01-21-2011
|
#2
|
"البـــارت الثانـــي"
ســام: والله دوخوني مع انهم ما تكلموا وااجد
زينه: يالله كلها يوم ونرجع هني لازم نجهز
صادق: غياث , اخوك متى راح يسافر؟
غياث: اليوم الساعه 4 لازم يكون بالمطار
زينه بضيق: اففف بيخلينا بروحنا ما يخاف علينا
صادق: وانا وين رحت ترى هو وصاني عليكم
زينه ابتسمت وتموا يمشون لين وصلوا الفندق وكانوا شقههم مقابله بعض..
صادق: اشوفكم عقب
زينه وغياث: اوكي
دخلوا شقتهم وزينه راحت الغرفه و سيده خمدت لان تعبانه وغياث راحت الغرفه الثانية , غرفه تركي..
كان تركي قاعد يجهز اغراضه عشان يرجع البحرين
غياث تبتسم: اساعدك؟
تركي يبتسم لاخته: لا حبيبتي ماله داعي انا اكمل اغراضي
غياث: على راحتك
تركي: شصار اليوم استانستو؟
غياث: الحمدالله حلو , شفنا السفتي وسولفنا وياه
تركي: اكيد ارتحتو له
غياث: بصراحه اهو طيب وايد
تركي: ما شفتو سام بعد؟
غياث : بلى هذا بعد وايد حبوب
تركي ابتسم: انزين وين رفيجتج؟
غياث: راحت تنام تعبانه
تركي: انزين ما تبون تاكلون موب يواعه؟
غياث: بلى يوعانه قوم خل نروح ناكل قبل لا تسافر
تركي: انزين قولي لرفيجتج تقوم
غياث : اوكي
دشت الغرفه وشافتها نايمة سيده راحت المطبخ وخذت قلاص ماي بارد وفيه ثلج ودشت الغرفه وكتت الماي فوق زينه وهي تضحك..
قامت زينه وهي خايفه: يالبقمه غرقتني خرعتيني
غياث: قلت لج بردها لج قومي لبسي بنروح نتغذى بره
زينه: اففف زين
راحت الحمام وغياث راحت عالطاوله وشافت صوره محطوطه عليها صورتهم لما كانو باول سنه ثانويه زينه بنت حنطيه بس تجنن شعرها اسود يوصل لي نص ظهرها وناعم وغياث بيضا و شعرها قصير ما تحب تطوله يوصل لي نص رقبتها ولونه بني فاتح وكانوا يضحكون بالصورة .. طبعا تركي يشبه اخته وايد ...
طلعت زينه من الحمام وغياث واقفه جدام المنظره تعدل شيلتها وزينه لبست بسرعه ونزلوا ...راحوا مطعم اردني اسمه"صـــحاري"
فالمطعم طلبوا لهم ما لذ وطاب من الاكلات الاردنية
تركي: ديروا بالكم على روحكم ولا تكلمون أي احد
غياث انشالله .انته دير بالك على نفسك واول ما توصل دق علي طمني وشيل وياك غطا وحول تنام في الطياره واحمل وياك كتاب شئ تتسلى فيه و لاتم قاعد طول الوقت حاول تتحرك في الطياره
تركي يطالع في اخته ويبتسم: انشالله لا تحاتين
وتموا ياكلون من هذا الاكل وهم يسولفون من سالفه لي سالفه ليم ما صارت الساعه 3
في الشقه ..
