01-21-2011
|
#3
|
"البارت الثااااني عشر"
غياث من اول ما مسكها وهي تحاول تفلت منه بس ماسكها بقوه واول ما بدى يغني وقفت كان صوته يجنن وحلو يدخل القلب
لما حس انها وقفت ما حاولت تفلت منه حط راسه على كتفها
.........: تدري ان صوتج حلو وانتي تغنين؟
غياث منصدمه منه ومن اللي يسويه [ منو هذا ؟ شيبي؟ شلون دخل هني اصلا؟ ] وكل هذا الاسئله تدور في بالها
حاولت مره ثانيه تتحرك بس اهو ميودها بقوه
...........: غياث لا تتحركين بهدج بس ابي اكلمج قبل لا تسافرين
غياث [ من ودي يعرفني ويعرف اني بسافر] هزت راسها بهدوء انها موافقه يكلمها
سحب يد من خصرها ومن على شفايفها ونزل من الخيل وهي للحين تطالع جدامها خايفه تطالع
.........: نزلي
غياث : من انت
......: طالعيني وبتعرفين
غياث وهي تفر راسها تبي تشوف منو شهقت بصدمه:احمــــــــد
احمد بابتسامه: أي احمد " ومد يده لها" نزلي
غياث نزلت من الخيل وطنشت يده الممدوه سحبت الخيل وياها وربطته بشجره عشان ما يهرب
غياث: قول اسمعك
احمد سرح شوي
~ ~ ~ ~ ~
د.فهد: شفيك احمد؟
احمد: بيسافرون باجر
د.فهد: اختك ورفيجتها؟
احمد : أي
د. فهد: احمد انته لازم تواجهه الكل لازم تكون عندك ثقه بنفسك زياده تحب غياث روح قولها انا احبج تحب زينه قول لها انا احبج قول لهم انا كنت مريض وانا الحين اتعالج
احمد: شسوي يعني اذا اهم مااخذي عني فكره انا انسان صرت بالنسبه لهم وحش ملامحه تلوع الجبد
د.فهد اخذت منظره وقف جدام احمد وخلاه يشوف نفسه بالمنظره : شوف نفسك احمد انت حلو مو وحش
احمد تم يطالع نفسه بالمنظره احمد انسان طويل حنطاوي شعره اسود طويل عينها بنيه ورموشا كثيفه حواجبه كثيفه ومرتبه وخشمه طويل
: يعني اقول لهم اني مريض؟
د. فهد: أي
احمد: لالا ماابي ما بقول
~ ~ ~ ~ ~
غياث: احمممد ترى بروح عنك
احمد: هااا لالا تمي بقولج
غياث: قوول بسرعه
احمد وهو يسند ظهره على الشجره ويحط يده على الارض: تعالي قعدي بكلمج
غياث وهي تقعد قباله: قول اسمعك
احمد متردد وخايف من وين يبتدي: غياث انـ ـ ا ابي اقول لـ ـ ج شئ
غياث باستغراب: شنو فيك شئ ؟
احمد يطالعها والكلام مو طالع معاها: غياث لـــ ـ ـو اخطبج توافــ ـ قين؟
غياث تطالع احمد ومستغربه ومنصدمه : شنووو!!
احمد وهو يرد شعره على ورا : غياث انــ ـ ا احـ ــبــ ـج مــن زمان بس انا ما عمري صارحتج بمشاعري غياث انا لما اشوفج داخله بيتنا مع زينه ما تدرين شنو يصير فيني غياث انا صج احبج بس
غياث حست بتررده : بس شنو؟
احمد : غياث انا مريض واتعالج الحين , اكيد سمعتي من زينه اني اطقها صح
غياث: انزين
احمد: غياث انا فيني انفصام شخصيه
غياث وكان احد كات فوقها ماي تطالعه وهي ساكته تحس انه لسانها انربط
احمد لما شافها شلون منصدمه: غياث ان ادري انصدمتي بس انا اتعالج وروح المستشفى واخذ علاجي على طول غياث انا احب خواتي مو قصدي اطقهم بس انا اشوفهم بصوره غير انتي والناس ما تشوفها ساعات اشوفهم مع شباب وساعات اشوفهم يشربون خمر وساعات اشوفهم يسون اشياء ما ترضي الله
غياث: تطالعه والصدمه مخلينها مثل الصنم
احمد: غياث انا احبج وايد انا لازم اقول لج انا ابيج تمين وياي ما ابيج تسافرين بليز غياث طلبتج
احمد تم دقايق يطالعها يبيها تتكلم بس اهي ساكته
احمد: انا اسفه ادري ضايقتج بس انتي لازم تدرين بهذا الشئ "وقام وقف
اشوفج على خير ,, احبج
ورااح
غياث تمت مثل ماهي متصنمه مكانه
[ يحبني ؟؟!,,,,, انفصام شخصيه؟؟!,,,,,,احمد؟؟!,,,,,,, يتخيل اشياء غلط؟؟!]
