البارة الخامس
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &
هيفاء في جالسه في الصاله اقول تركي شنو رايك نعتمر انا وياك
تركي والله مو شينه ناخذ لنا عمره وش رايك بعد يومين والبنات يجلسون هينا
طبعن تركي طلع عند خوياه فديوانيه وهيفاء قالت لبناتها عن السفره
بعد مرور يومين كانو جاهزين خذة ملاك شناطهم وحطتها في السياره
تركي:ملاك ماوصيك ع خواتك اي شيْ يبونه اجيبينه لهم ونتم بعد تسمعون كلام اختكم
ولاتزعلونها بشيْ تفهمون
ملاك.لاتوصي حريص بابه بس انتم طمنونا عليكم اول ماتاصلون لسعوديه
هيفاء:لازم تسمعون كلام بعض مهمن ايكون مالكم الابعض
رغد:بابي مامي شنو فيكم اول مره تتكلمون كذا
تركي:لا مافينا شيْ بس نبي نطمن عليكم وحنا مارحنا
شهد:تطمنو ونتم تروحون وتردون لنا بسلامه
ودعو بعض وطلعو بسيارتهم والبنات رقو لغرفهم بعد مرور ثلاث ايام كانو البنات جالسين تحت
يطالعون التلفزيون رن تليفون ردة عليه ملاك:الو هلا اخوي اي نعم هاذا بيته شنو لااامو معقول
صرخت وطاحت السماعه من ايدها شهد ورغد جوها ركض ملوكه شنو فيج تحجي شنو الي صاير
ملاك:ماماوبابه ماتو خلاااص تركونااا بروحنا
رغد:صرخت وطاحت عليهم
شهد:قاعده تكلم نفسها ماما وبابا ماتو لااامو معقول انتي تمزحين ويانا صح ملوكه تكفين ملوكه
قولي انج تمزحين ويانا
ملاك:تصرخ شهد قومي روحي يبي السويج بسرعه,,شهد راحت لغرفت ملاك وجابت السويج
شغلت السياره وملاك شالت رغد وخذوها للمستشفلى
دخلوها الغرفه وملاك وشهد يستنون الدكتور يطمنهم
شهد:كيف راح نعيش لامو معقول يتركونا
ملاك:قربت لها وضمتها وهي تبكي خلاااص شهوده لاتبجين اذكري ربج ودعي لهم برحمه,,تقول الكلام
ذا وهي تتقطع من الداخل كيف راح تتحمل المسئوليه وحدهم وكيف بيعيشون وحدهم ماعندهم رجال يعتمدون عليه
طلع الدكتور من الغرمه وتجهو له
ملاك:شنو فيه دكتور طمنا
الدكتور:والله فيها انهيار عصبي وش الي صارلها ونهارة جذي
ملاك:قالت لدكتور كل شيْ
الدكتور يطمنهم على حالت رغد ويبيهم ايكونون اقريبين له اكثر من قبل الانها محتاجتلهم
مرت الايام عليهم وحالتهم ماتسر لاعدو ولاصديق ورغد في المستشفى وحالتها افضل من قبل وملاك ماتدري كيف راح
اتكون حياتهم وكيف يقدرون يعيشون من غير امهم وابوهم وكيف راح اتصيطر على امور البيت قامت من سريرها وتوضت
صلة ودعت ربها انه ايعينها على المسئوليه ويصبرهم ع فرق امهم وابوهم ودعت لهم برحمه
لبست ونزلت تحت كانت شهد متجهزه تستنى ملاك خذتها وطلعو للمستشفى
رغد:طول الوقت جالسه تفكر في اغلى ناسها وكيف القدر خذاهم منها ودموعها على خذها ماوقفت ولالحضه
ملاك:تحاول تتكلم وياها بس بدون فايده ماهي معاها
نادا الدكتور ع ملاك يااخت ملاك رغد ممكن تطلع من المستشفى في اي وقت يعني كل شيْ
في البيت يخص امك وابوك تشيلينه مانبيها ترجع لحالتها
ملاك:انشاللله مشكور دكتر دخلت ع البنات يالله شهوده تعا لي وياي ونشالله شويات ونرد لك
طلعو برى المستشفى متجهين يم محل الاثاث ووعدوها يجيبون لها الاثاث الي اهي اختارته بعد صلاة العشاء
رجعت للبيت وشالت كل مايخص امها وابوها بعدصلاة العشاء جابو لها الاثاث وتركتالعمال في البيت وطلعت
اهي وشهد لسبر ماركت وتوجهو بعدها للمستشفى كانو جايبين لرغد الشوكولاته الي اهي تحبها
دخلو عليها بدة ملاك تنكت عليهم تبي تغير الجو شهد تضحك مجامله ورغد تبتسم للحضات وبعدها ترجع لصمتها وحزنها
بعد اسبوع طلعت من المستشفى ورجعت لبيتهم شافت كل شيْ متغير رقت لطابق الثاني توجهت لغرفة امها وابوها افتحتها
وشافت كل شيْ متغير حاطينها غرفة جلوس
رغد:لفت ع ملاك فين اغراضهم فين حطيتيها
ملاك:شنو رايج بالاثاث الجديد انشالله اعجبك
رغد:انا اسئلج لاتغيرين الموضوع فين الاغراض
شهد:رغوده شنو فيج الله يهداج وبعدين كل الاغراض تصدقنا فيهم
رغد:وليه ماتركتوها لي اذا انتم ماتبونها انا ابيها وجلست تبكي
ملاك:ترفع راسها فوق ماتبي ادموعها تنزل قدام خواتها قربت لرغد وحطت ايدها ع كتف رغد
رغوده انتي ماتبين لماما وبابا حسنه ماتبينهم يدخلون الجنه رغد:الاابي
شهد:اهااا انتي قلتي بنفسك انك تبين لهم صدقه وحنا تصدقنا لهم انسي وتعالي اوريك غرفتنا غيرناها
وطلعت اجنن راحت توريها غرفتها وعجبتها
ملاك:عيل انا بروح انام ورتاح وأنتم نامو وريحو انفسكم
ملاك:في غرفتها وع سريرها ضامه صورة امها وابوها ع صدرها وتبكي ع فراقهم وانها ماتقدر
تتحمل اكثر والمسئوليه اكبر من انها تتحملها جلست تبكي وتدعي ربها انه يصبرها
فجأه رن جوالها خذته وردة عليه
رهف:هلا ملوكه وينك من زمااان ماتردين علي
ملاك:الحقي علي رهف مو قادره اتحمل اكثر
رهف:ملاك وش فيك تكلمي
ملاك:ماما وبابا ماتو وتركونا وحدنا
رهف:ماستوعبت كلام ملاك هدي وقوليلي كيف ماتو
ملاك:وهي تبكي راحو يعتمرون وهم راجعين لنا ماتو على الطريق
رهف:جلست تبكي رهف ع وفاة عمها وصوت ملاك يقطع القلب ملاك لاتبكين هدي الله يرحمهم
يالله قومي وتوضي وصلي ودعي لهم ونا بصك وشويات ودق عليك
&&&&&&&&&&&&&&&&&&&&&&&&&&&&&&&&&&&&&&&&&&77