تركي يلم باقي اغراضه وغياث قاعده تجهز له شنطه عشان الطياره وزينه تطالع التي في
اندق الباب وراحت غياث تبطل
غياث: هلا كوسوفي تفضل
سام: هلا وين تركي
غياث بغرفته
صادق: هاي
غياث هلا
ودشوا وزينه من شافتهم تشققت من الوناسه وتموا قاعدين في الصاله يسولفون وغياث وتركي كملوا الاغراض وطلعوا كلهم بسياره صادق
الترتيب:
صادق جنبه ساام و ورا سام تركي وجنبه غياث و ورا صادق زينه
غياث: تروك اول ما توصل وترتاح روح المزرعة وتطمن على الخيل وخلي هادي ومحمد [ اخوانها بالرضاعه ] يتصلون فيني وطمني على الكل ودير بالك هناك واتصل بعمي الهيثم ياخذك من المطار ...وشنو بعد ..اي و خل ميس تكلمني وحشتني وايد [ مربيتهم ] و شوف يوسف ومنى [ اخوها تؤام تركي وخطيبته] وطمني عليهم.
تركي: ولا يهمج يالغاليه كلهم بعيوني انتي اللي ديري بالج ودايما خلج معه زينه ولا تطلعون بروحكم الا للضروره واذا بتروحون مكان قولوا لسفتي او كوسوفي وخلينا على اتصال
غياث: انشالله
زينه: تركي ممكن طلب؟
تركي: امري
زينه: ممكن اطمني على اهلي وتدير بالك عليهم؟
تركي: لا تحاتين ولا شئ اهلج اهلي بعد
زينه تبتسم: ما تقصر والله
صادق: ياخي عاد نصايح وتوصيات ما مليت؟
تركي: ولا راح امل ابد
غياث: اشوفك محتر
صادق: ماني محتر محتر بس محتر
سام : فالنهايه محتر
صادق: ههههه أي محتر
يوم وصلو المطار
غياث: توصل بالسلامه حبيبي دير بالك "حضنته وهي تبجي"
تركي ما يحب يشوف اخته تبجي جدامه: لا تبجين كل يوم راح نكلم بعض اهتمي بدراستج وديري بالج
غياث : انشاالله
زينه : توصل بالسلامه
تركي: الله يسلمج
وراح يسلم على صادق وسام: اشوفكم على خير ديرو بالكم على البنات
صادق :بعيونا
سام: لا تحاتي
ورااااح تركي البحــــــــــرين
صادق مشينا
وطلعوا وركبوا بالسياره وكل واحد يفكر
صــادق [ لازم اخليهم يحسون اني تركي وكل ما يحتاجون شئ او ينقصهم شئ يقولون لي اففف شكل السالفه صعبه لا لا انشالله اقدر اخليهم يعتبروني اخوهم , والله بيقدرني لان نيتي زينه لازم اصير قريب منهم ]
ســــــام [ هذي طلعت لي وفتحت المواجع من جديد لو ما حضرت دفانج جان قلت انها انتي أي والله يخلق من الشبه اربعين آه يا ندى رحتي وتركتيني بحاالي وااجد وحشتيني يا ندى تعبت حيل بدونج]
زينه [ وحشني على كل شئ سواه فيني وحشني وابيه , احبه اكثر واحد بالدنيا , آه بس يا زينه لمتى بتكتمين بقلبج هالحزن والام , ورا هالقناع اللي تلبسينه بنت معذبه وتعبانه ,آه يا رب يكون بخير ]
غيــاث [ حمود وهدوي وحشوني لو انهم يو وياي هني يدرسون موب احس لهم ولي والا يسوف يا حلوه اكيد مرتاح مع منوي فديتها... انشالله الهيثم بخير.. اول ما اوصل راح اتصل فيهم ضروري ]
قطع الصمت صوت تلفون سام
سام: الو... هلا .... الحمد الله بخير ...انت شخبارك... لا ما اظن راح ارجع ابد... والله الديره بدونها ولا شئ.... بتم هني وايد احسن لي ... وانا بعد وبهت عليها بس مقدر... راح اتصل افيها.... انشالله ...الله وياك ....باي
صادق: سام .. روح عشان امك بس
سام: ماقدر " لمعت عيونه" ابد ما اقدر سكر عالموضوع
صادق: كيفك
غياث وزينه يطالعون بعض وفوقهم علامه استفهام شكبرها..[ مثل الاطرش بالزفه ] ولما وصلوا الفندق
غياث: صادق لو سمحت عادي باجر تودينا مكتبه مجمع شئ عشان ناخذ لنا اغراض للكليه؟
صادق ابتسم : اوكي باجر من الصبح نطلع شرايك.
