أبوظبي


بوظبي انته محليها ... يا سفر لوطان يا عمري

والنجوم انته مضويها ... والليالي وجوها السحري

إنت نوري والضيا فيها ... يا شعاع الشمس والبدري

لو تريد الروح بهديها ... والمشاعر وابدي بعذري

أكتم اشواقي واخفيها ... عن جميع الناس لا تدري

اللقا أول وتاليها ... لاجل شوفك يا بعد عمري

أجمل اوقاتي أقضيها ... ساهر مع طيفك العذري

يا بعد روحي وغاليها ... حبكم وسط الحشا يجري

بوظبي انته محليها ... يا رفيع الشان والقدري