حبيبي توك ببالي
يعني مريت بخيالي
قبل مااسمع أنفاسك
أشوفك طيف يالغالي
هلا بك صوت يطربني
أحبه حيل يعجبني
يباعدني يقربني
وأحسك كنك قبالي
أحبك موت وأحيابك
وأهيم بهمسة شفاتك
وأحبك موت بسكاتك
تدلل يابعد حالي
إذا تبغى خفوقي جاك
حلالك منك في يمناك
هويتك جعلني أفداك
بدونك صاحبك خالي
فراقك حيل ألمني
تعال إجلس وكلمني
وأبسكت وأنت علمني
عن الأول عن التالي
وش اللي صار بغيابي
لاتخجل زيد بعتابي
مدامك تسكن أهدابي
بقلبي مسكنك عالي
|