قصيدة عشقت وتغيرت
بهجر مسافاتي وبختار كونك
اعشق قمر واسكن قمر ما تحيرت
كم لي و أنا احب التعب في جفونك
هنا أحس اني عن الناس سافرت
عطر الدموع يضمني في عيونك
ياليتني داخل عيونك تأخرت
والعطر ما يقدر يذوب و يخونك
تعطري و ليا نظرتك تعطرت
احلى غرام اللي يصاحب جنونك
الناس تسألني و انا أقول غامرت
ادري بهم يا غايتي يحسدونك
من نظرتك عنهم عليت و تفاخرت
اخطي كثير و غلطتي ما تصونك
يا ليتني قبل الخطايا تعذرت
لما أفكر كيف اداعب غصونك
اكيد انا من ذكرياتي تحررت
حبيبتي خلي البشر يسألونك
قولي لهم إني عشقت و تغيرت
|