أنا اعلم وأنت لو تعلم بخافي القلب والأسرار
أنا لك بحــت بسدودي وأعــلن للمــلا ســرِّي
أنا العاشـق أنا المـغرم لأجـلك أكتب الاشعار
أترجــمها بإحساســي يجـول بخافي الصدري
غناتي آه لو تدري عن شــعوري وعن الأفكار
عن اللي دار في بالي عن الدمعات لي تجري
أرى الأيام تتـلاحق أنا اللي في الهـوى صبَّار
على شانك أروِّضـها ظـروفي وابــدي بعــذري
أهوِّن من شقى ايامي واساير حكمةْ الاقدار
أنا اللي في بحـر لوهـام ضـايع يا غـلا عـمري