البـاارت 15 "
وعقب تمو البنـات يتكشـخن ,, و فطـوم حطت ميك خفيف بس طالعه خبـااال ,, حطت قـلوز وردي شويه ينبـان ,, ابتسمت تبا تشوف عمرها كيف بيكون وياها ويا الغمازه
سـاره : ايه ايه لاتقهريني
فطـامي وهيه تبتسم وتسوي حركات فويها : شو رايج ,, بسوي جي اذا حد شافني ,,
سـاره : ههههههه تعالي نمثـل ,, فطوم وقفت صوب الثاني مجابله سـاره اونهم خطفت عدال سـاره
سـاره مغلضه صوتها : يـاويل حاليه انا ,, عييني بوسه
فطـامي : افا عليك ماطلبت وتبوس سـاره
سـاره : واايه ما اتخيل جي تسوي
فطـامي : عشان يسفروني اهلج هههههه
سـاره : يلا خلصتي ,,
فطـامي : هيه بس خليني اخذ الشدو يمكن يخترب هناكي ,,
نزل حمـدان تحت
بو حمـدان : له له له معرس مستوي ماشالله
حمـدان : افا عليييك !!
ام حمـدان : تحمل بعمرك غناتيه ,, وتعال شو هالهدايا الحلوه ,, مشكور فديتك
حمـدان : الحمدالله انه ذوقي عيبكم
محمد : خطير ماروملك ولد عميه ,,
حمـدان : افا عليييك
محمد : ليتني وياك بس والله تعبـان مادري من شو !
حمـدان : مره ثانيه ان شاء الله ,, وين عيل البنـات !!
بو حمـدان : شحقــه !!
حمـدان : تباهم بييون ويانا !!
ام حمـدان : ولا خبرونا
حمـدان : خلاص خبروني انا ,, هههه ,, انا بسير احر السيـااره
تعدلو البنـات و طلعو عبيهم ,, و شنطهم و نعلتهم ,, و حمـدان كان يتريـا فـ السيـاره ,, نزلت سـاره اول شي
بو حمـدان : ايه ايه ايه انتي !!
سـاره فخاطرها : ياويلي زخوني ,, هلا والله بـ الشيخ آمر فديتك ؟
بو حمـدان : شو محطيه فـ ويهج
محمد : سـاروه !! فطوم عادتج
سـاره سارت لوت ع ابوها و بـاسته : بابا بليييز لاتخرب عليـنا آخر مره بليز
بو حمـدان : ذكرتيني بـ امج يوم تبوسني و خيستني روج
ام حمـدان قرصت ريلها
بو حمـدان : آآخ آآخ ,, سبـاله !!
ام حمـدان وهيه معصبه : حرمتــــك !!
محمد : خالوه سبيتي عمرج
ام حمـدان : جب انت هالثـاني
بو حمـدان : عيل وين فطـامي ؟
سـاره فخاطرها : هع ماتعرف شو مسويه ,, : الحين بتي انا بسير اوكيه
بو حمـدان : هييه تعالي !!! انتي اصلا وين بتسيرين شاورتي حد !!
سـاره فخاطرها : اويه نسيـيييييت ,, ها لا عادي حمـدان ابويه الثاني وتشق الحلج
بو حمـدان : هههه ,, انزين محتـاايه شي ؟
سـاره : لا فديتك مشكور ,, يلا سي يو
سارت برع تتريا فطوم ,, وعقب دقايق نزلت فطوم ,,
فطـامي : بـااااااااااي
محمد : فطووووووووووووم !!
