منتديات قصايد ليل - عرض مشاركة واحدة

01-16-2011

الجزء السابع ..

وكان المكان شبه
مظلم وماكانت وصايف تميز حيل منو اللي وراهاا ... قامت تلف راسها ببطئ وتدعي
بقلبهاا .. يارب يارب ...
واول مالتفتت ... شهقت ..

وصايف .. يماا يمااا
نايف .. سمله عليك شفيك تروعتي ..
وصايف.. نايفوه خرعتني وجع ..
نايف.. ههههههههههههههههههههه ليه وحش.
وصايف.. شجابك ليش مانمت عند سلطان ..
نايف.. سلطان جاء معي .. شكنتي تسوين هني ..
وصايف.. اتمشى بالحديقه ..؟؟
نايف.. ايه يالله ادخلي داخل الدنيا برد ..
وصايف.. أي برد بعدين انت شتبي بتمشى بالحديقه ودي اشوفهاا ..
نايف.. اجل اتمشى معك انادي سلطان بس..
وصايف.. يالله عشان نلعب بعد بالديارف بروح احجز قبلك .. وراحت وصايف تركض
للديارف وتحجز لها ديرفه ...؟؟؟

نرجع لمشهد قبل ماتشوف وصايف نايف ....؟؟؟؟

دخل تركي من الباب الرئيسي وقاعد يتمشى ويدندن بأغنية الاماكن ... ويلعب بمفاتيح
السياره..؟؟
سمع صوت ضحك بنت رجع شوي لورى وقام يطل بالحديقه . الا بنت تدور وتلعب
بشعرها اللي كان طويل حيل وناعم وسواده كنه سواد الليل .. قام يطالع تركي
وهو مبطل فمه على الاخر ومو مستوعب اللي قدامه بس كان يحاول يشوف
وجه وصايف مو قادر بسبت الظلام وشعرها اللي كان يغطي وجهها ...؟؟
وفجأه بغى يطيح مفتاح السياره من ايده ولحق عليه ومسكى ... هالحركه
حست فيها وصايف وقامت تتلفت .. اما تركي فنخش بين الشجر وعلى
حظه نايف جاء وحل معاها الموضوع .. كان يشوفهم يتكلموون ومايدري
شنو يدور بينهم .. وفجأه وشاف وصايف تركض من غير نعول ولا ملفع
يغطيها وتركب الديارف وتلعب ... هنا تركي ضحك على وصايف لان
شاف فيها طفوله لالحين .. ؟؟
مشى تركي وهو متخبي عشان وصايف ماتشوفه ودخل البيت وصايف
لالحين ماشافته .. اول مادخل البيت ولا يصادف فارس بوجهه توه طالع من المطبخ
ومعاه كيك .. وقاعد ياكل ..
فارس.. بسم الله شفيك فحمان تقول كلب لاحقك ..؟؟
تركي.. ولا شي بس وصايف برى تلعب بالديارف ..
فارس.. هههههه ياحليلهاا .. انا بروح انام بدك شي منى ..
تركي.. لا سلامتك ...؟؟ الا متى جيت..
فارس.. توني جاي المهم مع السلامه بروح اذلف ..
تركي.. مع الذلوف ....؟؟

وراح فارس ينام .......... الا تركي جااه فضول انه يشوف وصايف ....؟؟
وراح على طول لغرفته وفتح البلكونته اللي كانت تطل على الحديقه ..
وجلس يطالع نايف وصايف وسلطان اللي يلعبون وكان يحاول يميز وصايف ماهو
قادر ...؟؟؟
وقام يضحك على نايف وسلطان يوم يطيحون وصايف من الديرفه ...؟؟

وصايف.. لا لا لا نايف يا كلب وربي ماخليك ..

وراحت تركض وراه هو وسلطان تبي تطقهم ... والعيال ذبوحوها ضحك ودز وطنازه
وصايف.. وتسوي نفسها زعلانه .. خلاص بمشي ..

وتروح تمشي من جنب المسبح ويركض نايف يبي يراضيهاا .. واول ماوصل جنبهاا
راحت ودزته على المسبح وهي تضحك .. هههههههههههههههههههههههههاي
اما تركي .. فمات من الضحك عليها وعلى خبثهاا ... وكان وده لو ينزل يلعب معاهم تحت ...

وصايف.. شباب انا جوعانه شرايكم نطبخ لنا شي ...؟؟
نايف. أي والله ولا شرايكم نطلب مطعم ..
سلطان. لالا نبي نذوق طبخ وصايف ..
وصايف.. ازهلهاا وانا وصايف .. والله لاتذوق من تحت اديني بيض شكشوكه وشاي
منعنع ولا في الاحلام ....؟؟
نايف... الله سهرة صعايده هذي مب اكل بس يالله الشكو لله ..
وصايف..ههههههههههههههه ولا شرايكم شاي عراقي ...؟
سلطان.. لالالالالالالالالالالالالالالا يعقد المزاج مانبي ..

