قصيدة جدايل الورد

جدايل الورد ملت تلبس رمالك
ان كان ما دثروها..صابها سافي،
وان كان ما صوتوا درك ويامالك
اشلون تركض لك الموجه ومجدافي؟
وان كان مالي يدين يحبها شالك
ماظن كل الجدايل تلمس اكتافي..
سكنت جفن الشتا..وتظنه ادفى لك
وتظن كل السهر في جفني الغافي
وقفت عند البكا ..مرك ولا شالك.
الحاجب اللي يشيله دمعك الصافي !
تشيل نبض الشعور البارد لحالك
تمر قلبي ..جفاف ..وتتركة وافي
ويزيد ركض الصراخ ونكثر ف بالك
البعض منًا ..جليد ..وبعضنا دافي
والبعض وده يهيم ويعشق اطلالك
والبعض قلبه رماد وموقده طافي
والليل معنا مسافر يتبع رحالك
يمر كل المشاعر اشعث وحافي ً.
وانكان ماله خيار الا انت وظلالك
يعيش عمر الشعور الميًت وكافي .
خلاص ملت عيونه تفهم احوالك
دفيت ولا المشاعر صابها سافي؟