فطـامي فخاطرها ياويلي : هلا عميه بغيت شي ؟
محمد : شو ها !! جنج سايره عرس
بو حمـدان : عاديتي بنتيه !! سيري امسحيه
فطـامي وخاطرها اتصيح وتسير تلوي ع عمها و تقردنه : فديتك خلني بليز خلني ,, انته حمود لاتخرب عليه ويا هالويه ,, بليييز تسوي عمرها تغمض
ام حمـدان : انا ارضـا وتغايضبهم ,, توكلو
بو حمـدان : هههه فديتج حلوه مستويه ,, خايف عليج والله ,,
فطـامي : ماعليه ,,
بو حمـدان : محتـايه شي فديتج ؟
فطـامي : لا غناتي وبساتهم و روحت
فطـامي وهيه ادش السيـاره قبل لا ادش طلعت من شنطتها نظاره زرقا و لبستها جان تدخل : السـلام عليكم وين يلست يلست ورا حمـدان متعمده ,, ,, وحمـدان مايرروم يشوفها عدل ..
حمـدان : ساروه شو محطيه فـ ويهج !!
سـاره : ابويه قالي عادي ,,
حمـدان : زين زين ونعم الابو الصـراحه !! وانتي فطوم
فطـامي : خالوه عطتني ترخيـص
حمـدان : اشوف ؟
فطـامي : هب لازم ,,
سـاره تبا تضحك ع حركـات فطوم و حمـدان : وانته ماشالله جنك سـاير عرس الدهن عود شال الفريج
حمـدان : كيفي ظبيـاني
سـاره : حتى انا و فطوم ويا هالويه .. كيفنا ظبيانيييه
فـطامي وهيه تتروح عباتها : عنبو تعطرت
سـاره : حتى انا !! حمـدان انته السبب ,, اثمنـا فـ رقبتك
حمـدان فيه دوده يبا يشوف فطوم ,, بس مارام ,, وعقب دقايق جان مهـا تتصله
سـاره تشوف فطوم جان تلصق عدالها بصوت واطي : تراها هيه
فطـامي بصوت واطي : انجبي اعرف
حمـدان : هلا والله بـ الشيوخ
مهـا: هلا فديتك ,, انته وين ؟
حمـدان : فـ الدرب ,, شو بتي المول ؟
مهـا : اي مول ؟
حمـدان : الامارات
مهـا : كنت بقولك والله ,, خلاص بكون هنـاكي ,, يوم بتوصل قولي ,,
حمـدان : من عيوني ,, تيك كير
مهـا: من عيوني وانته بعـد ,, يلا فديتك بباي ,,
فطـامي وهيه تكتبت مسج و سـاره تقراه (ماتبا ترمس) ( يوم بيهدنـا بنلحقه اوكيه ؟)
سـاره وهيه تضحك : اوكيه
حمـدان : بلاج تضحكين تخبلتي ؟
سـاره : ياربيه انته شلـــــك !! خلك خلك ويا ربيعك احسن
فطـامي ضحكت ضحكه كيوت و نفس الوكت اضحك : هههههههيييه
حمـدان فخاطره : ههههه وابويه ع الضحكه ..
سـاره : هههه ويا هالويه شو هالضحكه ؟
فطـامي : ضحكت الشـــر هاي ,, هههههههيييه
حمـدان صوت خفيف : الله يستر
فطـامي : سمعتك ,, وبعدين خذت موبايل سـاره و طرشت حق مريوم مسج
( انا فطوم ,, بتخبرج طرشيلي مسجات حب ع رقمج الثـاني ,, و تمي قوليلي حبيبي ومادري شو )
جان تاخذ موبايلها و وتمت اطرش مسجات حق الحــب ..
فطـامي : (حبيبي بزي ؟)
مربوم : ( لا غناتي .. ليش ؟)
فطـامي : (دقيلي عقب 10 دقايق)
فطـامي : Yeeeeeeeeees
سـاره : ههههههههه ,, بتخبرك انته حطلنا شي يربشنا
حمـدان تم يدور غنيه اللي فـ بـاله وحطها وطول ع الصوت
حمـدان : ارتبشـوا شويه انجليزي بعد شو تبغون .. كان حـاط Chris Brown .. Just Fine
فـطامي : يـااويل حـاليييييييييه ,, منزمااان ماسمعتهـااا
سـاره : تعرفينها !!
