تروح وماتقول مع السلامه
وتترك قلبي فلوعة غرامه

غيابك.. وش حصل لي في غيابك
على وجهي من الضيقه علامه

حبيبي غاب عني ماذكرني
بدون اسباب دون اسمع كلامه

يجوز ان السبب هو زود حبّي ؟
انا بالظبط مدري وش علامه !

حبيبي ياحبيبي يا حبيبي
انا فقدت طعم الابتسامه

عسى الله يرحم ايام التلاقي
ليا قطيت هذيك اللثامه

وانا احبك وحبي معك صافي
حلال الحب يغني عن حرامه

يموت الحب وتموت الاماني
ويعيش الرجل لا زاد احترامه

حياتي ماتوقف لجل حاجه
يموت الحب وتعيش الكرامه