منتديات قصايد ليل - عرض مشاركة واحدة

01-16-2011

الجزء التاسع

اتصل ابو فارس على ابو احمد ...
ابو احمد.. الوو
ابو فارس.. مرحبا ابو احمد
ابو احمد.. ياهلا والله هلا ابو فارس
ابو فارس.. بشرنا عن احوالك وشلون الشرقيه معالكم
ابو احمد.. والله كل شي تمام ماشي على اصوله..
ابو فارس.. الا صحيح بنشدك وصايف جت لعندكم
ابو احمد.. اهاا جينا لسالفة وصايف يابو فارس وصايف هذي امانه برقبتي ان
ماقدرت تتحملها انت فبيتي هو بيتها واعدها وحده من بناتي ولا ارضى أي واحد
يزعلها ولا يكدرها
ابو فارس.. والنعم فيك بس والله اللي صار سوء فهم وانا اصلحه بأذن الله المهم
عازمكم اليوم على العشااء انت والاهل ومنها نصالح الغاليه ...؟؟
ابو احمد .. ابشر ومايصير خاطرك إلا طيب ...؟
ابو فارس.. اجل نشوفكم اليوم..
ابو احمد... صار ...؟؟

وراح ابو احمد قال للبنات يتجهزون عشان يروحون عند ابو فارس بيته ..؟؟؟؟
شهد. وش هذا الكلام ..
وصايف. ماني رايحه..
دلال.. يابنت عيب خلاص لا تكبرين الموضوع وفشله عمك داق على ابوي ويبك
وصايف.. وبدت تبكي .. ماني ماني ماني ..
هدى.. ياقلبي خلاص انتي روحي وشوفي الوضع وارجعي معانا ان ماعجبك ..؟
وصايف.. بس مابي اشوف تركيوه ..
والبنات يبتسمون .. منتي شايفته المهم ألبسي ..
شهد.. حنا مو رايحين لسواد عيونك بروح اشوف قصر عمك ..
وصايف.. وضحكت.. اجل عناد فيك مانيب رايحه ..
دلال.. بلعنتك نروح انا وشهد ..
وصايف.. هههههههههههههههه بيطردونكم ..؟؟
شهد.. وشعلي منكم بدرعم واللي بيجيني بلعب عليه كراتيه واسدحه .
وصايف. رحيمه بتطلع عيونك ..
شهد.. رحيمه هذي ارشيهاا بريالين وانتهي الموضوع..
هدى.. المهم خلونا نلبس وفكونا من خيالك انتي وياهاا ...........؟؟

ولبسوا البنات ملابسهم وتكشخواا وراحوا لبيت اقصد لقصر ابو فارس ...؟؟

شهد.. ياويح قلبي ويحاه لتيني مكانك يا وصايف ..؟؟
وصايف.. هههههههههههههههههه ...؟؟
ونزلوا البنات وابو احمد وراحوا البنات لداخل البيت .. وابو احمد للدوانيه ..
كان بستقباله فارس ..
فارس.. هلا والله حياك حياك ..
ابو احمد .. الله يحيك ويبقيك ..؟
ابو فارس.. ياهلا ياهلا ببو احمد وشلونك وش اخبارك عسى بس البنت رضت ..
ابو احمد .. والله رح شوفهاا تلاقيها جالسه داخل ..؟؟
ابو فارس .. المهم انت شلونك وين رحت بالشرقيه .
ابو احمد .. هههههههههه بس بالهسوق كنه جاين من مدينه مافيها سوقه ..
ابو فارس... هههههههههههههههههههه الحريم ... صب القهوه يابشير .
بشير.. على امرك ..

توه البنات دخلوا البيت ...
شهد.. تشهق .. وااااااااااااااااااو ..
دلال.. ماشاءالله ..
هدى.. شالعز شالعز يا وصايف ..
وصايف.. كل من خير عمي .. تفضلوا وين بتقعدوون ..
رحيمه .. وصايف .. وتركض تحب وصايف .. انا قلق عليكي انت وين روح
وصايف.. انا روح عند اختي .
رحيمه.. هذا اختي . سللام ماما شنو يشرب ..
شهد.. يكون احسن قهوه وشاي واذا فيه حلو بالثلاجه يكون افضل ..
رحيمه.. انشالله ..
وصايف.. اجلسوا حياكم ..
شهد.. عادي نقط نقاباتنا ما يكشفنا احد ..
وصايف.. لالا هالصاله مكشوفه شرايكم تروحون المجلس الثاني اللي قدام الدرج لا جالسنا
ورى ما يكشفناا احد ..؟؟
البنات.. يالله ..