فطـامي : وهل يخفا القـمر
حمـدان فاج عيونه
فطـامي نست انها ويا حمـدان وتمت تغني وياه ,, عاد هيه خطيره فـ اغاني الانجليزيه ,, جنه اجنبيه يالسه :
فطـامي : Heeyy, uh, ummmm, heey, oh girl, oh girl
حمـدان فاجين عيونهم
فطـامي :
We did everything we could do
To try to make it work (we did, we did)
سـاره :
Baby, you look so confused, cause it feels like, there was no way we could lose (no way, no way)
فطـامي : عاشو
Baby, I just don't know why I can't find the things you need in me (I can't, I can't girl)
حمـدان:
Baby, they know just know what to say, they trying to break us away from one another, but maybe their right for achange
فطـامي فجت عيونا : ياويل حاليه احلى مقطع يـلا ساروه ..
فـطامي تمت اتسوي حركـات وتتحيس من كثـر ماهيه مخترشه وحمـدان يشوفها من الجامه اللي جـدام
فـطامي :
I think, God will give you someone, Much better than me, trust me Your life will be O.K. it will be alright. You'll be just fine (just fine, just fine)
حمـدان : عـاشت فطوم ,,
فطـامي تمت تغني لين ما خلصت الغنيه وهيه خلاص فرحااانه منزمان ماسمعت هالغنيه : ياويل حاليه خبـااااااال غنيه ثانيه حمـدان عندك مال فرقة Pussycat Dolls غنية Buttons
حمـدان : هيه
فطـامي : حطها ,, وعقب دقـايق : يا ويل حااااالييييه ,, عاشو وتمت تغني وياهم Uh huh حافظتنها متى يقولونها
سـاره : ويا هالويه بعدين هب جـدام حمـدان
فطـامي : اقولج ,, انتي ماعرفتي فطوم بعدج !! شفتي فيديو كليب لو سمحت ولد عميـه ,, بغيت شويه غرفة السبورت يوم برد ,,
حمـدان : ليش ؟
فطـامي : انا و سـاره بنسوي سبـوورت بصوت خفيف براويج يوم استخف
حمـدان : انا ابا اشوف !!
فطـامي : هممم خل ربيعك اللي بتشوفه اليوم يراويك
حمـدان فج عيونه ,,
وعقب دقايق الحب اتصلت حق فطوم
احبـك ,, احبهم ,, احبـــــك ,, ليه احبك ,, احب انا ,, احبـك ,, حبك ,, واحبك واحبك واحبك ,, احبـك ,, احبك
فطـامي : مرحبـا ملايـن وفـ ذمتيه مايسدن
مريوم : هلا والله فديتج ,, شحالج حبيبي ؟
فطـامي : يسرج حيـاتي ومن صوبج ؟
مريوم : دامج بخير انا بخير ,, انتي وين غناتيه ؟
فطـامي : سايره المول
مريوم : اي مول ؟
فطـامي : امارات مول
مريوم : انا بعد بسير
فطـامي : والله عيل خلييني اشوفج من بعيد مابا ازعجج
مريوم : خلاص فديتج ,, يوم بتوصلين قوليلي
فطـامي : قبل لا ادخل المول بقولج بعد ,, آمري انتي بس
مريوم : عطيني بووسه
فطـامي : هههه بعدين بعطيـج ,, فداعة الله
سـاره بصوت خفيف : زين تسوين
فطـامي : فدييييتهم ياربيه وفديييت ***هم انا
حمـدان يفوور من داخله و يسال عمره .. دام انا عندي مهـا ليش اهتم وايد !! وعقب دقايق جان يحـط ع FM كانو حاطين (ابشـرك _ هنـد )
حمـدان بصوته العـذااااب :
ابشرك قلبي نساك ابشرك ..
دنيا الهوا كلن على حاله امير ..
خلك مع اللي بالمحبه غيرك ..
وانا لي الله عالم بحالي خبير ..
