×××
وكل عام (أترجم إحساسي)من فراقك قصيد
وأقول ياليت القصيد اللي كتبته( تسمعه)
×××
عل وعسى تشتاق لي .. والشوق في قلبك يزيد
لادريت أن الجروح بقلب (مغليك) موجعه..!!
×××
ياكثر من قال (خله) والمحبه ماتفيد
وياكثر ماقلت (أحبه) من يجيه ويقنعه..!؟
×××
تكفون من يقدر عقب ماغاب .. لي يرجعه
×××
أشتاق له كثر أشتياق (الجد) لعناق (الحفيد)
وأتحمله كثر أحتمال (السد) موج ٍ يدفعه
×××
وأحتاج له كثر أحتياج القلب دايم للوريد
وأنفعه مثل العشير اللي عشيره ينفعه
×××
ذاب قلبي في غيابه مثل ماذاب الحديد
يوم ولعني وخلا نار قلبي مولعه
×××
أشهد أنه مارحمني يوم خلاني وحيد
طاوعه قلبه يغيب .. وكيف قلبه طاوعه
×××
ماسمعت .. إلا .. شطر .. ويحـّرك شعور البليد
ضاقت الدنيا بشاعر طيب قلبه ضيعه
×××
آتمنــاه .. وأريـــده (والله يفعل مايريد)
وكان مكتوب الغياب..!؟وش حيلتي..؟ وكيف أمنعه..؟؟
×××
علموه أني (فقدتــه)ياعسى عامه سعيد
وعلموه أن (القصايد) فـــي غيابــه تتبعـــه
×××
كل عام يمرني .. ياللأسف .. مامن جديد
بالحزن (أستقبله) و(أصافحه) و ( أودعه ) ..!
:004: مما راق لي :004: