"البـــــــــــــآرت الســــــــــادس"
غياث : امممم ماادري على كيفك
نايف : اذا تقدري تجي The Distillery Historic District..
غياث: اممم اوكي
نايف: اجل اليوم الساعه 5 اوكي
غياث: اوكي
وراح نايف غياث: الحين تبوني اروح بروحي
صادق: غياث احنا بعد لازم نروح نشوووف
غياث : اوكي اوكي
وتموا يمشون لين ما شاف صادق ساره
صادق: ساره
ساره: هلا
صادق: عشان مشروعنا وين ودك نتلاقى؟
ساره: ما عندي مانع أي مكان
صادق: اممم شرايك بالـــ The Distillery Historic District..
ساره: اوكي ما عندي مانع
وراحت ساره ...
غياث وهي تبتسم: وه وه صدوق ادري ما اهون عليك
صادق: بس ما راح نقعد وياكم
غياث: ما عليه اهم شئ احس في احد وياي
و سام وزينه قرروا يروحو كافتيريا الجامعه
ولما صارت اربع
غياث جهزت وكانت لابس بنطلون يصير واسع ومن تحت ضيج لونه ذهبي ومع تيشيرت بني وجاكيت بيج ولبست شيله بنيه وحملت جنطتها وطلعت
قعدت في الصاله : اقول زيون محد مرتاح غيرج حطوج معه سموي
زينه: تف تف لا تحسديني لان حظي حلو
غياث: عدال
وقامت راحت غرفه الشباب تطق الباب فتح سام
سام : مــــــــرحبا الساع
غياث تستهبل معه: مرحبا ملاييين,, عدل؟
سام: ههههههههه أي
غياث: وين الصدقي
سام : الحين بيجي
صادق: يلا لا نتاخر يلا
غياث :يلا
وكان صادق لابس تيشيرت احمر وبنطلون اسود ولابس جاكيت اسود ومخلي شعره الناعم بدون شئ يطير بالهووا<<<امحق تعبير
وركبنا سياره صادق وتم يسوق
صادق[ اسالها او لا يبه اسال واللي فيها فيها]: غياث انتي ما تبين تقولي لي شئ عنج
غياث [ هذا شكله ما راح يسكت الا اذا عرف خل اقول له والا فيها فيها]: (ابتسمت) اسمع بقول لك بس يتم سر بينا وما يطلع من هذي السياره , يعني اقصد ما ابي سموي او زيون يدرون بشئ
صادق: اووكي
غيات تنهدت : انا من انولدت وانا عند خالتي ام هادي اهي سمتني واهي رضعتني واهي ربتني طبعا كان محمد راضع معانا لان امه كانت مريضة احنا الثلاثه ربينا مع بعض امي وابوي من انولدت واهم يسافرون من مكان لي مكان وانا في بيت خالتي ام هادي وطبعا اهي مرت عمي حسن انا ربيت هناك
صادق: انزين
غياث: لما صار عمري 6 سنين رحت انا ومحمد بيتنا وتميت هناك طبعا يسوف وتروك كانوا همهم دراستهم, دشينا مدرسه خاصه انا ويه بس لان اهو شهر وحده فخلوه في الصف اللي اكبر مني وانا اصغر منه
صادق: انزين
غياث: و كانوا عندي ربع احبهم وايد ( ابتسمت ) كنا كلنا سته 3 بنات و 3 صبيان
صادق: هههههه يعني من صغرك وعندك اصحاب شباب
غياث ابتسمت: كنا نحب معمل الموسيقى و أي وقت ما عندنا شئ نروح
صادق: انزين
غياث بضيق: غلطه عمري بدت من هني
صادق: ايش يعني
غياث: كنا في الفسحه ومرت الذكرى على بالها وهي تتكلم
~ ~ ~ ~ ~
احمد: غيووث خلونا كلنا نروح نشتري اول
غياث: لا حمود روحوا انتو وانا وياسر بنجهز المكان ( التفت لياسر) صح؟
ياسر: أي صح وعشان ما نتاخر عشان نتدرب
احمد: اوكي بس اني ابي كلنا نروح ويه بعض اخاف يصير شئ
ياسر: ما بيصير شئ لا تتاخرون بس
احمد: اوكي
~ ~ ~ ~ ~
غياث: ورحنا المعمل واحترق فينا
صادق: شلوووون
غياث: مادري بس احترق ولان فيني الضيجه فطلعني ياسر بالقوه من هناك وهو تم داخل
صادق يطالعها بمعنى كملي
غياث: كنت واقفه عند الباب اصراخ اقول لهم ياسر داخل بس محد منهم يتجرا يدخل لين ما وصلوا المطافي وطفو الحريق ولقوا ياسر مات
صادق بحزن: وعقب
غياث ابتسمت: شنو عقب وصلنا في الرده بكمل لك
صادق ابتسم لها: ههههه اوكي
ونزلوا المحل اللي راحوا يسموه بالعربي [ منطقة التقطير التاريخية ]
وهو عباره عن منطقة صغيره فيها كافيهات وجلسات تتميز بالطراز القديم وفيها مقاهي ومطاعم الوجبات الخفيفه وهو مكان مناسب للاسترخاء لانه يجمع بين الهدوء والمناظر الجميله<< ما علينا
راحوا وقعدو على طاولات كل واحد منهم على طاوله
وطلعت غياث من جنطتها اللابتوب وتمت تلعب فيه لين ما جه نايف
نايف كان لابس بنطلون جينز وقميص ابيض مرفع كمومه ولابس فوقه صديري اسود ونكتاي كااان يهببببببببل
نايف: مسا الخير
غياث: مسا النور
نايف: اخبارك
غياث: اوكي الحمد الله
نايف وهو يبتسم: راح نبتدي على طول عشان الوقت
غياث تبادله الابتسام: يكون احسن
نايف: انا قبل لا اجي دورت على كم قضيه عشان نتناقش فيها
غياث: شنو
نايف كان يتكلم بثقه: لقيت مجموعه من القضايا واكثرها قضايا اغتصاب يعني هذي اكبر قضيه تواجه كندا بهذي الاوقات ولقيت منها قضيه العصابات اللي تدخل بيوت وتقتل الناس اللي فيها وتمشي والمخدرات, شرايك
غياث وهي تطالعه وتفكر: بس بما انك قلت ان ذي القضايا اللي تواجهم اهني يعني اغلب القروبات بتختار قضايا من ذي النوع نبي شئ نيو محد اختاره فاهم علي صح؟
نايف يطالعها مستغرب منها ومن افكاره: اذا على الشئ المميز اايدك بس من وين نجيب حاجه نيو على قولتك؟
غياث وهي تبتسم: عاد هذي اسهل شئ نروح المحكمه وبما ان احنا عندنا بطايقنا بيخلونا نشوف لو شويه من القضايا شرايك؟
نايف: اممممم معاك في هذي طلعتي داهيه.
غياث وهي تحرك حواجبه: اعجبك بهذي السوالف
وقطع عليهم تلفونها: الو
تركي: ياا عمري وحشتني
غياث وهي تبتسم : حبيبي انته اللي وحشتني
نايف يطالعها وعينه بتطلع
تركي: زيون وياج
غياث: لا موب وياي مع سموي عندنا بروجكت وهي صارت مع سموي
تركي : وانتي مع منو
غياث وهي تطالع نايف: مع واحد اسمه نايف
تركي: انزين قولي لها انه اهلها كلهم بخير ويسلمون عليها
غياث: يسلمك , شخبار الباقين
تركي: كلهم بخير
غياث: اقول تروك شخبار ميس ههههه؟
تركي:ههههههههههههههههه ضاايعه مسكينه وهدوي وحمود موب مخليها بحاله
غياث: وينهي يمك ابي احاجيه
تركي :هااج
ميس بطريقتها السريعه: غياااثي هبيبي وينج انتي وحشتني وايد
غياث: ميسي بعد شبدتي انتي انا بعد اشتفت لج
ميس : اخبار دراسه هناك مافي احد يضايق انته مو
غياث: لا مافي انتي شخبارج
ميس: والله غياثي انا في يشتاق حق ممدوح وايد
غياث: روحي لا
ميس: انا يبي يروح بس اخاف روح بروحي
غياث: خلي تروك او يوسف يروح وياج
ميس : ما يرضى في دراسه وشغل وايد
تركي ياخذ التلفون: شتحش راسج ذي
غياث: مسكينه ودوها تشوف ريلها او خلوه يي هني
تركي: افكر غيوث بتقطع البطاقه اشوفـــ....
وانقطعت
غياث شالت التلفون من اذنها وهي تبتسم : سوري
نايف مستغرب منها: من ذا ( حس على نفسه ) اسف بس فضول؟
غياث: لا عادي هذا اخوي تركي
نايف ( الحمد الله): انزين متى نروح المحكمه؟
غياث: باجر
نايف :اوكي
وقاموا يلمون اغراضهم وطلعت هي وصادق
صادق: شتفقتوا عليه
غياث وهي تطالعه: اسرار ما بعلمك تاخذ افكارنا
صادق: هههههههه عدال , كمللي ايش صار عقب
غياث: وصلت لي يوم ياسر يموت
صادق: أي
غياث: وعقب شهــر..................
*شاللي ممكن يكون بين غياث ونايف؟
* توقعتو قصه غياث جدي, وشنو التكمله ؟
*وزيون وسام مالهم حس بهذا البارت
* وصادق بيصير له شئ مع ساره؟
* وابي تعطوني انطباعاتكم عن شخصيات القصه علشان تعطوني افكار احلى واكشنات
غياث,,,صادق,,,زيون,,,,سام,,, نايف,,,,ساره,,,,رهام,,,,,عماد,,,, خالد,,,تركي,,,يوسف,,,منى,,,محمد وهادي,,,, ميس,,,, اهل غياث,,,, الهيثم ,,,, واحمد اخو زينه,,,
والشخصيات ككل انطر ردودكم
|
|
|
|
|