منتديات قصايد ليل - عرض مشاركة واحدة

01-16-2011

الجزء الثامن ..

هدى.. ألوو
وصايف.. بكي .. تهي تهي تهي ...؟؟
هدى.. الو الو منو معاي الو .
وصايف.. انا انا ..
هدى.. وصايف شفيج تبكين ..
وصايف.. الحقير الكلب .. وبدت تبكي مره ثانيه ...؟؟
هدى.. هدي يابنت منو الحقير تقصدين عمك ..
وصايف.. لا
هدى.. اجل منو..
وصايف.. وبدت تبكي مره ثانيه ...
هدى.. تبيني اجيك ياقلبي ..
وصايف.. ايه
هدى.. خلاص اكلم ابوي واجيك ..
وصايف.. انطركم ..
وراحت وصايف تنطر هدى وعمهاا محمد ياخذونهاا ..

اما هدى فراحت تكلم ابوهاا ....
هدى.. يبا وصايف اتصلت وقاعدع تبكي ..
ابو احمد . افا ليش
هدى.. وتبينا نجيهاا ..
ابو احمد .. يابنت عيب البنت عند عمهاا ..
هدى.. بس كانت تقول الحيوان الحقير يمكن مسوين فيها شي .
ابو احمد .. خلاص اجل نروح لها ..؟؟

وراحوا العايله الكريمه متجهه من فندقهم الى قصر عم وصايف ..
اتصلت هدى على وصايف وخبرتها انهم تحت.. نزلت وصايف مستعجله ..؟؟
وماشافت احد بطريقها ..
وركبت السياره واللتفت ولا تشوف تركي راكن سيارته بعيد شوي عن البيت ...
وكان يدخن زقاير وهو حده معصب ....؟؟؟

هدى.. شفيك خرعتينا يا وصايف ..
وصايف.. وتطيح بحظن شهد .. وتبكي ...؟
ابو احمد .. احد متحرش فيك احد قايل لك شي ....؟؟؟
وصايف.. ايه ..
انصفق وجيه البنات وابو احمد لان تفكيرهم راح لبعيد .. وقرر ابو احمد انه
خلاص وصايف ترجع الكويت معاه ...؟؟

راح ابو احمد للشقه وخلا وصايف مع البنات تكلمهم عشان تاخذ راحتها اكثر وبعدين
البنات يخبرونه ............؟؟؟؟

هدى . وصايف تكلمي ترى الدم نشف بعرقي ..؟؟
وصايف.. الحقير جعل ربي لا يوفقه يتهمني بشرفي الكلب يقول بتصيرين مثل
امك بتدخلين رجال غريب علينا .. وبدت تبكي من جديد .. وقالت السالفه لهم بالتفصيل
الممل من اول يوم ادخلت عليهم كيف كان يعاملهاا تركي ....؟؟

شهد.. انسان واطي ..
دلال.. والله كلن يرى الناس بعين طبعه وصايف اشرف من اللي جابوه ..
هدى.. بس ياقلبي لا تبكين الامر بسيط ..
وصايف.. كيف بسيط وهو يطعن بشرفي ويعايرني بأمي ويقول انا جايه
انهب فلوسهم ....؟؟
دلال.. انزين عمك درى اللحين .
وصايف.. مدري .. بس انا مالي قعده هنا برجع الكويت ..
شهد.. والله ان ماشالك بيتنا تشيلك عيونا ..
وصايف.. انا خايفه من عمي ..
هدى.. انتي مو قلتي عمك طيب ويتفهم واذا عيا عمك لا تروحين معانا روحي لعمك عبدالله
ابو سلطان ...
وصايف.. مكان فيه تركي ماقعد فيه تفهموون ..؟
هدى.. هدي ولا يصير خاطرك طيب ...
وصايف.. انتي شايفتني ورع بكلمتين تساحليني انا خلاص من مات ابوي العالم
مستحقرتني .. يارب يارب اللحق ابوي يارب .. وبدت تبكي ..
شهد.. تعوذي من بليس انتي اختنا يا وصايف ولا نرضى عليك السوء
هدى.. دلال روحي قولي لبوي السالفه تلاقينه ياعمري على اعصابه ..
دلال.. انشالله ....؟؟

وراحت دلال قالت لبوها السالفه من طق طق لي السلام عليكم ..
ابو احمد .. ماهقيتها منك ياتركي افا والله ..
دلال. البنت تعبانه حالتها النفسيه ..
ابو احمد .. لا مايصير خاطرها الا طيب اذا بترجع معانا معززه مكرمه ..؟
دلال.. كفوا يبه كفوا ..

