!¦[•..آآه من قلب (ن) غدا حبه جنوني..•]¦!
"البــااارت 17 "
و عقب دخلو السيـاره
فطوم ركبت ورا حمدان و ساره ورا محمد و عقب تحركو و جاسم و راهم ,,
ومن دشو فطوم ماسكت حلجها 24 ساعه ترمس
فـطوم : برد اليوم
سـاره : يالله وايد
فطوم : عيل مايبنا الشاال !!!
سـاره : ترا داخل الجيس الشال
فطوم : لا لا شال مال البرد هب ها ..
سـاره : اويه صدقج !!!حمـداااني رد البييت بليز
حمـدان : سيري لاا !!
سـاره : انتو يايبين جاكيتات بليز
فطوم : حمـدان انا امرض بسرعه >> طاعو الجذب .. بليز رد البيت
حمـدان : كنت مابرد بس من رمستي برد من عيونيه والله
فطوم استحت و سكتت
وعقب حمـدان رد البيت بسرعه و نزلت فطوم و فجت الباب وهيه تركض عشان مايهزبونها ,, حصلت الشال مالها ,, و دخلت غرفة ساروه عجلت الدنيا لين ماحصلت الشال و عقب ظهرت بسرعه و دخلت السياره
فطوم : بغيت امووووت وانا ادور عنبوه !!
سـاره : آآ سوري فديتج
حمـدان : صبرو بيب شي ,,
سـاره : لاتتاخر !!
حمـدان طلع و سار غرفة الاسبورت وخذا سيدي الي فيه غنيه آآه من قلب بصوت فطوم و ركب السياره
و ردو ع السوالف و مره وحده فطوم : وااااايه فديت بعض الناااس
حمـدان فج عينه
فطوم : ولهت عليهم بتصلبهم ,,
وعقب اتصلت حق مريوم و عليا دقت ع بيتهم و جان يرد رشود
رشود : أألللوووو
فطوم : وااايه فديتك ,, شحالك حبيبي
رشود : بخيييير اتوم
فطوم : ياعيون اتووم ,, حبيبي وين ماما
رشود : ماماااااااااا ,, اتوووووم
ام مريم ركضت و شلت السماعه : فطامي ,, حي الله البدو والله ,, شحالج غناتيه ؟ شخبارج ؟
فطـوم : يسرج الحـال الغـلا ,, ومن صوبج ؟
ام مريم : والله بخير يسرج الحـااال ولهانين عليج وايد والله
فطوم : والله حتى انا ,, عيل وين البنـات
ام مريم : فوق ,, صبري بحولهم الخط
فطوم : اوكيه
حولت الخط و تمت تزقرهم لين ماردو ع الفون
مريوم : واااااااعنيه افدا هالحس شحالج فديتج ؟
فطوم : يسرج الحال ومن صوبكم ؟
مريوم : والله بخير ولهانين عليج موووت ,,
عليـا : عطيني برمسها و مطت السماعه : فطووم شحااالج ؟
فطوم : و ااااااايه عليوه بخير الحمدالله ومن صوبج ؟
عليـا : بخير والله ,, اسمع حشره عندج ,, وين سايره ؟
فطوم : بسير عند الاهل فالشارجه وعقب بنسير البـر
عليـا : منو هيل ؟
فطوم : يوم برد بخبركم ,,
مريوم : عطينيه ياها عنز .. انزين وين سايره ؟
فطوم : ههههه عند الاهل فالشارجه ,, بقولكم عقب السالفه ,, انا بسكر الحين اوكيه
مريوم : انزين ويا هالويه طمنينا عليج عاد ,,
فطوم : من عيونيه و سلمي ع الاهل ,, فداعة الله
مريوم : مع السلامه
محمد : منو هاي ,, مريوم و عليوه ؟
فطوم : هيييه
سـاره : وايه فديتهم
وعقب دقيقتين سكتو جان فطوم تسولف ويا ساره و ساره مشتطه وياها و حمدان يسولف و محمد يسولف و حشرررره السيـاره فطوم مارامت تستحمل صرخت صرخه
فطوم : ايييييييييييييييييييه انجبو !! عنبو سكرو هالراديو اللي فحلجكم اففف
الكـل سكت لوول
محمد : انتي بعد تسولفين
فطوم : نسولف انزين بس بصوت واطي انتو حشره
حمـدان : آسفين يا الشيخه بنجب ,, اي اوامر ثانيه
فطوم استحت : هممممم شغلو الراديو
و ردو محمد و حمـدان يسولفون بشكل فضيع جنه فـ سوق السمج ,,
فطوم : اييييييييييييه والله انكم هروم ,, اقولكم شغلو الراديو تردون تسولوفن
حمـدان : انزين انتو قلتي جي ,, اول شي قلتي سكرو هالراديو وعقب شغلو الراديو
فطوم : حمـدان حمـدان .. لاتستوي غبي لاتستوي غبي فكر قصدي هااا ,, وجان تي فالنص و تأشر ع الراديو لوول شافت حمـدان
فطوم : قصدي هاا انزين !! فهمت ؟
حمـدان : هييييييييييييييييييه
فطوم شافت شعره طالع من الغتره مطته من القهر
حمـدان : آآخ يعور ,, اصلا انتي مقهوره من شعريه
فطوم : انجب انا شعريه اسود و غليض لين ركبتيه مالت عليك
حمـدان : صدق ؟
فطوم : هيه والله ,, صح حمود ؟
محمد : هيه ماشالله عليج
حمـدان : ماشالله
سـاره : انزين شغلو ها الfm
كانو حاطين غنيه فطوم ماتحبها و كانت ع نهايتها و عقب حطو غنيه دويتو سلطان الشحي و عبيد بن سرحان .. اسمحلي
فطوم : يااااوييييييييييل قلبيه انا والله
سـاره : واااااايه سلطان الشحي ,, فدييييته ياربيه
حمـدان + محمد يشوفون بعض : تعرفهم ؟
محمد : لا ماعرفهم ههههههههه
فطوم وهيه تيبس و شااده حيلها:
اسمحلي اشوف قبل ما تروح
واسمحلي ادواي الجرح و ارتاح
تدري بعادك يقتل الروح
حكم الخريف الخريف و الورق طاح
حمـدان ومحمد يالسين و يبـسون .. حمـدان : يابس يابس عاااااااااااااشو >> قلد عيضه يوم يقول عاشو
فطوم : ههههههههههه ,, شرات عيضه
حمـدان : خخ افا عليج
فطوم : بتخبركم تترايسون بـ الدرجات ؟
حمـدان : احلفي انتي بس !! وانتي شو عرفج ؟
فطوم : والله اعرف جان تبا بعد اشاوح ع العرقوب من عيونيه
محمد : ما اظن انتي بنيه فيج عرج اولاد
سـاره : ههههههههههههه ,, تيحيد حمـدانوه يوم اتفلسف و تنجرب عليه الدراجه
حمـدان نقع من الضحك : هههههههه الصراحه كشخه هاك اليوم تضحكين خخ
سـاره : جب
فطوم : ياويل حاليه متى بنوصل !!
حمـدان : بنوصل ان شاء الله انتي تريي !!
وعقب دقـايق موبايل حمـدان رن و كانت منو (مهــا) حمـدان تغير ويهه من الخاطر
فطوم : ماترد حشرتنا و يا هالموبايل
حمـدان : مالي خص انتي ردي و اهزبي و صكري
فطوم : خيبه منو ها بعد ,, افا عليك ماطلبت ,, جان ترد و تمت ساكته
مهـا : الو حمـدان
فطـوم فجت عينها
مهـا : حبيبي دخيلك رد عليه والله اني ودرت هاكي عشانك
فطـوم : واعليه عليج ,, بعدج حيه ,, ماتستحين ع ويهج انتي !! حمـدان عرس
مهـا : عرس متى !!
فطوم : امس
مهـا : كييييف !!
فطوم : شو بعد كيف انتي غبيه انتي غبيه !! بتخبرج والله ان شفت رقمج ع مووبايله صدقينه لا اخبر الشرطه لاتقولين هاي تقص عليه تراني اروم
مهـا : مالت عليج انتي حرمته !
فطوم : هيييه حرمته عندج مانع
حمـدان : ههههههههههههه
محمد : هههههه من ورانا حمـدان
سـاره : وانا اشوف فطوم فيها كرشه اخافها حامل
فطوم قففففففففطت من الخاطر و شافت ساروه و تقولها براويج : انزين اقولج يلا اجلبي ويهج و ردي حق اللي كنتي وياه فالكوفي باي وصكرته
ردت موبايل حمـدان
فطوم : انتي شو قلتي توه ماسمعت !
حمـدان : صدق فطوم انتي حـامل وااااافديتج
فطوم ضربته ع جتفه : ايييه متى عرست وانا مادري !! اوه صح امس اونها استحت اوه استحي مالكم خص فـ اللي فـ بطنيه
محمد : عيل مابتركبين دراجات
فطوم : لاااااااا انا هب حامل
الكـل ضحك ع فطوم ,, و عقب سولفو ..
تمو يسولفون لين ما وصلو الشارجه من وصلو فطوم تخبلت كان الجو خبـال نزلو الدرايش و فطوم شويه و بتعفد برع
حمـدان : اييه دخلي داخل شو تخبلتي
فطوم : انزين انزين افف ويا هالويه ,,
ويوم وصـلو بيت بو حمـد اللي هوه (راشد) ابو حمـد الله يرحمه ,, و محمد ,, و حصــه ,,
خلوني اعرفكم عليكم
راشد ( بو حمـد ) : ريـال ع نياته طيبه و يحب السوالف وايد ,, يوم يسولف ويا الشباب ماعنده سوالف غير عن البنات >> يخربهم ..
هند ( ام حمد ) : حرمه تموت فالسوالف وخااصه ويالشباب والبنات انتي حق ها و ها حق هاي لوول
وعقب ايي حمـد الله يرحمه ,, و محمد ,, وعقب تي حـصه
حصـه حرمت خـالد : تموت فعيالها و حرمه ع نياتها ,,
عيالها : سلطـان و عبدالله : توأم خريش من الخاطر ,, في جامعة الاتصالات فالشارجه ,,
يشبهون بعض وايد اللي يبا يفرق من بينهم من الصوت لول
كلهم كيـوت و حلوين و شعرهم طويل طبعاً لول ,,
حمـد : عمرها 18 حبووبه ومالها خص فـ حد ,, حليوه عيونها بنيه و شعرها هب طويل وايد و طيبه ,,
آمنه ( ام خالد ) تستوي اخت راشد اللي هوه (بو حمد) هيه عايشه و ياهم من عقب وفات ريلها (بو خالد ) وماتشبع من السوالف لول حليلها
خـالد اللي هوه ريل حصه ,, متقاعد ويالس فـ البيت مجابل عياله ,, ويحب حرمته وايد
و سميه ,, متوفيه يوم كان عمرها 6 سنوات ,, بمرض الخبيث ..
وصلو ع الساعه 3 ونص
فطوم و ساره نزلو من السياره و لبسو عبيهم و الشال اللي كانو بيربطونه عشان يغطي عليهم مالبسوه قالو يوم بيظهر برع .. حمدان و محمد نزلو وعقب بو حمدان و ام حمدان و صلو ,, لانه حمدان كان واصل قبلهم ,,
بو حمـدان : ها فطوم ,, فرحانه ؟
فطوم : هييه هييه وايد ,, بس عميه بسالك ؟
بو حمـدان : هلا فديتج ..
فطوم : هم يعرفون شي عنيه ؟
بو حمـدان اختسف ويهه : هاا لا
فطوم شكلها اتغير : اخافهم يضايجون منيه
بو حمـدان : يوم بيعرفون انه اخت محمد عايشه والله مابيضايجون ,, منزمان وهم يدورج عليج فديتج ,,
فطوم : ........
ام حمـدان : بتصل ع خالد ,, اتصلت عليه و قالها يدشون الميلس ,, فطوم ما دشت دشت السياره تتعدل شويه
دشو الكل داخل الميلس و ام خالد و ام حمد و بو حمد وايد فرحانين انهم يو ,, بو حمدان و ام حمدان سلمو ع الكل و الحين دور الشباب و ساره
بو حمـد : حمداان !! شحالك عنتلاتك ولهت عليك
حمـدان : يديه الله يهديك تونيه شفتك لاتسب حرام عليك عقب سب بعدين
ام حمد : وااايه عنيه افداك ياوليدي شحالك عنيه افدا خشمك
حمـدان : يسرج الحال يدتيه
محمد : فديتج يدتيه شحالج ؟
ام حمـد : هلا والله بالغالي ولد الغالي .. شحالك فديتك ,,
محمد : بخير يسرج الحال
سـاره : فدييت يديه والله ولهت عليك يا الغالي ,,
بو حمد : فديتج والله ,, حتى انا عنيه لاخليت من ويهج ,,
و يوم الكل سلم ع بعض ,, دشو حصه و حمد و التوأم سلمو عليهم و مستانسين و تمو يسولفون و نسو فطوم برع ومره وحده
محمد : وين فطوم !!!
بو حمـدان : وابويه وين سارت !!
محمد قام بسرعه و طلع برع : فطوم فطوم
فطوم : ها يايه يايه
محمد دش
سلطان : منو هاي ؟
ام حمـدان : بنت عمكم حمد
عبود : وين طلعت ؟
بو حمـدان : سالفه طويله عريضه
سلطان ينغز عبود و يصاصره : شو تقول حلوه ولا خسفه ؟
عبود : انجب الله يخسك
فطوم وهيه مستحيه دشت عليهم : السلام عليكم و الرحمه
الكـل : وعليكم السلام
سلطان و عبود حلجهم وصل الاض ما سلمو وعقب دقايق : وعليكم السلام
فطوم استغربت منهم و بغت تضحك ع شكل حمدان كان مقهور ,, و سلمت ع عمتها و خالها وكانو مستانسين من الخطر و عقب سلمت ع بوحمد
فطوم : واااايه يديه فديتك والله عنيه افداك و افدا روحك محلاك شحالك فديتك ؟
محمد : لاتتغزلين فيه بيصدق عمره
بو حمـد لوا ع فطوم بالقو : فديتج اميه بخير من شفت عيونج ,, وينج انتي عنا منزمان تعبنا من كثر ما اندورج
ام حمـد : تعالي تعالي فديتج عنديه و هيه تصيح وتلوا عليها : شحالج فديتج شخبارج عنيه افداج يا اميه وينج عنا منزمان
فطوم : يدتيه الله يهديج ليش اتصيحين حرام عليج بتصيحينيه وياج
بو حمـد : لا لا بتخربين اللي ع ويهج
الكـل نقع من الضحك
فطوم : ههههههه ماعليه بسير اعدله
ام خالد : فديتج فطامي تعالي عنديه .. شحالج الغناتيه ؟
بو حمد : خليها عندنا مالج خص فيها هاي ماليه
محمد : لا هب مامك ولا مالها .. ماليه بس
سـاره بصوت عالي : لا عيونيه مال بعض النااااااااااااس
فطوم وتبا تغايضبهم : انا مال بو حمد ,, واااااااافديت قلبك
ام خالد ام حمد : الله يسامحج
فطوم : فديتكم والله انا مال الكل شو تبون بعد ؟
ام خالد : هههههه فديتج والله ,, يلا امايه و ابويه و عموه خلونا نسير نجهز الاغراض
بو حمـدان : بنسير وياكم وبنخلي الاولاد و البنات بروحهم ,,
ام خالد : خلاص ماعليه ,,
عقب طلعو الكل و تم ,, محمد و حمدان و ساره و فطوم و حمده و التوام بروحم و ساكتين
فطوم ماتحب جي : انزين عاد يارفييييق ليش ساكتين ؟
عبود : كيفنا
فطوم : ساكتين ليش ؟
سلطان : مانعرف
فطوم : عن الحركات ارمسو ماحب جي ,, الحين منو فيكم سلطان و منو فيكم عبود
محمد : اسمعي اللي صوته غليط سلطان و اللي شويه غليط عبود
فطوم : اهاااااه
عبود : جيه قلتلها كنا لعوزناها شويه
فطوم : هههه يا بابا هب عليه انا
حمـده : خلونا نلعب لعبت الاغاني
فطوم : ياويل حاليه انا انا بلعب اول وحده
حمـدان : انا ضدج فطوم
فطوم : صدقنيه بخسر
سـاره : هههههههه واعليه
حمـدان : خشمج ماترومين عليه انا
فطوم : اوكيه ماعليه بنشوف
عبود : انزين حمدان و فطيم بيلعبون اول شي ,, وعقب انا وساروه و هوه يطالعها و الجرام فعينه
سـاره : لا ابويه مابا غشاش انته !
فطوم : يعني الحين انا و حمدانوه
حمـدان : هييييييه
سلطان : تعالو نسوي دويرره
حمـده : بعدنا فالروضه ههههههههه
فطوم قامت و عقت العباه و تمت بـ الشيله و كانت فطوم مجابله حمـدان .. و حمده يابت ورقه و قلم و هيه اللي بتسجل ..
حمـدان : يلا انتي ابدي
فطوم : انا لا الكبـار اول
حمـدان : شو خااايفه هااا
عبود : شكلها جي ,, تعرف انك بتقطها
فطوم : هه هه هه يا بابا انا فطيم بعدك ماعرفتنيه !!
عبود : انزين عيل انتي ابدي
فطوم : تم السـاع ..
خلاص ببعد ودرب الود سديته
واليوم رّوح و قلبي راح بسكاته
روّح وهذا طريقك لي تمنيته
ماعاد باجي لقلبي غير وناته
محمد : ياويله عليج و باسها و بدون ماتدري استحت من الخاطر
فطوم : عن المنكـــــــر الزايد و كفخته ع راسه
حمـده : يلا ولد عميه حرف الهـاء
هود يا اهل البـاب لمبـوب .. يـوم تـم الوعـد جيناكـم
يروا ارشاكم مـن امهـذب .. واسقوا العطشان مـن ماكـم
فطوم : ياويل حاليه عاش ميحد حمــــد ,,
حمـدان : افا عليج
حمـده : يلا فطوم دورج حرف الميم
فـطوم :
مرحبا بطارش نباكم .. عدقولى وارتيكم
دوم واعيوني جداكم .. لا ولاقلبي نسيكم
طحت طيحه في هواكم .. يالغظي والعي عليكم
سعد منا لو جناكم .. او غدى جنه صبيكم
عبود : هههه بلاكم ع ميحد غير ويا هالويوه
حمـدان : ليش ماتخسرين ؟
فطوم : جيه ماتخسر يلا دورك حرف الميم
حمـدان : بـعـــد !! انزين
مشكلتك انك قلب حساس
تشرح وتتغلى و تزعل
مشكلتي مولع بك بلا قياس
وان ما سـألت اشتاق و اسـال
عبود : ها حمدان منو هاي اللي معذبه حالك ؟
حمـدان : ناس
عبود : عطنيه ياهم هيهيهي
حمـدان : مايحتاي ,, يلا فطوم حرف اللام
لول معي زايد غلاكم
افديه بروحي واشتريكم >> يوم كانت تغنيه هنيه كان بو حمد خاطف عدال الميلس سمع صوت حد يغنيه و تم يسمع
احرق وشني من شناكم
ما ارتضي بالشين فيكم
بو حمـد :
وانتوا تجافون صدقاكم
من دون زلات تجيكم
كدرتوا الخاطر تراكم
واعرفت قاصي اوليكم
فطوم قامت و حبت راسه : وايه عنيه افدا هالصوت ,,
بو حمد : فديتج والله ,, يلا شباب قومو تحركو
عبود : خيبه نحنا كلنا فسياره وحده !
بو حمد : هيه
سلطان : والله بتشتكي السياره يوم القيامه مايييسد !!
حمـدان : متهون عليه سيارتيه
بو حمـدان : حمـدان سيارتك تكفي يلا طوفو عن الحركات
بو حمـدان و ام حمـدان و عبدالرحمن و البشكاره و حصه بسيـاره
خالد و بو حمد و ام حمد و ام خالد بـ سياه
حمـدان و محمد و التوأم و البنات بـ سياره > الله يستر لول شكلها مابتمشي السياره
وعقب تحركو و سـارو صوب العـزبه ,,
سيـارة بو حمـدان ,,
حصـه : شخبار الشغل شيخه و محمد ؟
ام حمـدان : والله ماشي الحال ,, ماخذين اجازه الحين
حصـه : هيه ماشالله ,, و كل شي تمـاام
بو حمـدان : الحمــدالله
حصـه : عسى دوم و الله يوفقكم ,, فديتها فطيم ,, ماقلتلولي شو السالفه ؟
ام حمـدان : الله يسلمج حمـدان .... ( خبرتها السالفه كلهــــا ) ( بس شو استوا فالمستشفى قالت بس ما قالت يوم اضاربت ويا حمـدان )
حصـه : واعليه عليها ,, يالله حمدالله ع سلامتها ..
سيـارة خالد ..
بو حمـد : ياحرمه اقولج خليه انا بحط
ام حمـد : انته ماتعرف بتخرب السيـاره ,,
ام خـالد : راشد حطلنا ميحد عن المنكــر !!
خـالد : ايه ايه شوي شوي ع سيارتيه ,, تبغين ميحد حيهم البدو بحطلج بعد شو تبغين ؟
ام خالد : سلامتك
خـالد حط غنيه وين يا الغايب عن اولوفك
بو حمـد : يااااا هلا يابس بابس
خالد : ههههههههه حليلكم
سيـاره حمـدان
الجو الرقييييص الصراحه ,,, متعفسين من الخاطر يتمنون متى يردون مايعرفون حمـدان و سلطان طبعا مرتاحين لانه يالسين جدام
محمد ميلس ورا حمدان و فطوم فحظه ,, وعدالها عبود و عدال عبود حصه و عقب ساره
عبود : الله يعينك حمود بتموت
محمد : لا فديتها ضعيفه
فطوم : اييه يا الحمار شو شايفنيه جدامك درام ديزل وانا مادري ,, فديتني حلوه و ضعيفه شو تبا بعد
سلطان : خسفه واللي مخسفنج الغمازه
عبود : هيه ويا هالصبغ الاسود اللي حاطتنه ع عينج جنه بومه
فطوم : هه هه هه انتو اصلا ماتعرفون الذوق عند فطوم الـ ***** ولا شو رايك حمدان ؟
حمـدان : ماشالله ع ذوقج والله ,,
فطوم : فديتني ذوقي احلى من ذوقكم و يا هالروس ,, انا فطـامي مايهزني الريـح ,, اونكم تبغون تغايضوبي ,, غايضو من اليوم لين باجر ,, تراني اقهر اللي ماينقهر و هيه رافعه خشمها فوق جان تلوي ع محمد ع رقبته
فطوم : احبك فديت روحك
محمد : آآخ قلبيه
سلطان : بلاه قلبك منو معذبنه ؟
محمد : اللي فحظنيه
سلطان : هاي غبيه ماتعرف تقول كلام حلو مالت
فطوم جان اظهر النظاره و تلبسها : هه اصلا انته تتمنى اني اقولك كلام حلو ولفت ويها صوب سـاره ,,
سـاره : فطوم اليوم اباج تركبيني وياج فـ الدراجات
فطوم : هه لا اميه عشان اتمين اتصارخين مافينيه بعد يستويلج شي
عبود : هههههه وايد مصدقه عمرج .. اتسوين عمرج قويه .. ههههه
سلطان : بتسرع و عقب بطيح
فطوم : الله و اكبر عليك ,, والله لا اراويك و تقولون هاي هب بنيه هاي ولد !!
عبود : قدها
فطوم : هييه هييه قدها عيل شو
سلطان : هههه انزين ماعليه .. دراجه منو بتاخذين ؟
فطوم : اقوى وحده ,, عميه بييب زياده
عبود : انزين بنشوف الاستعراضات
حمـده : اليوم فليل بنشوي وناسه
سـاره : صــــدق الله وناسه
حمـده : خخخخخ احيد منزمان عبود حرق اللحم خلا محترق من الخاطر
فطوم : طباخ فاشل
عبود : عـدااال يا الطباخه الناجحه
فطوم : افا عليك .. بخبر الاهل انه اليوم انا بسوي العشى و بمساعدت حمـده و سـاره
سلطان : خلاص بنشوف بس اخاف بطنيه يعورنيه
فطوم : هه بنشوف انزين بخليك تقولي كل يوم سوي اكل
سلطان : هههههههه وايد مصدقه عمرج
فطوم : افا عليك ,, حمدااااااااان ربشنــا .. بس هب Fm ولا اقول حط Fm
حمـدان : من عيونيه ..
فطوم سمعت الحرمه يوم تقول
كلمات : الشاعر حمد بن طوير العامري الحان : الشــــاجي غناء : حربي العامري
فطوم تمت تناقز وتصارخ : واااااااااااااااااايه الشااااااااجي فديييته وفدييييت خشمه ياربيه
عبود : جب يعلج ريل مايشوف صمختينيه
فطوم : حمدان حمدان طوووووول
سـاره : ياويل حالج
فطوم : انجبي خليني اسمع اذا بيغني ولا لا
وعقب دقايق طافت الغنيه و بدا حربي يغني : جييييييييه ويييييينه !!
محمد : قالو الحان الشاجي هب غناء الشاجي
فطوم عصبت من الخاطر وتصارخ : صكر الfm ولا اكسره
حمـدان : لا لا اميه لاتكسرينه ولا شيـات خلاص بحطلج آآآه من قلب
فطوم : يكون احسن بعد ,, فديت هالغنيه ,, ذكريـاات ولا شو رايج ساروه ؟
سـاره : هيه والله من الخااااطر تذكرين يوم اسجل
فطوم قبل لا تكمل ساروه ,, الحين كانت فـ حظن محمد وعبود عدالها .. حطت ركبتها ع ريول عبود و مدت جسمها و حطت ايدها ع حلجها : انجبي الله يخسج
عبود فخاطره : ياويل حاليه انا
سلطان طرش مسج حق عبود : ياحييييك ياخويه ليتنيه بدالك
حمـدان عصب من الخاطر : فطوم اعتدلي شو ها بعد !!
فطوم توها مستوعبه شو استوا : ان شاء الله و ردت فحظن محمد و لوت عليه .. و عبود قرا المسج و رد عليه : ههه طافتك
وعقب شل الشـاجي و فطوم متعذبه و سرحانه و يوم بدت الغنيه تفاجأت سمعت انه هب صوت حربي صوتها هيه !!
سلطان : يخرب بيتها صوتها حلو
عبود : هيه والله
سـاره : حمـداااااااااااااااانوه بند الغنيه !!
فطوم : يا حمـاااار شو ها !!
حمـدان : انا عايبنيه صوتها !!
محمد : هب جنه صوتج ؟
فطوم وهيه قافطه: ها لا لا
سلطان : اييه عن تصدق عمرها ,, هب حلو صوتج لا تحاولين
فطوم : محد طلب رايك
وتمو يقرضون بعض لين ما وصلو العـزبه ,, فطوم متشققه تبا تلعب دراجات .. نزلو كـلهم و نزلو الاغراض من السيـاره ,, و جاسم بيكون عند الشباب و البنات و وليد عند الباجين ,, فطوم تمت ادور وين الدراجات ماحصلتهم .. بس دراجات الباجين حصلتهم
سلطاـان : مالج خص فيه ها ماليه و هاك مال حمـدان و الثاني مال محمد ,, والاخير مال عبود .. يلا يلا مناك
فطوم صخت عنه وسارت صوب بو حمـدان داخل ..
بو حمـدان : هلا بالغلا
فطوم : اهلين ,, وين الدراجات ,, هااك سلطان يتم يقرضني و قالي كل واحد مال منو وقالي يلا يلا منـاك
بو حمـد : ها مسود الويه مابيوز عن حركاته
بو حمـدان : تعالي فديتج انا براويج وين مالج ,, هب انتي طلبتي احسن وحده !
فطوم : هييييييييه
وعقب طلعو برع .. و سـار بو حمـدان زقر جاسم عشان يطلع دراجة فطوم من الحجره .. ويوم طلعها كانت سودا فطوم تخبلت .. كانت مالها احسن وحده وعقب مال حمـدان .. شرات مال حمـدان بس مالها احسن
فطوم : فديييييييت عمييييه وفدييييت خشمه انا .. لوت عليه من الخاااطر و عقب هدته قبل لا تهده يودها
بو حمـدان : بس تحملي بعمرج غناتيه عشان خاطريه
فطوم بنظرات حنونه : من عيونيه فديتك
سلطان : عمييه شو ها !! حرام
بو حمـدان : كل خراك عيـل تقولها مناك مناك ترانيه سمعتك
حصـه و سـاره سارو صوب فطوم وهيه تنطنط وفرحانه
حمـدان : ها فطيم وايد فرحانه اشوفج
فطوم : وايييييييه اكيد من الخاطر و هيه تشوف سلطان و عبود مقهورين : وايه الله يحفظنيه بسير عند يداتيه بخليهم يقرون عليه
و دخلت داخل و يا البنات
محمد : الحين عميه تخبل يعطيها احسن شي !! ولا يعطي بنته !!
حمـدان : ساروه تخاف حدها مال اليهال
محمد : حليلها .. خلها وراك و خبلبها
حمـدان : شكلي جيه
سلطان : ها بتترايسون ؟
حمـدان : اكييييد
عبود : خلاص نحنا الـ 4
صوب البنات
فطوم : يدتييييييه شوفيه سلطون و عبود شكلهم مقهورين منيه حد يقرا عليه عن يصيبنيه شي
ام حمد : وايه فديتج تعالي عدالنا انا و آمنه بنقرا عليج
بو حمـدان : هههههههه حليلها
خالد : يالله هييل مابييوزون عن حركاتهم وانتي ساره مابتركبين ؟
سـاره : وايه بركب بس بسوق شويه
حمـده : انا بعد
ام حمـدان : عيل فطوم داشه عرض
فطوم : هيل خوافات ,, انا قويه فديتنيه ..
وعقب يوم خلصو ام حمد و ام خالد قرايه .. سارو يشوفون الغرفه مالهم و ودو شنطهم
فطوم : انا برقد هنيه
حمـده : انا ع الاي*** الثاني
سـاره : عيل خليتونيه فنص هيهيهي احسن
فطوم : وين شنطتيه بسير اتلثم و عدل شدويه
حمـده : نعم شو بتسوين !
فطوم : هههههههه بطلع برع ****بــه
حمـده : مابيخلونج
فطوم : هههههه حبيبي انا اللي فراسيه اسويه
حمـده : الله يعينا عليج و ع افكارج الجهنميه
فطوم طلعت غترة حمـدان وكانت ريحة حمـدان بعدها فيها ,, عدلت الشدو و تعصمت و غطت ويها و عقت العبايه و لفت الشال ع خصرها و ساره بعد
جان يطلعون برع و الاولاد كانو يلعبون شويه بعيد ..
فطوم شافت الدراجه مشغله بغت تموت
فطوم شهقت : منو شغلهااااااااا ؟؟!!
جاسم : هههه انا انا عشان تحر
فطوم : هييييييه تحسبت الغجر اللي هناكي ,, جان تركب ,, يلا يا حلوين منو بيسير وياي صوب الاولاد .. ولا اقول انتو ضعاف تعالو بنسير نحنا الثلاثاء
حمـده : لا نو وي ,, بنركب دراجاتنا و بنلحق
فطوم : اوكيه
فطوم تحركة وهيه مستنااااااسه من الخاطر جان تسير صوب الاولاد وهم مستعربين منو هاي اللي متلثمه جان يعرفون انها فطوم
سلطان : من وين ماخذه هالغتره ؟
فطوم : ياويل عليها هاي سالفتها سالفه .. يلا بتترايسون !
سلطان : والله ان لحقينيه .. بعطيج رصيد 200 اذا فزتي عليه
فطوم : احلف ,, والله العظيم بتشوف .. بس لاتقول دراجتيه احسن ومادري شو
سلطان : اوكيه خلاص
سارو اتجهزو كانت المسافه بعيده البدايه كانت عدال البيت و النهايه صوب الا*** اللي جدام بعيد شويه .. سيره و رده
فطوم كانت متحمسه جان حمـدان ايي صوب اذنا و يصاصرها : الله يحفظج
جان تشوفه بنظـرات حنونه من الخـاطر
عبود : يالله .. 1 .. 2 .. 3
جان ينطلقون ,, سلطان كان غالبنها ,, فطوم زيدت الريس من الخـاااطر و ييين غلبته من الخاطر و يوم وصلو عند الا*** .. لفت لفه صويه زين ما طاحت لوول
وعقب سرعت من الخاطر و سلطان مقهوووور و جان تفوز و هيه عاد هب مصدقه كان الرمل رطب لانه المغرب نزل نفاف صوب البر .. وتمت تشـاااوح و تسوي حركات
حركـااات اولاد هب بنـااااااااات و ساره و حمـده مستانسين و يصفرون و حالتهم حاله .. سلطـان قااافط و محمد و حمـدان يضحكون عليه
محمد وهوه ميت من الضحك : الحين هاي البنيه تغلبك !! ههههه استح ع ويهك ,,
سلطـان : ..........
فطوم نزلت من الدراجه و شلت الغتره اللي صوب ويها بس خلت اللي ع راسهــا : ها يـا ولد عموه ,, شو رايك فينيه !
سلطـان : ولد هب بنيه
فطوم : وااااايه فديتنيه جان تي صوبه .. ولا تزعل انا اللي بعطيك 200 انا مابا عندي وايد وايد وايد
عبود : عيل عطينيه انا 100 وهوه 100
فطـوم : قول حق اخوك جان بيرظا
عبود : هااا سلطون عادي ولا ؟
سلطـان : هههه هيه فديتك
فطوم سارت صوب جاسم و رمسته قالتله خله اييب 200 رصيد وعطته فلوس .. وردت صوب الاولاد
حمـدان : يلا شبـــاب برع ****به ؟
فطوم : اناااااااا بعد !!
محمد : ماشي
فطوم : حمـداااان بليييز قوله بخبـر يديه راشد ترا
محمد : لا كله ولا الشيبه طوفي طوفي .. حمـدان عق كابه و ركب ع دراجته
حمـده فخاطرها : آآآه يا حمـدان ليتك تحس بـ الي احسه سبحان اللي خلقك محلاك ولاتغيرت ربيه يحفظك
فطوم ركتب ع دراجتها و هيه اول وحده طلعت من ****به و عقب قوم حمـدان لحقوها .. فطوم حاولت تشرد من الشباب و تسير مكان بعديد و سوت اللي فراسها وكانت طايره من الفرح وهيه تغني ( ميحد حمد .. الغـلا )
فطوم وهيه تزعج و تغني :
من غلاك و كثر ما احبك .. حتى دربي العين حبيته
اوصلك مشتاق وافرح بك .. فرحة الغايب دخل بيته
فطوم : عاشو يابس بابس و هيه تخمس ع شكل دائره و في ولدين من ****به الثانيه شويه بعدين .. خطفو عدالها و هم يقولون منو هاللي مسويه جي
الولــد 1 : عاااش بو الشبـاااب
الولــد 2 : خطيــر و ربيه
فطوم زاغت جان تركب العرقوب وشافتهم و عرفو انها بنيه و شرده عاد اهيه ,, لحقوها وهيه شويه و بتصيح بسرعه زيدت الريس و طافتهم و هم عاد ماخلوها فحالها وراها وراها و احد ع اليمين و الثاني ع اليســار ,, و عقب جان يلفون عليها ,,
فطوم : خيــر بغيتو شي !!!
