منتديات قصايد ليل - عرض مشاركة واحدة

01-21-2011

"الـــــــــبآرت الســـآبع"

صادق: شتفقتوا عليه

غياث وهي تطالعه: اسرار ما بعلمك تاخذ افكارنا

صادق: هههههههه عدال , كمللي ايش صار عقب

غياث: وصلت لي يوم ياسر يموت

صادق: أي

غياث: وعقب شهــر تقريبا كنا رادين من المدرسه بالباص وصار لنا حادث عاد ريم كانت عند الباب وقامت طلعتنا ويوم نزلت انفجر الباص

صادق: انفجر؟؟

غياث: أي انفجر واهي ماتت كان حسام المليان بينا لمني انا واحمد و شموخ واهو احترق ظهره

صادق: وعقب؟

غياث: ودونا المستشفى وحسام تم جم يوم ومات واحمد وشموخ اختفوا وانا انشليت ويابوني هني تميت سنه علاج لين ما رجعت اقدر امشي

صادق: لما رجعتي البحرين شصار

غياث: تميت اروح عند احمد وشموخ ويقولو لي انهم نقلوا

صادق: انزين

غياث: كرهت امي وابوي اكثر من قبل احسهم السبب في كلشي صار وياي

صادق: انزين

غياث ابتسمت: تدري اني غلطت وااايد في حياتي سويت اشياء ما تتخيلها بس افخر بكل غلطه غلطتها لان يقولون كل كف بتعلموه ما لقيت احد يعطينا كفوف بس الدنيا كفختنا وايد

صادق: شنو الغلطات اللي سويتها

غياث: ههههههههه بقولك بس هذا سر بعد اممم دشينا بارات اممممم دخنا اممم دخلنا قطاوه وجلاب البيت امممم سافرنا بروحنا اممم حتى كلمت بس الحين تبت هههههههه

صادق: مو خايفه

غياث: ابدا انا حتى ابي ريلي يدري بكل شئ سويته عشان ما ينغش فيني

صادق: هههههههههه وبعد

غياث: ركبنا خيول اممم ههههه كنا نشرب دوا واحنا صاحين وووو كنا نطر ميس تنام ونروح تقص لها شعرها

صادق: هههههههههه وايش بعد

غياث: خلاص بس بالنهايه طلعت بشئ حلو انا افتخر فيه طلعت بغياث اللي تشوفها جدامك وماابي امي او ابوي ييون يعيشون معانا ويحاولون يغيروها

صادق: بس لهم الحق يغيرون فيك اللي ما يبونه

غياث: 17 سنه عايشه بروحي وربيت نفسي بنفسي الحين يبون يغيرونها

وصلوا الشقق

عند الشباب

سام: هااا ليه جاين بعد تمو هناك

صادق يحره: اه يا كوسوفي يجنن المكان عجيييب

سام: سفتي احترم مشاعري يا رجل

صادق: ماذا يا كوسوفي انا اقول الحقيقه

وتموا على هالموال لي الصبح

غرفه البنات

غياث: هاااي

زينه وباين متضايقه : هاي

غياث: شفيج

زينه :ولاشئ بروح ارقد

غياث: كيفج

بـــــــــــعد شهــــر من الاحداث تقريبا

نايف: ااااففففففففف احنا ما لقينا غير هالقضيه

غياث: شفيك صبر بعدين بااقي على الكورس

نايف: كل يوم رازين وجهين بالمحكمه تمللت

غياث: يا النيف يا نيوف صبر ليش جذي انت

[ تعودو على بعض , ونايف عرف ان اللي كان يحس فيه تجاه غياث مجرد اعجاب ]

عند صادق وساره

صادق: شكل هذي القضيه ما تنتهي

ساره: بسكتون عنها بدون حكم

صادق: ياااربي تمللت

ساره: وانا اكثر

[ صادق وساره صارو ربع وعلى طول صارت تقعد مع البنات ]

عند سام وزينه

سام: ههههه كملت القضيه

زينه: ووه كملنا من التعب راح نقدم البروجكت خلاص

سام قام يرقص : وناااسه

زينه اقعد بس لا تفضحنا

[ سام و زينه تعلقو بعض اكثر ]

