|
قصيدة الصورة - فهد المساعد
وللاستماع mp3
http://uploaded.m0dy.net/166458/m0dy...1272732468.mp3
ياويل قلبي على اللي شفت صورتها
حوريه تبتسم لي داخل الصوره
ابهامها بين .. جمرتها وجمرتها
من شافها يبصم ان البنت مغروره
وأنا اني لو اتبع بس جرتها
لـ أشوف كل القلوب الخضر منثوره
يالعنبو حيّها .. ياشين دبرتها
وشلون خلت عيال العز مقهوره
ياكم غرير قنص لربوع ديرتها
ثم عوّد يجر ملواحه مع طيوره
شامت عن أهل المظاهر رغم طفرتها
واختارت اللي عسفها بـ أمره وشوره
فهد لعبها صحيح وصاد غيرتها
حتى غدت في يدينه شبه مكسوره
الله من ليلة تشهد لعبرتها
والله من ونة في الصدر مقبوره
من عقب ماهيب مغتره بشهرتها
حنت له الراس منهيّه .. وماموره
وأنا هنيا ماغير أشوف صورتها
وأبطي وأنا أقول .. يخرب بيت هالصوره
|