01-21-2011
|
#10
|
"[الـــــــــــبآآرت التــــــــــأسع]"
صادق: انا ودي ازور اهلك واهل غياث
زينه ابتسمت: حياك
وعقب فتره ما حست نفسها الا ونامت على كتف صادق
وصادق مستانس
وفجاءه قامت الطياره تهتز زينه من خوفها قاامت تصارخ
صادق حضنها: خلاص زيون اهدي ماابيصير شئ
زينه: بنمووت كلنا بنموت
صادق فكر بكلامها بنموت ما حب يخسرها وهو ما قال لها انه يحبها: زيون انــــــــــا احبك
زينه رفعت عينها بعيون صادق......[ صـــــــــــدمه,,,,,,,,,عدم تصديق,,,,,,,,,, مشاعر متداخله,,,,,, اضطراب افكار,,,,,,,,]
زينه بهدوء: شنو!!
صادق وهو يبتسم لها وهي للحين بين ايدينه: احبك
عند سام وغياث بمثل الوقت
سام تصنم بالكرسي ويحاول يضبظ نفسه
غياث مااسكه نفسها زين وتقول بصوت منخفض: ماراح يصير شئ ما راح يصير شئ كلنا بخير وما بيصير شئ ما بيصير شئ
سام كان يطالعها شلون مغمصه عيونها بهدوء وماسكه نفسها بالكرسي وتقول ما بيصير شئ قال يجرب ان يسوي نفسها
: ما بنموت ما بنموت ما بنموت
فجااااااااااءه
استقرت الطياره في الجو
وبدا الكابتن يعتذر [ لقد اجتزنا مطب هوائي ,الحمد الله على السلامه, معكم الكابتن بدر ]
زينه وصادق
زينه للحين عينها بعين صادق وبين ايدينه
صادق يطالعها وابتسم: مطب هوائي
زينه حست على نفسها وسحبت نفسها منه وهي محمره من الاحراج
سام وغياث
غياث ترمي نفسها بهدوء وتتنهد
سام يسوي مثلها وهو يبتسم: حلوه طريقتج بانج تقعنين نفسج بالشئ
غياث وهي تبتسم له: وانت لازم تتبعه قول انا اقدر اوجهه الماضي واعيش حياتي من البدايه انا مستعد ابدي من الصفر ندى ماتت وخلت لي ذكرى حلوه بحياتي مستحيل انساه ومن هذا الكلام بتقدر تقنع نفسك
سام: بحاول وعد مني اني بحاول
غياث بفضول: سموي انت ليش ما تتكلم اماراتي
سام: ماادري تعودت اتكلم جدي من الناس اللي عاشرتهم في تورونتو
بعد خمس ساعات من السوالف والنوم والاكل والمزح والجد والهواش والاعترافات والتكسر اعلن كابتن السياره عن الوصول [ تم الوصول الى مملكه البحرين بسلام, كان معكم الكابتن بدر, ونتمى لكم التوفيق]
والكل قام يشيل اغراضه وينزل
في صاله الانتظار في المطار [ الساعه 3.30 الفجر]
تركي وهو يتثاوب: والله ياني الرقاد موب قادر افتح عيني
يوسف: وانا بعد ريولي موب شايلتني
منى بهدوء ورزانه معتاده: المفروض يوصلون الحين
يوسف ابتسم: فديييتج الحين بيوون
شوووي والا ايي واحد صوبها: السلام عليكم
تركي ويوسف: وعليكم السلام
تركي وهو يبتسم: شلونك احمد
احمد يرد له الابتسامه : بخير ما وصلوا؟
يوسف: لا والله تعبنا واحنا ننطرهم
احمد: خربوا علينا احلى نومه
منى بدون ما تحس على نفسها: بهذي صدقت [ وهي تتحلطم]
يوسف وتركي واحمد: هههههههه
منى تفشلت ونزلت راسها
عند الشباب
تمروا نص ساعه وهم يدورون شناطهم وعلى التفتيش لما طلعلوا تموا البنات يدورون على اهلهم
زينه بابتسامه واسعه: احمد احمد غياث شووفي هذا احمد
غياث: زيين دريت ان هذا احمد هديني انزين
سام وصادق يضحكون عليهم
راحو لهم
يوسف : غيوث بعد عمري وحشتني وهو يحضنها
غياث: وانت بعد حبيبي وحشتني وايد ( وهي تبجي)
تركي سحبها من حضن يوسف: وحشتني مكانج ابين بعد جبدي
غياث: ياعمري تروك وحشتوني