سـاره وهيه تيود ايد فطوم ,, وعقب نص سـاعه و صلـو دبـي ,, ولين ما يوصلون امارات مول نص ساعه ,,
فطوم دقت حق مريوم بدون ما حمـدان يدري و قالتلها انا بسوي عمري اتصلبج و بقولج انتي وين واذا شفت واحد قابض التيلفون ويضحك بسوي عمري انه ها هوه ,,
تمـو يحوطون وصلـو جي ع السـاعه 6 ونص ,, ماخلو شي ماخذوه ,, حمـدان خلاهم فـ محل و هوه سـار المحـل الثاني يشوف له قمصـان و هم طالعين .. مهـا كانت موجوده بس ماخبرت حمـدان ,,
واحد يا فويها فجأه : بوووووو
فطـامي : واااااايه ردت ع ورا جان اطيح من القفـزه : غربلاتك يا ثووووور عمي ماتشوووف !!
الولــد 1 هههههه عسل والله ,, فديت هالغمـاازه ..
سـاره : بتخبرج ههههه تعالي تعالي انخشي هنيه ,, عاد انتي ماتصدقين و سحبتها
فطـامي : عيل يزااعج فويهي ,, الله ياخذه وتزعج حمـاااااار يعلك طيـحه ماطحتها فحيـاتك كــلب !!
الولــد 2 صوب الثاني :هههه بتخبـرك تحمل عن اطيـح ,,
فطـامي : عنتلاته الكلـــب ,, !! اخس شي يوم حد يخوفني
سـاره : بتخــبرج شوفي المنـكر اللي انا اشوفه !!
فطـامي : وين ؟
سـاره : شوفيه هاي البنيه اللي حاطه الشيله ع راسها و شعرها طالع !! و ميوده ايد واحد
فطـامي : عافان الله !! مالت ع اللوث ,, من حلاتها تعالي نخطف عدالها و اوني بشل النظاره و بشوف الولد ابا اقهرها ,,
سـارو صوب الكوفي و فطوم وساره خطفو من عدالهم و شلت النظاره وشافت الولد
الولد فخاطره : هاي البنيه ولا بـلااش !!! طررر الصراحه و لا اللي عدالها ,, كلهم غاويـات
البنيه : حبيبي ليش تشوفهم !!
الولد : لا غناتي ماشي ,,
عقب سـارو فطوم و سـاره صوب حمـدان شافوه طلع من الحـمل و هيه تتحرطم
فطـامي : يالله قاهرني ها عنـز ,, انا ليش مامطيـت شعره الخـايبس !!!!
حمـدان طلع من المحل و سمع فطوم تتحرطم
حمـدان : بلاكم ؟
سـاره كانت بتنقع من الضحك بس يودت ضحتها : ماشي
فطوم كانت هب شاله النظـاره جان تشلها و حمـدان فاج عيـونه و يشوفها فخاطره : يعلني افدا هالعيـون محلاتهم ,, الله يحفظـج ياربيه
وعقب تمو يتمشـون و الكـل يشوف فطوم و سـاره وخاصه فطـوم وهيه فرحانه بس عشان حمـدان لاحظ هالشي ,, وهم يتمشـون شافت فطوم واحد واقف يرمس فـ الفون ويتها الفرصه ,, اونها كانت تتعبث فـ الموبايل اطرش مسجـات ,, سوت عمرها تتصل بس هيه جذب ماتتصل كان ورا شويه
فطـامي : ايييه انتي وين ؟ هممم ما اشوفج لحظه لحظه محطيه سماعه ,, وايه هيه شفت فديت انا هالويـه انا ,, خاطري اي اسلم عليج ,, بس انا الحين ويا ولد عميه و بنت عميه ,, مره ثانيه بيلس وياج ع الكوفي ,, وايه انا فديتج متكشـخه حقـج ,, اوكيه غناتي تحملي بعمرج ,, فداعة الله
حمـدان من سمع فطوم تقول جي يتلفت يمين يسـار و يدور و حصل واحد يرمس ع الفون وكان حليو شويه اهنيه فج عيونه فخاطره : معقوله هذا اللي ترمسه !!!! لازم اعرف السـااالفه بالضبط ,,
مها كانت جان تتصل حق حمـدان ,
حمـدان : هلا بالشيـوخ
مها : هلا بك زوود ,, غناتيه وين انته ابا اشوفك !