وراحوا جلسوا البنات بالصاله الثانيه مع سوالف وضحك وغشمره ....؟؟
إلا يسمعون صوت تركي جاي من فوق .... كشرت وصايف لما سمعت صوته

تركي.. رحيمه رحيمه رحيمووه ..
رحيمه.. نعم بابا ..
تركي.. وين عصير مال انا مو قلت لك جيبه فوق ..
رحيمه ..يؤؤ انا نسيت انا سوي قهوه حق ماما وصايف ونسيت ..
تركي.. وصايف هناا .؟؟.
رحيمه.. ايه .
تركي .. طيب ..

ونزل تركي تحت جاه فضول يشوف وصايف بيشوف ردة فعلهاا ..
اول مادخل الصاله ماكان يدري فيهاا احد ...؟؟
تركي .. دخل الصاله ولف ولا يشوف مجموعه بنات انصفق وجهه ورجع ورى
وراح لداره فوق .. كان لابس تركي بدلة مغربيه بيج وكان شعره واصل لي اذنه
وكان ناعم وشكله تحفه مره .. البنات استخبلوا عليه ..

شهد.. مالك حق تزعلين عليه ..
وصايف.. ليش .؟
دلال.. مزيون يااااااااااااااااااااااوو ..
وصايف. فارس احلى منه وارقى وانسان حبوب وفرحان بوجودي بالبيت مو تركيوه ..؟؟
هدى.. لالالا ونزل يشوف وصايف يوم درى انها هنا ايه حبيبة القلب ..
وصايف .. امحق تركي انتي من صدقك هذا انسان حقوود يماا خثيث ومليغ ..
شهد.. بس بس حرام عليكي ولد حليوه وحبووب وماتطلع منه العيبه ..
وصايف.. اجل انا الشريره بنظرك على العموم بطلونا سيرة تركي ما احب اسمعهاا
دلال.. ياعيني على اللي مايحب يسمع السيره ..
وصايف.. وتمسك الكوشيه وتغفصها بوجه دلال وتمسكها وتطق فيهاا شهد .. انطموا انتي
وياهاا ...؟

البنات .. مابين ضحك وطق ولعب لين راحوا بيتهم .. اول مارحوا البنات من عند وصايف..
راحت تركض لدارهاا ماتبي تشوف احد ...؟؟؟

لما دخل عمها البيت خلا وصايف على راحتهاا وبكره يكلمها وراح لداره يرتاح ...؟؟
وهو يبدل ملابسه ...؟؟
سمع صوت طق على الباب ..؟

ابو فارس.. منو على الباب .
وصايف.. اناا عمي ..
ابو فارس .. فرح ... حياك يابنتي ...؟؟
وصايف ..دخلت عند عمهاا وهي مدنقه راسهاا مستحيه من اللي سوته .. عمي؟؟
ابو فارس.. عيون عمهاا ؟؟
وصايف.. اسفه وماكان قصدي ؟
ابو فارس.. ادري يابنتي انتي مالك دخل وترى عادي اللي سويتيه لانك مو متعوده
علينا ماصارلك الا ثلاث ايام بس مو معنى اني طوفتها اليوم لك خلاص بعديها لك هالمره..
هم اللي يطلعونك وانتي اللي تدخلين يابنتي والله اني تمنيت تكون عندي بنت بس ربي مارزقني
وقبل ثلاث ايام ربي رزقني اجمل بنت خلقها ربي ..؟؟
وصايف.. تسلم يا عمي ماتقصر ..
ابو فارس.. روحي ارتاحي وماني زعلان عليك وحساب تركي معاي بعدين واخليه
يجي يتأسف منك ..؟
وصايف.. انا مابيه يتأسف انا ابيه يبتعد عني ....؟؟
ابو فارس.. ولا يهمك ...؟؟
وصايف.. تبي شي عمي قبل مانام ..
ابو فارس.. سلامتك .. بس مابي زعاج .
وصايف.. ههههههههه ابشر ................

وتركت وصايف عمهاا وارتاحت لان عمها كان حيل طيب معاهاا .. وهي طالعه شافت
نايف .. جالس لحاله بالمجلس الشعبي .. يلعب بلي ستيشن ...؟؟ قالت اروح عنده اتسلى ...

نايف .. ألتفت على وصايف وابتسم .. زعلانه يا وصايف ..
وصايف .. وهي تتغلى .. يكون يهمك هالشي ..؟؟
نايف.. مايهمني بس حبيت اتطمن ..
وصايف .. مالك شغل فيني ..
نايف. زعلانه والله اسف وحقك علي بس انتي ارضي ..
وصايف .. لا ابي شي يراضيني ..
نايف ... اممممممممممم تبيني نسوي مقلب بتركي تاخذين بثارك ..
وصايف .. هااه والله فكره مب شينه حلوو اتفقناا وش بتسوي ..
نايف.. والله وانا اخوك تركي مايحب الحشرات وبالاخص الصرصور شي مو طبيعي ..
وانا عندي درازن ألعاب على شكل حشرات نحطه له باجر في بدلته .. شو رايك
وصايف.. هههههههههههههههههههههههههه حلوه خلاص تم ....؟؟
فارس.. احم احم ..؟
وصايف. وتتغطى .. حياك..
فارس.. ويضحك.. زعلانه اليوم وش عندك طموح ..
وصايف.. مب زعلانه ..
فارس.. هااه اجل وشو ..
وصايف.. ماخذه بخاطري ..
فارس.. شو كنتوا تخططوا عليه ..
نايف.. وانت شدخلك ..
فارس.. ويحذف عليه المخده .. تعلم تحترم اخوك ...؟
نايف.. وش شايفني ولد كلب ..
فارس.. لا يكثر المهم تعشيتوا ..
وصايف.. لالا
فارس.. اثرك بطينيه يا وصايف .
وصايف.. ماني بطينيه بس جوعانه .
نايف.. يعني بتعشينا ..
فارس.. الا قول شرايكم امشيكم ..؟
وصايف.. أحلف ودي اشوف الشرقيه ..
فارس.. من قال بتروحين معناا ..
نايف. خخخخخخخخخخخخخخخخخخ
فارس.. حنا نروح معاكي ... ماترقع ..
وصايف.. اجل منيب رايحه ...
فارس.. افا عاد حنا بنمشيك يالله قومي ألبسي ........؟؟
وصايف.. لابسه عباتي ونقابي جاهزه انا من قبل لاتقول ..
فارس.. وانا جاهز بعد ..
نايف.. وانا بعد معاكم ..

وهم طالعين من الغرفه ويضحكون .. ولا يطلع بوجههم تركي ......؟؟
تركي.. هااه وين على الله ..؟
وصايف. انا انطركم تحت ..؟؟
نايف.. بنروح نمشي وصايف ..؟
تركي.. ماشاءالله اجل بروح معكم ..
فارس.. ضف وجهك ..؟؟
تركي. غصبن عنكم بروح ..
فارس.. البنت ماتبيك معناا ....؟؟؟
تركي.. خلاص بلعنتكم اروح مكان احسن من مكانكم ..
نايف.. روح ..
تركي.. بروح ماني بناطركم .....؟؟

وراحوا فارس ونايف وصايف يتمشون مع بعض .. وتركي راح لربعه ...؟
فارس.. وهم يتمشون على الكرنيش .. هااه شرايك بالدمام ..
وصايف.. تجنن ..
نايف.. ماشفتي شي بنوديك لمطعم يعجبك لتدوخين .. بوفيه ولا في الاحلام ..
وصايف.. وشو بوفيه ..
نايف .. وفارس.. ههههههههههههههههههههههههه ماتعرفين بوفيه ..
وصايف. لا بعدين ليش تضحكون ..
فارس.. اعلمك شنو البوفيه ..
نايف.. لالا انا بقول .
فارس. حلفت عليك انا .
نايف.. بالله انا .
وصايف . مابي اعرف ..

وقفوا عند الاشاره وتمر من جنبهم سياره لكزس كشف عليهاا شاب . يدق لهم هرن ..
كلبوهم لفوا عليه . الا يشوفون تركي عليهاا .. يمد ألسانه ويسوي لهم حركات ..
فارس.. ويكش عليه ..
تركي .. ويحط اغنيه ععراقيه ..

حرمتني الله يحرمك نومة الليل ...
تعبني السهر ماظل بعد حيل ....
ليل شلون ليله ولا خل اشتكيله ..
لا ليل مثل الناس نيمته...
وداعتك كل شي خسرته ..