غياث: اوكي
صادق[ الحمد الله جت منهم]: اشوفك باجر اجل
غياث :باي
عند الشباب
سام دش غرفته وطلع صور من الكبت ونشرهم وتم يشوفهم وهو يبجي..
عند البنات
دشت زينه الحمام واتسندت على الباب رفعت جم قميصها وشافت اثر خط طويل في يدها وتمت تبجي
وغياث اول ما وصلت اتصلت في الهيثم
غياث : عمو
الهيثم: حياتو
غياث: شخبار
الهيثم: الحمد الله وانتي
غياث: اوكي تمام من وياك؟
الهيثم :وياي يوسف
غياث: عطني اكلمه
يوسف: هلا حياتي
غياث: هلا يسوووف شخبارك وحشتنييي وااايد
يوسف: اوكي الحمد الله انتي بعد وحشتيني
غياث: شخبار منوي؟
يوسف: بخير
غياث: اقول اخوي؟
يوسف: هلا اختي
غياث : شخبار ميس؟
يوسف: ههههه ضايعه بدونج وبدون تروك
غياث : باجر يوصل ويتعدل كل شئ
يوسف: خراطه السالفه ولا احد فاهم لها شئ
غياث: المهم الحب تطمنت عليك يلا بسكر بتصل باخواني الثانين
يوسف: كاهم وياي يودي
محمد : هاي قلبو
غياث: هلا حمود
هادي: وانا
غياث: وانته هدوي وحشتني وايد
محمد وهادي : وانتي اكثر
محمد : المهم احنا الحين بنروح فلم بيبدي فبنقطعه الحين لي قدرنا بندق عليج
غياث : اوكي اهم شي تطمن عليكم
محمد : باي
غياث : باي
زينه طلعت من الحمام , غياث راحت لها : زيون كنت تبجين.؟
زينه ما قدرت ارتمت بحضن غياث وتمت تبجي
غياث: شفيج؟
زينه: تعبانه تعبت من كثر ما اخش بقلبي تعبت من كثر ما اضحك ومن داخلي ملاينه جرووح ابي اموت تعبت من كل شئ من كل شئ
غياث: شهالكلام الله يهداج, الله لا يقول
زينه: احبه , احبه وكل ما اروح اقوله اني احبه يجرحني مره يطقني ومره يصرخ علي ومره يحرقني ومره يطقني غياث محد يحبه اكثر مني
غياث وهي موب فهمه شالسالفه: زيون قومي وياي ( عطتها حبه منوم و ماي عشان تنام وترتاح) وعقب نامت زينه وهي تبجي
طلعت غياث عالبلكون الناس لي الحين قاعده تحتفل بالعيد الوطني
غياث[ آآآه , صار لنا خمس سنين مع بعض اكثر من خوات , بس مع الاسف ولا وحده فينا تدري بجرووح الثانيه كل وحده تخش همها ما تبي احد يعرفه , شوراج يا زيون شلي خلاج جدي , والا سام ليش ما يبي يرد الامارات ومن ذي اللي بعدها الديره ولا شئ.."ابتسمت".. يلا الحين ببدي احاول اعرف قصص اللي حولي وانا منو اللي بحاول يعرف قصتي...]
وراحت تنام
- شنو راح يصير
- منو هذي اللي طلعت لسام تذكره بندى؟ ومن وذي ندى اصلا؟
- شنهي قصه زينه ومنو اللي تحبه؟
- شنو تتوقعون تكون قصه غياث؟
|
|
|
|
|