في المطبخ
زينه قاعد على الكرسي بالمطبخ وحاطه يدها على يبهتها مكان البوسه
صادق رد المطبخ مره ثانيه لانه لما شاف زينه نسى اهو ليش ياي
صادق: زينه
زينه رفعت راسها
صادق ابتسم: ليش ما راحتي داخل؟
زينه: مابي
صادق : فاتتك الزفه
زينه: عادي
صادق قرب من زينه ورفع راسها باصابعه: زيون انتي تبيني؟
زينه غمضت عينها
صادق شدته عينها وباس عينها بهدوء : ما جاوبتي علي
فجاءه ينفتح الباب بقوه
..............: شتسووون هني؟؟؟؟
زينه خافت ونزلت راسها بسرعه بالارض
وصادق رفع راسه بهدوء يطالعها: تعالي
دخلت غياث تطاالعهم ( طبعا كانت لابس عبايه و شيله لان ابو منى دخل )
: شتسوون ها
صادق: ما نسوي شئ وانا ما احب اسوي ش من وراكم انا احب زينه
غياث تطالعه وتطالع زينه وابتسمت: ادري
صادق : شدراك سام قالج
غياث: لا بس احساس (وتمت تطالع زينه) انتي ما تستحين قاعده جدي جدامه
زينه: نزلت عينها على ثياب وحمر وييها من الاحراج وطلعت تركض
غياث وصادق : ههههههه
صادق: تتوقعين هي تحبني
غياث: امممممم ماادري بشووف لك
صادق: هههه انزين انتي شدراك اني احبها
غياث : احم احم عيونك يبه فاضحتك
صادق ابتسم ونزل راسها: بكره بنمشي لسعوديه
غياث : أي اصلا انا ابي اروح ابي اشووف هلك
شووي ودخلت مره المطبخ
..........: شتسوون هني
غياث: تعالي يماا<< امها اللي رضعتها ( ام هادي )
اشرت على صادق: يما هذا صادق اللي قلت لج عنه اللي معانا يدرس
ام هادي بابتسامتها الحلوه: شلونك يما صادق
صادق: بخير خالتي اخبارك انتي
ام هادي: انا بخير الحمد الله ديروا بالكم على بناتي
صادق: بعيونا
عقب الحلفه لما المكان فضى وطلعوا العرسان تمت غياث وزينه و مريم و محمد وهادي وتركي وسام وصادق بالمزرعه
البنات عقب ما تسبحوا وغيروا ملابسهم نزلوا تحت يكملون سهرتهم مع الشباب
هادي: الحين ليش ما تبقون هني تكملون دراستكم هني بلا تورونتو بلا اوتاوا
غياث تبي تحره لان تدري اهو كان يبي يسافر معاهم بس ابوه ما رضى: اقول صدوق خلنا نروح شلالات نياجرا او نروح الــcn راح نستانس هناك واايد
هادي وهو مقهور منها يفلعها بالموسده مالت الكرسي : اسكتي
الكل:ههههه
صادق كان يطالع بزينه: لا خلينا نروح الــcn لان شكله في ناس تخاف من الاماكن العاليه
غياث فهمت قصده: أي خلينا نروح لان يقولون في طابق من الطوابق الارضيه مالت قزاز و يبين الناس الي يمشون تحتك
زينه وهي تقرصها: سكتي ناويه علي انتي ويه ما شفتيه اليوم شنو سوى
غياث وهي فيها فضول تبي تعرف شصار: اقول احنا بنقوم انام باجر ورانا سفر
الكل: تصبحون على خير
ولما راحوا فوق
مريم: يلا تصبحون على خير تعبانه برقد
غياث: تلاقين خير
راحت على السرير تبي تنام
وزينه طلعت على البلكون و لحقتها غياث
غياث: شصاار خلصيني
زينه: قالت لي امج روحي المطبخ شوفي الغذا يابوه او لا ولما رحت...................( وقالت لها السالفه كامل)
غياث: هااااا باسج اللي ما يستحي
زينه احمر ويهها: أي
غياث: انزين انتي تحبينه؟
زينه: ماادري
غياث : شفيج انتي صدوق واحد زين ولان انا اعرفه زين فراح اقول لج موب صادق اللي يلعب عليج
زينه : افففف اخاف
غياث : من شنو؟
زينه: من اللي بيصير , احس ان لما اشوف صادق قلبي يدق بقوه اخاف من اللي بيسويه واذا كلمني ارجف , انا ما اكرهه بس
غياث: زينه انتي تحبينه