وتمت على دي الحاله لين سمعت صوت اذان الصبح وقامت من مكانها وردت الخيل الاسطبل وردت مكانها
السااعه (9.30)
غياث تبي تنام مو قادره
شافت الساعه تسع قامت تسبح ولبست لها جينز فاتح وياه توب طويل وردي ولبست فوقه قميص اسود خفيف ولبست شيله سودا ونزلت تحت
غياث: صباح الخير
الشباب: صباح النور
الهيثم: شفيك عمو شكلج متغير
غياث تبتسم له: مافيني شئ بس ما رقدت عدل
صادق: جهزتوا اغراضكم
غياث: من زمان
تموا شويه يسولف لين نزلت زينه ومريم
زينه: هههههه
غياث: شفيج
زينه: ليش تلبسين مثلي
غياث: هههههه انا لبست قبل
وتموا قاعدين يسولفون لي اذن الظهر وقاموا يصلون وطبعا احمد يه
غياث: بروح المطبخ احد يبي شئ
سام: الله يسلم جابي اممممممممم عصير ويا ريت يكون باارد
غياث: طرار ويتشرط بس ما يصير انزعلك
وراحت المطبخ وتمت تحط في الصينه عصيرات لهم
يدخل احمد: خلاص بتسافرين؟
غياث: لازم اسافر هذا مستقبلي محد يفيدني غير شهادتي عقب
احمد : وانا؟ ما فكرتي فييني؟
غياث: احمد اصلا طول الليل ما رقدت افكر
احمد : انزين و شنو وصلتي له
غياث: وصلت اني بسافر وانت لا تمكل علاجك
احمد : حتى لو رحتي بره ودرستي وتميت سنين في النهايه بتكونين لي , غياث مو لازم تحبيني مثل ما انا احبج بس ما ابيج تكرهيني
غياث وهي تبتسم: بس انا مااكرهك
احمد يرد لها الابتسامه: اممم في امل تحبيني
غياث: يمكن ليش لا
وطلعوا من المطبخ ودولهم العصير
ولما صارت 4
راحوا المطار متوجهين للسعوديه
طبعا لحظات الوداع والتوصيات اللي ما تخلص
وطبعا بعد ساعه تقريبا وصلوا مطار الرياض
صادق: الله يا محلا ريحه الرياض واهل الرياض وجو الرياض
غياث: شنو محلا جو الرياض خرفت انت حررر حررر
سام: وحاشرنا بالثوب بعد تدري من زمان ما لبست ثوب
زينه: وين بيتكم خسنا
صادق: الحين بي محمد ياخذنا
وشوي وصل اخوه محمد
محمد: الحمد الله على السلامه
صادق وهو يحضنه : الله يسلمك
محمد: كيفك سام
سام وهو يسلم عليه : ماشي الحال
محمد: اخبارك بنات
غياث وزينه : بخير الحمدالله
و راحوا عند اهل غياث
ام صادق: الحمد الله على السلامه يما
صادق وهم يسلم عليها: الله يسلمك اشتقت لك مره
نور اخت صادق: صدوووق
صادق: عيونه
نور وهي تبجي: اشتقت لك
صادق: هههههههه وانا بعد اشتقت لك
صادق وهو يطالع اخوه الصغير: تعال يعقوبي
يعقوب وهو يروح له
صادق: اشتقت حقكك
نور وهي تروح للبنات: هاااي
غياث وزينه: ههه هاي
نور: انا نور
زينه: انا زينه
غياث: وانا غياث
نور: هلا حيااكم
طبعا سام دخلوه مجلس الرجال ويه محمد
محمد: ايش رايك اجي عندكم كم اسبوع اغير جو
سام: هههههههه حياك نحطك بعيونا
محمد: في بنات حلوين هناك
سام:هههههههههه فيه بس مو وايد
محمد: هههههههه
نرجع عند البنات
غياث: يحليلهم طيبين
زينه: أي اكيد طيبين هذول عمتي وحماتي
غياث: حلفي بس
زينه: هههههه
شويه نور تدش: يلا قوموا عشان العشا
وقاموا ويهها وهو داخلين الصاله انصدموا من الناس والوايد اللي هناك
والكل واقف يسلم عليهم وهم مستحيات
وراحوا على السفره يتعشون
غياث: زيون اتخيلج بعد جم سنه قاعده بينهم يعني مره ولدهم
زينه وهي تقرصها: سكتي لاحد يسمعج يالهبله
نور اللي قاعده قبالهم: شتقولون ها
غياث وهي تبتسم لها: هههههه ما نقول شئ نسولف عادي
نور: قولو لي اخوي عاقل هناك والا يطالع في الحريم والا طايح له قصه حب مع كنديه
زينه وهي تبلع ريجها:...
~ غياث واحمد؟
~ صادق وزينه؟
~علاج احمد بيفيده او بيقطعه؟
~ بيرحون الامارات او لا؟
|
|
|
|
|