لاعز ناس ع قلبك

صحيح وقتي من الأحباب يسرقني
عسى الأحبه تقدر سبة غيابي
من كثر ما الوقت مضايقني ومرهقني
لاصار وضعي حزين وحيل خانقني
أحسن لي أغيب وأحبابي هم أحبابي


.......*******.......


على ذيك الدروب اللي توديني لأعز إنسان
أجي من لهفتي مشتاق للضحكه وراعيها
ألا يا صاحب القلب
الرحيم اليانع الهتان
ترى ذيك الضماير
شوفتك بالحيل ترويها


.....*******.....


يا اللي بعيد الدار مسيت بالخير
عساك تسلم في مساء كل ليله
أرسلك أشواقي مع النجم والطير
عيني تمنى شوفتك لو مستحيله
أضحك مع الناس لكن ضحكتي معك غير
الروح تنتشي وتطيب لو كانت عليله ..!


.....******.....


ياما جرحني الغلا جرح (ن) تجدد
وياما بقلبي شلت ناس(ن) نسوني
عاملتهم بالود محدن تودد
عاملتهم بالصدق ما صدقوني
قربت منهم بس كلن تصدد
نصيتهم بالشده بس أخذلوني
كانوا ... حلم في حياتي وتبدد
يوم غمضت عيني
أعاند دمع جرحي ..
مشو ..... وأتركوني ..!!


.....**********.....


تمنيتك على بعدك ...تجي وتجلس معي
ساعه
أبي من وقتك الغالي ... دقايق تسمع
أخباري
عليك الشوق يأخذني ولو طيفك
مخاويني
ولو طالت ليالي غربتي ماغاب لك
طاري


......***^^**^^..***....


ليت لي قلب على فرقاك يقوى
كان ودعتك وعجلت الخطاوي
لكن اللي بالحشا لك شيء أقوى
من رحيل ما وراه إلا البلاوي
يا عزيزي تدري إن العشق بلوى
وإنت روحي يا جروحي والمداوي ..!!


......*******^^******................


أبطى جوابه والرسايل قليله
والشوق يدفعني على كل الأحوال ..!!
صحيح قلب المؤمن أصبح دليله ..
لكن قلبي ماعرف راحة البال ...!!
ياليته يكمل بقايا جميله..
ألو ...
هلا ..
وشلونك ...
وكيف الأحوال ...

......*******......