زينه: شدراج
غياث وهي تطالع السما وتبتسم: تذكرين لما قلتي لي انج تحبين احمد بس لما يكلمج او يقرب منج تخافين
زينه: أي يعني
غياث: يعني صادق مثل احمد اثنينهم يحبونج واثنينهم انتي تخافين منهم
زينه: بس احمد اخوي
غياث: وصادق على قولتج مثل اخوج صح؟
زينه: صح
غياث: زينه فكري زين صادق حلو وطيب واحنا واثقين منه
زينه وهي تدش داخل رايحه على فراشها : انزين تصبحين على خير
غياث: تلاقي خير
غياث بعد راحت بتنام تمت تتقلب ما ياها نوم
غياث: اااافففففففف
وقامت لبست شيلتها ونزلت تحت
راحت الاسطبل مكان الخيول
رحت لخيلها الابيض
غياث: هااااي الحب شلوونك وحشتني وايد
وسحبته من الاسطبل ماله وعدلته وجهزته عشان تركب عليه
غياث: تدري العرب <<اسم الخيل >> ههههه لو اقدر اخذت وياي هناك
ركبت فوقه وتمت تمشي بالمزرعه وبين الخيول
عند الشباب
سام:شفي كانت قالب ويهك جدي
صادق: اشتقت لهلي
سام: هههه ما اعتقد هذا الشئ الوحيد
صادق: يا رجال حرام عليك سنتين ما اشوفهم غير 6 اشهر مره
سام: محد حادك
صادق: ههههه شتبين اسوي اجل ,, سموي شفت زينه اليوم
سام: وانا اقول شاللي قالب الولد جدي
صادق: وو بستها
سام: شفيك انك من صجج تتكلم
صادق: شاسوي ما اقدر امسك نفسي
سام: تدري اذا عدتها مره ثانيه لا اعرف ولا تعرفني
صادق: ليش يعني
سام: ترى هذي زينه مو بنت شوارع تلعب عليها صادق كبر عقلك جدي تكره البنت فيك لازم تعتذر منها( وقام بينام) تصبح على خير
صادق: وانت من هله
وحط راسه بينام وهو يفكر بكلام سام
عند غياث
وهي تمشي بالخيل كانت تغني
أحاول أخفي أحساسي لكن بالعشق مفضوح
تشوف الفرحه في عيني و أحبك في العقل و الروح
أحبك حب ما اقدر أعاند فيه أحساسي
لقيت الحب شي أكبر من أني آخذ أنفاسي
حياتي أمرها بيدك و حبك سيّدي و سيدي
وعمري ما أبتدا قبلك و عيدي بالهوا عيدك
وهي تغني فجاءه حست باحد ينط على الخيل ويحاوطها من خصرها ويسحبها ويصير ظهرها على صدره ويحط يده على شفايفها
.......: حبيبي عمري لك و الروح وقلبي بالعشق هايم
فداك الروح و روح الروح يا ربي تبقى لي دايم
معاك الدنيا شي ثاني معاك الدنيا ذي أحلى
ومهما كانت الدنيا معاك أحلى أكيد أحلى
تخيل دنيا من غيرك أو لحظه من غيرك
أنا ما شوف في الدنيا و قلبي أحد غيرك
غياث من اول ما مسكها وهي تحاول تفلت منه بس ماسكها بقوه واول ما بدى يغني وقفت كان صوته يجنن وحلو يدخل القلب
لما حس انها وقفت ما حاولت تفلت منه حط راسه على كتفها
.........: تدري ان صوتج حلو وانتي تغنين؟
غياث منصدمه منه ومن اللي يسويه [ منو هذا ؟ شيبي؟ شلون دخل هني اصلا؟ ] وكل هذا الاسئله تدور في بالها
حاولت مره ثانيه تتحرك بس اهو ميودها بقوه
...........: غياث لا تتحركين بهدج بس ابي اكلمج قبل لا تسافرين
غياث [ من وين يعرفني ويعرف اني بسافر] هزت راسها بهدوء انها موافقه يكلمها
سحب يد من خصرها ومن على شفايفها ونزل من الخيل وهي للحين تطالع جدامها خايفه تطالع
.........: نزلي
غياث : من انت
......: طالعيني وبتعرفين
غياث وهي تفر راسها تبي تشوف منو شهقت بصدمه: .......................
~ تتوقعون زينه شنو بتسوي ويه صادق؟
~ وصادق بيعتذر منها او لا؟
~ ومنو هذا اللي كان مع غياث؟
~ و شنو بيصير اذا راحوا السعوديه؟
~ وتتوقعون سام بيروحون الامارات؟