وراحت وصايف والشباب يطبخون لهم شكشوكه كان اللي يقص البصل نايف..
واللي يقص الطماط سلطان .. وجلست وصايف طول اليل تدور على بيض لين
حصلته ...
وصايف.. لقيت البيض ..
نايف... واااو بروح اقحص واجي .. غطططط اوووووو دف .. ويرجع يكمل بصل ..
سلطان.. وصايف من اليوم احاول اقصها مربعات تطلع معينات شلون بالله ..
وصايف.. عاادي المهم طماط صغير ..

وبدوا يشتغلون بالشكشوكه وخلصوها وسووا الشاي واخذوا الاكل ودوه ياكلونه
بالمجلس اللي فوق .. كان عباره عن جلسه أرضيه .شعبيه ..

نايف... الله الله خوش بصل يهبل لولا البصل كان تلاقينه الاكل مر ويجيب المرض...
وصايف.. احمد ربك .
سلطان.. ولا الطماط عجيب تقطيع فني نجمات ومعينات ودوائر اشكال هندسيه .
الكل.. هههههههههههههههههههههههههههههههههه

وجلسوا ياكلون ويسولفون لين شبعوا .................؟؟
نايف.. تركي توه جايب شريط فلم اجيبه لكم ..
وصايف.. يالله خلنا نتسلى ....
نايف.. ابشروا ..

وراح نايف لتركي يطلب منه فلم ...؟

نايف.. تركي لو تكرمت نبي منك فلم ...,,
تركي.. انت ومنو بتشوفه ...؟؟
نايف.. انا وسلطان ...؟
تركي.. وبعد ؟
نايف.. وصايف ..؟؟
تركي.. عشان وصايف معاكم ماني معطيكم الفلم ..
نايف.. لالا خلاص نطردها ..
تركي.. أي ابيك تطردهاا ..
نايف .. افا عليك ..
تركي.. اخذ فلم رعب تل الصمت عجيب يعجبك ..؟؟
نايف.. وااااااااااااو رعب اوكي باايوو خيوو ....؟
تركي .. مثل ماوصيتك خل وصايف ترقد فلم مايصلح لوراعين ..؟
نايف.. انزين

وراح نايف عند وصايف وسلطان اللي سلطان قاعد يقول لها نكت وهي ميته من الضحك ..

وصايف.. خلاص وربي مقدر احس بطني بينفجر من الضحك ...؟؟
نايف.. جبت لكم فلم رعب وصايف برى فلم مايصلح للبنات ..
وصايف.. ياسلام مالي شغل اشوفه معاكم اشوفه ماني بجالسه لحالي بالغرفه ..
نايف. تركي يقول وصايف لا تشوفه ....؟
وصايف... عشان تركي قال كذا غصبن عنه بشوف ....؟؟؟؟
نايف.. كيفك ..

وجلسوا الشباب يشوفون الفلم الفلم كان مرعب حيل بالنسبه لوصايف اللي عمرها
ماشافت فلم رعب ولا تحب تشوفها بس عناد بتركي اللي معلن التحدي عليها من
اول ماشافها ....؟؟؟
وصايف.. وتغمض عيونها بدينها .. خلاص طفوه ..
نايف. مو قلت لك ..
وصايف.. أللحين كيف انام ..
سلطان.. نامي معانا ..
وصايف.. لالا مابي بس بخلي الباب مفتوح لا سمعتوا صراخي تعالوا انقذوني ...؟؟
نايف.. ابشري تلاقيني برى الديره ..؟؟
وصايف.. مالت ماني مكملته بروح انام ...؟؟

وراحت وصايف تنام لانه جد خافت من الفلم وفتحت كل اللمبات لانها خافت مره ....؟؟
وعقبها تركي راح للمجلس يشوف سصار على الشباب ..؟؟

تركي.. احم احم ..
نايف.. تعال مافيه احد ..
ويدخل تركي .. وين المدام ..
نايف. خافت وراحت نامت ...
تركي.. ههههههههههههههههههههههههههههههههههههههههههاي خافت ..
وجلس تركي والعيال لين صلاة الفجر وعقبها راحوا ناموا ..

في اليوم الثاني ..؟؟؟
الصبح .. رحيمه تقوم وصايف ..
رحيمه .. وصايف وصايف سوي انتي قووم يالله بابا يبي تحت ..
وصايف.. زين زين اللحين جايه ..