الظهر موعد رجعت ابو فارس وهو ماكان يدري عن الساالفه ..؟؟
ابو فارس.. وصايف وصايف ..
رحيمه . وصايف ماكوو ..
ابو فارس.. وين هي فيه ..
رحيمه.. مدري بس فارس وتركي سوي جنجان ويطقي ....وصايف يطلع من البيت ..
ابو فارس.. شنوو ....؟؟
ويتصل .. ابو فارس على فارس ماكو رد .. وعلى تركي الجهاز مغلق ...؟؟؟
ابو فارس وحده قلق وتعب .. ابو فارس رحيمه جيبي لي ماي ..
وراحت تركض رحيمه تجيب له ماي ... وفجأه ولا يشوف فارس توه داخل البيت ..
ابو فارس.. علامكم وين وصايف وفهمني شصار ..
فارس.. ليه وين هي وصايف ..؟
ابو فارس.. تقول رحيمه طلعت من البيت ..
فارس.. وشوو ..
ابو فارس .. وش السالفه ..
وقال فارس كل السالفه لبوه ... وعصب ابو فارس من تركي حيل وانخث منه حيل ..
ابو فارس.. هو وينه فيه اللحين ..؟؟
فارس. مدري ..

تركي مع واحد من اخوياه يتمشون وهو حده معصب وحتى السواقه ماقدر يسوق..
ماجد .. تركي شفيك ..
تركي.. ولا شي ..
ماجد... علينا هالحركات قول مو بعوايدك تخش عني شي ..
تركي.. بنت عمي ..
ماجد.. اللي ماتدري منين طلعتلكم شفيهاا ؟؟
تركي.. تهاوشت معاهاا اليوم وطقني فارس بسبتهاا .
ماجد. اووف السالفه قويه يبيلهاا كفي بوكس ..

وراح تركي وماجد على كفي .. وبدا تركي يقول السالفه لتركي ..
ماجد.. انت غلطان . وتصدق انا مع بنت عمك ذي .
تركي.. بس
ماجد.. بس شنو انت قلت كل هالكلام بلحظه غضب يوم زفتك..
تركي. تخسي تزفني ..
ماجد.. تركي قولي انت تحس بتجاه وصايف شي .
تركي.. شقصدك.
ماجد.. ماني قايل حب لانه بكير عليه وهي مالها الا 3 ايام عندكم بقول تميل
لها ..
تركي.. عادي ..
ماجد.. بس ماتكرهها ..
تركي.. اكرها ..
ماجد.. انت غرت يوم انها مدحت فارس وكان ودك كل المديح لك ..
تركي.. لا ..
ماجد.. إلا ..تركي وانا اعرفك خبز ايدي ..
تركي.. مو عن شي وصايف ماني بالعها من اول مادخلت بيتنا
ماجد.. اسمها وصايف .. عاد اسم على مسمى صج ..
تركي.. مدري بس شكله كذا .. وبعدين لا تقول احبها تعرف طبعي ماعندي حب ولا خرابيط
ماجد.. بس هذي مو أي وحده هذي بنت عمك وثانيا يتيمه خاف ربك فيهاا ولا تقعد كل شوي تعايرها بأمها هي مالها ذنب
تركي.. انا كل هالكلام بلحظه غضب قلته ...
ماجد.. المهم رح تـأسف منهاا ..
تركي .. انا اتأسف اما عااد اتأسف ..
ماجد.. انت حر لا تنسى ابوك بالبيت واكيد معصب ..
تركي.. يؤؤ ذكرتني ببوي ...
ماجد.. يالله قوم المدام بالشتني مسجات تبي تغدى..
تركي.. لا لحين ماعقلتوا انتو ...؟؟
ماجد.. قريب انشالله..
تركي.. هههههههههههههه يالله خلني اوصلك البيت بطريقي..
ماجد.. يالله سميناا ...؟؟

وراح تركي هو وماجد يقط ماجد لبيته وعقب يروح للبيت ...؟؟
راح تركي للبيتهم .. صفط سيارته بالكراج .. وقام يمشي بالحديقه ..؟؟
دخل البيت وشاف البيت منعفس ..

تركي.. السلام عليكم ..
ابو فارس.. مابغيت تجي شايف نتايج عمايلك البنت نحاشت من البيت ..؟؟
فارس.. وربي لو صار لوصايف أي شي ماتلوم الا نفسك ..؟؟
تركي.. اللي انصفق وجهه وقام تبلعم بس بعدين رجع طبيعي ..
قال.. أقلب البنت على فمها تطلع البنت لمهاا ..
ابو فارس.. بصوت يهز البيت .. تركـــــــــــــــــــــــــــــــــــــــــــــي
تركي.. ولف على ابوه .. عيون تركي ..
ابو فارس.. اللي يغلط على وصايف كنه يغلط علي..
تركي.. ماعلينا يبا رح دور وين هي فيه..... يا فارس لا تضيع منك حبيبة القلب ..
فارس.. وهو منبطه كبده من اخوه واسلوبه .. وقال .. الا صدق يبا وصايف
ماتعرف احد هنا وين ممكن تروح ..
ابو فارس .. دقيت على عمانك ولا احد رد
فارس.. وليش مادقيت على ابو احمد هو مشى من سعوديه
..ابو فارس.. انت صادق خلني اتصل فيه ...

وراح ابو فارس يتصل بي ابو احمد .....؟؟

ياترى هل راح ترجع المياه لمجاريهاا ...؟
وألا راح تروح وصايف للكويت مع ابو احمد وتغير القصه 180 درجه ..