حمـدان : تعال صوب بركنات الطابق الثـاني ,,
مهـا : الحين بي ,, يوم بوصل بتصل ,,
حمـدان : اوكيه الغـالي ,, بباي
مها : باي
حمـدان : بتخبركن انا بسير شويه و برد ,, و عينكم انزين !!
سـاره : اوكيه الغـالي خذ راحتك وشقت الحلـج ,, فطووم تعالي اندش هالمحـل ,,
فطـامي : اوكيه
الحبـايب سوو عمـارهم بيدشون المحـل دشو شويه و عقب لحـقو بسرعه حمـدان ,, لووول شرات الحراميه و يوايجون و الكـل يشوفهم وهم يمشون شوي شوي و يخافون حمـدان يشوفهم ,, كان اشكالهم جنه مسوين جريمه صدق !! و هم يتمشون جان يشوفون الولد اللي زعج فويه فطوم
فطـامي : اكوووه الكـــلب !!
سـاره : هههههههههههه
الولد 1 : اكيـه !!!! فديتها اكيد تسبني الحين
الولد 2 : ههههههههه حليلها
الولد 1 كان يمشي و بغـا يطيح : باسم الله
الولــد 2 : هههههههههههه اكييد دعوتها
فطـامي من بعيد نااقه من الضحك : وااااااايه ونزلت تحت من كثر الضحك ,, بطنيييييييه ,, كان بيطيح ,, يعلك طيحه مره ثانيه
سـاره : يادبه اكوه بيضييع عنها !!
حمـدان كان قريب من البـاركنات ,, جان يتصل حق المهـا
حمـدان : مهووي وين انتي ؟؟ لايكون اللي جدامي صدي
مهـا وهيه تصـد ورا بغـت تموت من شـافت حمـدان : وايه تخبـل !!
حمـدان سكر الخـط و خطف عدالها وقالها الحقيني ,,
صوب فطوم و سـاره
سـاره : اكم !!! بسرعه اكيد بيسير السيـاره
فطـامي : قســـــــم بالله ما اكون انا بنت حمد الـ ***** ان ماسويت فضيحه و راويتها !!
سـاره : شو بتسوين ؟
فطـامي عطتها الشنطه و الاجيـاس : اندوج ,,
واستوت شرات الحراميه ,, حمـدان و مها دشو السيـاره ,, والسيـاره كانت مخفي بالقو وماينبـان شي ,,
سـاره : اييه يا خبله شو بتسوين ,, ياهي فضيجه
حمـدان : فديت هالويه انا والله قمـر
مهـا : حمـدان ماكنت متوقع انك تكون جي ,, ماشالله عليك ,, خبـاال واونها تستحي
حمـدان : وانتي بعد غناتيه ,,
برع السيـاره
فطـامي تمشي و موخيه ,, و لين ماوصلت عند السيـاره و لصقت اذنها ع السيـاره وتمت تسمع كل صغيره و كبيـره و هيه فاجه الحلــج !!
فطـامي : والله لا اراويكم .. فجت البـاب ونشعت مهـا و نزلتها وناصدمت يوم شافتها : اييييييه طاعو منو هاي !! المستخفه !! هب جنيه شافتج ويا واحد فـ الكوفي !
حمـدان بسرعه نزل من السيـاره وهوه معصب نشعهـا بـ القو : اييييه مالج خص فيها ,, وليش لاحقتني ان شاء الله ,, ماتسيرين ترمسين حبيبج
كـــــــــــــــــــت
همممم شو تتوقعون يكون رد مهـا ؟!
وحمـدان شو بيسوي يوم بيعرف انه مهـا كانت ويا الولد فالكوفي
وفطـوم شو بتسوي ويا حمـداااان .. و حمـدان شو بيسوي ويا فطـوم ؟