وتقوم وصايف تلبس وتغسل وجهها وتنزل تحت لعند عمهاا اللي كان ينطرها هو والعيال
على الفطور...؟؟

وصايف.. صباح الخير ..
ابو فارس.. صباح النور وينك قايمه اليوم متأخر ..
وصايف.. كنت سهرانه مع العيال ..
ابو فارس.. عشان كذا ماقدرت انام ..
وصايف.. استحت من عمهاا لانهم امس صج مصخوها بس صراخ وركض ومهابد ..
فارس.. بس انت اللي مانمت حتى انا .. ماتشوف عيوني منفخه ..
وصايف.. عاد مو لهدرجه ..
تركي.. الا واكثر ..
وصايف.. تجاهلت كلام تركي لانها ماتحب تتناقش وياه ....؟؟
نايف.. امس يافارس شفنا لنا فلم عجيب مرعب من كثر رعبه وصايف انحاشت
على اوله ..
وسلطان .. يتطنز على وصايف كيف غطت عيونها ..
الكل .. ههههههههههههههههههههههههههههههههههههههههه
وصايف.. وجع ماخفت بس نعست وقلت برقد ..
نايف.. ايه من درجه نعاسه شغلت كل اللمبات بدل ما تطفيها ..
الكل .. هههههههههههههههههههههههههههههههههههههههههه
وصايف... انت لا لحينك مليغ ..
نايف.. لين بكره ..
وصايف.. الله يعينك على نفسك ..
ابو فارس .. ياا هو بسكم هواش خلونا نتريق ... ولا اقولكم شبعت وقام وراح لشغله ..

بقى على الطاوله .. نايف وتركي وصايف وفارس وسلطان .. وكلبوهم ضد وصايف
كانت وصايف تاكل اللقمه وتغص فيهاا .. لان كلهم يطالعونها ويضحكون ..
وهي تخاف لا قامت يقولون عنها زعوول ...؟؟؟
تركي.. الا جد قلت خافت ههههههههههههههههههههههههههههه..
وصايف.. الحمد لله .. وقامت من الطاوله .. وقالت يقولون اللي يقولونه ..؟؟
فارس.. افا ماعاش من زعل وصايف .. وصايف ولا عليكي منهم اجلسي ..
تركي .. ياولد خلهاا اوفر حليب وقشطه وعسل وكل شي ..
نايف.. أي والله
وصايف.. وتلف على نايف هين يانايفوه اوريك ...؟؟
نايف.. ياويلي من وصايف بتوحد فيني اللحين ...
سلطان.. انا بروح لبيتنا مالي شغل فيك .....؟؟

وجلست وصايف بالصاله المقابله لطاوله الطعام وقامت تقرى مجلة ...؟؟
بعد ماخلصوا الشباب فطورهم ... راحوا عند وصايف وجلسوا عندها .....؟؟

ولا يدق تلفون فارس ..
فارس .. ياهلا بجورج كيفك .
جورج .. منيح انتا كيفك ..
فارس.. والله بخير ..
جورج . طالبني شو عندك ..
فارس.. والله في عندنا بنوته صغيرونه بدنا تسوي لها غرفه ..
جورج .. على امرك كم عمرهاا .
فارس .. يجي 16 سنه ..
جورج.. العمر كله اوكي بكره انا عندكم
فارس. صار

تركي .. وش السالفه
فارس.. بنسوي غرفه لوصايف ..
تركي.. عشتوو ..
وصايف.. مب عاجبتك ومشكور فارس ما ننحرم منك ...؟
فارس.. ولا انحرم منك انا بعد ..
تركي. الله الله فلم عربي صرنا مو ناقص الا تحاضنون ..
فارس.. وانت شعليك وش حارك ..
وصايف .. غيراان ..
تركي.. اغار من منو منك يعني ولا من فارس..
وصايف .. يمكن جايز ..
تركي .. ويقوم معصب .. انا طالع ..
فارس.. شفيك زعلت ..
تركي .. وش يزعلني .. ماعاد الا هالوصايف تزعلني ..
وصايف .. احترت من طريقة اسلوبه .. تركي احترم نفسك ..
تركي.. انتي من أي مصيبه جايتنا حتى بيتي مناشبتني فيه .. قالها بعصبيه ؟؟.؟.

فارس.. تركي بسك عاد عيب عليك وصايف تراها اختي ولا ارضى لحد يسبها ولا يزعلهاا
تركي.. الله مثل دور الاخ الفاضل قدامنا .. ويصفق بيدينه .. هذي جايه هنا تستلطف
ابوي وتستلطف البيت كله هذي عقرب رمل ماتعرفونها هذي مثل امها العرق دساس ...؟
وصايف.. تركي عن الغلط لا انت ولا عشره من اشكالك يغلط علي او على اهلي انت فاهم ..
تركي .. مو ناقص الا باجر تدخل علينا رجال غريب بالهبيت ..
فارس.. تركي .. ويعطي اخوه كف على وجهه ..
تركي.. تضربني عشان حرمه .. ويطلع هو معصب ..
وصايف.. راحت تركض فووق تبكي ..
اما فارس .. فا جلس بالصاله مصدوم من كلام تركي ...
ونايف وسلطان ... راحوا يركضون ورى تركي ....؟؟

ياترى شراح يصير لوصايف بعد هالسالفه هل تجلس بالبيت ولا راح تطلع منه ..
وتركي وش راح يصير فيه وش ممكن يسويه بالمستقبل بوصايف ...؟؟
وفارس .. كل اللي سواه بدافع الحب لوصايف ولا لانه بنت فقيره ماعندها اللي يدافع عنها...