وكان يطالع وصايف طول الاغنيه ......؟
وصايف.. وتطالع قدام ماكنهاا تشوفه ..........؟؟؟
فارس.. نايف .. يطقون اصبع يرقصون ..........؟؟
نايف. ويطلع راسه من الدريشه .. ياعيني على الرومنسيه تركيوه ..
وتفتح الاشاره .. ويدوس فارس بيسابق تركي على البحر .........؟؟

وتصادفهم .. أشاره ثانيه ....؟؟ ويوقفون ...؟؟
وصايف.. فارس طلبتك عندك شريط عبدالمجيد اللي فيه اغنية يعني تحسبين
اكبر همي انتي ..
فارس.. عندي ..
وصايف.. حطهاا وعلي على الصوت ..
فارس.. ضحك .. من عيوني .. وحطهاا فارس ..
قام.. يسمع تركي الاغنيه .. وصايف تطالعه بنظرة تحدي ...؟؟

يعني تحسبين اكبر همي انتي
لا واللذي سواك غيرك زيون
ماني قليل شر يمكن في صمتي
ومن يخطي بوحده اردها بمليون

تركي.. ابتسم .. وطرش لها بوسه بالهواا .............؟؟
وصايف.. انصفق وجهها .. شنو هالجراءه ...........؟؟؟
تركي.. تعمد . يسوي هالحركه .. عشان يحرجهاا نفس ماحرجته قدام اخوانه ..؟؟

بعد فقرة هالاغاني ...؟؟
نزلوا على البحر .. وفرشوا لهم فرشه وجلست وصايف مع نايف يسولفون اما فارس
راح يطلب لهم اكل من الكشك اللي قدامهم ....؟؟؟
وفجأه ويجلس تركي معاهم ..؟

تركي.. هايوو شباب .. ويخز وصايف ويبتسم ..
وصايف.. انخثت من تصرفات تركي .. وغصبن عنهاا ابتسمت ..؟
تركي.. نايف رح زيد الطلب .
نايف.. دق على فارس ..
تركي .. صرف نفسك ..
نايف.. ويطالع وصايف .. اها مو تقول كذا من اول ..؟
وصايف.. بروح معاك نايف ..
تركي.. ليش خليكي قاعدين ... قامت وصايف ولا ردت عليه .. مسكهاا تركي من ايدهاا ..؟
تركي.. خليناا حلوين ازين ..
نايف.. قلنا راض البنت مو تطقهاا ..
تركي.. صرف نفسك .
وراح نايف عند فارس اخووه .....؟؟
تركي. اجلسي وصايف بكلمك ..
وصايف.. وش تبي بعد تجرحني كمان ...؟
تركي.. وصايف انا اسف وطلعت هالكلمه مني غصب عني وربي اني انغثيت من فارس
وانتي جيتي كملتي علي وبروحي قايم من النوم وضايق صدري ولا كان خاطرري ازعلك؟؟
وصايف.. وش المطلوب ..؟؟.
تركي.. ترضين ونرجع عيال عم احس البيت كله قالب علي فا ابيك ترضين بس
وصايف.. كلامك جارح ياتركي ولا ينسى بكل هالبساطه وصلت انك تطعني بشرفي
يا تركي ماهقيتها منك بس انت قلت اني بنت يتيمه مالي سند مالي احد فعادي اقول
اللي اقوله ولا راح تسوي شي لاني بنت ضعيفه بس ياتركي لعلمك ابوي ماجاب ولد
جاب جاب رجال وسماهم وصايف .. وقامت راحت لفارس ونايف بالكشك ..

تركي على طول اخذ التلفون اتصل على ماجد ..
ماجد.. هلا وغلا ..
تركي.. لا هلا ولا شي كله منك نزلت نفسي لها وشاخت علي تحسبني أللحين صج ابي أرضاها
مالت عليك انت وياهاا بنت الاجنبيه ...؟؟
ماجد.. هدي شفيك طبقت كل اللي قلته لك ...
تركي.. طبقته بس اللي عندي مش بنت وربي رجال وش ذا مافي انوثه احساس شي..
ماجد.. طبق الخطه الثانيه الورد ..
تركي.. تخسي اشتري لها ورد حرام هالريال فيهاا ..؟؟
ماجد.. اجل مع الايام ترضون ..
تركي.. اقلب وجهك لابي ارضاها ولا شي .. ويسكر الخط بوجه ماجد .. لان تركي
اول مره بنت تحقره وهو عمره مانزل نفسه لمره وبالخير ينزل نفسه لعدوته انقهر من
جد .....؟؟؟

ياترى بعد الموقف اللي سوته وصايف لتركي بيكون لصالحها ولا ضدهاا ..
وهل بيهدى الوضع بالبيت .. ولا بيتكهرب مره ثانيه ...؟؟
وش راح يصير بالمستقبل لوصايف .......؟؟