منى واقفه تبتسم : الحمد الله على السلامه
غياث تروح لها وتحضنها : حبيبتي مرت اخوي الغاليه الله يسلمج ويحفظج
في نفس الوقت زينه واقف قبال اخوها تطالعه وعيونها تدمع
احمد ابتسم وسحبها وحضنها: الحمد الله على السلامه زيون وحشتيني
زينه مو مصدقه هذا اخوها لان ولا عمره حضنها: الله يسلمك
احمد طبع بوسه على راسها وسلم على صادق وسام
وطلعوا من المطار
زينه واحمد بسياره
وغياث وتركي و سام و صادق بسياره
ويوسف ومنى بسياره
بسياره تركي
غياث: عيل وين حمود هدوي الهيثم ليش ما يوا
تركي: هدوي وحمود نايمين صحيتهم ما صحوا والهيثم تعبان شووي
غياث: شفيه
تركي يبتسم: مافيه الا العافيه
صادق: متى نوصل ابي انام
سام: والله انا بعد ابي انام
ووصلوا لين عند البيت
ونزلوا
صادق: احنا ما اتفقنا جدي
سام: أي ودنا الفندق احنا حجزنا لنا
تركي : من غير ولا كلمه امشوا وانتو ساكتين الغرف وايد
بعد عده محاولات استسلموا ودخلوا داخل
غياث وهي داخله فتحت باب غرفتها ودخلتها مشتاق لها حيل
دشت غرفها وكان في صوره كبييييييييره معلقه عليها و فيها 6 اشخاص لامين نفسهم على بعض ويضحكون في الصوره تمت تطالع الصوره بابتسامه حلوه على شفايفها
غياث: وحشتوني اسفه سافرت عنكم هالمده بس عشان ادرس واطلع محاميه كبيره بالبحرين
دمعت عيونها وهي تكمل: انتو تسمعوني صح انا متاكده انكم تسمعوني انا وايد تعرفت على ربع يدد وكلهم احبهم بس احبكم انتو اكثر انتو الى شئ بحياتي
في بيت زينه توهم واصلين
زينه فتحت الباب وهي تصرخ: يمـاااااااا يمااااا انا ييت وينج
احمد وراها يبتسم لها
طلعت امها من المطبخ : زيون حبيبه امج
زينه راحت لها وباست براسها: يماا وحشتيني وحشتيني احبببج فقدت يمه
ام احمد: انا بعد فقدت يمه اشتقت لج محد ضايقج يمه مو
زينه: اصلا كلهم طيبين وحلوين كنا اهل ونعرف بعض من زمان
نزلت مريم من الدري على صوت الازعاج وصرخت : زيييييييييييون
زينه: مرااامي فديتج عيوووني تعالي
مريم نزلت وهي تبجي: وحشتيني عمري زيون
زينه: وانتي اكثر
احمد بمزح: دموعج انتي وياها لا تخلص
في بيت غياث ( الساعه 11.30)
قعدت غياث وتسبحت ولبست لها سكني ابيض وفوقه قميص طويل لونه اسود فيه زخاف بالابيض و وحطت على كتفها شيلتها البيضا ونزلت
نزلت من الدري وسمعت صوت في الصاله
دخلت الصاله وهي تبتسم [ وحشتووني هدوي وحمود هيموو كلكم وحشتوني]
دخلت وراسمه على شفايفها احلى ابتسامه: صباح الخير
حمود وهدوي والهيثم بصرخخخخخه: غييييييييييييييييييييياااااااااااث
غياث: وحشتوني ( وراحت سلمت عليهم )
هادي: شلووونج؟
محمد: شمسويه؟
الهيثم : احد ضايقج؟
غياث تطالعتهم وعيونها تلمع وعلى شفايفها احلى ابتسامه:
احــــــــــبكم يا بعد كلي
احبكم ورب السما يشهد
احب فيكم بسماتكم الحلوه
واحب اشوف عيونكم الاحلى
جيت والشوق جابني بينكم
عشان اقول لكم احبكم
وحشتوووووووووووني
هدوي وحمود والهيثم كانوا يطالعوها ويبتسمون لها
بس فجاااااءه تلاشت الابتسامه وغياث طالعتهم تفكر شفيهم هذول دارت وراها بتشوف
توقعاتكم
~ احمد تغير والا لا, وشنو ممكن يكون سبب تغيروه؟
~ شبيصير بين زينه وصادق؟
~شنو اللي شفته غياث وراها؟
~انطباعكم عن الشخصيات من حبيتو من كرهتو؟
|
|
|
|
|