الجااامعه

الكفتيريا سام وصادق ونايف وزينه وغياث و رهام وساره

جاهم عماد: مرحبا

الكل: اهلين

عماد: سمعتوا شو صار؟

سام: شنو؟

عماد: راح يعطونا اجازه من شان امتحانات نص الفصل شئ مده اسبوعين

الكل باستغراب: هـــا

عماد يطيهم ورقه: ليك شووفو منيح شووف مكتوب هون

غياث وهي تضحك: وناااااااااااااسه زيووون بنروح البحرين

زينه: الاااااي وحشوووني اهلي

صادق بصرخه: نععععععم وين بترووحو؟

غياث خافت: شفيك بنروح البحرين نطمن على اهلنا هناك

صادق يحاول يمسك اعصابه: انزين

غياث وزينه مستغربين من اللي سواه صادق

وسام ابتسم وهو يتذكر

~ ~ ~ ~ ~
صادق: سموي انا احب

سام وهو يصفر: اووووه عندنا روميو

صادق: عن ثقالة الدم ماني بعارف شسوي

سام وماخذ الامور ايزي: بسيطه روح قول لها بس لحظه ما قلت لي منو جولييت

صادق ابتسم وبحالميه قال: زينه

سام كان يشرب عصير وشرق: كـــح كــــح زيون زيون ما غيرها

صادق وهو يحط ايدينه على خدها : أي

سام: هههههههههههههه تناسبك
~ ~ ~ ~ ~ ~

وطبعا البنات حجزو لهم انهم بيرجعون البحرين وصادق وسام حجزو معاهم

قبل السفر بيوم

زينه: تهقين صدوق ليش سوا جدي؟

غياث: ماادري حسيته ما يبينا نساافر

زينه: افففف يالقهر

وظلت تجهزت اغراضها ارفعت الكتاب اللي عطتها اياه غياث وهي تبتسم

[ على كثر خوفي منك يا احمد بس وحشتني وانا احبك و راح اتحمل كل شئ يجي منك يا الغالي]

وغياث كانت تجط بجنطتها هدايا اللي اخذتها لاهلها وهي مبتسبه

[ ونااسه اشتقت لكم كلكم ههههه عجيب ]

عند الشباب

صادق يشيل له هدوم وهو يكلم سام: سموي انا ابي اشوف اهل زينه

سام: وانا بعد ابي اشوف اهل زينه واهل غياث

صادق: تدري بخليهم يتمون كم يوم وبعدين بنروح السعوديه كلنا ابي اطمن على اهلي وبنتم هناك كم يوم وبعدين نروح الامارات

سام: هااا لا ماابي

صادق: هذا مهو طلب هذا امر سمعت

سام: صدوق ما اقدر

صادق: من غير ولا كلمه

جت الليل والكل على فراشه يفكر في باجر شممكن يصير

يوووم السفر

في المطار

قروب الكليه كلهم ياين يودعونهم

ساره:بيبين مكانكم بينا لا تتاخرون علينا

رهام وعيونها تدمع: ديروا بالكم انا احبكم وااايد

نايف وخالد وعماد: هههههههههههههههههه

خالد: تبجي

نايف: ههههههههه ليه تبكين ما راح يموتون

ساره بشهقه: فااال الله ولا فالك بعدوينك انشالله

عماد:هههههههههه هلا ليش عم تبكو ههههه

غياث: حمدالله وشكر يلا ساارووون يلا رهوم اشوفكم على خير تامرون بشئ

رهام: سلامتج

ساره: ديرو بالكم وكل شئ تمام

زينه قاعده تبتسم طول الوقت

و سام وصادق ملوا من هالوداعات

صادق: اكا ينادونا على طيارتنا

سام: يلا شباب بينا كوول بيباااي

وسحبوا البنات وراحوا

في الطياره صاروا غياث وسام بروح وزينه وصادق برووح

وعقب ربع ساعه تقريبا الطياره طارت

عند صادق و زينه

زينه بطبعها تخاف من الطيارات فاول ما طارت الطياره تمسكت بصادق وهي مغمصه ودافنه راسها بصدره

صادق وابتسمته شاقه الويه وعاجبه الوضع

ولما استقرت الطياره في الجو قامت زينه من على صادق ويهها الوان الوان من الاحراج: انـ ـ ــ ــ ـا................

~هل بيرحون الامارات؟ولو راحوا شلون بتكون المواجهه؟

~شنو بتكون رد فعل زينه اذا عرفت ان صادق يحبها؟

~ ممكن ان غياث تلتقى بامها وابوها في البحرين؟

ما عطيتوني انطباعكم عن الشخصيات