لمحت لك


قلبي عليل وقلبك اصحيح ... يسرح ويمرح بالتالي

ما حس بجروح المجاريح ... ولا ذاق همي وانشغالي

بين الوناسه والتفاريح ... والفكر م الليعات خالي

وانا وقلبي في تباريح ... نتبع وهم عسر المنالي

كل ما نصحته آزم يصيح ... ما له على الصبر احتمالي

خايف عليه بسده يبيح ... والحب تعصب به الليالي

لمحت لك مليون تلميح ... أنك عزيز وشخص غالي

وصرحت لك في الشعر تصريح ... وانته ولا عندك مجالي

ما بين متردد ونصيح ... عايش هواك ولا تبالي

صدق الوعود يشلها الريح ... والله يعلم بالتوالي