الولــد 2 : انتي بويــه ؟
فطوم : حشى عليه ,, جان تروح
الولــد 1 ماخلها : ويا منو يايه ؟
فطوم : يعني ويا منو ,, اهليه
الولــد 1 : منو معطنــج هالدراجه
فطوم : عميه
الولــد 1 : خففي الجحـالج ,, ترا عيونج وسـااع
فطوم قفطت جان تروح عنهم بسرعه .. والشبـاب يالسين يدورونها جان حمـدان يحلصها عصب من الخـاطر
حمـدان وهوه معصب بس ماسك عمره : وين كنتي !!
فطوم : هناكي
حمـدان : حد يـااج ؟
فطوم : همممممم ماعرف
حمـدان : فطوم حد يـاج ؟
فطوم : هيه بس قالولي منو معطنج هالدراجه
حمـدان : اهاه انزين بتخبرج من وين هالغتره
فطوم وهيه تتقرب : مالتك
حمـدان : مالتي !! وين يبتيها
فطوم : قبل يوم رقدت فالفندق نسيت غترتك
حمـدان : هييييييه ,, فطووومه بقولج شي ؟
فطوم : همممم
حمـدان خوز اللي ع ويها : لين الحين زعلانه منيه ؟
فطوم وهيه مبتسمه: لا الغـالي .. شو حصلت وحده تحبها غيـر مهـا ؟
حمـدان يبا يغايضبها : هيه حصلت ..وانتي ؟
فطوم تعرف انه يقهربها : الصراحه دش فخاطريه عبود
حمـدان :اهااه وانا دشت فخاطريه حمدوه
فطوم : زين ماشالله و حركت الدراجه و بسرعه صوب ****به .. و في طريجها جان تشوف عبود و سلطان جداهها بس ماكانو يدرون و كانت ****به قريبه بس نزلت العرقوب وعقب بيوصلون فطوم زيدت الريــس بطريقه جنونيه و نزلت من العرقوب العالي زين ما طاحت و عقب دخلت ****به و بندتها جان الاولاد يوصلون
عبود : عنبو سبحتينا من التراب
فطوم : ههههههه احسن
جاس: فاطمه اندوج الرصيد
فطوم عطت عبود 100 و سلطان 100 و هيه مبتسمه
عبود : يسلمو
سلطان : مشكوره
فطوم : العفو ,,
حمـده : شبعتي ؟
فطوم : هييه وايد
حمـدان : يلا شباب ع المسبح
محمد : ياويل حاليه
فطوم : انااااا بعد
محمد : لا حدج عاد قصورج تسبحين ويا الشباب
فطوم: هيهيهي اسولف وياكم ..
عقب سارو الاولاد يتسبحون و البنات دخلو عند الشواب لوول ,,
ام حمد : فطيييم !! شو هاللي تسويه بعد شفتج وانتي تشاوحين تقولين ولد !
حمـدان : هههههه طالعه ع اخوها
فطوم : هيهيهيهي كشخه يدتيه بركبج شو رايج
ام حمـد : لا حشى عليه عشان اموت
فطوم : نسـاااج الموت
حمـده : امايه نحنا بنشوي
حصه : انتو شو عرفكم !
فطوم : افا عليج عمووه نعرف خلينا ندرب من الحين حق رياييلنا
ام خـالد : بتحرقون الاكل
سـاره : افا عليج يدتيه ماعليج من يعدي المغرب بنشوي
فطوم : هييه انا قلت حق الشبـاب نحنا اليوم بنسوي الاكــل
بو حمـدان : شو بتسوون !!
فطوم : همممم بنسوي سلطه و روب بالخيـااار ويا نعنااع ياويل حاليه انا ,, و هالكباب و العرايس
خالد : ياويل حاليه بنشوف طبيخكم عيل ..
صوب الاولاد
كـاان المسبــح مسكر وااايد كبيـــر و في هذا الدري و ها الشي طويل يوقفون عليه و ينقزون فالماي مادري شو يسمونه ,, في تدرجات يعني عالي و وسط
محمد كان واقف وعطي ظهره حق المسبح جان ايي حمـدان و يمط ريوله و يطيحه
حمـدان + عبود و سلطان : ههههههههههههه
محمد وهوه يطلع : عنتلاتك يا الهررررم زين مامت
حمـدان : خخخخ كشخه
محمد : مابتقص شعرك وايد طول مستوي بويه
حمـدان : كيفي جي احلى
يتــبع ..