هلا

محمد: يقولون عريس

صادق: عريس ,,, اقلب ويهك هناك

نور: اقول صدووووقي

صادق: شتبين

نور: انت ماتبي غاده

صادق يطالع اخته بنظرات انكسار[ لو قلت ماابيها شبيدج تسوين انتي اذا ابوي وعمي سوو كل شئ ]: ليش
احد قال لج شئ؟

نور راحت يم اخوها:اشوف في عينك انك مجبور

صادق: نور انا احب زينه

نور: ايش؟

محمد: شفيكم

نور بهمس: من جد تتكلم

صادق عينه تجمعت فيها دمعه قام غرفته: آآآه يا زينه شسووي بدونج عذبتيني

الامااااارات

سام: شووقي

شوق: هممم

سام: شرايج نقدم العرس واجد بعيد

شوق: مااقدر

سام: انزين نملج عقب نسوي العرس

شوق: مافي اصبر

سام: افففف شيصبرني

شوق: تدري ان المفروض ما اكلمك ابد بعد

سام: شنووووو يعني ما اصل فيج

شوق: المفروض

سام: لا بعد شهرين بعد شهرين بس اكلمج كل يوم

البحرين

غياث: صباح الخير ميس

ميس: صباح النور غياثي في يوسف و هيثم يتريقون في المطبخ

غياث: اها اوكي

غياث: صبااح الخير

وراحت باستهم وقعدت

الهيثم: صبااح النور

غياث: شلووونك اليوم

الهيثم: بخير وانتي يال****

غياث بخجل: تمام

يوسف: غياااثي عرووس كان ودي من زمان ازوج اختي وافرح فيها

غياث: صج

يوسف : صج

ليان وليال دشو المطبخ

غياث:يااااازينهم تعالوا بسلم عليكم

تقدموا وباسو عمتهم وقعدتهم يمها

ليال: ابي حليب

ليان: انا ابي حليب بعد

ليال: ابي خبز

ليان: انا ابي خبز بعد

الكل: ههههههههههههههه

بيت ابو هادي

ام هادي: شلونج يام احمد

ام احمد: بخير الحمدالله

ام هادي: ابشرج احنا موافقين على ولدكم احمد

ام احمد: وه هاي الساعه المباركه

ام هادي: يبارك فيج

ام احمد: عن اذنج ابشر احمد

ام هادي اخذي راحتج حبيبتي

ام احمد: احمد احمممممممممممممد

احمد: شفيج يمه

ام احمد: مبروووك يوليدي كبرت وصرت معرس

احمد : شنو يعني

ام احمد: وافقوا وافقو

احمد باس راس امه : الله يبشرج بالخير ونااسه متى العرس؟.

ام احمد: اركد

بروح اسالهم متى يبون العرس

في السعوديه

الساعه سبع

صادق: ياليت مت قبل مااشوف هالساعه تدق

غاده تدش: سلام عليكم

الكل : عليكم السلام

غاده راحت قعد يم ابوها

ابو صادق:حاجها اسالها عن احوالها

صادق: شلونج غاده

غاده: بخير الحمد الله

ابو صادق: ها يا غاده متى تبين العرس

ابو غاده: الشهر الجاي يا خوي

ابو صادق: اجل على كلامك الشهر الجاي

صادق [ لآ لآ يا يبا وزينه لا يبا تكفى الله يخليك]

نهاية البارت

توقعاكم

شبيصير

بتم عرس غياث واحمد؟

صادق شبيصير وياه؟